Jerimaya 22:3 - Kịrịkẹnị Baịbụl

³ “Ị̀rị̀, Nyanaḅọ Ḅe, tọn ọ́ pịrịmẹ na ọ́ karakara pịkị mịẹgbẹịnye nwọ mịẹ. Ini inumarịḅọ ḅe ḍụa ori inumarịḅọ ḅe ḅara ḅie. Siḅara se igoniapụ na anga ma, anịkanịka ini pụndama; nyengiḅọ na ḍaḅọ na koroma fịsa awọ, anịkanịka deapụ fịsa eremeni nwọ pụndama; se pịkị ḅẹrẹtịḅị nemika apụ ḅaama mị osiḅụ sime nyọ mị ḅụ.

Jerimaya 22:3 Iomraidhean Croise

2 Samụẹl 23:3

Izrẹl Tamụnọ Ḅe ori ọkwẹịn sam; Izrẹl mị ḍikiḍikiarị ḅọ ḅe nwọse ị̀ ḅẹmẹ; “Karakara ḅẹrẹtọn amanyanaḅọ ḅe, Tamụnọ ḍikiḅalafa ḅụ ọ̀ wẹrị ḅẹrẹtọn ḅịa,

2 Amanyanapụ 24:4

anịtẹịn anga ḅẹrẹtịḅị nemika ḅaraḅụ ọ̀ ḅaasapụ mamgba gose. Nyanaḅọ Ḅe ori ineda siḅụ-ḅarasin Manasẹ ḅe pịrịkẹ anị mị ḅụ.

Job Ḍiri Mị 22:9

Deapụ koroma fị eremeni ma ị́ ḅarachụa ini pịrịka mị ngẹrịkẹ, ọkụma ị́ pịkị ḍapụ fịsa awọma furu pịkị inia tọrụsiọrịmamẹ.

Job Ḍiri Mị 24:9

Siye mịẹ owuapụ, ḍapụ nyanaka awọ ọkị se omoniapụ mịẹmịẹ se, igweinḅọ ḅe awọma ọkị se sagbẹịnmẹ.

Fịafịa Nime 68:5

Tamụnọ Ḅe anị oria Oputẹkẹwarị mị ḅie anga ḅọ ḅe, ọ̀ tọrụ se ḍapụ na nyengiapụ na koroma fịsa awọma ḅụ wẹrịmẹ, ọ̀ pịkịna de apụ koroma fịsa eremeni ma kokomẹ.

Fịafịa Nime 82:4

Sitịḅịnyana apụ ḅara ḅie ómine ini ḍụa.

Fịafịa Nime 94:21

anị siḅẹrẹ ḅia karakaraye mịẹapụ ma pịrị, pịkị ḅaa ḅẹrẹkọn gbọrịye sọ mịẹka apụma pịrịpịrị apụma.

Fịafịa Nime 94:6

Ini deapụ na, ḍa-apụ na, nyengiapụ na, oforika apụma ḅaamẹ, mịna ama ḅie anga igoniapụma ini ini ninimẹ.

Pakaso 22:21

“Si se igoniḅọ mịẹma, pịkị nụḅọ pụnda ma, ó se ḅiekoroma na jịn sịkị ómine sọnị Ijipt mị ḅie igoniapụ ọ́ nwọ sọ ḅọrọsam.

Pakaso 22:22

Si se deḅọ-fịsa-eremeniḅọ anịkanịka ḍaḅọ na nyengiḅọ na fịsa tọkụ mịẹma.

Kaḅo Ma 23:10

Ngịsị ini se olomu sịkị ḅụ elekima chụa koromaye sin ma, anịkanịka ḍapụ na nyengi apụ na nyanaka awọ kiri nwọ ọkị ma inia ḅaraḅụ.

Aịzaya 1:23

Ọ́mịna tịḅịda apụma oloko kan apụ-ẹ, pịkịna furuapụ ikiapụ-ẹ; sịkịmamgba ini ḍiepịrịye ọkị pịkịna ọḅụfịfịmẹ. Ini ngịsị ḅarachụa ḍapụ na nyengiapụ na fịsa awọmẹnịma pịrịpịrịkẹ, ḅẹrẹkọn warịma ḅie; pịkịna deapụ koroma fịsa eremeni ma ḅẹrẹ seni inia tọrọkọḅo sịkị layelaye ini pokipokikẹ.

Aịzaya 58:6

“À ḅiarị ḅurukụnma ḅara mị anị: Nweni pụnda ikoli ma ọ́ nwọ sin, pịkị iku nweni pụnụma karakaraka ḅẹrẹkọn mị na pịkị ọ́ pụnụmarị apụma ọ́ nwọ wẹrịso ini so.

Aịzaya 58:7

Ọ́mịna fịayema, ọ́ nwọse ḅurupụkọtarịarịapụ ma na ḍia fị, ọ́ pịkị ọ́mịna ḅọkọ ma finji warị nyanaka igwein apụma pịrị. Ọ́ ḅụchụaye se chụaḅịaye nyanakapụma pịrị, pịkị ye ḅụ ị́ ḅarachụa ị́ya mịnaḅọ pịrị ẹkẹ ḅẹye mị anị ọkọ pakama.

Jerimaya 19:4

À mịn mị mịẹ-ẹmun-aḅẹ anịatịḅị tomonima ini ị̀ sarakoroma se mịanga mị pụlamasam, anị mịanga ḅụ agbamịẹ jịn-a oru pịrịḅụ, ini na inia ḅieju-aḍapụma na Juda amanyanapụma na ḅụ gbọrịye sọ nemika oru ma. Ini ḅẹrẹnemika tomoni pulo ọsụn mịanga ḅeinmasam,

Jerimaya 22:17

Ọkụma ị́rị́, ị́ ḅụ iḅi ngẹrị mị ị́ ḍikiarịye-ẹ; ḅẹrẹnemikapụma ḅaa se kụrọ ḅara se ị́ya tomonima pụndamẹ. Nyanaḅọ Ḅe, ọkọ ḅẹmẹ.

Jerimaya 26:16

Anị tịḅịnịma na tomonima na, ịkịankoroapụma na nwọse agbamịẹapụma ḅẹye-ẹ, “Ḅeḅọ ḅe, Nyanaḅọ mịna Tamụnọ Ḅe ẹrẹ ḅụ mị ò ye ḍuko wa pịrịye-ẹ; ini ò se ḅaa ḅie chuma.”

Jerimaya 5:28

ini gose kpokoro pịkị oju iḅi nyanaye-ẹ. Inia siyemịẹ mị anị eke nyanakẹ. Ini kiri se ḍapụ na nyengiapụ na koroma fịsa awọma pịrịkẹ anịkanịka karakara ḅẹrẹkọn se ini pụndarị apụma pịrịkẹ.

Jerimaya 7:23

Ọkụma à tọn ini pịrịmẹ na ini ị̀ ḅịpị poki, mịẹsosịkị àrị inia Tamụnọ sọ, se ini ị̀ya tomoni sọḅịa ọkụ. Se ḍuko ini pịrịmẹ, ini à chụa ini pịrị olokoma ḍiki anga, mịẹsosịkị ye ini na iḅiḅịa ọkụ.

Jerimaya 9:24

Nemikase ḅụboma ḍọkịḅọ omi-ẹ nwọ ḅẹḅẹ, ọ̀ ḅụboma na ori ị̀ nemi pịkị ị̀ kaịnḅomẹ, anịatịḅị ị̀ya ḅẹlẹma mị sịkịmamgba omi-ẹ, à pịkị karakaraye na mịẹgbẹịnye na mịẹmịẹmẹ. Ma ayema anị ị̀ ḅieḅẹlẹmarịye-ẹ. Ị̀rị̀, Nyanaḅọ Ḅe, ọkwẹịnsam.”

Kururu Ma 3:36

Ḅẹrẹkọn warị ḅie ini karakaraye mị pịkị iḅo sịkị ò nemimẹ.

Izikịẹl 18:12

Igwein apụ inuma, furu, igbiki ḅọlọḅọ se ọ̀ ḅarachụaye nwọ ọkịso. Tamụnọ tẹkẹkapụ agbamịẹ nyọ nwọ mun, kuraka ḅarase kara oru nwọ tẹkẹ,

Izikịẹl 18:7

Iniḅọ jụmḅọ inuma inumakẹ anịkanịka furuka ọkụma. Igbiki ḅọlọḅọ seni iniḅọ ḅarachụaye se nyanaḅọ pịrị, fịye se ḅurupụkọtarịapụ nwọ pịrị pịkịna chụaye se papaḅụsin apụ pịrị.

Izikịẹl 22:7

Opuama mị ḅie anga apụma ḅụ gbọrịḅọ sọ osi nyana ini yi apụma pịrịkẹ. Igoniapụ na deḅọ fịsapụ na pịkị ḍa na nyengi na oforika apụ inuma kẹngẹ-ẹ.

Izikịẹl 45:9

Kụrọmamgba Nyanaḅọ Ḅe nwọ ḅẹmẹ, “Ó simịẹ opuma ḅọlọsịkị lasam, ómine Izrẹl ḅie ḅẹrẹtọn apụ! Ọ́mịna kụrọkụrọ mịẹmịẹaye ma na, nweni inuma mịẹmịẹaye ma na ḅụ ọ́ dachịẹ. Karakaraye mị na iḅiye mị na ọ́ nwọ mịẹmịẹ. Ọ́ ḅarị ngịsị ị̀ya tomonima desinma inia ama ḅie. Ị̀rị̀ Kụrọmamgba Nyanaḅọ Ḅe, anị mịn mị ḍuko ómine pịrịarịye-ẹ.

Joẹl 3:19

“Ijipt mị anị pịkịḅo onwun ele sọḅịa, Idọm mị pịkị kansarasa papa nyọ sọḅịa, anịatịḅị ini owu seni Juda ama mị paka se anịa ḅie ḅẹrẹnemikapụ ḅaamẹ.

Agbamịẹ Apụ 19:15

“Ọ́ karakara ḅẹrẹkọn apụ sọ, oloko la ḅẹrẹ ọ́ nwọ kọn àrị sịkị, igweinḅọ ḅe ò jusọma, pịkị ngọkọnḅọ ḅe sọnị ò ḍikiḅalafama.

Emọs 5:15

Siye mị ḍikiḅụnwọnwọ, karakaraye mị ḅẹlẹma, ḍọkịḅo ọrị na karakaraye ḅẹrẹkọn warịma ḅie omi-ẹ. Ḅụpalịka Nyanaḅọ Ḅe ò ḍikiḅụgerere nyana mị sẹ ḅie ḍumo ḅụ kọn apụma pịrịḅịa.

Emọs 5:24

Anịnakaraka karakara ḅẹrẹkọn mị ideri mengi ideri ọkụ ideri, se karakara mịẹmịẹaye jenejene samịnaka tọrụ kịkẹ.

Maịka 3:11

Opuama mị ḅie ḅẹrẹtọn apụma, ọḅụ fị ḅụ ini ama mị ḍikiḍikimẹ, gbẹịnye ḅụ agba mịẹapụ ma oloko mị fieye ḍukomẹ, igbiki fị ḅụ ịkịankoroapụma inia ịkịan ma ḍukopakụmamẹ se inimgba ḅerenimẹ na Nyanaḅọ Ḅe ori iniaḅụ omi-ẹ. “Wa damaḅoḅịa ḅụfụka ofori-ẹ,” ini nwọ ḅẹmẹ. “Nyanaḅọ Ḅe ọ́mịna ḅụ omi-ẹ.”

Maịka 6:8

Ẹn-ẹn, Nyanaḅọ Ḅe ò ḍuko wa pịrịsam iḅiye mị. Mịna ḅara ò ḅi arịye mị anị-ẹ: Karakaraye mịẹ, sịkịmamgba ḅẹlẹma ḍiepakụma, pịkị ḅụ-iderima mịna Tamụnọ Ḅe pịrị wa ori na nwẹngịgbolomarị sịkị ḅụ.

Malakaị 3:5

Kụrọmamgba Nyanaḅọ Ḅe nwọḅẹmẹ, “Àrị ọ́mịna ogboku ḅụpakụmaḅo se ḅẹrẹkọn ọ́ pịrịḅịa, se à pịkị anị gbọrị kirikiri ọ́mịna ḅie arịapụ ma na, sẹfị apụma na, iruo onyechịẹ chịẹ apụma na, fịrịnwẹngịa kirima ḅie fịrịnwẹngị apụ gbẹịn aye ḅụ ini inuma inuma apụma na, pịkị deapụ koroma fịsa eremeni na, ḍapụ na nyengi apụ na koroma fịsa awọmẹnị na, pịkị igoniapụ na—pịkị ị̀ osisika apụ mamgba na nwọ go pakụmaḅịa.

Matio 23:23

“Sifụla sime ọ́ pịrị, ómine Oloko ḍieapụ na Farisiapụ na! Epekelepepe-a tomoni! Oyi-a kiri ḅe gbọrị kiri ọ́ nwọse Tamụnọ Ḅe pịrịmẹ, fịye ḅẹlẹma ịnyanyama ḅụ sọnị, ọgụ na, kụnụḍiri na, ọha na, pembe-aye, ọkụma yeḅụsọtẹịn ḅara sime Oloko mị ḅe-a ḍieyema ọ́ nwọse yechịnkẹ, karakara ḅẹrẹkọn na, ḍikiḅụgerere nyana na, jịnḅọ inumaka na, pembe-aye ma. Mà ma mị ó se mịẹmịẹye ḅụ chu gbẹịn aye ma-ẹ, ísíaye ma ḅụḅarasinka ḅụ.

Maịnkarama Oloko 10:18

Ḍapụ na nyengi apụ na fịsa awọma na, pịkị deapụ fịsa erema na, iḅiọkụ se ini na anga mị anị ọ̀ ḅụḅẹlẹḅẹlẹye-ẹ; mine na anga igoniapụ ori ini ḅẹlẹmamẹ, ọ̀ pịkị fịye na ḅụchụaye na se ini pịrịpịrịmẹ.

Maịnkarama Oloko 24:17

“Kikichụa igoniapụ na, ḍapụ na nyengiapụ na fịsa awọmẹnịma pịrịma ini lalama ayema ḅụ; pịkị deḅọ koroma fị eremeniḅọ ma arịa ḅụchụaye mị ọkịma á ḅọlọye mị ḅe onyechịẹ gose.

Maịnkarama Oloko 24:7

“Ò juo Izrẹlḅọ kun ọkị omoniḅọ mịẹḅọ anịkanịka ò se omoniḅọ ḅaraḅụ dẹrịḅọ goyegoye ini ọ̀ ḅaaḅịa. Mịn ḅara mị ḅụ ọ́ mị siye mị dachịẹmaḅịa ọ́mịna ogboku.

Maịnkarama Oloko 25:1

“Nemikase mama Izrẹlapụ so ḅẹrẹkọn warị mun mẹ, se ḅẹrẹ gbọrịḅọ ḅara iḅi se ísí ḅọ ḅe ḅẹrẹ ọ̀ ḅara simẹ nwọ ḅẹḅẹ.

Maịnkarama Oloko 27:19

“ ‘Tamụnọ worinime sime igoniapụma na, ḍapụ na nyengiapụ na fịsa awọmẹnịma na, pịkị deapụ koroma fịsa eremeni ma na, ini inuma se inia karakaraye se ini pịrịkaḅọ goyegoye nwọ pịrị.’ “Nweni mamgba pẹkẹrẹ se nwọ ḅẹḅịa, ‘Amẹn!’

Jems 1:27

Fịafịa pịkị karakara Tamụnọ nemi, Tamụnọ Ḍaḅọ Ḅe nwọse chịnye anị mị mị-ẹ, ḍapụ na nyengiapụ na koroma fịsa awọma na, pịkị deapụ fịsa eremeni ma na nwọ ḍikiḍiki, inia tọrụsiọrị kiri ḅụ, se iniḅọ ḅụ ọlọ mịẹse tomonikiri mị iniḅọ pikirima mun si ḍumo ḅie chu ẹka ọkụ.