Jems 4:5 - Kịrịkẹnị Baịbụl

⁵ Ó koroma ma na fịafịa ḍiri mị ḍukoye mị kọkọmayekẹ, “Tamụnọ Ḅe seni mịna ḅie chụa tẹmẹ mị ḅalafama ḅara nwọse ḅiarị aye nyana waraḅẹ.”

Jems 4:5 Iomraidhean Croise

Chukusakị 26:14

Anịatịḅị ọ̀ tọntọn-a anana ogbo na, tọrụ kịrịkịrị nama na pịkị fịrịnwẹngịapụ na nwọ nyanamẹ, Filistia apụma ini ò ḍiki pụkọsolimẹ.

Chukusakị 30:1

Ọkụma Rechẹl ma gbọrị tọkụ sọ á yi Jekọb ḅe pịrịkaye gose, á nụmbụrarọma ḍiki pụkọsolimẹ se á nwọ seni Jekọb ḅe ḅẹmẹ, “Awọ se ị̀ pịrị, anịka à fịḅịa.”

Chukusakị 37:11

Josẹf ḅe oria owuapụ mịnapụma ini ò ḍiki pụkọ solimẹ, ọkụma ḍawu ḅe ọ̀ pa ḍuko ayema ḅụ koroma kọn aḅẹ.

Chukusakị 38:9

Ọkụma Onan ḅe ò nemimẹ na pakaḅoḅịa awọmẹnịma oria yeka yegose, ò numbireowu fịsaḅọ ḅe ta ma na gboloma sịkị layelaye, ọ̀ ḅụ pakaḅo mengi ma ọ̀ nwọse kirisara saramẹ, mịẹse numbireowu ḅe awọ nyana ẹkaye gose.

Chukusakị 6:5

Nyanaḅọ Ḅe sẹkiri mị ḅie tomoniḅọ goyegoye sitịḅịnyana laḅara na pịkị ini sikoroma nyana ọkụ ọrịsịkị,

Chukusakị 8:21

Agba mị onu mị Nyanaḅọ Ḅe ḅieḅẹlẹmamẹ, se ọ̀ nwọ seni ọ̀ ḅụ ḅẹmẹ, “À ḅarị ngịsị worinime seni sẹkiri mị pịrị ẹkẹ tomoniḅọ ḅe mịẹaye gose; à nemimẹ na oria kalasịkị ḅụ ngịsị oria koromama siaye-ẹ. À ḅarị pịkị ngịsị ḍumoaye mamgba ḅaa-ẹkẹ, anị mịọkụ à mịẹsa ḅara mị.

Fịafịa Nime 106:16

Anịnyọ onwun ele ḅie ini Moziz ḅe sọlịmẹ pịkị Erọn, Nyanaḅọ Ḅe oria osiḅụ sime fịrịnwẹngịḅọ ḅe na.

Fịafịa Nime 37:1

Siapụ ma gose ḅụḅalaḅala nyanama; iriaye mịẹapụ ma ini sọlịma.

Kaḅo Ma 21:10

Sitịḅịnyana apụma, siye mịẹ mị, sịkịmamgba ini tarịtarịmẹ; ini ḍikitịḅịfoin nyana gbọrịḅọ sọnị pịrịpịrịkẹ.

Ẹklisiastis 4:4

Tomoni gose gagama fịrịnwẹngị se mịẹye ḅarasọ mị à pịkị nwọ ḍawọsam; anịatịḅị ini ini na kpekima anga apụma nyana aye sọlịmẹ. Ọkụma anị ḅụḅalaḅalamamẹ anị kaịnḅo. Mangị fọrụ ḍuko ọkụ simemẹ.

Aịzaya 11:13

Izrẹl amanyanakiri mị anị ḅarị ngịsị Juda mị sọlị ẹkẹ, Juda sọnị ḅarị Izrẹl na taraka ama sọ ẹkẹ.

Kịẹnḅịpị Ma 11:29

Moziz ḅe nwọse ọ̀ pẹkẹrẹmẹ, “Ị́ kpaịnma ị̀ ḅụ iḅi ḍọkị? À ḅimẹ Nyanaḅọ Ḅe ọ̀ sosikima kụrọ mị se tomonima mgba pịrị se ini mgba ịkịankoroapụ ḅara se oloku.!”

Kịẹnḅịpị Ma 23:19

Tamụnọ Ḅe na tomoni na gbọrị ḅarakẹ, anị iruoapụ ma; Ori tomoniḅọkẹ se ò kuḅie ḍinma. Ò ḅereniye goyegoye, ọ̀ mịẹmịẹmẹ. Ori ọkwẹịnmẹ, anị pịkị mịẹmẹ.

Jọn Iḅi Ḅẹrẹ Mị 10:35

Wa nemimẹ na fịafịa ḍiri mị ḍukoye mị kọkọmaye sọ gbasomẹ se Tamụnọ Ḅe oru nwọse ini chịnmẹ, ini oria oku mị se fịrịma apụma.

Jọn Iḅi Ḅẹrẹ Mị 19:37

Fịafịa ḍiri mị pịkị jịnye nwọ ḍukomẹ, “Tomoni Ò ḍikiḅịa, ini ḅẹkẹrẹ se temi ḅọ Ḅe.”

Jọn Iḅi Ḅẹrẹ Mị 7:42

Fịafịa ḍiri mị nwọ ḅẹmẹ, na Mẹsaya Ḅe Amanyanaḅọ Devid furo ḅie mị ọ̀ pakaḅoḅịaye-ẹ, ini pịkị Bẹtlihẹm ḅie ò yiḅịa, Devid ḅe anga ama mị ḅie.”

Okunwẹngịapụ 7:9

“Ḍapụ ma Josẹf ḅe ḍiki pụkọsolimẹ, ò se omoniḅọ ḅara ḅụ Ijipt apụ dẹrịmẹ. Ọkụma Tamụnọ Ḅe ori na simemẹ,

Romapụ 1:29

Sitịḅị ḅara ḅara mamgba inia ḅie ḅeinmẹ, si, ngẹrịfịḍọkị, simịẹmịẹye, jịnḅọ ḍiki pụkọsoli inia ḅụ ḅeinmẹ, nweniḅaa, owusọḍọkị, oḅori se nweni chịn, pịkị ḅieakụ na. Ini nweni se fiemẹ,

Romapụ 9:17

Anịatịḅị fịafịa ḍiri mị nwọse Fẹro Ijipt amanyanaḅọ ḅe ḅẹmẹ, “Mịn mị gose àrị ị́ se Amanyanaḅọ mịẹmẹ, ị́ se fịrịnwẹngị se ị̀ya kụrọ mị ḍiepakụmaḅịa ẹrẹchị, pịkị mịẹse bebe tomonikiri mị ḅie mgba ini ị̀ya ẹrẹ nemiḅịa ḅara.”

1 Kọrịntapụ 6:19

Ó nemika na ọ́mịna ojuma anị Fịafịa Tẹmẹ Ḅe warị-ẹ, ori anị Tamụnọ Ḅe se ọ́ pịrị pịkị ọ́mịna ḅie anga ḅọ ḅe-ẹ? Ó sime ọ́ ḅụ pịrịkẹ ọkụma ó sime Tamụnọ Ḅe pịrịmẹ;

2 Kọrịntapụ 6:16

Nde Tamụnọ Oputẹkẹwarị mị na oru warị na ineda ḅịpịogbosọḅịa ọkụ? Anịatịḅị mine anị ḍumo Tamụnọ Ḅe Oputẹkẹwarị mị-ẹ! Tamụnọ Ḅe na mịnaḅụ na ḍukosam, “Ị̀ya tomonima à nwọse ị̀ya anga nyọ mịẹḅịa se inia ogboku angaḅịa; àrị inia Tamụnọ sọḅịa, ini pịkị ị̀ya tomoni sọḅịa.”

Galesia 3:8

Fịafịa ḍiri mị pịkịna tatarị ḍukosam na Tamụnọ Ḅe Jịnsẹapụma inia ḅereni ḅụ ḅọrọ ini na karakaraḅịa. Anịgose Fịafịa ḍiri mị iḅiọkwẹịn mị ḅụ ḅọrọ ḍuko Ebraham ḅe pịrịmẹ na: “Tamụnọ Ḅe ị́ ḅụ ḅọrọ tomoni mamgba nwọ ḅẹlẹmaḅịa.”

Taịtọs 3:3

Anịatịḅị mine na mịnaḅụ na gbọrị sịkị wa oḅorisọ na, ḅịpịpokika na pịkị mịẹirima na ḅụ simemẹ. Wa omonisọ oju mị ḅụḅẹlẹaye ma na tọrụkịrịkịrị ḅụḅẹlẹaye na nwọ pịrịmẹ. Wa mịna ḍumo ma se ḍikiḅụnwọnwọ na ḍikitọrụfụka na pịrịmẹ; jịn apụ taraka se wa wẹrịmamẹ, mine pịkị taraka se ini wẹrịmamẹ.