Jerimaya 21:9 - Kịrịkẹnị Baịbụl

⁹ Opuama mị ḅie simeḅọ goyegoye, nụḅọ owu ḅie anịkanịka ḅuruḅaa ḅie, anịkanịka obi ḅụ ḅọrọ se fịḅịa. Ọkụma pakamun se nyana ḅereni Babilọn apụma pịrịḅọ goyegoye opuama mị gbẹịnmachịẹ-arị-apụ ma, ini nụḅọ ḅaa ẹkẹ; nụḅọ ḍumo ḅụ soḅịa.

Jerimaya 21:9 Iomraidhean Croise

Jerimaya 14:12

Ini ḅurukụnma sọ, àrị inia owu ma poki ẹkẹ, ḅarachụa ini pịrị ḅụ, se ini dọkịma agba na fịayemgbọlụ agba na se ị̀ pịrị sọ, à ḅieḅẹlẹ nyana ini pịrị ẹkẹ. Anịnakaraka, àrị owu ḅie na, ḅuruḅaa ḅụ na, obi ḅụ na ini ḅaaḅịa.”

Jerimaya 21:7

Ọkụma, ị́rị́ na ị́ya fịrịtịḅịnị ma na pịkị owu ḅie fịkapụ ma na, ḅuruḅaa ḅie na fịkapụ na, pịkị obi ḅụ fịkapụ ma na, à mịẹḅịa Nebukadneza Amanyanaḅọ ḅe na ómine-na-tarakapụma na ó kun soḅịa, anị ómine ḅaa ḍọkịarịapụ ma. Nebukadneza ḅe ori ó se fị ḅie chuḅịa. Ọ̀ ḅarasin pịrị, anịkanịka ḍikiḅụgerere nyana pịrị, anịkanịka ḍikitịḅịfoin nyana pịrịḅịa gbọrịḅọ sọ ofori-ẹ. Ị̀rị̀, Nyanaḅọ Ḅe, ọkọ ḅẹmẹ.”

Jerimaya 24:10

Àrị ọmụ se ḅoḅịa, ḅuruḅaa na obi na, ọkịmun gbọrịḅọ sọ ḅarị, à se ini na inia ḅieju-aḍapụma na pịrị ama mị ḅie ofori-ẹ ẹka sịkị laḅịa.”

Jerimaya 27:11

Ọkụma nemikase ó chusin Babilọn amanyanaḅọ ḅe pịrị, pịkị fịrịnwẹngị ọ̀ pịrị sẹ omimi, à ḅereni anị sẹ mị pịrịḅịa anị anịa nyọ sime, ozu kọrị, pịkị anga. Ị̀rị̀ Nyanaḅọ Ḅe ḍukosam.”

Jerimaya 27:12

Àrị anị gbọrịye mị ḍuko Juda Amanyanaḅọ, Zẹdẹkaya ḅe pịrịmẹ, “Ḅịkị Babilọn amanyanaḅọ ḅe pịrị. Fịrịnwẹngị ori na oria tomonima na pịrị, se ị́ ḍumoḅịa.

Jerimaya 27:13

Cheye gose ị́rị́ na ị́ya tomonima na ọmụ ḅie fịḅe anịkanịka ḅuruḅaa ḅie anịkanịka obi ḅie fịḅe? Anị Nyanaḅọ Ḅe ò ḍukosaye-ẹ, ḅereni se ḅịkị Babilọn amanyanaḅọ ḅe pịrị ḍụkụka sẹ goyegoye ḅụ pakaḅịaye-ẹ.

Jerimaya 38:2

Nyanaḅọ Ḅe ọkọ ḅẹmẹ, “Pa mị opuama ḅie simeḅọ goyegoye, iniḅọ fịḅịa owu ḅie, anịkanịka ḅuruḅaa ḅie anịkanịka obi ḅie. Ọkụma Babilọn apụma damamun se ḅịkịkoro ini pịrịapụ goyegoye, ini ini ḅaa ẹkẹ; iderima tẹịntẹịn ini inia ḍumo se soḅịa.”

Jerimaya 38:3

À pịkị ḍuko ini pịrịaḅẹ na Nyanaḅọ Ḅe ọkọ ḅẹmẹ, “Àrị opuama mị se Babilọn owunima pịrịaḅẹ, se ini kụrọḅara se anị ọkịḅịa.”

Jerimaya 39:18

Àrị ị́ kokoḅịa, ị́ pịkị fịḅie sọ ẹkẹ. Ị́ ḍumoḅịa anịatịḅị ị́ kuḅie se ị̀ ḅụgbanasam. Ị̀rị̀, Nyanaḅọ Ḅe, ḍukosam.”

Jerimaya 45:5

Ị́ sosikima ị́ ḅụ iḅiye ḍọkị se ị́ ḅụ pịrị-ao? Ọkọ mịẹma. À ḅụfụka ọkịḅo tomoni goyegoye pịrịḅịa, ọkụma ị́rị́, anị-sime-ọkụ-sime-ọkụ ị́ ḍumoḅịa anịa kuluma, ị́ munyọ munyọ. Ị̀rị̀, Nyanaḅọ Ḅe, ḍukosam.”

Izikịẹl 5:12

Ómine se tẹrẹ-a kiri ḍie ḅe gbọrị kiri obi ḅụ na ḅuruḅaa ḅụ na ḅọrọ fịḅịa, opuama mị ḅie; gbọrị kiri okola-agiji ḅụ ḅọrọ fịḅịa, ómine na kpeki nyọ ḅụ; kọn gbọrị kiri mị àrị anị galagalamaḅịa kụrọ fọrụ ḅie, à pịkịna okola-agiji se ini ḍukoḅịa.