Jerimaya 24:1 - Kịrịkẹnị Baịbụl

¹ Nyanaḅọ Ḅe ini se Oputẹkẹwarị mị tọrọkọ koroma mama figi chịnmgbọlụ kana se ị̀ ḍiemẹ. (Mịn mị paka sịkị anị Babilọn Amanyanaḅọ, Nebukadneza ḅe, Jẹhoịakim tọkụ Jẹhoịakin, Juda Amanyanaḅọ ḅe, ikoli ḅaraḅụ, Jerusalẹm ḅie ori na Juda tịḅịnịma na ḅarafịrịnwẹngịapụ ma na, jokoma fịrịnwẹngịapụma na, ọkị se so Babilọn mun ḅọrọso sịkị mị-ẹ.)

Jerimaya 24:1 Iomraidhean Croise

2 Amanyanapụ 24:10

Ori amada sịkịḅụ anị Amanyanaḅọ Nebukadneza ọmụtịḅịnịḅọ ḅe Babilọn ọmụogbo mị se ḅo Jerusalẹm mị gbẹịnmachịẹye-ẹ.

2 Amanyanapụ Sịkị Mịẹaye Ma 36:10

Kụra mị ḅo ịrụa sịkị lasịkị Nebukadneza ḅe ori ikoliḅọ ḅaraḅụ Jẹhoịakin ḅe se so Babilọn mun mẹ, ọ̀ pịkịna Oputẹkẹwarị ḅie sime ngọ mamgba dekisomẹ. Anịsịkị Nebukadneza ḅe, ò Jẹhoịakin numbireowu sẹnịḅọ Zẹdẹkaya ḅe seni Juda na Jerusalẹm na amanyanaḅọ nwọ mịẹmẹ.

Aịzaya 13:1

Mịn anị Babilọn na gboloma oku-ẹ, Emọs ya Aịzaya ḅe Tamụnọ Ḅe ḅara daḅo oku.

Jerimaya 13:19

Juda ḅụ ịrụasọsọ-nyọ-da amama ini àrị gbẹịnmachịẹsam; ḅọrọmun àrị laḅịa gbọrịḅọ sọ ofori-ẹ. Juda tomoni mamgba ini ini sẹịnsosam.”

Jerimaya 28:4

À pịkị Juda amanyanaḅọ Jẹhoịakin, Jẹhoịakim tọkụ ḅe, ọkị pịkịma ḅoḅịa, Juda tomoni mamgba na anị sẹịnso-mị ḅie Babilọn mun-a tomonima. Iin, Babilọn amanyanaḅọ ḅe kụrọ mị à ḅaaḅịa. Ị̀rị̀, Nyanaḅọ Ḅe, ḍukosam.”

Jerimaya 29:1

À fịrịfịrịma ḍiri gịẹịn agbamịẹapụ na, ịkịankoroapụ na, tomonima na, tịḅịnịma na, jịn apụ na, anị Nebukadneza ḅe Jerusalẹm ḅie, ikoli ḅaraḅụ, ọkịso Babilọn munsapụ ma sẹịnmamẹ.

Jerimaya 29:2

Àrị anị gịẹịn sịkị anị Amanyanaḅọ Jẹhoịakin ḅe na, nyọngọrọma na, amanyanaḅọ odo fịrịnwẹngịapụma na, Juda na Jerusalẹm tịḅịnịma na ḅarafịrịnwẹngịapụ ma na, pịkịna fịrịnwẹngị ḅụ ḍinsapụ ma na, ini nwọ sẹịn so sịkị mị-ẹ.

Jerimaya 37:1

Babilọn Amanyanaḅọ Nebukadneza ḅe, Zẹdẹkaya, Josaya owutọkụ ḅe ọkị Juda amanyanaḅọ nwọ mịẹmẹ, ò se Jẹhoịakim owutọkụ, Jẹhoịakin ḅe kiri ḍinmaḅụ.

Izikịẹl 17:4

ori anị deki se yedẹrị ama nwọ mun fẹḅịa apụ tọrọkọ koromamẹ.

Izikịẹl 19:9

Ini ò se ịkata ḅie chụamẹ se ò dekiso Babilọn amanyanaḅọ ḅe damamunmẹ. Ini nweni se koroma ò ḍikiḍikimẹ, mịẹse tomoni ḅarị oria oloku mị naa ẹka ọkụ Izrẹl chịngịma ọgọnọ.

Emọs 3:7

Kụrọmamgba Nyanaḅọ Ḅe, ọ̀ gbọrịye sọ mịẹmịẹkẹ, ọ̀ mịẹḅịaye ọ̀ nwọ mịẹḅelema oria fịrịnwẹngịapụ, ịkịankoroapụma pịrịka simeogbo.

Emọs 7:1

Kụrọmamgba Nyanaḅọ Ḅe tẹmẹ anga ye se ị̀ ḍiemẹ. Anịsịkị mị ḅụ à pịkị tẹmẹḅụ ọrịmẹ Nyanaḅọ Ḅe igurube kpo ọ̀ nwọ tẹmẹ pakụmamẹ, anị ini amanyanaḅọ ḅe osuein mị pẹlẹso ananga ọkụma, jịn osuein pịkị sakị sẹnị aḅẹ.

Emọs 7:4

Kụrọmamgba Nyanaḅọ Ḅe pịkịna tẹmẹḅụ jịnye se ị̀ ḍiemẹ. Anịa ḅie àrị ọrịmẹ ọ̀ ḅụkarakaramaḅẹ fịnị se ini dọkịma sin ḅịa fomuḅara se oria tomonima pịrịḅịaye gose. Fịnị mị anị tomonikiri sime opu-abaji mị dọkịmamẹ, se pịkị sakị kiri mị dọkịmamẹ.

Emọs 7:7

Nyanaḅọ Ḅe pịkị jịnye se ị̀ ḍiemẹ tẹmẹḅụ. Anịa ḅie àrị ọrịmẹ ọ̀ chịẹ waraḅẹ ini nyọ tọn ḍiki se tọn àrị warị agbagba angasịkị, pịkịna nyọ tọn ḍiki ọ̀ ḅara omi-ẹ.

Zẹkaraịa 1:20

Anịsịkị Nyanaḅọ Ḅe inein-a fịrịnwẹngịapụ na inia amana ma na, nwọse ị̀ ḍiemẹ.

Zẹkaraịa 3:1

Jịn tẹmẹ ḅụ ọrịye ḅụ, Nyanaḅọ Ḅe Gele Agbamịẹḅọ, Jọsụwa ḅe se ị̀ ḍiemẹ, Nyanaḅọ Ḅe enjẹlḅọ ḅe tọrọkọ ọ̀ chịẹ waraḅẹ. Se anịnyọ Jọsụwa ḅe anga sịkị Oru ḅe ọ̀ chịẹ waraḅẹ, ḅụkarakarama ḅẹrẹ ḍuko ọ̀ pụnụmaḅịa ẹrẹchị.