Jerimaya 26:2 - Kịrịkẹnị Baịbụl

² Nyanaḅọ Ḅe, ị̀ ḅẹye-ẹ, “Oputẹkẹwarị mị ḅie kiri mị ḅie chịẹ se, à tọn ị́ pịrị na ḍuko nwọ ḅẹ aye mamgba ḍuko wasama Juda amama ḅie wẹrịḅo tẹkẹḅoapụ mamgba pịrị. Gbọrị ye sọ kọmama.

Jerimaya 26:2 Iomraidhean Croise

Jerimaya 1:17

Mịọkụ ị́ ḅụ karakarama, Jerimaya; mun à tọn ị́ pịrịaye mamgba ḍuko ini pịrị. Ini ḍikiḅalafama, anịka àrị ị́ ḅalafamatẹịnḅịaye se ị́ ḍieḅịa, ị́ nemikase inia ḅụ sọmẹ ḅẹḅẹ.

Jerimaya 1:7

Ọkụma Nyanaḅọ Ḅe nwọse ị̀ ḅẹmẹ, “Ḅẹma na ị́rị́ kala tọkụ-ẹ, ọkụma àrị ị́ fịrịma-sẹịn-tomoni ma damamun, se à tọn ị́ pịrịye goyegoye ị́ nwọ ḍuko ini pịrịḅịa.

Jerimaya 19:14

Anịsịkị à Tọfẹt mị wẹrịsomẹ, anị Nyanaḅọ Ḅe ị̀ fịrịma na à mun oria oku mị ḍukofinjima nwọ ḅe nyọ mị. À mun Oputẹkẹwarị mị odo mị ḅie chịẹ se oku mị ḍuko tomoni mamgba pịrịmẹ na

Jerimaya 23:28

Ḍawọ kọn ịkịankoroḅọ ḅe ò ḅereni ọkị na papa ḍawọ mị ọ̀ kọnye-ẹ, ọkụma ị̀ya oku naa ịkịankoroḅọ ḅe, ori ị̀ya oku mị ḍuko wasamaḅịa kuḅie se ḅụgbana ḅaraḅụ. Osirosiroḅa se ịpịamgba mgbọlụma na otoma mị che iḅi mịẹ ḅe?

Jerimaya 25:2

À ḍuko Juda na Jerusalẹm na tomoni mamgba pịrịmẹ,

Jerimaya 28:5

Anị agbamịẹapụma na chịẹsime-a tomonima na tọrụkuḅu Oputẹkẹwarị mị ḅie, àrị Hananaya ḅe ḅẹye-ẹ,

Jerimaya 36:10

Anị nwenimgba pokiarịogbo, Barọk ḅe à ḍuko ọ̀ pịrịaye mamgba gomẹ fangalama ḍiri mị ḅie. Oputẹkẹwarị mị ḅie anị ọ̀ mị mịẹye-ẹ, Gẹmaraya, Shefan ya ḅẹrẹkọn-warị-ḍiri-gịẹịnḅọ ḅe jukuru ḅie ḅụ. Oria jukuru mị ọgọnọju warị mị ḅie omi-ẹ, anị ḅọrọ Oputẹkẹwarị-mị-ḅe-Ịwọ-Ḅọkọ mị sọ nyọ na kpekima.

Jerimaya 42:4

À pẹkẹrẹmẹ, “Iḅimẹ, anịọkụma àrị ó ḅi ḅaraḅụ Nyanaḅọ mịna Tamụnọ Ḅe tẹkẹḅịa, se ò ḍukoye goyegoye à ḍuko ọ́ pịrịḅịa. À se ọ́ ḅọịmaḅịa gbọrịye sọ ofori-ẹ.”

Jerimaya 7:27

“Anịgose, Jerimaya, ị́ ma ọkwẹịn mamgba kọn ị̀ya tomonima pịrịḅịa, ọkụma ini ị́ poki ẹkẹ; ị́ ini chịnḅịa, ọkụma ini ị́ pẹkẹrẹ ẹkẹ.

Izikịẹl 3:10

Tamụnọ Ḅe pịkịna nwọse ị̀ ḅẹmẹ, “Tomoniḅọ tọkụ, à ḍuko ị́ pịrịḅịa ye mamgba se ị́ kuḅie chụa, pịkịna ḅeri tokoloma ị̀ poki.

Izikịẹl 33:7

“Mịọkụ, tomoniḅọ tọkụ, àrị ị́ se nyọ koruḅọ mịẹ Izrẹl sẹ mị pịrị-ẹmun-aḅẹ. À se ị́ pịrị ḅeri jine ọkwẹịn mị, gbarịmaka ḅaraḅụ anị daḅọrọma ini pịrị.

Izikịẹl 40:4

Ọ̀ nwọse ị̀ ḅẹmẹ, “Kweinma ḍiki, tomoniḅọ tọkụ. Ḅeri tokoloma poki, se à se ị́ ḍieye goyegoye ḅụ iḅiọkụma elekima chụa anịatịḅị mịn mị gose ini ị́ se mịanga ḅomẹ. Ị́ ọrịye goyegoye ị́ nwọ ḍuko Izrẹlapụma pịrịḅịa.”

Matio 28:20

ye se ini ḍie, oloko ḅara ḅụ à se ọ́ pịrị aye layelaye ini nwọ koko. Ḍiki à sịkịmamgba ómine na simeḅịa, ọkịmun tomonikiri mị ḅe kuluma sịkị la.”

Luk Iḅi Ḅẹrẹ Mị 19:47

Jizọs Ḅe ene ḅene ḅene ḅụ Tamụnọ Oputẹkẹwarị mị ḅie yeḍiemẹ, agbamịẹ tịḅịnịma na Oloko ḍieapụma na pịkị tomonima ḅe tịḅịnịma na ḅimẹ ini ọ̀ ḅaa.

Jọn Iḅi Ḅẹrẹ Mị 18:20

Jizọs Ḅe pẹkẹrẹmẹ, “À sịkịmamgba amaogbo ọkwẹịn ḅẹḅọ ḅẹḅọ pịrịpịrịmẹ; ị̀ya ḍieye mamgba tẹkẹwarịma na Oputẹkẹwarị ḅie na mị à sime àrị ḍieḍieye-ẹ tomoni mamgba ḅo koḅirima anga. À kikima nyọ ngịsị ḍukosaye ofori-ẹ.

Jọn Iḅi Ḅẹrẹ Mị 8:2

Anịḅe ene ḅa ḅe dede funfun ḅụ ò vinpịkị Oputẹkẹwarị mị ḅie mun mẹ. Tomoni mamgba koḅirima ò kelemamẹ, se ọ̀ kpọnjị sime se sakị ye seni ini ḍiemẹ.

Okunwẹngịapụ 20:20

Ó nemimẹ na ḅarachụa ọ́ pịrịḅịaye ḅụ à se ọ́ ḅọịma gbọrị kalaye sọnị ofori-ẹ, à nwọ amaogbo na pịkị ọ́mịna warịma ḅie Tamụnọ ḅẹrẹ mị ḍukoarị sịkị ḅụ.

Okunwẹngịapụ 20:27

Anịatịḅị Tamụnọ Ḅe tọn koroma se à ḍuko ọ́ pịrịka se ọlọchịẹmaye ofori-ẹ.

Okunwẹngịapụ 5:25

Anịsịkị gbọrị owuḅọ sọ ḅomẹ se nwọ seni ini ḅẹmẹ, “Ó poki! Ó seni ikoli ḅie chu apụma ini Oputẹkẹwarị mị ḅie chịẹsime ye se tomonima ḍieaḅẹ!”

Okunwẹngịapụ 5:42

Se eneḅeneḅene Oputẹkẹwarị mị ḅie na tomoni-a warịma ḅie na kunoka ḅara ḅụ ini Jizọs Mẹsaya Ḅe Iḅi Ḅẹrẹ mị ḍuko se pịkị anị se yeḍie ma ḅọrọmẹ.

Maịnkarama Oloko 12:32

“À tọn se ọ́ pịrịye goyegoye ọ́ nwọ mịẹ, ó yese chụama ọ́ pịkị ye sinma.

Maịnkarama Oloko 12:5

Ọ́mịna sẹma ḅie-a nyọma ḅụ Nyanaḅọ Ḅe ọ̀ gbọrị anga sẹlẹ ọkịḅịa anị ó ḅo ọ̀ tọrụkuḅu ḅụ ọ̀ tẹkẹtẹkẹḅịa anga.

Maịnkarama Oloko 4:2

À tọn ọ́ pịrịye ḅụ ọ́ gbọrịye sọnị se chụama, ọ́ pịkị anịaḅụ ye sinma. Nyanaḅọ ọ́mịna Tamụnọ Ḅe olokoma ọ́ nwọ koko anị à se ọ́ pịrịsa yema.

Jọshụa 8:35

Jọsụwa ḅe bebe Moziz oloko mamgba ò go tomoni kpo mị pịrịmẹ, anị eremeni ma na awọmẹnịma na pịkị inia ḅie anga igoniapụma na.

Ḍieḅelema Yema 22:19

Nemikase mị ḍiri mị ḅie sime ịkịankoro ọkwẹịnma ḅụ ye sin ḅọ omi-ẹ ḅẹḅẹ, Tamụnọ Ḅe ḍumo pịrị chịn mị ḅụ na, pịkị fịafịa opuama mị ḅie na, sime iniḅọ pịrị ḍiekiri mị ḅụ yesinḅịa, anị mị ḍiri mị ḅie ini ḍukoye ma-ẹ.