Jerimaya 21:1 - Kịrịkẹnị Baịbụl

¹ Juda Amanyanaḅọ, Zẹdẹkaya ḅe, Pashọ, Malkaya tọkụ ḅe na agbamịẹḅọ, Zẹfanaya, Measaya tọkụ ḅe na, mị yeḅi ḅịpị se ị̀ sẹịnmamẹ:

Jerimaya 21:1 Iomraidhean Croise

2 Amanyanapụ 22:13

“Ó mun Nyanaḅọ Ḅe ḅịpịgbela ị̀ pịrị, pịkị bebe Judapụ mamgba na mị ḍiri mị telimarịyema gbolomayeḅụ. Nyanaḅọ Ḅe ori ịganị nyanamẹ mịnaḅụ anịatịḅị mịna olomu-aḍapụma mị ḍiri mị ḅẹ na mịẹ nwọḅẹ ḅara ini nwọ mịẹkẹ.”

1 Amanyanapụ Sịkị Mịẹaye Ma 3:15

Josaya ḅe inein-a owuapụ awọ ọ̀ nwọ yimẹ: Johanan ḅe na, Jẹhoịakim ḅe na, Zẹdẹkaya ḅe na, pịkị Joahaz ḅe na.

2 Amanyanapụ Sịkị Mịẹaye Ma 36:17

Anịẹrẹchị Nyanaḅọ Ḅe Babilọn amanyanaḅọ ḅe ọkịḅo se ori owu seni ini pakamẹ. Amanyanaḅọ ḅe Juda asẹmẹnị ma ori ini ḅaamẹ, Oputẹkẹwarị ḅie sime apụma sọnị ọ̀ ḅaamẹ. Ò ḍikitịḅịfoin nyana pịrị gbọrịḅọ sọnị ofori-ẹ, ayamburama awọ na olomuapụ na, owuapụ na eremeni na, obiapụ na kpụrụkpụrụapụ na. Tamụnọ Ḅe inimgba seni ọ̀ ḅaraḅie dẹrịmẹ.

Nẹhimaya 11:12

Inimgba kịnị-a mẹndẹ si mamapụ fịnjị, anị mị sẹ mị ḅie Oputẹkẹwarị fịrịnwẹngịapụ ma-ẹ. Jeroham tọkụ Adaịa ḅe, oria opuḍaḅọ Pẹlalaya ḅe-ẹ. Oria jịn ḅieju-aḍapụ anị Amzaị, Zẹkaraya, Pashọ ḅe na pịkị Malkaịja ḅe na-ẹ.

Jerimaya 29:29

Zẹfanaya ḅe ḍiri mị go ị̀ pịrịmẹ,

Jerimaya 35:4

ọkị Oputẹkẹwarị mị ḅie ḅomẹ. Àrị ini ọkị ịkịankoro Hanan, Igdalaịya tọkụ ḅe, ọḅụḍukoapụma jukuru ḅie ḅomẹ. Mịn jukuru ḅie mị anị Measaya, Shalọm tọkụ ḅe oria ḅie mị ọgọnọ simeye mị-ẹ. Ori anị Oputẹkẹwarị ḅie opu fịrịnwẹngịḅọ-ẹ; oria ḅie mị anị ísí-a fịrịnwẹngịapụma ḅie na kpekimẹ.

Jerimaya 37:1

Babilọn Amanyanaḅọ Nebukadneza ḅe, Zẹdẹkaya, Josaya owutọkụ ḅe ọkị Juda amanyanaḅọ nwọ mịẹmẹ, ò se Jẹhoịakim owutọkụ, Jẹhoịakin ḅe kiri ḍinmaḅụ.

Jerimaya 37:17

Anịeso, anị Amanyanaḅọ Zẹdẹkaya ḅe ị̀ fịrịma ọkị oria amanyanaḅọ odo munye-ẹ, se anịnyọ ọ̀ ḅọịma ị̀ gbelamẹ, “Nyanaḅọ Ḅe ḅara ḅo oku omi?” “Omi-ẹ,” àrị ọ̀ pẹkẹrẹmẹ se à pịkị se chụamẹ, “Ini ị́ saḅaḅọrọma Babilọn amanyanaḅọ ḅe pịrịḅịa.”

Jerimaya 37:3

Amanyanaḅọ Zẹdẹkaya ḅe, Jẹhukal Shẹlẹmaya owutọkụ ḅe na agbamịẹḅọ, Zẹfanaya, Measaya owutọkụ ḅe na, fịrịma ị̀ sẹịnmamẹ na iniḅo ị̀ ḅe à Nyanaḅọ mịna Tamụnọ Ḅe tẹkẹ mịna sẹ mị tịḅịgose.

Jerimaya 37:7

à ḍuko Zẹdẹkaya ḅe pịrị, “Ijipt owunima, iniḅo ḅarachụa ị̀ pịrị-ẹḅoaḅẹ, ọkụma ini pịkịma soḅịa.

Jerimaya 38:1

Shẹfataịya, Matan owutọkụ ḅe na, Gẹdalaya, Pashọ owutọkụ ḅe na, Jẹhukal, Shẹlẹmaya owutọkụ ḅe na, Pashọ, Malkaya owutọkụ ḅe na, naamẹ na à ḍuko nweni ma pịrịma ḅọrọaḅẹ na

Jerimaya 38:14

Jịn sịkị ḅụ, ini ị̀ ọkịḅo Amanyanaḅọ Zẹdẹkaya ḅe pịrịmẹ, tẹrẹ karama ḅọkọ ḅụ, ḅọrọ Oputẹkẹwarị sọḅịa nyọ ḅụ, se ọ̀ nwọ ḅẹmẹ, “À gbọrị ḅẹrẹ se ị́ gbelaḅịa, se à pịkị ḅiḅịa anịa karakaramgba ị́ nwọ ḍuko ị̀ pịrị.”

Jerimaya 52:24

Nebuzaradan owuni tịḅịnịḅọ ḅe, Sẹraịya Gele Agbamịẹḅọ ḅe na kiriḅụ ò ḍukoma agbamịẹḅọ Zẹfanaya ḅe na pịkị ísí tẹrẹ-a Oputẹkẹwarị ḅie yela fịrịnwẹngịapụ na se ísíapụma ḅụ chụa se nwọ ọkịsomẹ ikoliapụ ḅaraḅụ.