Jerimaya 2:2 - Kịrịkẹnị Baịbụl

² na à mun mịn oku mị ḍuko kelema ḅẹḅọ ḅẹḅọ pịrị Jerusalẹm mị ḅie. “À se ḅiekoromamẹ, ị́ kala tọkụ ḅụ sime sịkị, ị́ kuḅie se ḅụgbana-na-gbẹịnḅọ-sọ ọkụ, wa tatarị ama-na-ere-na sime kọn sịkị ị́ ị̀ ḅẹlẹma ọkụ; onwun ele ḅie ị́ ị̀ ḍukonwẹngịmẹ, ma ini ye ḍipika kiri ḅụ ị́ ị̀ ḍukonwẹngịmẹ.

Jerimaya 2:2 Iomraidhean Croise

Fịafịa Nime 129:1

Izrẹl ị́rị́ na taraka apụma ị́ya boka sịkị ngịsị ị́ pụnda la-ọkụ ḍuko wa pịrị.

Pakaso 14:31

Izrẹlapụma Nyanaḅọ Ḅe oria opu kụrọ mị seni Ijipt apụma nẹngịma ọkụ nwọ ọrị sịkị, ini Nyanaḅọ Ḅe ḍikiḅalafamẹ; ini pịkị Nyanaḅọ Ḅe ḅụ ḅereni nyanamẹ, pịkị oria fịrịnwẹngịḅọ Moziz ḅe ḅụ na.

Pakaso 16:8

Anịsịkị Moziz ḅe nwọ ḅẹmẹ, “Nyanaḅọ Ḅe anị saso ḅiri ḅụ ọ́ pẹịpẹịḅịa nama seni ọ́ pịrị pịkị ọ́ fịfịḅịa ḅaka fịaye na seni dede ḅie ḅụ ọ́ pịrịḅịaye-ẹ, anịatịḅị ó seni ò fiesima la-ọkụ mị ọ̀ naasam. Ọ́ nwọ wa fiesima àrị sịkị, Nyanaḅọ Ḅe anị ọ́ dada fiesima arịye-ẹ.”

Kaḅo Ma 1:20

Poki! Nemi mị anị olokuḅụ chịnpụkọ se nweni pịrịaḅẹ ateli ma ḅie na fẹ ma ḅie ḅụ na,

Sọlọmọn Nime Ma 3:11

Zaịyọn eremeni, ó ḅo Amanyanaḅọ Sọlọmọn ḅe ọrị. Nyọngọrọ ma se ori eresime ene ò chira amanyanaḅọ chu ọ̀ nwọ chira waraḅẹ, ḅieḅẹlẹ ò kuḅie ḅein ene ḅụ.

Sọlọmọn Nime Ma 3:6

Mịn cheye nwọ onwun ele ḅie nwẹngịmabo-ao onwoin kpo sime ọkụ, tuḅonima dẹrị insẹnsị na maah olo na anịaḅụ kụnụ aḅẹ?

Aịzaya 58:1

Nyanaḅọ Ḅe nwọ ḅẹmẹ, “Ómine ineda olokuḅịa ḅara ọ́ nwọse oloku! Ị̀ya tomoni Izrẹlapụma inia sima ḅe ḅẹrẹ ọ́ nwọ ḍuko ini pịrị!

Jerimaya 11:6

Anịeso, Nyanaḅọ Ḅe ị̀ ḅẹmẹ, “Juda opuamama ḅie na Jerusalẹm ateli ma ḅie na mun. Anịnyọ ḍuko kelema tomonima pịrị ị̀ya oku mị ini nwọ poki se ọḅọkụ mị olokoma ḍukoye mịẹ.

Jerimaya 19:2

se Pọtsẹd Onu Ḅọkọ mị ḅie ḅụ ḅọrọ paka Hinọm Pẹsịkiri nyọ mị mun. Anịnyọ anị ò se ị̀ pịrịḅịa oku mị à nwọ ḍuko finjiḅịaye-ẹ.

Jerimaya 2:1

Nyanaḅọ Ḅe nwọse ị̀ ḅẹmẹ

Jerimaya 2:6

Ini ị̀ abalakẹ, àrị Ijipt ḅie ini ḍụapakụmaḅomẹ nwọḅẹ sọ pịkị onwun ele ḅie ini ḅọrọmaḅomẹ nwọḅẹ sọ: anị onwun ele ḅie onwun pokolo ma na kiri mị, anị samịna pịkị yese-nweni lama kiri mị, gbọrịḅọ sọ angaka, pịkị ḅọrọḅọrọka nyọ mị.

Jerimaya 3:4

“Ọkụma mịọkụ ị́ nwọse ị̀ ḅẹmẹ, ‘Ị́rị́ ị̀ ḍa-ẹ, na kalatọkụ ḅụ à sime sịkị ngịsị ị́ ị̀ ḅẹlẹmamẹ.

Izikịẹl 16:22

Ma ḅụgbẹịnka ayema ị́ nwọ mịẹarịsịkị amanwẹngị eremeniḅọ ḅara, ngịsị ị́ se ḅiekoromakẹ ị́ya kala iremeni tọkụ sịkị mị anị ị́ papaḅụ sin, pịkịna ị́ya pulo ḅie kpeleki sịkị mị.”

Izikịẹl 16:60

Ọkụma ị́ asẹ ḅụ sime sịkị ḅụ àrị ị́rị́ na fị ọḅọkụ mị àrị anị kokoḅịa, à pịkị ị́rị́ na simegbasoḅịa ọḅọkụ fịḅịa.

Izikịẹl 16:8

“À pịkịna kpoto ḅọrọ sịkị, àrị ọrịmẹ na tomoniḅọ ị́ ḅẹlẹmaḅịa sịkị ị́ ḅo nwọ lasam. Anị àrị ị̀ya ḅụgbẹịnye mị se ị́ya papaḅụ mị gbẹịnye-ẹ, se nwọ ḅẹmẹ na àrị ị́rị́na simeḅịa. Kọkọmaye ḅụ àrị ị́rị́na simeḅịa ḅe ọḅọkụ wa nwọ fịmẹ, ị́ ḅo ị̀yaye nwọsọmẹ. Mịn anị Kụrọmamgba Nyana Tamụnọ Ḅe ḍuko ọkụ-ẹ.

Izikịẹl 23:19

Á ḅo amanwẹngịtẹịn ḅọrọsa sịkị nwọ nẹngịsam, árị iremeni ḅụ sime sịkị á kọnkọn gbọrị ḍumo mị anị á pa kọn arịye, anị Ijipt ḅie á sẹfị àrị sịkị mị.

Izikịẹl 23:3

Ini bokaḅụ Ijipt ḅie anga sịkị ḅụ ini inia owuapụ nemika mị famamẹ, se iniḅo amanwẹngị ere nwọsọmẹ.

Izikịẹl 23:8

Ijipt ḅie árịa owuḅọ nemika mị á nwọ fama sịkị ngịsị á kọn sime sẹfị mị ḅụ á ye sin ḍụkụkẹ. Arịa bokaḅụ ngịsị á sẹfị mẹ se ini pịkị á se sẹfịḅọ mịẹmẹ.

Hosia 11:1

Nyanaḅọ Ḅe nwọ ḅẹmẹ, “Izrẹl ḅe kalatọkụ ḅụ sime sịkị, àrị ọ̀ ḅẹlẹmamẹ se Ijipt ḅie àrị ọ̀ chịn pakụmaḅomẹ ị̀ya tọkụ ḅaraḅụ.

Hosia 2:15

Á tatarị nyana ḅọrọsa irumịẹ chịnmgbọlụ ozuma à nwọse á pịrịḅịa, se “Ḅụfụka Pẹsịkiri” mị à anị mịẹḅịa anị ḅo ḅọrọ nyọ sọ mun kụrọkuḅie nyọ laḅịa. Anịju, árị ire ḅụ sime se Ijipt ḅie ḅụ ḅo sịkị árị ị̀ ọkị ḅara, á nwọse ị̀ ọkịḅịa.

Hosia 2:17

À pịkị ḅarị jenejene ḅereni ẹkẹ á Beal ẹrẹ mị go.

Hosia 2:7

Á mangị árị-na-iḅiọkụma sime apụma ḍukoḅịa ọkụma árị ineda ini la-ẹkẹ. Árị ini ḍọkịḅịa ọkụma árị ineda ini ọrịḅo-ẹkẹ. Anịsịkị á nwọ ḅẹḅịa, “À so ị̀ya tatarị deḅọ ḅe damamunḅịa—anịsịkị anị iḅi ị̀ pịrịtẹịn mịọkụ nẹngịmẹ.”

Hosia 8:1

Nyanaḅọ Ḅe nwọ ḅẹmẹ, “Ḅerijine ḅalafama oloku mị kọn! Tarakapụ igo tu-koro-ọkụ tu ị̀ya ama koro aḅẹ! Àrị ị̀ya tomonima na fị ọḅọkụ mị, ini kansam, se ini ininachịn à se ini ḍieaye ma pịrịsam.

Hosia 9:10

Nyanaḅọ Ḅe nwọ ḅẹmẹ, “À tatarị Izrẹl ḍọkịpakụma ḅo sịkị anị onwun ele ḅie sẹnịpakarị tụmgbakị elelenda ḍọkịḅo ọkụ simemẹ. À tatarị ọ́mịna ḅieju-aḍapụma ọrị sịkị, ịwọma ḅịasa figi chịnmgbọlụ ọrị ọkụ simemẹ. Ọkụma ini ḅo Piọ Tụndụ mị lasịkị, ini sakị ḅo Beal ḅe tẹkẹmẹ, ini ḅo ị̀ ḅụnwọnwọmamẹ, ini ḅẹlẹma oru ma ị̀ ḅụnwọnwọma ọkụ.

Jona 1:2

Ọ̀ nwọ ḅẹmẹ, “So Ninivẹ mun anị ḍụḅa opuama mị, se ọkwẹịn anị pịrị; anịa tomonima sitịḅịnyana la-ọkụ à nemimẹ.”

Matio 11:15

Anịọkụma ó poki, ó ḅeri nyanamẹ ḅẹḅẹ!

Luk Iḅi Ḅẹrẹ Mị 12:13

Tomonikpo mị ḅie sime gbọrị owuḅọ nwọse Jizọs Ḅe ḅẹmẹ, “Yeḍieḅọ, ḍuko ị̀ mbire ḅe pịrị se ọ̀ mịna ḍaḅe koroma so wa pịrịayema nwọ se ị̀rị̀ na ḍia.”

Maịnkarama Oloko 2:7

“Nyanaḅọ ọ́mịna Tamụnọ Ḅe, ọ́ mịẹye goyegoye ḅụ ómine ḅẹlẹma ọkụ ọ́ nwọse ḅiekoroma. Ori ó ḍikiḍikimẹ mị opu onwun ele mị ḅie ó gelegelema ḅọrọarị sịkị. Ori ómine na omi-ẹ ma kụra mesi ma ḅieḅụ, se ọ́ ḅụpalịmaye goyegoye ọ́ pịkị nyanasam.

Maịnkarama Oloko 33:3

Nyanaḅọ Ḅe oria tomonima ori ini ḅẹlẹmamẹ; ọ̀ pịkị sime ọ̀ pịrị apụma ḍikiḍikimẹ. Anịẹrẹchị wa ọ̀ ḅụọchuku tịḅịtu ọ̀ pịrị se oria olokoma kokomẹ.

Maịnkarama Oloko 8:2

Ó seni ḅiekoroma Nyanaḅọ ọ́mịna Tamụnọ Ḅe ma kụra mesi ma ḅie tọrọkọda ọ́ pịrị, mị opu ḅọlọ nwẹngị mị ḅie ó seni onwun ele mị ḅie toluḅọrọ ọkụ mị, opu ḅụfụka se ọ́ fịrịma ọ́ ḍaḍikiḅaraḅụ, mịẹse ó kuḅie tọn se ó ḅiaye ọ̀ nwọ nemiḅịa ọkụ, pịkị oria olokoma ọ́ nwọ kokoḅịa-otuḅo.

Jems 4:4

Kuḅie se ḅụgbana gbẹịnka apụ! Ó nemika na tomonikiri mị ḅe ikiaḅọ anị Tamụnọ Ḅe na taraka ḅọ-ẹ? Tomonikiri mị na ikia ḅiarị ḅọ goyegoye iniḅọ mịna ḅụ se Tamụnọ Ḅe na tarakaḅọ mịẹsam.

Ḍieḅelema Yema 2:4

Ọkụma à se ị́ ọlọarịye omi-ẹ. Tatarị sịkị ị́ ị̀ ḅẹlẹma ọkụ ị́ ḅarị ọkọ se ị̀ ḅẹlẹmakẹ.