Jerimaya 2:3 - Kịrịkẹnị Baịbụl

³ Izrẹl, ị́ sime ị̀rị̀ kẹngẹ pịrịmẹ; ị́rị́ anị ị̀ya osiḅụ sime chịnmgbọlụ-ẹ. À tọrụsiọrị na sifụḅara na se yese ị́ lamapụ goyegoye sẹịnmamẹ. Mị anị Ị̀rị̀, Nyanaḅọ Ḅe, ḍukosaye-ẹ.”

Jerimaya 2:3 Iomraidhean Croise

Pakaso 22:29

“Ọ́mịna ịpịamgba ma na, ọ́mịna iru ma na, pịkị ọ́mịna oliv pulo agbama na ọ́ nwọ mịẹ ị̀ pịrị, arịa sịkị lasa ḅẹḅẹ. “Ọ́ tatarị yi owuapụ awọma ọ́ nwọse ị̀ pịrị.

Pakaso 23:16

“Ọ́mịna fịayema ọ́ sakị nwọ sokuḅịa sịkị ḅụ Sokusịkị-Alalị ọ́ nwọ fị. “Kụra kuluma sịkị mị ḅụ ọ́ chịnmgbọlụma koḅiri warị chusa ḅẹḅẹ, ọ́mịna irumịẹ chịnmgbọlụ ozuma na pịkị fịaye ozuma ḅie na, Koḅiri Warị Chu Alalị mị ọ́ nwọ fị.

Aịzaya 41:11

“Ómine ḍikiḅụnwọnwọ apụma ọmụḅarasi ḅe ḅụgerere ini nwọ nemiḅịa. Ómine na ọmụgbin-arịapụ ma ini fịḅịa

Aịzaya 47:6

Àrị ịganị nyana ị̀ya tomonima pịrịmẹ; ini ḅarị ị̀ya tomonika ḅara à nwọse ini na angamẹ: Àrị ini se ị́ ḅara dẹrịmẹ, ị́ ḍikitịḅịfoin nyana ini pịrịkẹ olomu apụma sọnị ị́ kụrọḅara se ini na angamẹ.

Jerimaya 12:14

Nyanaḅọ Ḅe nwọ ḅẹmẹ, “À ḍukoḅịaye omi-ẹ Izrẹl na palịangapụ gbolomaye ḅụ, anị à se ị̀ya tomoni Izrẹlapụma pịrị ama mị kan apụma. Àrị ini sitịḅịnyanapụma ọkịsinḅịa inia sẹma ḅie, ini burasin chịn ọkụ, se à Juda mị ḍụaḅịa inia ḅaraḅie.

Jerimaya 2:4

Nyanaḅọ Ḅe oku mị poki, ómine Jekọb ḅe ḅụ pakaḅo apụma, ómine Izrẹl sẹ apụma.

Jerimaya 30:16

Ọkụma mịọkụ, ómine mịnịapụ mamgba ini ini mịnịḅịa, pịkị ómine-na-tarakapụ mamgba ini ini ọkị soḅịa ikoliapụ ḅaraḅụ. Ọ́ pụndapụ mamgba ini ini pụndaḅịa, pịkị ómine ọfọịn apụ mamgba ini ini ọfọịnḅịa.

Jerimaya 50:7

Ini ḍọkịḅo ọrịapụ goyegoye owu se ini pakamẹ. Inina-tarakapụ ma ọkọ ḅẹmẹ, ‘Ini Nyanaḅọ Ḅe ḅụ si mịẹmẹ, anịgose wa mịẹsaye mị irimayekẹ. Inia ḅieju-aḍapụma kuḅie-se Nyanaḅọ Ḅe ḅụgbanamẹ, anị ini sọ mgbọkụ kuḅie se ọḅụ gbanaḅịa ọkụ-ẹ.’

Joẹl 1:3

Anịa ḅụ ḅẹrẹ ọ́ nwọ ḍuko ọ́mịna awọma pịrị; ini ma pịkị ḍuko inia awọma pịrị, ini ma pịkị anị ḍuko ísí ḅoḅịa ḅụọ mị pịrịḅịa.

Emọs 6:1

Anị ḅalafaye sọ ọ́ pịrịḅịa ómine Zaịyọn ḅie sarasara ḍumo kọn apụma na pịkị ómine Sameria ḅie, chịn na ó dein nyanamẹ nwọḅẹ apụma pịrịḅe, ómine opu apụma mị Izrẹl opu sẹ ḅie sime apụma, anị tomonima ọ́ damamun se ọ́mịna ḅarachụa ḅiḅi apụma!

Habakọk 1:11

Se fọrụ nyọ ọfịn ḅara ini nwọse nyọ mị ọfịn se soḅịa, mịnapụma inia kụrọ anị inia oru-ẹ.”

Zẹkaraịa 1:15

se à pịkị opuma ịganị nyana yawụma dein ḅụ sime amama pịrịmẹ. Anịatịḅị àrị ị̀ya ịganị ọlọchịẹma ị̀ya tomonima pịrịarị sịkị, arịa sẹma mịẹse ị̀ya tomonima tọrụsiọrịtẹịnmẹ.

Zẹkaraịa 2:8

Ḅara se ọ́ lamaḅọ ḅara se ị̀ ḅụ yelatẹịnye lamamẹ.” Anị ḅụ Kụrọmamgba Nyanaḅọ Ḅe mị oku mị se ị̀ fịrịmamẹ na à se mun oria sẹma ọfọịn apụma pịrị:

Kịẹnḅịpị Ma 18:12

“Izrẹlapụma kụra kụra ḅụ se ị̀ pịrịpịrị iḅitẹịn tatarị chịnmgbọlụ mamgba à se ọ́ pịrịaḅẹ: oliv pulo na, ere iru na, pịkị fịayemgbọlụ mamgba na.

Romapụ 11:16

Tarị fịturu pẹkẹrẹ mị ini nemikase nwọse Tamụnọ Ḅe pịrịmẹ nwọ ḅẹḅẹ, anịọkụma, bebe okpokpo mị sọnị pịkị oriaye-ẹ; se ini chịn-akuno ma nwọse Tamụnọ Ḅe pịrịmẹ ḅẹḅẹ, ịkpangịma sọnị pịkị oriaye-ẹ.

Romapụ 16:5

Inia warị ḅie koḅirimarị chọchị mị à nwọ kerenimẹ. Kereniḅịpị pịkị sime ị̀ ḅụ yela ikiaḅọ, Epinetọs ḅe pịrịmẹ, ori mị tatarị Esia pẹkẹrẹ mị ḅụ Kraịst Ḅe ḅereni owuḅọ-ẹ.

Ẹfịsọsịapụ 1:4

Tomonikiri mị ma tẹmẹka sịkị ngịsị, Tamụnọ Ḅe mine ḅe Kraịst Ḅe na gbọrịye mịẹ ḅụ ḅọrọ wa sẹlẹ ọkị se oria tomoni mịẹ ḅọrọsam, mịẹse wa ọ̀ tọrọkọ Fịafịa pịkị mịẹirima nyana ẹka ọkụ. Oria ḅẹlẹma mị gose

Maịnkarama Oloko 14:2

Ó sime Nyanaḅọ ọ́mịna Tamụnọ Ḅe pịrịmẹ; ori ọ́ sẹlẹọkị se oria tomoni nwọ mịẹsam, anịẹrẹchị ómine ma anị osiḅụ sime ọ̀ pịrị apụ-ẹ, bebe sẹkiri mị ḅie sime apụ mamgba ḅụ.

Maịnkarama Oloko 26:19

Ori ọ́ mịẹse ómine opusọtẹịn ọ̀ tẹmẹ sẹ mamgba nwọ nẹngịḅịa, se ó tokoni na osi na ọkịḅo oria ẹrẹ mị pịrịḅịa. Ómine oria tomoni nwọ sọḅịa, anị ọ̀ wẹrị yeḅerenisa ḅaraḅụ.”

Maịnkarama Oloko 7:6

Ómine ọkọ mịẹ anịatịḅị ó sime Nyanaḅọ ọ́mịna Tamụnọ Ḅe pịrịmẹ. Bebe sẹkiri mị ḅie sime sẹsẹ mamgba ogboku, ori ọ́ sẹlẹ ọkị se oria jokoma tomoni nwọ mịẹmẹ.

Jems 1:18

Ò ḅi ḅara ḅụ ọ̀ mịẹse wa ḍumomẹ kọkọma ọkwẹịn mị ḅụ, mịẹse ọ̀ tẹmẹ ayema ḅie wa tatarị chịnmgbọlụ nwọ sọḅịa ḅara.

1 Pita 2:9

Ọkụma ómine anị sẹlẹọkịsa apụ ma-ẹ, Amanyanaḅọ Ḅe agbamịẹapụma, osiḅụ sime sẹ mị, Tamụnọ Ḅe oria tomoni-ẹ, ọ̀ sẹlẹọkị seni oria ḅụgbiripuma mịẹmịẹaye ma ḍukopakụmaḅịa apụma, kanakana ḅie ọ́ chịn pakụmaḅo se oria ḅụgbiripuma enekuḅu ḅie chu ḅọ ḅe.

Ḍieḅelema Yema 14:4

Ini anị inia ḅụ se ọrụtọn, eremeni na mịẹgboloma nyanaka apụ ma-ẹ; ini ere nemikẹ. Ini anị Anana Tọkụ Ḅe ḍukonwẹngịapụ-ẹ ò mun nyọ mun nyọ ḅụ. Ísí-a tomoni mamgba ḅie ini ḍụaḅọrọma nyanasam. Ini anị ini pịkị tatarị se agbamịẹ Tamụnọ Ḅe na Anana Tọkụ Ḅe na pịrịḅịaye-ẹ.