Jems 5:7 - Kịrịkẹnị Baịbụl

⁷ Anịọkụma ó ye-inema ị̀ya mịnapụ, ọkịmun Nyanaḅọ Ḅe ḅoḅịa sịkị la. Yeḍipiḅọ ḅe ye-inema ọkụ ḍiki, ò korumun oria ozu mị yela chịnmgbọlụ nwọ pakụmaḅoḅịa sịkị lamẹ. Ori ịnyọḅa koru wẹrị-i mun ịrụakpoin na fọngụ sịkị enema sọnị nwọ lamẹ.

Jems 5:7 Iomraidhean Croise

Jerimaya 5:24

Jenejene ó koromakẹ, kụn nyana ị̀ pịrị, à kala ene na opu ene na pịkị fịaye soku sịkị kụra goyegoye se ọ́ sẹịnmamẹ nwọ ḅe sọnị.

Hosia 6:3

Ó ye wa ḅụkụrọma Nyanaḅọ Ḅe nemi. Ene gbarịmaka ḅaraḅụ ḅa-ọkụ, ene sịkị ene gbarịmaka ḅaraḅụ koro kiri sara ọkụ, anị gbarịmaka ḅaraḅụ ọ̀ wa damaḅoḅịa ọkụ-ẹ.”

Joẹl 2:23

“Zaịyọn apụ, ó ḅieḅẹlẹ, ó ḍoroku Nyanaḅọ ọ́mịna Tamụnọ Ḅe mịẹ ọ́ pịrị ayema gose. Oḅoku sịkị ḅụ ene mengi koro gbẹịn ḅara ọ̀ nwọ seni ómine pịrịsam; fọngụ sịkị ene ọ̀ nwọ ọsụn sara ọ́ pịrịsam, ịrụa kpoin sịkị na fọngụ sịkị na ogboku tatarị sịkị ḅụ korokoro gbọrị ene ḅara mị ọ̀ nwọse ọ́ pịrịmẹ.

Zẹkaraịa 10:1

Ọ́ Nyanaḅọ Ḅe ḅara ene ḅi, kụra mị ḅie fọngụ sịkị mị ḅụ. Ori Nyanaḅọ Ḅe anị ene sịkị soḅuno ma na otita ma na se sẹịn se ozuma ḅie ịnyanya ma wiliwili ọrụḅọḅọ pịrịmẹ.

Matio 16:27

Anịatịḅị Tomoniḅọ Tọkụ Ḅe oria enjẹlapụma na Ḍawu Ḅe boma na ḅoḅịa; anịsịkị anị ò tomoniḅọ goyegoye nwọ gbẹịnḅịaye-ẹ, iniḅọ fịrị wẹrị sime ḅara ḅụ.

Matio 16:28

À ḍuko kụrọma ọ́ pịrịaḅẹ! Mịanga sime tọn apụ omi-ẹ, ini fịẹkẹ ọkịmun ini Tomoniḅọ Tọkụ Ḅe nwọ ọrịḅịa ori Amanyanaḅọ ḅara nwọse ḅoḅịa sịkị la.”

Matio 24:27

Anịatịḅị Tomoniḅọ Tọkụ Ḅe ò ḅoḅịa, so mị wakam ma ḅịa sotọrụ mị kelema ọkụ mị ịrụapakapaka nyọ ọkịmun ịrụasọsọ nyọ la.

Matio 24:44

Mịn mị ẹrẹchị ómine sọnị sịkịmamgba ọ́ ḅụ karakaramaḅịa, anịatịḅị Tomoniḅọ Tọkụ Ḅe ó se ḅietọnka sịkị ḅụ mị ò ḅoḅịaye-ẹ.

Luk Iḅi Ḅẹrẹ Mị 18:8

À ḍuko ọ́ pịrịaḅẹ, ọ̀ ḅẹrẹkọn inia ḅara iḅimaḅịa, ọ̀ pịkị sarama anị mịẹḅịa. Ọkụma Tomoniḅọ Tọkụ Ḅe tomonikiri ḅoḅịa sịkị ò ḅereni nyana apụ ọrị ḅe?”

Luk Iḅi Ḅẹrẹ Mị 21:27

Anịsịkị mị Tomoniḅọ Tọkụ Ḅe tolupakaḅịaye-ẹ, soḅuno ḅie opu kụrọ na boma na ḅụ.

Luk Iḅi Ḅẹrẹ Mị 8:15

Iḅi kiri ḅụ koro ḍipiyemgbọlụma, anị oku mị naa ọkị se anị ḍukoye mịẹapụma-ẹ, ini pịkị inema mun ini chịnmgbọlụ chụa sịkị lamẹ.

Jọn Iḅi Ḅẹrẹ Mị 21:22

Jizọs Ḅe ọ̀ pẹkẹrẹmẹ, “À nemikase ḅimẹ na ò ḍumo sime mun à ḅoḅịa sịkị la nwọ ḅẹ ọkụma, anị mị ị́ ḅụ cheye? Ị̀ ḍuko!”

Jọn Iḅi Ḅẹrẹ Mị 21:23

Anị ọkwẹịn mị wasamamẹ Jizọs ọḅụḍukoapụma ogboku ḅụ na, ḅe ọḅụḍukoḅọ ḅe ọ̀ fị ẹkẹ. Ọkụma Jizọs Ḅe ọ̀ ḅẹkẹ na ọ̀ fị ẹkẹ, ọ̀ ḅẹye anị, “À nemikase ḅimẹ na ò ḍumo sime mun à ḅoḅịa sịkị la nwọ ḅẹ ọkụma, anị mị ị́ ḅụ cheye?”

Romapụ 15:4

Fịafịa ḍirima ḅie gịẹịn yegoyegoye ye se wa ḍieḅịa ẹrẹchị ini gịẹịnmẹ, mịẹse wa tọrụseḍikiye nwọ nyanaḅịa ḅara, Fịafịa ḍirima se wa pịrịḅịa inema na kuḅiekụrọma na ḅụ.

Romapụ 2:7

Da tomoni iḅi nwọ mịẹmamun-aḅẹ, se boma na osi na ḍọkịaḅẹ, pịkị simegbaso ḍumo na; Tamụnọ Ḅe simegbaso ḍumo nwọse ini pịrịḅịa.

1 Kọrịntapụ 1:7

anị mịẹse gbọrị ḅẹlẹma sọ ọ́ gbarịkẹ, ọ́ wa Nyanaḅọ Jizọs Kraịst Ḅe ḍieḅelema mị koruarị sịkị.

Galesia 5:5

Mine ọkụma, wa tọrụseḍikiye anị, Tamụnọ Ḅe ómine na karakaraḅịa; mịn mị anị wa pịkị koruarịye-ẹ Tamụnọ Tẹmẹ Ḅe kụrọ mị ḅụ, mịna ḅereni ḅụ ḅọrọ fịrịnwẹngịarịḅọ ḅe.

Galesia 6:9

Anịẹrẹchị, ye ịnyọ mịnaḅụ fama iḅi mịẹ ḅụ, anịatịḅị ịnyọ nemikase mịnaḅụ faka ọkụma, sịkị lasịkị wa ḍipiye wa nwọ sokuḅịa.

Maịnkarama Oloko 11:14

Ó nemikase ọkọ mịẹ ọkụma, fọngụ sịkị na pịkị oḅoku sịkị na ḅụ, ori ene koroma ọ́mịna amakiri mị ọgọnọ saraḅịa, anịa sịkị ḅụ, tatarị ene mị na ọḅụkọnma ene mị na, mịẹse fịayemgbọlụ na, ere iru na, pịkị oliv pulo na ọ́ nwọ nyanaḅịa ọkụ,

Kolosi 1:11

Ye ini oria boma nyana kụrọ mị ḅụ ḅo ịnyọ mị mgba nwọse ọ́ mịẹ kụrọma, mịẹse ómine ineda yegoyegoye nwọ inemaḅịa ḅara.

1 Tẹsalonịka 1:3

Anịatịḅị wa Tamụnọ mịna Ḍaḅe tọrọkọ ó se ḅiekoroma koromamẹ, ọ́ ḅara wẹrịma ọ́mịna ḅereni mị se mịẹmịẹye ḅụ chu ḅara mị na, ọ́mịna ḅẹlẹma ọ́ mịẹse ọ́ kụrọma fịrịnwẹngịarị ḅara mị na, pịkị wa Nyanaḅọ Jizọs Kraịst Ḅe ḅụ ọ́ nyana tọrụseḍikiye mị ọ́ mịẹse ó jikeka ḅara mị na.

1 Tẹsalonịka 2:19

Anịḅe kuluma, ómine-ẹ—jịn-apụkẹ! Ómine mị wa tọrụseḍikiarịapụ ma-ẹ, pịkị mịna ḅieḅẹlẹ mị-ẹ, wa se ḅụbomarị ọmụḅaraiḅi mị-ẹ, wa Nyanaḅọ Jizọs Ḅe tọrọkọ ḅụ, anị ò ḅoḅịa sịkị.

1 Tẹsalonịka 3:13

Mịn ḅara mị ḅụ, ori ọ́ mịẹkụrọmaḅịa, se ḍukoḅịaye ofori, pịkị fịafịaḅụ sọḅịa mịna Tamụnọ pịkị mịna Ḍaḅe tọrụkuḅu, se wa Nyanaḅọ Jizọs Ḅe sime ọ̀ pịrịapụ mamgba na ḅoḅịa sịkị.

Hibru 6:15

Ebraham ḅe ò ye inemamẹ, anịẹrẹchị Tamụnọ Ḅe ḅereni ọ̀ pịrịayema ọ̀ ḅara lamẹ.

Jems 4:11

Mịnapụ! Ó jịnḅọ jịnḅọ ḍukosima ma. Mịna juo Kraịstḍukonwẹngị mịnaḅọ ḍukosima anịkanịka ḅẹrẹkọn iniḅọ pịrịḅọ goyegoye, iniḅọ Oloko mị nwọ ḍukosima pịkị ḅẹrẹkọn anị pịrịmẹ. Ị́ nemikase ḅẹrẹkọn Oloko mị pịrịmẹ ḅẹḅẹ, ị́rị́ ḅarị Oloko mị ḍukoye mịẹ ḅọkẹ, ọkụma ḅẹrẹkọn anị pịrị ḅọ-ẹ.

Jems 5:10

Ị̀ya mịnapụ, Nyanaḅọ Ḅe ẹrẹ se ọkwẹịn kọn ịkịankoroapụma ọ́ nwọse ḅiekoroma. Tọrụsiọrị ḅie ikirima na ye-inema na ḅụ ḍikiḍaḅịa apụ ḅara ọ́ nwọse ini ọkị.

Jems 5:3

Ajarị ọ́mịna goli ma na seleḅa ma na gbẹịnsam, se ma ajarị ma pịkị ómine na tụḅụrụ onye nwọ chịẹḅịa, se fịnị ye dọkịma ọkụ se ọ́mịna ojumịnị ma dọkịmaḅịa. Ma kuluma enema ḅie, ómine ngọ koḅirima koromasam.

2 Pita 3:4

se gbelaḅịa, “Ò ḅoḅịa ọ̀ nwọ ḅẹ mama, ori ọkọ ḅẹka? Nde ori? Mịna ḍapụma ini fị ḅọrọsam, ọkụma yegoyegoye pa àrị simeọkụ sime waraḅẹ tomonikiri mị tẹmẹ sịkị ngịsị!”