Jerimaya 21:6 - Kịrịkẹnị Baịbụl

⁶ Mị ama ḅie ḍumo simearịapụ mamgba à nwọ ḅaaḅịa; tomonima na namama na, arịmgba ḅalafama obi ḅụ fịḅịa.

Jerimaya 21:6 Iomraidhean Croise

Chukusakị 6:7

se ọ̀ nwọḅẹmẹ, “À tẹmẹsa apụ mamgba àrị ini ọfịnsinḅịa, namama na, fenima na sọnị, anịatịḅị àrị ngịrịmẹ na ị̀rị̀ àrị tẹmẹmẹ.”

Aịzaya 6:11

À gbelamẹ, “Anị mị ḅara sime mun nde sịkị laḅe, Nyanaḅọ?” Ọ̀ nwọ pẹkẹrẹmẹ, “Ọkịmun opuamama faso sịkị la pịkịna arịa ḅie gbọrịḅọ sọnị oforika sịkị—ọkịmun ama mị na mịnaḅụ na fasosa ama se kpọngọlọma sime sịkịlaḅịa.

Jerimaya 14:12

Ini ḅurukụnma sọ, àrị inia owu ma poki ẹkẹ, ḅarachụa ini pịrị ḅụ, se ini dọkịma agba na fịayemgbọlụ agba na se ị̀ pịrị sọ, à ḅieḅẹlẹ nyana ini pịrị ẹkẹ. Anịnakaraka, àrị owu ḅie na, ḅuruḅaa ḅụ na, obi ḅụ na ini ḅaaḅịa.”

Jerimaya 16:4

Ini ḅalafama obi ḅụ fịḅịa, se inia ḍụẹịn-ḍinḅịaḅọ anịkanịka ini ḍipiḅịa ḅọ ofori-ẹ. Inia oju akpakpa ma fịaye-pakụma ọfịn-aye kiri ọgọnọ tunduruma sara ọkụ anị àrị tunduruma saraḅịa ọkụ-ẹ. Ini ọmụ ḅie ini ḅaaḅịa, anịkanịka ḅuruḅaa ḅie ini fịḅịa, se inia fịsa oju akpakpa ma àrị fịyesọ feni na piri nama na pịrịḅịa.

Jerimaya 20:4

Nyanaḅọ Ḅe na-mịnaḅụ-na, nwọ ḅẹsam, ‘à mun ị́ mịẹ-ẹmun-aḅẹ ị́ ḅalafamaḅọ sọ ị́ ḅụ pịrị, pịkị ị́ya ikiapụ ma na, se ị́ inimgba ọrịḅịa inina-tarakapụ kongo ma ini ḅaaḅụ. À Juda-a tomoni mamgba se Babilọn amanyanaḅọ ḅe kụrọ chuku chuḅịa; ori ikoliapụ ḅara se dapụ ọkịso oria sẹ munḅịa pịkị dapụ se fị ḅụ chuḅịa.

Jerimaya 32:24

“Babilọn apụma gelema kiripịrị opuama mị ḍẹkịkelemasam kụrọḅarase anị ọkịḅịa ẹrẹchị, ini pịkị owu se anị pakasam. Ọmụ na ḅuruḅaa na obi na mịẹse opuama mị ineda ḅịkị inia ḅara sọḅịa. Ị́ ineda ọrịḅịa na ị́ ḍukoaye mamgba karakara ḅaraḅụ ḅosam.

Jerimaya 33:12

Kụrọmamgba Nyanaḅọ Ḅe nwọ ḅẹmẹ, “Mịn onwun ele kịkẹ kiri ḅie, tomoni anịkanịka nama angaka nyọ mị; sịkị pịkị ḅoḅịa anịa ḅie osuein paka se, ananaḍikiḍiki apụ ineda inia ananama se mun àrị kokoḅịa.

Jerimaya 34:17

Anịgose, mịọkụ, Ị̀rị̀, Nyanaḅọ Ḅe, ḅẹmẹ na ómine ị̀ ḅịpị pokikẹ, ọ́mịna juo Izrẹlapụma ḅụ ḅarasin ini pọkọso mị ma ó ḅereni ini pịrịkẹ. Anịọkụma ị̀rị̀ à ḅereni se ọ́ pọkọso ḅịa pọkọso ḅereni ọ́ pịrịse ó mun owu ḅie fị, obi, na ḅuruḅaa na ḅie sọḅịa. À mịẹḅịa, sẹkiri ḅie sẹma la-ọkụ ḅụgbiripu nyana, à se ọ́ mịẹḅịaye na ḅụ.

Jerimaya 36:29

Nyanaḅọ Ḅe, ḍuko ị̀ pịrịmẹ na àrị amanyanaḅọ ḅe ḅẹ, “Ị́ fangalama ḍiri mị dọkịmasam, se ị́ Jerimaya ḅe gbelamẹ ò cheye gose nwọ gịẹịn na Babilọn amanyanaḅọ ḅe, ò ḅo mị ama mị kan se anịa tomonima na anịa namama na ḅaafamaḅịa.

Jerimaya 42:22

Anịọkụma ọ́ mịn mị se ḅiekoroma, ọ́ fịḅịa owu ḅie, anịkanịka ḅuruḅaa ḅie anịkanịka obi ḅie, ó mun anga ḍọkịarị nyọ ḅụ.”

Jerimaya 7:20

Anịgose, Ị̀rị̀, Kụrọmamgba Nyanaḅọ Ḅe, ị̀ya ḅalafama ịganị mị ọsụn pakụma mị Oputẹkẹwarị mị ọgọnọ saraḅịa. Àrị anị ọsụn tomonima na namama na ḅụ saraḅịa, pịkị ejema na ḍipiaye ma na ḅụ. Ị̀ya ịganị mị, nweniḅọ ineda binma ẹka fịnị kịkẹḅịa.

Izikịẹl 12:16

À mịẹḅịa ọmụ ḅie kala apụ ḍumoḅụ pakaḅoḅịa, pịkị ḅuruḅaa na obi na ḅie, mịẹso sịkị ini sime sẹma ḅie inia ḅụgbẹịnka mịẹmịẹaye ma ini nwọ ḍukopakụma se kaịnḅo nyana, na Ị̀rị̀ anị Nyanaḅọ Ḅe-ẹ.”

Izikịẹl 14:13

“Tomoniḅọ tọkụ,” ọ̀ nwọ ḅẹmẹ, “sẹ simịẹ se ḅarị ị̀ ḅụ ḅereni nyanaka ọkụma, àrị ị̀ ḅara sụma ini fịye nyanaḅo fịarị ẹmbẹ mị simaḅịa. À ḅuruḅaa se sẹịnḅịa, se tomoni na nama na ḅaaḅịa.

Izikịẹl 14:17

“Anịkanịka à nemikase owuse anị sẹ mị pakaḅịa nwọḅẹ ọkụma, à pịkị yesima owuniaye fịrịma sẹịn se tomonima na nama na ọfịn sinḅịa nwọḅẹ ọkụma,

Izikịẹl 14:19

“Anịkanịka nemikase ị̀ya ịganị kuḅie ḅụ àrị ama nwẹngị obi se anị sẹ mị fịrịma se ḅakama tomoni na nama na nwọ ḅaa ọkụma,

Izikịẹl 14:21

Mịn Kụrọmamgba Nyana Tamụnọ Ḅe ḍukoarịye-ẹ: “Ị̀ya sitẹịn inein-a ḅẹrẹkọn-a ḅịpị à nwọse Jerusalẹm fịrịmaḅịa—ọmụ, ḅuruḅaa, piriḅie owoi-a nama na pịkị obi na, se àrị tomoni na nama na ḅaasinḅịa.

Izikịẹl 33:27

“Ḍuko ini pịrị na Ị̀rị̀ Kụrọmamgba Nyanaḅọ Ḅe inia ḅeri jineaḅẹ na, pikipikiye ofori-ẹ na ị̀rị̀ anị ḍumo Tamụnọ Ḅe-ẹ nwọḅẹ sịkị, kangulugulusa opuamama ḅie anga apụma, ini ini ḅaaḅịa. Ini nwọ sẹ mị ḅie anga apụma owoi-a nama ini pẹịḅịa. Ini nwọ tụndụma ọgọnọ ma ḅụ na pokolo ma ḅie ḅọị-arị-apụ ma obi ḅụ ini fịḅịa.

Izikịẹl 33:29

À fomuḅara se tomonima inia sima gose ini pịrịḅịa, se sẹ mị se kpọngọlọma koroma sịkị, anị ini nemiḅịaye-ẹ na Ị̀rị̀ anị Nyanaḅọ Ḅe-ẹ.”

Izikịẹl 7:15

Ateli ma ḅie ini owusọ aḅẹ, anịsịkị, warịma ḅie obi na ḅuruḅaa na omi-ẹ; ele ogbo simeḅọ goyegoye iniḅọ fịḅịa owu mị ḅie. Anịsịkị sẹ mị ḅie mangịsokase simeḅọ goyegoye obi na ḅuruḅaa na iniḅọ ḅaaḅịa.

Hosia 4:3

Anịẹrẹchị, ama mị anị samịnaḅịa, se anịa ḅie angaye layelaye fịḅịa. Anịa ḅie sime namama na feni mamgba na, injima na fịḅịa.”

Maịka 3:12

Anị ḅụ, ómine gose, ini ḅo ozu kọrị ḅara nwọse Zaịyọn ḅie ozu kọrị ḅịa Jerusalẹm mị ḅo siaye sara nyọ sọḅịa, se Oputẹkẹwarị chịngị mị ḅo opu piri sọḅịa.

Zẹfanaịa 1:3

tomoni mamgba na, nama na, feni na pịkị inji mamgba na. À mịẹse sitịḅịnyana apụma ọmụ ḅarasi nyanaḅịa. Tomoni mamgba, àrị ini ḅaaḅịa, se gbọrịḅọ sọnị inia ḅụ kọn ẹkẹ. Ị̀rị̀, Nyanaḅọ Ḅe àrị ọkwẹịnsam.

Luk Iḅi Ḅẹrẹ Mị 21:24

Ini okola-agiji seni dapụ ḅaaḅịa, ísíapụma ini ọmụ ḅie ini kun se sẹ mamgba munḅịa se oru ḅẹrẹ nemi apụma ḅụọ seni Jerusalẹm mị nangaḅịa ọkịmun inia sịkị mị kara sịkị laḅịa.