Jerimaya 21:2 - Kịrịkẹnị Baịbụl

² “Sisi, ọkwẹịn Nyanaḅọ Ḅe pịrị mịna tịḅị gose, anịatịḅị, Nebukadneza, Babilọn Amanyanaḅọ ḅe na oria ọmụ ogbo mị na, ini opuama mị gbẹịnmachịẹ aḅẹ. Ọbịasi Nyanaḅọ Ḅe ḅo oria gbọrị ḅụbuamaye mịẹ wa pịrịḅịa se Nebukadneza ḅe mịẹse ori ọḅụdaḅịa.”

Jerimaya 21:2 Iomraidhean Croise

Chukusakị 10:10

Tatarị sịkị oria amanyanakiri mị ḅie Babilọn na, Ẹrẹk na, pịkị Akad na simemẹ, ma tẹrẹ ama mamgba Babilọn ḅie àrị simemẹ.

2 Amanyanapụ 1:3

Ọkụma Nyanaḅọ Ḅe enjẹlḅọ tọn ịkịankoro Ịlaịja, Tisbị ḅọ ḅe pịrịmẹ, na ori Amanyanaḅọ Ehaziya okumun-apụ ma damamun se nwọse ini gbela, “Cheye ẹrẹchị ó mun Bẹlzibọb chuku yegbela-ẹmun-ao, Ẹkrọn oru mị? Anịatịḅị ọ́ nwọ chịn na Izrẹl mị ḅieḅụ Tamụnọ ofori-ẹ?

2 Amanyanapụ 17:24

Asiria sẹdaḅọ ḅe ma opuamama ḅieḅụ tomoni ọkịmẹ anị Babilọn mị na, Kọt mị na, Iva mị na, Hamat mị na, pịkị Sẹfaveim mị na, se ini seni Sameria opuamama ḅieḅụ koroma, ini seni ini sẹịnsosa Izrẹlapụma kiriḍinmamẹ. Ini ma opuamama ọkịmẹ se anịju ḅụ angamẹ.

2 Amanyanapụ Sịkị Mịẹaye Ma 32:21

Nyanaḅọ Ḅe gbọrị enjẹlḅọ nwọse sẹịn se ori Asiria owunima na fịrịtịḅịnị ma ḅaafamamẹ. Anị mị ḅụ, sẹdaḅọ ḅe ḅụgerere ḅụ pịkịmaso Asiria mun mẹ. Gbọrị ene oria oru ma warị ḅie ò simearịogbo, oria awọma ḅie dapụ inia okola-agiji ma se ò temi ḅaamẹ.

Pakaso 9:28

Nyanaḅọ Ḅe tẹkẹ! Wa dasa soalagba mị na opu ene mgbọlụma na iḅisam! À yeḅerenimẹ na àrị ọ́ wẹrịso se ó soḅịa; ó gose mịanga simeḅịaye ḅarị ofori-ẹ.”

Aịzaya 48:2

Ọkụma opuayemịẹḅụ ọ́ ḅẹ aḅẹ na ómine fịafịa ama mị ḅie furo awọ-ẹ ọ́ pịkị Izrẹl Tamụnọ Ḅe ḅụ sẹrẹrẹmẹ, anị Kụrọmamgba Nyana ẹrẹ mị fị ḅọ ḅe.

Jerimaya 15:11

Nyanaḅọ, ye inia woria ḅịpị ma ḅo kọkọmaye sọ, nemikase ma àrị iḅiọkụma fịrịnwẹngị ị́ pịrịkẹ nwọ ḅẹḅẹ, ma à pịkị ị̀rị̀na-tarakapụ ma tịḅị gose, ị́ tẹkẹkẹ nwọ ḅẹḅẹ, ini ḅụfụka ḅie sime, pịkị kuḅiesi nyana sịkị ḅụ.

Jerimaya 21:3

Anịsịkị Nyanaḅọ Ḅe ọkwẹịn ị̀ pịrịmẹ na, à ḍuko ini se ị̀ fịrịmapụ ma pịrịye-ẹ

Jerimaya 32:17

“Kụrọmamgba Nyanaḅọ, ị́rị́ mị kiri mị na so mị na tẹmẹye-ẹ, ị́ya opu kụrọ na ịnyọ na ḅụ; gbọrịye sọ ofori-ẹ ị́ nẹngịmaḅịaye.

Jerimaya 32:24

“Babilọn apụma gelema kiripịrị opuama mị ḍẹkịkelemasam kụrọḅarase anị ọkịḅịa ẹrẹchị, ini pịkị owu se anị pakasam. Ọmụ na ḅuruḅaa na obi na mịẹse opuama mị ineda ḅịkị inia ḅara sọḅịa. Ị́ ineda ọrịḅịa na ị́ ḍukoaye mamgba karakara ḅaraḅụ ḅosam.

Jerimaya 34:1

Nyanaḅọ Ḅe ọkwẹịn ị̀ pịrịmẹ, anị Babilọn Amanyanaḅọ Nebukadneza ḅe na oria owunima na, ò chuku ḅie sime sẹ mamgba na tomoni-kịrịkịrị-apụ mamgba, ọ̀ mịẹkụrọmarị sịkị, ò Jerusalẹm na anị na kpeki amama na gbẹịnmachịẹarị ogbo.

Jerimaya 37:17

Anịeso, anị Amanyanaḅọ Zẹdẹkaya ḅe ị̀ fịrịma ọkị oria amanyanaḅọ odo munye-ẹ, se anịnyọ ọ̀ ḅọịma ị̀ gbelamẹ, “Nyanaḅọ Ḅe ḅara ḅo oku omi?” “Omi-ẹ,” àrị ọ̀ pẹkẹrẹmẹ se à pịkị se chụamẹ, “Ini ị́ saḅaḅọrọma Babilọn amanyanaḅọ ḅe pịrịḅịa.”

Jerimaya 37:3

Amanyanaḅọ Zẹdẹkaya ḅe, Jẹhukal Shẹlẹmaya owutọkụ ḅe na agbamịẹḅọ, Zẹfanaya, Measaya owutọkụ ḅe na, fịrịma ị̀ sẹịnmamẹ na iniḅo ị̀ ḅe à Nyanaḅọ mịna Tamụnọ Ḅe tẹkẹ mịna sẹ mị tịḅịgose.

Jerimaya 37:7

à ḍuko Zẹdẹkaya ḅe pịrị, “Ijipt owunima, iniḅo ḅarachụa ị̀ pịrị-ẹḅoaḅẹ, ọkụma ini pịkịma soḅịa.

Izikịẹl 7:26

Gbọrị opu ḅụfụka jịn ḅụfụka ḍukomaḅoḅịa, anịsịkị si oku si oku ḍukomaḅoḅịa. Ómine ịkịankoroapụma ḅẹḅịa, na ini ọrịye ini nwọ ḍuko ọ́ pịrị. Agbamịẹ apụma sọnị ini se tomoni ḍieḅịa ye ofori-ẹ, sẹnịapụma sọnị pịrịḅịa tetema ọkwẹịn ḅarị sime ẹkẹ.

Bẹrẹkọn Apụ 20:27

Àrị enema ḅie Tamụnọ Ḅe Ọḅọkụ Igbe mị Bẹtẹl mị ḅie anị simemẹ, se Fịnehas, Ẹleaza yaḅe, anị Erọn yaḅe anị ḍikiḍikimẹ. Tomonima nwọse Nyanaḅọ Ḅe gbelamẹ, “Wa pịkịna mun owu se mịna mịnapụ Bẹnjamin apụma pakaḅịa mọnọ se wa wẹrịsoḅe?” Nyanaḅọ Ḅe nwọse ini pẹkẹrẹmẹ, “Ó mun owusọ. Ḅa àrị ọ́ mịẹse ómine ini nẹngịmaḅịa.”

1 Samụẹl 10:22

ini Nyanaḅọ Ḅe gbelamẹ, “Jụmḅọ pa kọn wara-ao?” Nyanaḅọ Ḅe nwọse ini pẹkẹrẹmẹ, “Sọl ḅe anịju ori omi-ẹ, yema ọḅụju ọ̀ ḅọị waraḅẹ.”

1 Samụẹl 28:15

Samụẹl ḅe nwọse Sọl ḅe gbelamẹ, “Cheye gose ị́ ị̀ ḅụḅalaḅalama-ao? Cheye gose ị́ ị̀ mịẹse à vinpịkịḅo?” Sọl ḅe nwọ pẹkẹrẹmẹ, “Àrị opu ḅụfụka ḅie omi-ẹ! Filistia apụma ini ị̀rị̀ na ọmụgbin-ẹtọn-aḅẹ, ọkụma Tamụnọ Ḅe ori ị̀ wẹrịsosam. Ọ̀ ḅarị ị̀ pẹkẹrẹkẹ ngịsị, anị ḅọrọ ịkịankoroapụ ḅụ anịkanịka ḍawọ ḅụ sọnị. Anị gose àrị ị́ chịnmẹ, à mịẹḅịa ye ị́ pa nwọ ḍuko ị̀ pịrịḅịa ḅara.”

1 Samụẹl 28:6

anị ọ̀ mịẹḅịa ọkụ ọ̀ nwọse Nyanaḅọ Ḅe gbelaye-ẹ. Ọkụma Nyanaḅọ Ḅe ngịsị ori ọ̀ pẹkẹrẹkẹ, anị ḅọrọ ḍawọ ḅụ-o anịkanịka gele agbamịẹapụ ọkwẹịn gbelaye ma ḅụ-o pịkị ịkịankoroapụ ḅụ sọnị.