Jerimaya 2:1 - Kịrịkẹnị Baịbụl

¹ Nyanaḅọ Ḅe nwọse ị̀ ḅẹmẹ

Jerimaya 2:1 Iomraidhean Croise

Jerimaya 1:11

Nyanaḅọ Ḅe ị̀ gbelamẹ, “Jerimaya, ị́ che ọrị?” Àrị ọ̀ pẹkẹrẹ se nwọ ḅẹmẹ, “Ịmụnụmụnụ chịn ịkpangị-ẹ.”

Jerimaya 2:2

na à mun mịn oku mị ḍuko kelema ḅẹḅọ ḅẹḅọ pịrị Jerusalẹm mị ḅie. “À se ḅiekoromamẹ, ị́ kala tọkụ ḅụ sime sịkị, ị́ kuḅie se ḅụgbana-na-gbẹịnḅọ-sọ ọkụ, wa tatarị ama-na-ere-na sime kọn sịkị ị́ ị̀ ḅẹlẹma ọkụ; onwun ele ḅie ị́ ị̀ ḍukonwẹngịmẹ, ma ini ye ḍipika kiri ḅụ ị́ ị̀ ḍukonwẹngịmẹ.

Jerimaya 23:28

Ḍawọ kọn ịkịankoroḅọ ḅe ò ḅereni ọkị na papa ḍawọ mị ọ̀ kọnye-ẹ, ọkụma ị̀ya oku naa ịkịankoroḅọ ḅe, ori ị̀ya oku mị ḍuko wasamaḅịa kuḅie se ḅụgbana ḅaraḅụ. Osirosiroḅa se ịpịamgba mgbọlụma na otoma mị che iḅi mịẹ ḅe?

Jerimaya 7:1

Nyanaḅọ Ḅe ị̀ se tẹkẹwarị onu ḅọkọ mị fịrịmamẹ, anị Juda-a tomonima mun tẹkẹtẹkẹ nyọ mị. Ò ḍuko ị̀ pịrịmẹ àrị anịnyọ chịẹ se ḍukopakụma, Kụrọmamgba Nyanaḅọ Ḅe, Izrẹl Tamụnọ Ḅe, ḍuko ị̀ pịrị se à ḍuko ini pịrị nwọ ḅẹ-aye ma: “Ómine anga àrị ḅara ọ́ nwọ ḍinma, pịkị ọ́ mịẹarịaye ma na, se à ḅereni ọ́ pịrịḅịa ọ́ mịanga angama mun.

Izikịẹl 7:1

Nyanaḅọ Ḅe nwọse ị̀ ḅẹmẹ.

Hosia 2:15

Á tatarị nyana ḅọrọsa irumịẹ chịnmgbọlụ ozuma à nwọse á pịrịḅịa, se “Ḅụfụka Pẹsịkiri” mị à anị mịẹḅịa anị ḅo ḅọrọ nyọ sọ mun kụrọkuḅie nyọ laḅịa. Anịju, árị ire ḅụ sime se Ijipt ḅie ḅụ ḅo sịkị árị ị̀ ọkị ḅara, á nwọse ị̀ ọkịḅịa.

Hibru 1:1

Ḅọrọsa sịkị Tamụnọ Ḅe ịkịankoroapụma ḅụ ḅọrọ tọn-a kịrịkịrị ḅọkọ ḅụ ọkwẹịn mịna olomu ḅieju-aḍapụma pịrịmẹ,

2 Pita 1:21

Anịatịḅị tomoniḅọ kụrọ ḅụ ḅo gbọrị ịkịankoro oku ofori-ẹ, ọkụma tomonima Fịafịa Tẹmẹ Ḅe kụrọ ḅụ anị ini sime se Tamụnọ Ḅe ḅara ḅo oku mị ḍukopakụmaye-ẹ.