Jems 5:9 - Kịrịkẹnị Baịbụl

⁹ Ọ́ jịnḅọ jịnḅọ se ịkpẹịn ma ị̀ya mịnapụ, mịẹse Tamụnọ Ḅe ḅẹrẹkọn ọ́ pịrị ẹka ḅara. Ḍiki Ḅẹrẹkọn ḅọ ḅe ḅọkọkọ ọ̀ chịẹ waraḅẹ, ḅụpakụmaḅịa ẹrẹchị.

Jems 5:9 Iomraidhean Croise

Chukusakị 4:7

Ị́ ḅọrọ iḅiye mịẹ ọkụma, ị́yaye sọnị àrị ọkị ḅịa; ọkụma ị́ ḅụ ọbịka ọkụma, si ị́ya warịḅọkọ ḅọị ị́ koruaḅẹ. Anị ḅẹrẹtọn ị́ pịrị ḅiaḅẹ, ọkụma ọrị na ị́ ḅẹrẹtọn anị pịrịmẹ.”

Fịafịa Nime 59:15

fịye gose nwẹngịma ḅọrọ àrị obiri sime ọkụ, fịye pụkọtankaḅụ ḅie ḍarị àrị obiri ḅara mị.

Izikịẹl 7:12

Sịkị mị ḅoaḅẹ, ene mị ḅo kpekisam. Ye fẹ apụ na ye dẹrị apụ na ḅo gbọrị ḅara simeḅịa. Anịatịḅị, Tamụnọ Ḅe oria fomuḅara nweni mamgba nwọ laḅịa.

Agbamịẹ Apụ 19:18

Gbọrịḅọ ḅụ sọ sowu ḅima anịkanịka papa ò ḍikiḅieḅuma, ọkụma ị́ ḅụ ḅẹlẹma ọkụ nwọse ị́ juo tomoniḅọ ḅẹlẹma. Ị̀rị̀ anị Nyanaḅọ Ḅe-ẹ.

Matio 24:33

Anị gbọrị ḅara mị ḅụ, ọ́ màye mamgba ọrịḅịa sịkị, ó nemiḅịa na sịkị mị kpekisam, anị ḅo ḅọkọkọ lasam.

Mak Iḅi Ḅẹrẹ Mị 13:29

Anị gbọrị ḅara ḅụ mayema paka se ómine ọrịḅịa sịkị, ó nemiḅịa na sịkị mị kpekisam, anị sakịḅịa ẹrẹchị ḅụkarakaramaḅẹ.

Mak Iḅi Ḅẹrẹ Mị 6:19

Anị gose, Hẹrọdịas ma á si-kuḅie nyana Jọn ḅe pịrịmẹ, se ọ̀ ḅaaḅịa ẹrẹchị ḍọkịmẹ, ọkụma árị ineda kẹ Hẹrọd ḅe gose.

1 Kọrịntapụ 10:11

Elekima sọ jịn apụ pịrị gose mamgba inia ḅụ pakamẹ, ini pịkị ḅerijine ḅara ḅụ àrị gịẹịn koroma wa pịrịmẹ. Anịatịḅị kuluma mị la-ẹ ḅoaḅẹ nwọ ḅẹ ḅụọ ḅụ wa omi-ẹ.

1 Kọrịntapụ 4:5

Anịgose, ọ́ ḅẹrẹpẹlẹ gbọrịḅọ sọ pịrị ma, karakara sịkị mị ma lakasimeogbo. Kuluma ḅẹrẹkọn mị mịẹka mịẹka ḅara ḅụ koru wẹrị ị̀ Nyanaḅọ Ḅe ḅoḅịa sịkị laḅịa. Kanakana ḅie sime ḅọịaye ma ọ̀ nwọ ọkịḅo enekuḅu ḅie chuḅịa, se tomoni kuḅiemgbọlụma ḅọịma tọnye ma ọ̀ nwọ mịẹse àrị ḅeleḅịa. Anịsịkị, ḅọḅọ iniḅọ gbẹịn tokoniḅịpị Tamụnọ Ḅe ḅara nwọ nyanaḅịa.

2 Kọrịntapụ 9:7

Ḅọḅọ iniḅọ kuḅie tọn pẹlẹsa ḅara nwọ pịrị, kuḅie manamatọn ḅaraḅụkẹ anịkanịka nwẹngị gbẹịn fịrị nwọ nwẹngị ḅika ḅaraḅụkẹ; anịatịḅị Tamụnọ Ḅe Ò ḅieḅẹlẹ ḅụ ye pịrị ḅọ nwọ ḅẹlẹma ḅẹlẹmamẹ.

Galesia 5:14

Anịatịḅị bebe Oloko mị mgba ini nwọ koḅirima se gbọrị Oloko mịẹmẹ, “Ị́ ḅụ ḅẹlẹma ḅara nwọse ị́ juo tomoniḅọ ḅẹlẹma.”

Galesia 5:26

Wa opuaye mịẹma, anịkanịka jịnḅọ jịnḅọ ịganịma ma, anịkanịka jịnḅọ jịnḅọ ḍikipụkọsoli ma.

Jems 4:11

Mịnapụ! Ó jịnḅọ jịnḅọ ḍukosima ma. Mịna juo Kraịstḍukonwẹngị mịnaḅọ ḍukosima anịkanịka ḅẹrẹkọn iniḅọ pịrịḅọ goyegoye, iniḅọ Oloko mị nwọ ḍukosima pịkị ḅẹrẹkọn anị pịrịmẹ. Ị́ nemikase ḅẹrẹkọn Oloko mị pịrịmẹ ḅẹḅẹ, ị́rị́ ḅarị Oloko mị ḍukoye mịẹ ḅọkẹ, ọkụma ḅẹrẹkọn anị pịrị ḅọ-ẹ.

Jems 4:12

Tamụnọ Ḅe kẹngẹ mị Oloko chụa pịkị ḅẹrẹkọn ḅọ ḅe-ẹ. Ori kẹngẹ mị ineda ḍụa pịkị ḅaaḅịaye-ẹ. Ị́ koroma ḅara ị́rị́ tụḅọ, se ḅẹrẹkọn ị́ juo tomoniḅọ pịrị ḅe?

Jems 5:10

Ị̀ya mịnapụ, Nyanaḅọ Ḅe ẹrẹ se ọkwẹịn kọn ịkịankoroapụma ọ́ nwọse ḅiekoroma. Tọrụsiọrị ḅie ikirima na ye-inema na ḅụ ḍikiḍaḅịa apụ ḅara ọ́ nwọse ini ọkị.

Jems 5:7

Anịọkụma ó ye-inema ị̀ya mịnapụ, ọkịmun Nyanaḅọ Ḅe ḅoḅịa sịkị la. Yeḍipiḅọ ḅe ye-inema ọkụ ḍiki, ò korumun oria ozu mị yela chịnmgbọlụ nwọ pakụmaḅoḅịa sịkị lamẹ. Ori ịnyọḅa koru wẹrị-i mun ịrụakpoin na fọngụ sịkị enema sọnị nwọ lamẹ.

1 Pita 4:5

Ọkụma ini ḅarana inia ḅụ se opoli tọn Tamụnọ Ḅe pịrịḅịa anị ḅụkarakarama ḅẹrẹkọn ḍumoapụ na fịapụ na pịrịḅịaḅọ ḅe.

1 Pita 4:9

Yetụndụka ḅara ḅụ ọ́mịna warị ḅie ma ọ́ nwọ finji jịnḅọ jịnḅọ pịrị.

Ḍieḅelema Yema 3:20

Poki! À ḅọkọ mị ḅụ chịẹ se gboloaḅẹ; ị̀ pụkọ naa se finji ḅọ omi-ẹ ḅẹḅẹ, àrị oria warị sọ se ori na yefịḅịa, ori pịkị ị̀rị̀ na yefịḅịa.