Jems 5:4 - Kịrịkẹnị Baịbụl

⁴ Ngịsị ma ọ́ gbẹịnye seni ọ́mịna ozuma ḅie fịrịnwẹngị ọ́ pịrị apụma pịrịkẹ. Ini suarị ḅẹrẹ ma ọ́ nwọ poki! Ó ḍipi ayema soku apụma kọn owu ma, Tamụnọ Ḅe ḅeri ma lasam anị Kụrọmamgba Nyana Ọmụtịḅịda Ḅọ Ḅe.

Jems 5:4 Iomraidhean Croise

Chukusakị 4:10

Anị Nyanaḅọ Ḅe nwọ ḅẹye-ẹ, “Mịn che opu siye ị́ nwọ mịẹsa? Ị́ mbire ḅe ḅụ pakaḅo pulo mị kiriḅie anị owu pakaḅo ị̀ la aḅẹ, gbẹịn fịye fị owu anị nwọ kọn aḅẹ.

Job Ḍiri Mị 34:28

Ini anịkanịka ḅara se igwein apụma mịẹse ini Tamụnọ Ḅe chịn owumẹ, se ọ̀ pịkị inia chịnḅịpị mị naamẹ ḅarachụa ḅụ.

Job Ḍiri Mị 7:2

dein tịḅị kikima nyọ ḍọkịarị omoniḅọ kịkẹmẹ; oria gbẹịnye koru àrị fịrịnwẹngịapụ kịkẹmẹ.

Fịafịa Nime 9:12

Tamụnọ Ḅe tọrụsiọrịarịapụma ori ini se ḅiekoroma koromamẹ; inia owu ma ò se ḅieḅaramakẹ, siye se ini mịẹ apụma ò fomuḅara se ini pịrịpịrịmẹ.

Pakaso 22:27

anịatịḅị anị ngẹrị anị oju-ọfịrịma-ḅụgbẹịnye ḅụ nụḅọ nyanaye-ẹ. Nde ò se ọ̀ ḅụgbẹịnḅịaye? Ḅarachụa gose ori owu ị̀ pịrịḅịa sịkị àrị ọ̀ naaḅịa anịatịḅị à ḍikitịḅịfoin nyanamẹ.

Pakaso 3:9

Jokoma ị̀ya tomonima kọn àrị owu mị à naasam, Ijipt apụma ini pụnda àrị ọkụ mị sọnị àrị ọrịmẹ.

Aịzaya 1:9

Kụrọmamgba Nyanaḅọ Ḅe, ḅọrọ fị ḅie dapụ sinka ọkụma, mgbọkụ Jerusalẹm mgba gbọtụma kansosam, anị Sọdọm na Gomọra na ḅara mị.

Aịzaya 5:7

Izrẹl mị anị Kụrọmamgba Nyanaḅọ Ḅe oria irumịẹ chịnmgbọlụ ozu mị-ẹ; Judapụma anị ò ḍipi ozu mị-ẹ. Ọ̀ tọrụ se ini ḍikimẹ na ini mịẹgbẹịnye nwọ mị-ẹ; ọkụma anịnakaraka nini re mị ini kọn arịye-ẹ. Ò ḅimẹ ini karakaraye mị mị-ẹ, ọkụma ini si seni mịẹarị apụma karakaraye mị gose owupakụmaḅẹ.

Aịzaya 5:9

Kụrọmamgba Nyanaḅọ Ḅe ḍukoye à nwọ naamẹ, “Ma opu iḅi-a warị mamgba nweni ḅarị arịa ḅie anga ẹkẹ, arịmamgba kanguluguluḅịa.

Jerimaya 22:13

Fịfa sime ori owuḅọ ḅe pịrịmẹ nwọ karakaraka ḅọkọ ḅụ oria warị namaḅọ ḅe; se pịkị furu ḅọkọ ḅụ anị mịẹ ḍụḅamaḅọ ḅe,; ori oria amapụ ma mịẹse ini papa inia sịkị fama fịrịnwẹngị mẹ, gbẹịnye oforika ḅara ḅụ.

Agbamịẹ Apụ 19:13

“Gbọrịḅọ sọnị jụmḅọ pụnụmama pịkị kụrọḅara se jụmḅọye ọkịma. Ị́ fịrị ḅụ ọkịḅọ ḅe oria gbẹịnye mị ọlọchịẹmama, gbọrị ene kẹngẹ sọnị.

Habakọk 2:11

Warị agbagba ḅụ sime ḍụparịma sọnị àrị ị́ mịẹsiaye ma gose owumẹ, se warị ochu ma owu tịḅịḅie mị wasamamẹ.

Malakaị 3:5

Kụrọmamgba Nyanaḅọ Ḅe nwọḅẹmẹ, “Àrị ọ́mịna ogboku ḅụpakụmaḅo se ḅẹrẹkọn ọ́ pịrịḅịa, se à pịkị anị gbọrị kirikiri ọ́mịna ḅie arịapụ ma na, sẹfị apụma na, iruo onyechịẹ chịẹ apụma na, fịrịnwẹngịa kirima ḅie fịrịnwẹngị apụ gbẹịn aye ḅụ ini inuma inuma apụma na, pịkị deapụ koroma fịsa eremeni na, ḍapụ na nyengi apụ na koroma fịsa awọmẹnị na, pịkị igoniapụ na—pịkị ị̀ osisika apụ mamgba na nwọ go pakụmaḅịa.

Matio 9:37

Anị ọ̀ nwọse oria ọḅụḍukoapụma ḅẹye-ẹ, “Sokusịkị ḅe fịayema ḅaka waraḅẹ, ọkụma àrị koḅirimaḅịa fịrịnwẹngịapụma bokẹ.

Luk Iḅi Ḅẹrẹ Mị 18:7

Mịọkụ, Tamụnọ Ḅe ọ̀ ḅẹrẹkọn oria tomonima ḅara iḅima ẹka, ḅarachụa gose ḍin na enekaka na nwọse owu ọ̀ pịrịarị apụma? Ḅarachụa ini pịrị ḅụ ọ̀ tẹtẹ ḅe?

Romapụ 9:29

Anị Aịzaya ḅe tarị ḍukosa ọkụ mị nwọ sime waraḅẹ, “Kụrọmamgba Nyanaḅọ Ḅe nemikase ḍapụma furoḅie pakaḅo ḍapụ nwọ kọnma wa pịrịkẹ ḅẹ ọkụma, mgbọkụ wa Sọdọm mị simeọkụ sime se, wa pịkị Gomọra mị simeọkụ simesam.”

Maịnkarama Oloko 15:9

Sa wẹrịso kụra mị ḅo kpekisa ẹrẹchị, igbiki se ọ̀ ḅọlọkaḅọ sọma. Ḅerenima ọkọ sime si koroma ị́ ḅie sọ. Ị́ nemikase igbiki mị se ọ̀ ḅọlọ ḍụkụkẹ ḅẹḅẹ, ori ị́ se owu Nyanaḅọ Ḅe pịrịḅịa, ini ḅẹrẹḅarasi kọn ị́ pịrịḅịa.

Kolosi 4:1

Omoniapụ nyanapụ, ó kura ḅara na karakara ḅara na nwọse ọ́mịna omoniapụ ma na anga. Ó se ḅiekoroma na ómine sọnị soḅie ọ́ Nyanaḅọ omi-ẹ.