Jerimaya 24:2 - Kịrịkẹnị Baịbụl

² Tatarị kana ḅie sime-a chịnmgbọlụma anị iḅiaye ma-ẹ, anị ḅọlọka ḅụ ḅịa-arịye ma-ẹ; ísíye ḅie sime ayema anị opuma siaye ma-ẹ, fị gbẹịnkaye ma-ẹ.

Jerimaya 24:2 Iomraidhean Croise

Aịzaya 5:4

Mịẹ anị pịrị gbẹịnye ḅụ à mịẹ anị pịrịkaye omi? Anịọkụma nde anịgose angị tụmgbakị elelenda nwọ pakụmaḅoye, à tọrụseḍiki iḅi tụmgbakị elelenda ma chụaka ḅara ḅụ?

Aịzaya 5:7

Izrẹl mị anị Kụrọmamgba Nyanaḅọ Ḅe oria irumịẹ chịnmgbọlụ ozu mị-ẹ; Judapụma anị ò ḍipi ozu mị-ẹ. Ọ̀ tọrụ se ini ḍikimẹ na ini mịẹgbẹịnye nwọ mị-ẹ; ọkụma anịnakaraka nini re mị ini kọn arịye-ẹ. Ò ḅimẹ ini karakaraye mị mị-ẹ, ọkụma ini si seni mịẹarị apụma karakaraye mị gose owupakụmaḅẹ.

Jerimaya 29:17

Kụrọmamgba Nyanaḅọ Ḅe, nwọ ḅẹmẹ, ‘Àrị ọmụ na ḅuruḅaa na obi na ọkị inia ọgọnọ gbana-ẹḅoaḅẹ. Àrị ini mịẹḅịa ini, opuma ḅụrụ-se-tomoni ineda fịẹka figi kịkẹ.

Hosia 9:10

Nyanaḅọ Ḅe nwọ ḅẹmẹ, “À tatarị Izrẹl ḍọkịpakụma ḅo sịkị anị onwun ele ḅie sẹnịpakarị tụmgbakị elelenda ḍọkịḅo ọkụ simemẹ. À tatarị ọ́mịna ḅieju-aḍapụma ọrị sịkị, ịwọma ḅịasa figi chịnmgbọlụ ọrị ọkụ simemẹ. Ọkụma ini ḅo Piọ Tụndụ mị lasịkị, ini sakị ḅo Beal ḅe tẹkẹmẹ, ini ḅo ị̀ ḅụnwọnwọmamẹ, ini ḅẹlẹma oru ma ị̀ ḅụnwọnwọma ọkụ.

Maịka 7:1

Che-ẹ à fasam! À sime ọkụ anị ejema tịḅị kọn se kaịn-fịḅịa chịnmgbọlụ ọrịka pịkị iru-mịẹ-chịn ma ọgọnọ tụmgbakị elelenda sọ ọrị fịka ḅurupụkọtarịarịḅọ sime ọkụ à nwọ simemẹ. Tụmgbakị elelenda ma na pịkị ḅẹlẹ irumịẹ chịnmgbọlụ mamgba na ini kaịn famasam.

Nehọm 3:12

Ị́ya kụrọ owuni-a kirima, àrị ḅịasa figi chịnmgbọlụ chụasa chịnma na kịkịnaḅịa chịnma jike, se chịnmgbọlụma àrị sokoro kpọkọrọpụma ị́ ḅịpị ḅie sọḅịa!

Kịẹnḅịpị Ma 18:13

Arịmgba sime ọ́ pịrịmẹ. Ọ́mịna furo mị ḅie ḅụmịẹfịafịamaḅọ goyegoye ineda àrị fịḅịa.

Matio 5:13

“Ómine anị tomonikiri mị ḅe fụn-ẹ, fụn mị ḅọrọ nemikase anịa ḅẹlẹ wokuma ọkụma, cheye mịẹse anị pịkị fụn sọ? Anị ḅarị yeḅụsọkẹ, ini anị wokumaḅịa, se tomoni ḅụọ se anị nangaḅịa.