Jems 5:10 - Kịrịkẹnị Baịbụl

¹⁰ Ị̀ya mịnapụ, Nyanaḅọ Ḅe ẹrẹ se ọkwẹịn kọn ịkịankoroapụma ọ́ nwọse ḅiekoroma. Tọrụsiọrị ḅie ikirima na ye-inema na ḅụ ḍikiḍaḅịa apụ ḅara ọ́ nwọse ini ọkị.

Jems 5:10 Iomraidhean Croise

2 Amanyanapụ Sịkị Mịẹaye Ma 36:16

Ọkụma ini Tamụnọ okunwẹngịapụ ma seni kpọtitimẹ, oria ọkwẹịn ma ini sịkịmẹ, ini pịkịna oria ịkịankoroapụma ḍẹrịaḅẹ, kuluma ḅụ Nyanaḅọ Ḅe oria ịganị oria tomonima ḅụ opuma ḅakaso ọkụma ini pọkọ soso ọkụ ḅarị ofori-ẹ.

Aịzaya 39:8

Amanyanaḅọ Hẹzekaya ḅe mịn mị kaịnḅo ḅara anị, oria ḍumo sịkị ḅụ dein simeḅịa, gbọrịye sọ paka ẹkẹ, anị ọ̀ pẹkẹrẹye-ẹ, “Nyanaḅọ Ḅe ḅaraḅo ị́ se ị̀ pịrị oku mị iḅimẹ.”

Jerimaya 2:30

À fomuḅara se ị́ pịrịmẹ, ọkụma anị mịẹ iḅiye ofori-ẹ; ị́ ḅereni ị̀ pịrịkẹ àrị ị́ datekerema. Opuma ịganịarị chịrịḅa ḅara, ị́ nwọse ị́ya ịkịankoroapụma ninisam.

Jerimaya 23:22

Ini nemikase ị̀ya ḅọị-a koroma ma lekiri ọkụma, mgbọkụ ini ị̀ya oku mị ḍuko ḅelema ị̀ya tomonima pịrịsam, se ini inia ḍumo ḅụ, inia siamịẹmịẹye ma na sitịḅị ma na ḅụ ḅarasinsam.

Jerimaya 26:16

Anị tịḅịnịma na tomonima na, ịkịankoroapụma na nwọse agbamịẹapụma ḅẹye-ẹ, “Ḅeḅọ ḅe, Nyanaḅọ mịna Tamụnọ Ḅe ẹrẹ ḅụ mị ò ye ḍuko wa pịrịye-ẹ; ini ò se ḅaa ḅie chuma.”

Luk Iḅi Ḅẹrẹ Mị 13:34

“Jerusalẹm, Jerusalẹm! Ịkịankoroapụma ị́ ini ḅaamẹ, Tamụnọ Ḅe se ị́ sẹịnma okunwẹngịapụma ị́ imgbele se ini gbinmẹ! Tọn-a sịkị àrị ị̀ ḅarama se ị̀ya tomonima koḅiri gboloma ị̀ ḅụ pịrị ḅimẹ, ịrụọrụọ ọḅọkọ pamba se mịna awọma ju ḅara mị, ọkụma ị́ ḍụkụkẹ!

Luk Iḅi Ḅẹrẹ Mị 6:23

Ó ḅieḅẹlẹ anị mị mịẹḅịa sịkị, ó ḅieḅẹlẹ ḅụ sẹkị, anịatịḅị ini soḅie opu gbẹịnye se koroma ọ́ pịrị waraḅẹ. Anịatịḅị inia ḅieju-aḍapụma anị gbọrị ḅara mị nwọse ịkịankoroapụma mịẹmẹ.

Okunwẹngịapụ 3:21

Ò soḅie simeḅịa ọkịmun ini ye mamgba nwọ mịẹ ịwọmaḅịa sịkị laḅịa, Tamụnọ Ḅe osiḅụ sime ịkịankoroapụma ḅụ ḅọrọ ḍukopakụma sa ḅara mị, ḅọlọ sịkị ngịsị.

Okunwẹngịapụ 7:52

Ọ́mịna ḅieju-aḍapụma ḅụfụka se pịrịka gbọrị ịkịankoroḅọ omi? Ini Tamụnọ fịrịnwẹngịapụma nwọ ḅaamẹ, ḅọlọ sịkị ngịsị oria karakaraye mịẹ Fịrịnwẹngịḅọ ḅe ḅoaḅẹ nwọ ḅẹye mị ḍukopakụma apụma. Se mịọkụ ómine ò se ịbafị pịkị ọ̀ ḅaasam.

Hibru 13:7

Tatarị ó se tọrọkọ ịsụn apụma ọ́ nwọse ḅiekoroma, Tamụnọ oku mị ḍuko ọ́ pịrị apụma. Ini ḍumokọn se fị ḅara mị ọ́ nwọse ḅiekoroma, se inia ḅereni mị ọ́ nwọ ḍa-ẹ.

Jems 4:11

Mịnapụ! Ó jịnḅọ jịnḅọ ḍukosima ma. Mịna juo Kraịstḍukonwẹngị mịnaḅọ ḍukosima anịkanịka ḅẹrẹkọn iniḅọ pịrịḅọ goyegoye, iniḅọ Oloko mị nwọ ḍukosima pịkị ḅẹrẹkọn anị pịrịmẹ. Ị́ nemikase ḅẹrẹkọn Oloko mị pịrịmẹ ḅẹḅẹ, ị́rị́ ḅarị Oloko mị ḍukoye mịẹ ḅọkẹ, ọkụma ḅẹrẹkọn anị pịrị ḅọ-ẹ.

Jems 5:13

Ọ́mịna ḅie ḅụfụka ḅie sime ḅọ omi? Ye iniḅọ tẹkẹ. Ḅieḅẹlẹarị ḅọ omi? Ye iniḅọ tokoni nime nwọ chu.

Jems 5:7

Anịọkụma ó ye-inema ị̀ya mịnapụ, ọkịmun Nyanaḅọ Ḅe ḅoḅịa sịkị la. Yeḍipiḅọ ḅe ye-inema ọkụ ḍiki, ò korumun oria ozu mị yela chịnmgbọlụ nwọ pakụmaḅoḅịa sịkị lamẹ. Ori ịnyọḅa koru wẹrị-i mun ịrụakpoin na fọngụ sịkị enema sọnị nwọ lamẹ.

Jems 5:9

Ọ́ jịnḅọ jịnḅọ se ịkpẹịn ma ị̀ya mịnapụ, mịẹse Tamụnọ Ḅe ḅẹrẹkọn ọ́ pịrị ẹka ḅara. Ḍiki Ḅẹrẹkọn ḅọ ḅe ḅọkọkọ ọ̀ chịẹ waraḅẹ, ḅụpakụmaḅịa ẹrẹchị.