Jerimaya 21:5 - Kịrịkẹnị Baịbụl

⁵ Àrị ị̀ya ịnyọ, ị̀ya ịganị, ị̀ya ḅụosọ, pịkị yesima ịganị mamgba se ị́rị́ na sọḅịa.

Jerimaya 21:5 Iomraidhean Croise

Pakaso 6:6

Anịẹrẹchị ḍuko Izrẹlapụma pịrị na ị̀rị̀ nwọse ini ḅẹmẹ, ‘Ị̀rị̀ anị Nyanaḅọ Ḅe-ẹ; àrị ọ́ ḍụa se ọ́ sọ Ijipt apụma pịrịarị omoni-ḅara-mị-ḅie àrị ọ́ pakụmaḅoḅịa. Àrị ị̀ya opu kụrọḅara mị dekichịẹma se ḅalafama fomuḅara se inia ọgọnọ gbana, se ọ́ ḍụapakụmaḅoḅịa.

Pakaso 9:15

À ḅọrọ nemikase ị̀ ḅara deki se obi se ị́rị́ na ị́ya tomonima na fomu ọkụma, mgbọkụ ọ́ fịsosam.

Aịzaya 10:4

Ọmụ ḅie ini ómine ḅaaḅịa, anịkanịka ikoliapụ ḅara ini nwọ seni ómine fọnọsoḅịa. Anị ọkọ paka sọnị Nyanaḅọ Ḅe oria ịganị mị kuluma ẹkẹ, ọ̀ ḅara pa pịkịna fomuḅara pịrịḅịa ẹrẹchị ịsụnḅịa.

Aịzaya 5:25

Nyanaḅọ Ḅe, ori ịganị nyana oria tomonima pịrịsam, ọ̀ pịkịna ọ̀ ḅara ịsụn pakụmasam fomuḅara seni ini pịrịḅịa ẹrẹchị. Tụndụ ma jikeḅịa, anịsịkị fịsapụ ojuma ateli maḅie ḅụrụaye sara sime ọkụ simeḅịa. Anịẹḅẹsọ Nyanaḅọ Ḅe ịganị mị kuluma ẹkẹ, ọkụma ọ̀ ḅara pa ịsụn waraḅẹ fomuḅara seni ini pịrịḅịa ẹrẹchị.

Aịzaya 63:10

ọkụma kụrọtịḅịḅie chụa ḅụ ini ori na tụḅụrụmẹ, anị mị ori ịganịmamẹ. Anịẹrẹchị Nyanaḅọ Ḅe ḅo inina-tarakaḅọ sọ se owu mị pịkị ini damẹ.

Aịzaya 9:12

Siria mị, ịrụapakapaka nyọ ḅụ, Filistia mị, pịkị ịrụasọsọ nyọ ḅụ Izrẹl mị mịnịḅịa ẹrẹchị inia ḅịpị ma finjisam. Anịẹḅẹ sọnị Nyanaḅọ Ḅe, oria ịganị ma pa kulumakẹ; ọ̀ ḅara pa ịsụn waraḅẹ fomuḅara se ini pịrịḅịa ẹrẹchị.

Aịzaya 9:17

Anịẹrẹchị Nyanaḅọ Ḅe, ò ḅereni ẹkẹ asẹmẹnị ma ḅie gbọrịḅọ sọnị pọkọso, ọ̀ pịkịna ḍikitịḅịfoin nyana deapụ fịsa eremeni ma na ḍapụ na nyengiapụ na koroma fịsa awọmẹnịma sọ pịrị ẹkẹ; anịatịḅị tomoni mamgba Tamụnọ nemika pịkịna sitịḅịnyana apụ-ẹ, ini pịkị ḍukoye goyegoye siye-ẹ. Anịẹḅẹ sọ, Nyanaḅọ Ḅe ịganị mị kuluma ẹkẹ, ọkụma ọ̀ ḅara mị pa pịkịna ịsụnḅịa fomuḅara pịrịḅịa ẹrẹchị.

Aịzaya 9:21

Manasẹ apụma na Ifrem apụma na ini jụmḅọ jụmḅọ na owusọ mẹ, ini pịkịna gboloma owu seni Juda mị pakamẹ. Anịẹḅẹ sọnị, Nyanaḅọ Ḅe ịganị mị pa kulumakẹ; fomuḅara se ini pịrịḅịaye gose ọ̀ ḅara pa ịsụn waraḅẹ.

Jerimaya 32:17

“Kụrọmamgba Nyanaḅọ, ị́rị́ mị kiri mị na so mị na tẹmẹye-ẹ, ị́ya opu kụrọ na ịnyọ na ḅụ; gbọrịye sọ ofori-ẹ ị́ nẹngịmaḅịaye.

Jerimaya 32:37

À tomonima koḅirimaḅịa, àrị ịganị ḅụ ini galagalama sẹịn amama ḅie, se à pịkị ini ọkị mịanga ḅoḅịa, se ini dein ḅaraḅụ angaḅịa.

Jerimaya 36:7

Sosi ini Nyanaḅọ Ḅe tẹkẹḅịa se inia si-a nwẹngị ma ḅie vinpịkịḅịa, anịatịḅị Nyanaḅọ Ḅe, ọ̀ mịna tomonima ẹrẹmasam oria ḅalafama ịganị na owoi-kuḅie na ḅụ.”

Jerimaya 37:10

Nemikase, ọ́ Babilọn owunima inuma sọ, se inia ḅụ yela apụ kẹngẹ inia ikowarịma ḅie ḅọlọlọ sime sọ, ini owuapụma anị ḅụkụrọma sịsẹ se mịn opuama mị dọkịma kiri pịrịḅịaye-ẹ.”

Jerimaya 6:12

Ini inia warịma se jịn apụ pịrịḅịa, anị anị pịkị sime inia ozuma na inia erema na pịrịḅịa ọkụ-ẹ. Àrị ama mị ḅie sime apụma tọrụsiọrịmaḅịa.

Kururu Ma 2:3

Oria opu ịganị ḅụ ori Izrẹl kụrọ mị kankọsịmẹ; Ọ̀ ḅarachụa wa pịrị ḍụkụkẹ tarakaḅọ ḅe ḅo sịkị. Ọ̀ wa gbẹịnmachịẹmẹ fịnị yegoyegoye sima ọkụ.

Izikịẹl 39:3

Anịsịkị oria ereḅara anga ḅụ oria lubu mị à nwọ ḅakụsinḅịa se à pịkị oria amaḅara anga ḅụ ḍẹịn ma ḅakụsinḅịa.

Izikịẹl 5:8

Anịẹrẹchị Ị̀rị̀, Kụrọmamgba Nyana Tamụnọ Ḅe nwọse ị́ ḅe aḅẹ na ị̀rị̀ ị́rị́ na tarakaḅọ-ẹ. À ḅẹrẹkọn ị́ya ọgọnọ gbanaḅịa jịn-a sẹ mamgba ọrịḅịa ḅara.

Maịnkarama Oloko 4:23

Ómine ọrị na Nyanaḅọ ọ́mịna Tamụnọ Ḅe ómine na fị ọḅọkụ mị ó se ḅieḅaramakẹ. Ómine oria olokoma koko gbọrị oru kịkẹye sọnị mịẹ ọ́ ḅụ pịrịka ḅaraḅụ,

Maịnkarama Oloko 4:34

Nde oru jịn sịkị dada mun jịn sẹ ḅara ḅie sime apụ pọkọ pakụma ḅo se oria tomoni mịẹsa, anị Nyanaḅọ ọ́mịna Tamụnọ Ḅe Ijipt mị ḅie mịẹ ọ́ pịrị ọkụ mị? Ómine sọnị tọrụ se ọrị ḅaraḅụ oria opu kụrọ mị na ịnyọ mị na ọ̀ nwọse fịrịnwẹngịmẹ; ori obi na ọmụ na se ḅomẹ, ḅụgbiripumaye na elekima na ọ̀ nwọ mịẹmẹ, pịkị ḅalafamaye na.