Jerimaya 21:4 - Kịrịkẹnị Baịbụl

⁴ ini mun ḍuko Zẹdẹkaya ḅe pịrị Nyanaḅọ Ḅe, Izrẹl Tamụnọ Ḅe ḍukoye mị, “Zẹdẹkaya, à mun ị́ya ọmụ ogbo mị inumaḅịa anị mun Babilọn amanyanaḅọ ḅe ọmụ ogbo mị na owu sọ mun apụma. Ị́ya owunima owuniaye à koḅiri ama mị ogboku tunduruma koromaḅịa.

Jerimaya 21:4 Iomraidhean Croise

Aịzaya 10:4

Ọmụ ḅie ini ómine ḅaaḅịa, anịkanịka ikoliapụ ḅara ini nwọ seni ómine fọnọsoḅịa. Anị ọkọ paka sọnị Nyanaḅọ Ḅe oria ịganị mị kuluma ẹkẹ, ọ̀ ḅara pa pịkịna fomuḅara pịrịḅịa ẹrẹchị ịsụnḅịa.

Aịzaya 13:4

Tụndụ ma ọgọnọ ịḅanị tịḅịḅie ma poki, opu tomoni ogbo ịḅanị tịḅịḅie sẹsẹ na, amanyanakiri ma na, koḅirimaḅẹ. Nyanaḅọ ọmụogbo mị tịḅịnịḅọ ḅe ori oria owunima karakarama ọmụ pịrịaḅẹ.

Aịzaya 5:5

“Mịọkụ mịn ị̀ya irumịẹ chịnmgbọlụ ozu mị ḅụ à mịẹ mun-arịye-ẹ: anị kelemaye mamgba à nwọ sinḅịa, anị kikima onu ma à kangbinḅịa, se piri ḅie owoi-a nama àrị fị pịkịna àrị nanga kiri pịrịḅịa.

Jerimaya 20:4

Nyanaḅọ Ḅe na-mịnaḅụ-na, nwọ ḅẹsam, ‘à mun ị́ mịẹ-ẹmun-aḅẹ ị́ ḅalafamaḅọ sọ ị́ ḅụ pịrị, pịkị ị́ya ikiapụ ma na, se ị́ inimgba ọrịḅịa inina-tarakapụ kongo ma ini ḅaaḅụ. À Juda-a tomoni mamgba se Babilọn amanyanaḅọ ḅe kụrọ chuku chuḅịa; ori ikoliapụ ḅara se dapụ ọkịso oria sẹ munḅịa pịkị dapụ se fị ḅụ chuḅịa.

Jerimaya 21:3

Anịsịkị Nyanaḅọ Ḅe ọkwẹịn ị̀ pịrịmẹ na, à ḍuko ini se ị̀ fịrịmapụ ma pịrịye-ẹ

Jerimaya 32:24

“Babilọn apụma gelema kiripịrị opuama mị ḍẹkịkelemasam kụrọḅarase anị ọkịḅịa ẹrẹchị, ini pịkị owu se anị pakasam. Ọmụ na ḅuruḅaa na obi na mịẹse opuama mị ineda ḅịkị inia ḅara sọḅịa. Ị́ ineda ọrịḅịa na ị́ ḍukoaye mamgba karakara ḅaraḅụ ḅosam.

Jerimaya 32:3

Amanyanaḅọ Zẹdẹkaya ḅe ị̀ se anịnyọ ikoli ḅie chụamẹ se pịkị ḍuko ị̀ tịḅị gbanamẹ na àrị ò se ḍukowasamamẹ na Nyanaḅọ Ḅe nwọ ḅẹmẹ, “À ḅereni Babilọn amanyanaḅọ ḅe pịrịḅịa ọ̀ kụrọḅara se mị opuama mị ọkịḅịa,

Jerimaya 32:5

Ini Zẹdẹkaya ḅe nwọ ọkị Babilọn munḅịa, ọ̀ pịkị anịnyọ sime nweni àrị ori na mịẹḅịa sịkị laḅịa. Ọ̀ Babilọn apụma na owusọ sọ, anị ḅịrị ọ̀ pịrị ẹkẹ. Ị̀rị̀, Nyanaḅọ Ḅe, ḍukosam.”

Jerimaya 33:5

Dapụ Babilọn apụma na dama owusọḅịa, anị ị̀ya ịganị ḅụ na kuḅie ọfịrị ḅụ na, à ḅaa saraḅịapụ ma ḅe ḍụẹịn ma, warịma ḅeinmaḅịapụ ma. À mịn opuama mị ḅụ ọ̀ tọrụ sinsam, inia tomonima mịẹ siaye ma tịḅị gose.

Jerimaya 35:17

Anịgose mịọkụ, Ị̀rị̀, Kụrọmamgba Nyanaḅọ Ḅe, Izrẹl Tamụnọ Ḅe, à ḅereni ọ́ pịrị yesima mị ọkịḅo ómine Juda na Jerusalẹm na tomonima pịrịḅịa. À mịn mị mịẹḅịa anịatịḅị ó poki ḍụkụkẹ àrị ọkwẹịn ọ́ pịrị sịkị, pịkịna ómine ị̀ pẹkẹrẹkẹ àrị ọ́ chịn sịkị.”

Jerimaya 39:3

(Ini kụrọḅarase Jerusalẹm ọkị sịkị, Babilọn amanyanaḅọ ḅe opu fịrịnwẹngịapụ mamgba ḅo inia kirima ọkịmẹ, Ogboku Onu Ḅọkọ ḅie, ini anị Nagaị Sarẹza ḅe na, Samga Nebo ḅe na, Sasekim ḅe na, jịn Nagaị Sarẹza ḅe na.)

Jerimaya 52:18

Ini pịkị kirisoku ọgụ ma na fọn-chụaye ma anị ini se agbamịẹ ẹbẹ guro fịafịama-fịafịamaye ma na, tọnjie fịrịnwẹngịaye ma na, agbamịẹ-pulo-da bọlị ma na, insẹnsị dọkịma bọlị ma na, pịkịna ísí-a alapẹlẹka se tẹmẹ Oputẹkẹwarị fịrịnwẹngịaye mamgba na ọkịsomẹ.

Kururu Ma 2:3

Oria opu ịganị ḅụ ori Izrẹl kụrọ mị kankọsịmẹ; Ọ̀ ḅarachụa wa pịrị ḍụkụkẹ tarakaḅọ ḅe ḅo sịkị. Ọ̀ wa gbẹịnmachịẹmẹ fịnị yegoyegoye sima ọkụ.

Kururu Ma 2:5

Tarakaḅọ ḅara, Nyanaḅọ Ḅe ọ̀ nwọse Izrẹl kansam; Ori árịa owuni-a kụrọ warịma na amanyanaḅọ odo ma na kankọsịmasam. Ò kuluma ẹka kururu ọkịḅo Juda apụma pịrịsam.

Kururu Ma 2:7

Nyanaḅọ Ḅe oria agbamịẹ ẹbẹ mị sịkịmẹ pịkị oria fịafịa Oputẹkẹwarị mị ḍikitọrụsinmẹ; Ò ḅereni tarakaḅọ ḅe pịrịmẹ ori anịa onu agbagba ma kankoromamẹ. Ọmụḅaraiḅi ḅụ ini anịnyọ ḍoroku mẹ, anị wa gbọrị sịkị ḅieḅẹlẹ ḅụ tẹkẹtẹkẹ nyọ mị.

Izikịẹl 39:3

Anịsịkị oria ereḅara anga ḅụ oria lubu mị à nwọ ḅakụsinḅịa se à pịkị oria amaḅara anga ḅụ ḍẹịn ma ḅakụsinḅịa.

Hosia 9:12

Ọkụma ini awọmẹnị ḍikiḍiki sẹnịmasọ, àrị ini ọkị soḅịa se à gbọrịḅọ sọ ḍumoma ẹkẹ. À mịnapụma sarakoroma so sa ḅẹḅẹ, ḅalafamaye iniaḅụ pakaḅịa.”

Zẹkaraịa 14:2

Nyanaḅọ Ḅe, ọ̀ sẹ mamgba koḅiriḅo owu se Jerusalẹm pakaḅịa. Opuama mị, ini anị ọkịḅịa, warịma ini ọfọịnḅịa, ini pịkị eremeni ma ḅụ kanḅịa. Tomonima ḅụ pẹkẹrẹ desin ḅie sọḅịa, ọkụma iniaḅụ kọn apụma ini ini sin-ẹkẹ opuama mị ḅie.

Matio 22:7

Anị opuma amanyanaḅọ ḅe ịganịmamẹ ori oria owunima fịrịmamẹ, se ini mun mịna niniapụma ḅaa, pịkị inia ama mị dọkịma famamẹ.