Jerimaya 26:3 - Kịrịkẹnị Baịbụl

³ Sosi, tomonima ini pokiḅịa se inia siamịẹmịẹye ma ḅụ ḅarasinḅịa. Ini nemikase ḅarasinsin, anịsịkị re àrị ị̀ kuḅie ḍinmaḅịa, à tọn na à ḅo ini kansaraḅịa inia sitịḅị-chụa-mịẹmịẹaye ma gose.”

Jerimaya 26:3 Iomraidhean Croise

1 Amanyanapụ 21:27

Ịlaịja ḅe ori ọkwẹịn so sịkị, Ehab ḅe oria ḅụchụayema kanmẹ, ori àrị sin, se okuru ḅụchụaye nwọ chụamẹ. Ò fịye sịkịmẹ, okuru ḅụchụaye ọ̀ nwọ chụa mọnọmẹ, se kuḅie si na ngịrị ḅụ na nwẹngịma ḅọrọmẹ.

1 Amanyanapụ 21:29

“Ehab ḅe ị̀ tọrọkọ ḅụ ọ̀ ḅụ iderima la-ọkụ ị́ ọrịsa? Ọ̀ nwọ mị ḅara mị mịẹsa sịkị, à ḅarị fa ọkịḅo ọ̀ pịrị ẹkẹ oria ḍumo sịkị ḅụ; yayo ḅe ḍumo sime sịkị ḅụ anị à fa mị ọkịḅo Ehab furo mị pịrịḅịaye-ẹ.”

Jerimaya 26:13

Gbarịmaka ḅaraḅụ ó ḍinma ómine anga àrị ḅaraḅụ na, pịkị ọ́ mịẹarịaye ma ḅụ na, se pịkị gbarịmaka ḅaraḅụ Nyanaḅọ ọ́mịna Tamụnọ Ḅe ḅịpị poki. Ó nemikase ọkọ yemẹ ḅẹḅẹ, ori ò kuḅie ḍinmaḅịa ò ḍuko na ò ḅo ọ́ kansinḅịa nwọḅẹye mị ḅụ.

Jerimaya 26:19

Amanyanaḅọ Hẹzekaya ḅe na Juda tomonima na ini Maịka ḅe se ḅaa ḅie chukẹ. Anịnakaraka, Hẹzekaya ḅe ọ̀ Nyanaḅọ Ḅe osi se ḅụkụrọma oria ḅẹlẹma nyọ nyanamẹ. Se Nyanaḅọ Ḅe anị ḅụ ò kuḅie ḍinmamẹ ọ̀ tọn na ò se ḅo oria ọgọnọ gbanaḅịa ḅẹ ḅụfụka mị kansinmẹ. Mịọkụ wa ḅalafama ḅụfụka deki mịnaḅụ pịrị-ẹtọn-aḅẹ.”

Jerimaya 36:3

Sosi Juda tomonima, à tọn na àrị iniaḅụ yesimaḅịa nwọḅẹye mị naaḅịa sịkị ini inia si-a mịẹmịẹaye ma ḅụ vinpịkịḅịa. Anịsịkị mị àrị inia sitịḅị na inia sima na ḅụ ḅarasin ini pịrịḅịaye-ẹ.”

Jerimaya 36:7

Sosi ini Nyanaḅọ Ḅe tẹkẹḅịa se inia si-a nwẹngị ma ḅie vinpịkịḅịa, anịatịḅị Nyanaḅọ Ḅe, ọ̀ mịna tomonima ẹrẹmasam oria ḅalafama ịganị na owoi-kuḅie na ḅụ.”

Izikịẹl 12:3

“Mịọkụ, tomoniḅọ tọkụ, so mun jịn ama ḅie ịnyasọ ḅịaḅọ ḅara nwọse ye koḅiri, enema gbẹịnka simeogbo; ye nweni mamgba ị́ ọrị na ị́ya ama ị́ nwọ koroma so jịn anga mun aḅẹ. Sosi ini ị́ mịẹarịye mị kaịnḅoḅịa inia tịḅịḅiekụrọmẹ nwọḅẹ sọnị.

Izikịẹl 18:21

“Siyemịẹḅọ ḅe ḅarị siyemịẹka, se ị̀ya olokoma koko, pịkịna karakaraye na iḅiye na nwọ mịẹ ọkụma, iniḅọ fị ẹkẹ; iniḅọ kọkọma ḍumoḅịa.

Hosia 11:9

Ị̀ya ịganị ḅụ à fomuḅara se ị́ pịrị ẹkẹ; À ḅarị Izrẹl mị kankọsịma ẹkẹ. Anịatịḅị Ị̀rị̀ Tamụnọ-ẹ, tomoniḅọkẹ. Ị̀rị̀, Fịafịaḅọ Ḅe, àrị ị́rị́ na omi-ẹ. Àrị ịganị ḅụ ị́ damaḅo ẹkẹ.

Joẹl 2:14

Sosi Nyanaḅọ ọ́mịna Tamụnọ Ḅe ori ò kuḅie ḍinma se ḅakama fịaye ḅụ ọ́ ḅẹlẹmaḅịa. Anịsịkị ómine ineda ịpịamgba na iru na nwọse ḍiepịrịaye agba mịẹ ọ̀ pịrịḅịa.

Jona 4:2

Anịḅụ ọ̀ tẹkẹmẹ, “Nyanaḅọ, tẹrẹmẹ àrị ama wẹrịso, à ḍukoka na mị anị ị́ pa mịẹḅịa ọkụ-ẹ? Mịn anị à gose ị̀ya ịnyọ mgba se mangị so Tashịs mun ye-ẹ! À nemimẹ na ị́rị́ anị ḅẹlẹma na ḍikiḅụgerere na nyana Tamụnọ-ẹ, sịkịmamgba inema nyana, iḅiyemịẹ, pịkị ḅụkarakarama ị́ kuḅie ḍinma, ḅarị fomuḅara pịrịka ḅụ.