Jems 5:5 - Kịrịkẹnị Baịbụl

⁵ Ọ́mịna ḍumo ma tomonikiri ḅe lọkọlọkọ na ḅụtima na ḅieḅẹlẹ na arịa ḅie ḅeinmẹ. Ómine ọ́ ḅụ borima ini ọ́ ḅaaḅịa ene mị wẹrịmasam.

Jems 5:5 Iomraidhean Croise

Fịafịa Nime 17:14

mịn ḍumoḅie, inia ḅietọnye nyanapụ ma ḅaraḅie ị̀ ḍụa. Ị́ koko ini wẹrịma tọrụsiọrị ma ḅe fomuḅara se ini pịrị; ye anịaḅụ ḅakaye sime inia awọma pịrị kọn aye pịkị sime inia awọma awọma pịrị!

Fịafịa Nime 73:7

inia kuḅiemgbọlụma si ọsụn pakụma aḅẹ, sitịḅịnyana-fịrị-deki nwẹngị anị sịkịmamgba inia ḅie tọn arịye-ẹ.

Kaḅo Ma 17:1

Ḅụfụkamaye ofori ḅụ deinma sime se samịna-fịturu-okpokpo fị mị iḅitẹịn ḅẹrẹ-ḅẹrẹ-ḅẹrẹ warị ḅie sime alalị fịaye fị mị nẹngịmẹ.

Kaḅo Ma 7:14

“Àrị agbamịẹmẹ mịmgba, se à se agbamịẹ nama mị mịọkụ anị omi-ẹ.

Ẹklisiastis 11:9

Ayamburamapụ, ómine ọ́mịna sịkị mị ḅụ ḅụtima. Ó ḅieḅẹlẹ ọ́ nwọ pa ịwọ ḅụ sime warasịkị. Ọ́ mịẹ ḍọkịye ọ́ mịẹ se ọ́mịna kuḅie tọnye mị ḍuko nwẹngị. Ọkụma se ḅiekoroma na ị́ mịẹye goyegoye ḅụ Tamụnọ Ḅe ọ̀ ḅẹrẹkọn ị́ pịrịḅịa.

Aịzaya 22:13

Anịnakaraka, ọ́ ḍẹrị pịkịna ḅieḅẹlẹmẹ, ómine anana na nambulo na ḅaapẹịmẹ ọ́ pịkịna iru ḅumẹ. Ọ́ nwọḅẹmẹ, “Wa pa iḅiọkụma yefị pịkịna ḅuḅịa! Ḅa wa fịḅịa.”

Aịzaya 3:16

Nyanaḅọ Ḅe nwọ ḅẹmẹ, “Ḍiki Jerusalẹm eremeni ma mịẹarị opuamịẹaye ma! Fọrụ ḅie ini inia nini ma dekichịẹma nwẹngị ma ḅọrọaḅẹ. Ini sịkịmamgba iniaḅụ seni owuapụ dẹrị aḅẹ. Ini ḅụḅaḅa deindeinma nwẹngịaḅẹ, ini seni inia ḅụọ-a chuku ma ḅụ chụa ḅirimaye ma pịkịna fieaḅẹ.

Aịzaya 47:8

“Mịn mị poki, ị́rị́ tọrụḅẹlẹ ḅẹlẹmaḅọ, ị́rị́ ngịsị ḅara ineda ị́ ḅụ sọẹkẹ nwọ koromarịḅọ ḅe. Ị́ ḅereni ọkịmẹ na Tamụnọ Ḅe opu sọ la-ọkụ anị ị́ la-ọkụ-ẹ— na ị́ sime ọkụ sime jụmḅọ ofori-ẹ. Ị́ chịnmẹ na ngịsị deḅọ fịsa eremeniḅọ ị́ nwọ sọ ẹkẹ anịkanịka ị́ya awọ fịsa koroma kọn ẹkẹ.

Aịzaya 56:12

‘Ó ye wa pa iru nyanaḅo,’ mịna iruḅu tọrụḅaama apụma nwọ ḅẹmẹ, ‘se wa ḅu mịna pụkọtanḅịa ḅara nwọ ḅu! Ḅa mị pa iḅitẹịn mịmgba nẹngịḅịa!’”

Jerimaya 12:3

Ọkụma, Nyanaḅọ, ị́rị́ ị̀ nemimẹ; à mịẹye ị́ ọrịmẹ ị́ pịkị nemimẹ àrị ị́ ḅẹlẹma la ọkụ. Mịna siapụma fọnọsin, se ḅaaḅịa nyọ mun anana fọnọsin ọkụ; ómine àrị koru ọkịmun ini àrị ḅaaḅịa sịkị la.

Jerimaya 25:34

Owu, ómine owuni tịḅịnị, ómine anana-koru-apụ-ḅara se ị̀ya tomonima koruarịapụ ma, ọ́ gagama owupakụma! Ọ́ ḍụẹịn-ḍin pịkị fọn ḅie kpeleki. Sịkị mị ḅosam ini ọ́ ḅaaḅịa sịkị se ajirima kẹnị ḅara ini nwọse ọ́ kẹnịḅịa.

Izikịẹl 16:49

Árị na árịa eremeni-a awọma na ini opuaye mịẹmẹ anịatịḅị ini ḅakama fịfịye nyanamẹ pịkịna deinma anga ye gose, ọkụma ini ḅarachụa igwein apụma na mịẹḅịa ọkụ oforika apụma na pịrịkẹ.

Izikịẹl 39:17

Kụrọmamgba Nyana Tamụnọ Ḅe nwọse ị̀ ḅẹmẹ, “Tomoniḅọ tọkụ, feni mamgba na namama na chịn àrị nyọnyọ ḅụ ḅo à karakarama àrị pịrị-ẹmun-arị agba mị fị. Anị opu-alalị-fịye sọḅịa Izrẹl tụndụma ọgọnọ, anị àrị ineda nama pẹị pịkị pulo ḅuḅịa nyọ-ẹ.

Emọs 6:1

Anị ḅalafaye sọ ọ́ pịrịḅịa ómine Zaịyọn ḅie sarasara ḍumo kọn apụma na pịkị ómine Sameria ḅie, chịn na ó dein nyanamẹ nwọḅẹ apụma pịrịḅe, ómine opu apụma mị Izrẹl opu sẹ ḅie sime apụma, anị tomonima ọ́ damamun se ọ́mịna ḅarachụa ḅiḅi apụma!

Luk Iḅi Ḅẹrẹ Mị 16:19

“Gbọrị sịkị ngọ kọn gbọrị owuḅọ simemẹ, ene ḅene ḅene ò yela ḅiriaye nwọ ḅiriḅirimẹ, pịkị opu igbiki la fịye nwọ fịfịmẹ.

Luk Iḅi Ḅẹrẹ Mị 16:25

Ọkụma Ebraham ḅe nwọ ḅẹmẹ, ‘Ị̀ya tọkụ se ḅiekoroma na, ị́rị́ ḅe ḍumo sịkị ḅụ ini iḅi aye mamgba nwọ seni ị́ pịrịmẹ, anị Lazụrọs ḅe si aye mamgba nwọ nyana sịkị-ẹ. Ọkụma mịọkụ, ori ọ̀ ḅụ timaḅẹ mịanga, ị́rị́ ị́ ḅụfụka ḅie omi-ẹ.

Romapụ 13:13

Ó ye wa iḅiọkụ mịna ḅụ wẹrị kpaịnma enekaka ḅie simearịapụ ḅara ḅụ, kamụsọ, oloko abalaka ḅụtima na iruḅu tọrụḅaama na ḅụkẹ, pịkị sẹfị na ichipịnị-a si nwẹngị ḅụkẹ, pịkị ḅụgbẹịnka mịẹmịẹye ḅụkẹ, owusọ na jịnḅọ ḍikitọrụfụka na ḅụkẹ.

1 Timoti 5:6

Ọkụma mịnaḅụ seni ḅụtima ḅụ wẹrịsa deḅọ fịsa eremeniḅọ goyegoye árị ḅọ ma anị fịsa ḅọ-ẹ, á ḍumomẹ nwọ ḅẹ sọnị.

2 Timoti 3:4

ini nweni dẹrị apụ sọḅịa, ye-abalaka ḍumo kọnḅịa, se yeḅụsọka opuayemịẹḅịa, ini ḅụtima ḅẹlẹmatẹịn Tamụnọ Ḅe nẹngịḅịa;

2 Pita 2:13

Se tọrụsiọrị ini nwọse ini gbẹịnḅịa ini mịẹse jịn apụ tọrụsiọrị ye gose. Sime ini pịrị ḅieḅẹlẹ anị enekaka fịafịa ogbo ḅụ inia ojumịnị ma ḅụḅẹlẹḅịaye goyegoye nwọ mịẹ mị-ẹ. Ini ḅụgereremamẹ pịkị ḅụ simamẹ ini ómine na yefị gbolomarị sịkị, sịkịmamgba ini nwọ inia epele-a ḍumo ma ḅụ ḅieḅẹlẹarị sịkị.

Jud Ḅe Ḅaraḅo Fịrịfịrịmaḍiri Mị 1:12

Inia ḅụgerere nemika iruḅu mị mịẹse ini ịlọlị sọ ọ́mịna yefị gboloma mị pịrịmẹ. Inia ḅụ kẹngẹ anị ini sịkị nyana pịrịye-ẹ. Fọrụ deki nwẹngịarị enekoromaka soḅuno simeọkụ mị ini simeọkụ-ẹ; mgbọlụ chụaka chịn simeọkụ mị ini simeọkụ-ẹ; ini kunoma burasinsa chịn simeọkụ, ini pịkị gbọtụḅara fịsam.

Ḍieḅelema Yema 18:7

Ḅaka ḅụfụka na tọrụsiọrị na se á pịrị á se á ḅụ pịrị opu na, opu ngọkọn se tọrụ ḅẹlẹ ḅụ anga ọkụ mị la-ọkụ. Anịatịḅị á pa nwọse á ḅụ ḅẹaḅẹ: ‘Amanyanaḅọ eremeniḅọ ḅara à nwọse mịọ simemẹ! Ị̀rị̀ deḅọ fịsa eremeniḅọkẹ, àrị ngịsị ngịrị ẹkẹ!’

1 Samụẹl 25:36

Abigẹl ma vinpịkị so Nebal ḅe damamunmẹ, anị warị ḅie sime amanyanaḅọ fị gbẹịn alalị nwọ fịarịḅọ ḅe. Ori iruḅu ọ̀ tọrụḅaama se tọrụḅẹlẹḅụ omi-ẹ, anịẹrẹchị gbọrịye sọnị á ḍuko ọ̀ pịrịkẹ ọkịmun jịn eneḅa dede lamẹ.

1 Samụẹl 25:6

Ọ̀ nwọse ini ḅẹmẹ na, ini Nebal ḅe ḅẹ: “Devid ḅe ori ị́ kerenimẹ, ị̀ya ikiaḅọ, ori iḅi kereniḅịpị se ị́rị́ na, ị́ furo mị na, pịkị ị́ nyanaye goyegoye mamgba na pịrịmẹ.