Jems 5:16 - Kịrịkẹnị Baịbụl

¹⁶ Anịẹrẹchị, ómine ọ́mịna sima ḍukopakụma jịnḅọ jịnḅọ pịrị, pịkị tẹkẹ jịnḅọ jịnḅọ pịrị mịẹse ọ́mịna ḅụ deinḅịa ḅara, karakaraḅọ ḅe tẹkẹ mị anị kụrọ fịrịnwẹngị nwẹngịmẹ.

Jems 5:16 Iomraidhean Croise

Chukusakị 19:29

Ọkụma Lọt ḅe gbọrị sịkị ḅụ anga sime pẹsịkiri mị ḅie opuamama, Tamụnọ Ḅe nwọ fama-ẹtọn-a sịkị, ori Ebraham ḅe se ḅiekoromamẹ se ḅereni Lọt ḅe pịrị se, ọ̀ fị mị ḅie pọkọsomẹ.

Chukusakị 20:17

Ebraham ḅe tarọ Sera ma ḅụ pakaye mị gose, Nyanaḅọ Ḅe, ọ̀ mịẹmẹ Abimẹlẹk amanyanaḅọ odo ḅie sime eremeni mamgba gbọrịḅọ sọnị tọkụ yikẹ. Anịḅụ Ebraham ḅe ọ̀ tẹkẹ Abimẹlẹk ḅe pịrịmẹ, se Tamụnọ Ḅe ọ̀ gwọmẹ. Ọ̀ pịkị tarọ ma sọnị gwọmẹ, oria omoni eremeni ma na mịẹse ini awọ yi ḅịa ọkụ.

Chukusakị 20:7

Ọkụma mịọkụ, eremeniḅọ ma seni dewu ḅe fịrịma. Ori ịkịankoroḅọ-ẹ, ọ̀ pịkị tẹkẹ ị́ pịrịḅịa, mịẹse ị́ fị ẹka ọkụ. Ọkụma ị́ nemikase á seni ọ̀ pịrịka, àrị ị́ ḅerijine-aḅẹ na ị́ fịḅịa, ị́rị́ na ị́ya tomonima na.”

Chukusakị 32:28

Nweniḅọ ḅe nwọ ḅẹmẹ, “Jekọb ḅarị ị́ya ẹrẹkẹ. Anịatịḅị ị́ Tamụnọ na pịkị tomoni na ḅụ imgbe piki-a se pịkị ini nẹngịmasam; anịgose ị́ya ẹrẹ anị Izrẹl.”

2 Samụẹl 19:19

se nwọ ḅẹmẹ, “Amanyanaḅọ, sisi à mịẹirimaye mị se ḅieḅarama anị ị́ Jerusalẹm mị ḅie mangị pakasoarị sịkị ḅụ. Anị se si kịẹn ị̀ pịrịma pịkị ḅarị anị se ḅiekoromama.

1 Amanyanapụ 13:6

Amanyanaḅọ Jeroboam ḅe nwọse ịkịankoroḅọ ḅe ḅẹmẹ, “Sisi ị́ Nyana Tamụnọ Ḅe tẹkẹ ị̀ pịrị, se ọ̀ ḅẹ ori ị̀ ḅara mị gwọ!” Ịkịankoroḅọ ḅe Nyanaḅọ Ḅe tẹkẹ, se amanyanaḅọ ḅe ḅara mị gwọmẹ.

2 Amanyanapụ Sịkị Mịẹaye Ma 30:20

Nyanaḅọ Ḅe Hẹzekaya ḅe kọn tẹkẹ mị ori ọkịmẹ, ò siḅụḅarasin tomonima pịrịmẹ se ọ̀ ḅarị ye se ini lamakẹ.

Job Ḍiri Mị 42:8

Mịọkụ sọnọma nambulo na sọnọma ajirima na ọ́ nwọ ọkị se ị̀ya fịrịnwẹngịḅọ Job ḅe damamun se àrị se dọkịma agbamịẹ ọ́mịna ḅụ pịrị. Job ḅe ọ̀ tẹkẹ ọ́ pịrịḅịa, à pịkị oria tẹkẹ mị pẹkẹrẹḅịa se àrị ọ́mịna ḅụgererema ẹkẹ anị ọ́ gbẹịn ḅaraḅụ. Ómine ị̀ ḅụ karakaraye ḍukokẹ anị ị̀ya fịrịnwẹngịḅọ Job ḅe ḍuko ọkụ mị.”

Fịafịa Nime 34:15

Nyanaḅọ Ḅe karakaraye mịẹapụ ma ọ̀ tọrụ iniaḅụ omi-ẹ, se ọ̀ pịkị ini kọn àrị owu ma pokipokimẹ;

Pakaso 17:11

Moziz ḅe ori ọ̀ ḅarama deki chịẹmasa ḅẹḅẹ, Izrẹlapụma ini sakị ọmụḅaraiḅi nyanasam, ọkụma ori ọ̀ ḅarama koromasa ḅẹḅẹ, Amalẹk apụma sakị Izrẹlapụma inumasam.

Pakaso 9:33

Moziz ḅe ori amanyanaḅọ ḅe wẹrịso, se opuama mị ḅie pakaso seni ọ̀ ḅarama dekichịẹma Nyanaḅọ Ḅe tẹkẹmẹ. Soalagba mị na, opu ene mgbọlụma na, pịkị ene mị na arịmgba dachịẹmẹ.

Kaḅo Ma 15:29

Karakaraye mịẹ apụma tẹkẹ sịkị Nyanaḅọ Ḅe ori ini pokipokimẹ, ọkụma si apụma ò gboinma ini pokipokimẹ.

Kaḅo Ma 15:8

Nyanaḅọ Ḅe anị ọ̀ ḅụḅẹlẹḅẹlẹmẹ iḅi apụ ọ̀ tẹkẹ sịkị tẹkẹ sịkị, ọkụma sitịḅịnyana apụma se ḅo ọ̀ pịrịpịrị agbama ọ̀ sịkịmẹ.

Kaḅo Ma 28:9

Ị́ nemikase oloko mị fiearịye mịẹkẹ ḅẹḅẹ, Tamụnọ Ḅe sọ ị́ya tẹkẹma naa mị anị ọ̀ ḅụḅẹlẹkaye nwọsọḅịa.

Jerimaya 15:1

Anịsịkị Nyanaḅọ Ḅe nwọse ị̀ ḅẹmẹ, “Nemikase Moziz ḅe na Samụẹl ḅe na mịanga chịẹ se ị̀ tẹkẹaḅẹ nwọḅẹ sọ, à gbọrị ḍikiḅụgerere sọ nyana mịnapụma pịrị ẹkẹ. Ye ini so, ye ini ị̀ tọrọkọ ḅụsikima.

Jerimaya 33:3

“Ómine ị̀ chịn, à pịkịna ọ́ pẹkẹrẹḅịa, à ḅụgbiripuma pịkị ḅụbuanmaye, ma ó nemikaye ḍuko ọ́ pịrịḅịa.

Jerimaya 42:2

se ị̀ ḅẹmẹ, “Sisi wa ị́ ḅara ḅiye mịẹ! Nyanaḅọ Ḅe tẹkẹ mịna tịḅị gose. Tẹkẹ mine kọn apụ mamgba pịrị. Gbọrị sịkị wa ḅakamẹ, ọkụma mịọkụ, mịnaḅụ kalapụ mị kọnsaye-ẹ, ị́rị́ sọ ineda ọrịḅịa.

Kịẹnḅịpị Ma 11:2

Tomonima owu Moziz ḅe pịrịmẹ na ọ̀ ḅarachụa ini pịrịye-ẹ; ọ̀ Nyanaḅọ Ḅe tẹkẹmẹ, se fịnị mị binmẹ.

Matio 21:22

Ó ḅerenimẹ ḅẹḅẹ, tẹkẹ ḅụ ó ḅi yelayelaye ọ́ ḅara laḅịa.”

Matio 3:6

Ini inia sima ḍukopakụmamẹ, se ọ̀ Jọdan mị ḅie mengi se ini saramẹ.

Mak Iḅi Ḅẹrẹ Mị 1:5

Tọn-apụ Judia pẹkẹrẹ ḅụ na, Jerusalẹm opuama mị ḅie na, pakamun Jọn ḅe pokimẹ. Ini inia sima ḍukopakụmamẹ, se ò mengi seni ini saramẹ Jọdan tọrụ mị ḅie.

Luk Iḅi Ḅẹrẹ Mị 9:6

Ọḅụḍukoapụma pakaso nwẹngị ịwọama mamgba mun mẹ, Iḅi Ḅẹrẹ mị nwọ ḍuko pịkị nyọ layelaye ḅụ tomoni gwọma ḅọrọmẹ.

Jọn Iḅi Ḅẹrẹ Mị 9:31

Wa nemimẹ na Tamụnọ Ḅe ò simịẹapụ naanaakẹ; ọkụma kọkọma ori osi se ò ḅiye mịẹapụ ma ori ini naanaamẹ.

Okunwẹngịapụ 10:38

Jizọs Nazarẹtḅọ Ḅe gbolomaye mị ó nemimẹ, Tamụnọ Ḅe ḅara wẹrịma Fịafịa Tẹmẹ Ḅe na kụrọ na nwọse oria ọgọnọ sara ḅara mị. Ọ̀ nyọ goyegoye nwọ mun se iḅi mịẹma ḅọrọmẹ, pịkị oru ḅe iniaḅụ kụrọ nyana apụma ọ̀ nwọ gwọmẹ. Tamụnọ Ḅe ọ̀ ḅụ simemẹ nwọ ḅẹye gose.

Okunwẹngịapụ 19:18

Ḅereniapụ ma ḅie tọn-a apụ pakaḅomẹ, amaogbo ini mịẹsaye ma ḅereni, pịkị àrị ḍuko ḅelemamẹ.

Okunwẹngịapụ 8:24

Saịmọn ḅe nwọse Pita ḅe na Jọn ḅe na ḅẹmẹ, “Pasisi ọ́ Nyanaḅọ Ḅe tẹkẹ ị̀ pịrị, mịẹse ó ḍukoarịye ma ḅụ gbọrịye sọnị paka ị̀ pịrị ẹka ḅara.”

Romapụ 3:10

Fịafịaḍiri ma ḍuko ọkụ mị ḅụ: “Karakara gbọrịḅọ sọ ofori-ẹ,

Romapụ 5:19

Gbọrị tomoniḅọ ḅe ḅịpịpokika ḅụ nweni mamgba ḅọrọ ḅo siapụ sọ ọkụ mị, anị gbọrị ḅara ḅụ, anị nweni mamgba gbọrị tomoniḅọ ḅe ḅịpịpoki ḅụ ḅọrọ Tamụnọ Ḅe ḅụ karakarapụ sọḅịa ọkụ-ẹ.

Kolosi 1:9

Mịn mị gose wa sịkịmamgba tẹkẹ ọ́ pịrịpịrịmẹ, wa ó gbolomaye nwọ naa sịkị ngịsị. Wa Tamụnọ Ḅe ḅara ḅimẹ na ḍawọnemi ọ̀ nwọse ọ́ pịrị ḅeinma, ó ḅi ḅara ḅụ, ọ̀ Tẹmẹ Ḅe pịrịpịrị nemi mị na yekaịnḅo mamgba na.

1 Tẹsalonịka 5:17

sịkịmamgba tẹkẹ,

1 Tẹsalonịka 5:23

Ye deinma se wa pịrịpịrị Tamụnọ Ḅe ọ́ mịẹse ómine osiḅụ sime, achọ kịrịkịrị ḅụ se pịkị ó koko—tẹmẹ ḅụ na, ịma ḅụ na, pịkị oju ḅụ na—mịẹse ọ́ ḅẹrẹḅarasi nyanapụ sọ ẹka ḅara, wa Nyanaḅọ Jizọs Kraịst Ḅe ḅoḅịa sịkị ḅụ.

1 Tẹsalonịka 5:25

Mịnapụ, ọ́ pịkị mine gose tẹkẹ.

Hibru 11:4

Ḅereni ḅụ mị Ebẹl ḅe iḅitẹịn agba nwọ mịẹ Tamụnọ Ḅe pịrịtẹịn Ken ḅe nẹngịye-ẹ. Oria ḅereni ḅụ Tamụnọ Ḅe ḅọrọ ọ̀ ḅụ iḅiye ḍukomẹ se karakara tomoniḅọ nwọse ọ̀ chịnmẹ, anịatịḅị Tamụnọ Ḅe ḅara na oria ḍiepịrịayema nwọ da ọkịmẹ. Oria ḅereni mị ḅụ Ebẹl ḅe ọ̀ pa ọkwẹịn-aḅẹ ọ̀ fịsam nwọ ḅẹ sọnị.

Hibru 11:7

Ḅereni mị, mị mịẹse Noa ḅe Tamụnọ Ḅe ḅerijine mị nwọ naaye-ẹ, tọrọkọju ḅoḅịaye ḅụ anị ori ineda ọrịkaye mị. Ọ̀ Tamụnọ Ḅe ḅịpịpoki se arụ ịkasị se ọ̀ ḅụ na ò furo mị na nwọ ḍụaḅọrọmamẹ. Anị mị ḅụ ḅẹrẹsi sime tomonikiri mị pịrịmẹ, se Noa ḅe Tamụnọ Ḅe ḅara ḅereni ḅụ ḅọrọ ḅo karakaramịẹmịẹye mị nwọ nyanamẹ.

Hibru 12:13

Se ọ́ gbụkụkụ kpapụ atelima ḅie nwẹngịma mun mịẹse ikeli ḅụọ mị anyị ẹka ọkụ, ọkụma ini anịnakaraka anị gwọḅịa ḅara.

Hibru 13:18

Mịna tịḅị gose sịkịmamgba ọ́ tẹkẹ ḅụ sime. Wa iḅiọkụma nemimẹ na mịna kuḅie fịafịamẹ, anịatịḅị wa ḅimẹ wa sịkịmamgba karakaraye mị nwọ mịẹ.

Jọshụa 10:12

Nyanaḅọ Ḅe ọ̀ mịẹ sarasarama Izrẹlapụma pịrị se ini Amọraị apụma nẹngịma ene mị ḅụ, Jọsụwa ḅe ori ọkwẹịn kọn Nyanaḅọ Ḅe pịrịmẹ. Izrẹlapụma tọrọkọ ḅụ ọ̀ nwọ ḅẹmẹ, “Ịrụa, Gibiọn mị ọgọnọ ḅụ chịẹ sime; Akalụ, Aịjalọn Pẹsịkiri mị ọgọnọ ḅụ chịẹ sime.”

1 Pita 2:24

Kraịst Ḅe na mịnaḅụ na, oria oju mị ọ̀ nwọse mịna sima pụra mgbẹsẹchịn mị tanjịmẹ, mịẹse wa fị si pịrị se ḍumo karakaraye mị pịrịḅịa ḅara. Ọ̀ laye ma ḅụ, ọ́ ḅọrọ gwọsam.

1 Jọn 3:22

Ọ̀ ḅara wa ḅiye goyegoye wa nyanamẹ, anịatịḅị oria olokoma wa nwọ koko, pịkị ọ̀ ḅụḅẹlẹye nwọ mịẹmẹ.

1 Samụẹl 1:12

Hana ma á Nyanaḅọ Ḅe tẹkẹ ḅụ sime mun ḅọlọ sịkị lamẹ, se Ịlaị ḅe á ḅịpịpẹkẹrẹma ḍikimẹ.

1 Samụẹl 12:17

Mị ịrụa kpoinye-ẹ, anịka? Ọkụma à tẹkẹḅịa, se Nyanaḅọ Ḅe ò soalagba na ene na fịrịmaḅịa. Mịn mị mịẹsa ḅẹḅẹ anịsịkị anị ó ḅụokoroḅịa na ómine ọ̀ ḅara amanyanaḅọ ḅiye mị ómine opu simịẹmẹ Nyanaḅọ Ḅe ḅụ.”

1 Samụẹl 12:18

Anị Samụẹl ḅe ọ̀ tẹkẹye-ẹ, se anị gbọrị ene mị ḅieḅụ Nyanaḅọ Ḅe soalagba na irisi ene na fịrịmamẹ. Anịsịkị tomoni mamgba Nyanaḅọ Ḅe na Samụẹl ḅe na ḍikiḅalafamẹ,