Jems 4:4 - Kịrịkẹnị Baịbụl

⁴ Kuḅie se ḅụgbana gbẹịnka apụ! Ó nemika na tomonikiri mị ḅe ikiaḅọ anị Tamụnọ Ḅe na taraka ḅọ-ẹ? Tomonikiri mị na ikia ḅiarị ḅọ goyegoye iniḅọ mịna ḅụ se Tamụnọ Ḅe na tarakaḅọ mịẹsam.

Jems 4:4 Iomraidhean Croise

Chukusakị 3:15

Àrị ị́ mịẹḅịa ị́rị́ na eremeniḅọ ma na, ọ́ taraka se jịnḅọ jịnḅọ wẹrịmaḅịa; á furo ḅie pakaḅoḅịa awọma na ị́yaye ma na taraka ḅụ sime gbasoḅịa. Á furo ḅie pakaḅoḅịa awọma, ị́ tịḅị nangaḅịa, anịsịkị ị́rị́ árịa awọma ḅụọ tongu gbọḅịa.”

Fịafịa Nime 21:8

Amanyanaḅọ ḅe ori-na-tarakapụ mamgba ori ini kun ọkịḅịa; taraka se ọ̀ wẹrịmaḅọ goyegoye ọ̀ nụḅọ kun ọkịḅịa.

Fịafịa Nime 50:18

Ị́ ọrị furuḅọ goyegoye ị́ya ikiaḅọ-ẹ, ị́ pịkị sẹfịapụ na nwẹngị-nwẹngịmẹ.

Fịafịa Nime 73:27

Ị́ sịkị apụma, pikipikiye ofori-ẹ ini faḅịa; kuḅie se ị́ ḅụgbanaka apụma ị́ ini ḅaasinḅịa.

Aịzaya 57:3

Ọ́ mịanga ḅo ini ḅẹrẹpẹlẹ ọ́ pịrị, ómine simịẹapụma! Ómine iḅitẹịn arịapụ na sẹfịapụ na amanwẹngịapụ na nẹngịkẹ.

Jerimaya 2:2

na à mun mịn oku mị ḍuko kelema ḅẹḅọ ḅẹḅọ pịrị Jerusalẹm mị ḅie. “À se ḅiekoromamẹ, ị́ kala tọkụ ḅụ sime sịkị, ị́ kuḅie se ḅụgbana-na-gbẹịnḅọ-sọ ọkụ, wa tatarị ama-na-ere-na sime kọn sịkị ị́ ị̀ ḅẹlẹma ọkụ; onwun ele ḅie ị́ ị̀ ḍukonwẹngịmẹ, ma ini ye ḍipika kiri ḅụ ị́ ị̀ ḍukonwẹngịmẹ.

Jerimaya 9:2

À ḅimẹ à gbọrị sime nyọ nyana onwun ele ḅie, àrị ị̀ya tomonima na sasaḅịa nyọ. Inimgba kuḅie-se-ḅụgbana na gbẹịnkapụ-ẹ, ḅụọ-se-tomoni chụa kpo.

Izikịẹl 16:32

Ị́ sime ọkụ sime eremeniḅọ anị mịna deḅọ ḅẹlẹmaka se mun igoniapụ na sẹfị ḅọ ḅara-ẹ.

Hosia 3:1

Nyanaḅọ Ḅe nwọse ị̀ ḅẹmẹ, “Pịkị mun se oloḅọ na sẹfị arịḅọ ma ḅẹlẹma. Ị́ á ḅẹlẹmaḅịa, Ị̀rị̀ sọ pa Izrẹlapụma ḅẹlẹma àrị ḅara mị, ini pa inia tọrụ ma pịkị oru ma da se fịaye se àrị pịrịmẹ nwọḅẹ sọ.”

Matio 12:39

“Mịmgba ene mị ḅe apụma si, se pịkị Tamụnọ nemika ọkụ ḍiki! Jizọs Ḅe nwọse ini pẹkẹrẹmẹ. Ómine ị̀ ḅara ḅụbuamaye nwọ ḅi? Ẹn-ẹn! Se ọ́ pịrịḅịa ḅụbuamaye anị ịkịankoro Jona ḅe ḅụbuamaye mị kẹngẹ-ẹ.

Matio 16:4

Mịn ḅụọ mị ḅe apụma si se pịkị Tamụnọ nemika ọkụ ḍiki! Ómine ị̀ ḅara ḅụbuamaye nwọ ḅiaḅẹ? Ẹn-ẹn! Jona ḅe ḅụbuamaye mị kẹngẹ mị ini se ọ́ pịrịḅịaye-ẹ.” Anị ori ini wẹrịso se nwẹngị soye-ẹ.

Matio 6:24

“Gbọrịḅọ ineda omoniḅọ sọ mama tịḅịnị pịrị ẹkẹ; ọ̀ taraka se gbọrịḅọ wẹrịma, se ísí ḅọ ḅe ḅẹlẹmaḅịa; ọ̀ ḅụiderima gbọrịḅọ pịrị, se ísí ḅọ ḅe ḍikisimaḅịa. Ị́ ineda fịrịnwẹngị Tamụnọ Ḅe na igbiki na pịrị ẹkẹ.

Luk Iḅi Ḅẹrẹ Mị 19:27

Mịọkụ, ị̀rị̀ na tarakapụma ọkụma àrị amanyanaḅọ sọ ini pịrị ḅika apụma ómine ini ọkị mịanga ḅo se ị̀ tọrọkọ ini ḅaa!’”

Jọn Iḅi Ḅẹrẹ Mị 15:19

Ó nemikase sime tomonikiri mị pịrịmẹ nwọ ḅẹ ọkụma, anịsịkị tomonikiri mị anị ọ́ ḅẹlẹmaḅịa ómine anịaye-ẹ nwọ ḅẹ ḅara ḅụ. Ọkụma à tomonikiri mị ḅie ọ́ sẹlẹ pakụmaḅomẹ, ọ́ ḅarị pịkị sime anị pịrịkẹ; mịn mị gose tomonikiri mị taraka se ọ́ wẹrịma mẹ.

Jọn Iḅi Ḅẹrẹ Mị 17:14

Ị́ya oku mị à nwọse ini pịrịmẹ, se tomonikiri mị taraka se ini wẹrịmamẹ, anịatịḅị ini sime tomonikiri mị pịrịkẹ, ị̀rị̀ sọ sime tomonikiri mị nwọ pịrịka ọkụ mị.

Jọn Iḅi Ḅẹrẹ Mị 7:7

Tomonikiri mị anị ineda taraka se ọ́ wẹrịma ẹkẹ, ọkụma anị taraka seni ị̀ wẹrịmamẹ, anịatịḅị à sịkịmamgba ḍuko anị pịrịaḅẹ na anịa mịẹmịẹaye ma simẹ.

Romapụ 5:10

Tamụnọ na tarakapụ wa nwọ sọmẹ, ọkụma ò mine seni ikiapụ nwọ mịẹsam oria Tọkụ Ḅe fị mị ḅụ. Wa mịọkụ Tamụnọ ikiapụ nwọ sọsa sịkị, anị mị Kraịst Ḅe ḍumo mị nwọ seni ḅakatẹịn ḅara se wa ḍụaḅọrọmaḅịa!

Romapụ 8:7

Anịgose tomoniḅọ ḅe ḅo Tamụnọ Ḅe na tarakaḅọ nwọ sọmẹ ojumịnị mị ḅẹrẹtọn ọ̀ pịrịarị sịkị, anịatịḅị ori ineda Tamụnọ oloko mị ḍukoye mịẹkẹ, ọ̀ pịkị kọkọma ineda anị ḍukoye mịẹ ẹkẹ.

1 Kọrịntapụ 1:20

Anịọkụma, nemi nyana apụma nde anga ḅụ ini omi? anịkanịka opu ḍiriḍawọ apụma? anịkanịka mịn tomonikiri yema na tụḅụrụ kụrọ nyana apụma? Tamụnọ Ḅe ḅelema ḍiepakụmasam na mịn tomonikiri ḅe nemi mị anị nemika-ẹ!

1 Kọrịntapụ 1:21

Anịatịḅị, Tamụnọ Ḅe oria nemi ḅụ mịẹse anị sarasarakẹ tomoni inia ḅarakuḅu nemi ḅụ ḅọrọ ò nemi. Anịnakaraka, ḅẹmẹ na “nemi nyanaka” oku-ẹ nwọ ḅẹ se wa ḍukoarịye mị ḅụ re, anị Tamụnọ Ḅe tọn pẹlẹye-ẹ, anịa ḅụ ọ́ ḅọrọ ḍụaḅọrọma se ḅereni apụma pịrịḅịa.

Galesia 1:10

Mịn mị anị fie-ao na à tomoniḅọ tokoni ḅịpị nwọ ḍọkịaḅẹ? Anịkẹ, ngịsị! À ḍọkịarịye Tamụnọ tokoni ḅịpị-ẹ! Tomoniogbo ḅie àrị ẹrẹ paka ḍọkị-ao? Àrị anị mị nwọ mịẹḅịa ẹrẹchị ḍọkịaḅẹ ḅẹḅẹ, ị̀rị̀ ḅarị Kraịst Ḅe fịrịnwẹngịḅọkẹ.

Jems 1:27

Fịafịa pịkị karakara Tamụnọ nemi, Tamụnọ Ḍaḅọ Ḅe nwọse chịnye anị mị mị-ẹ, ḍapụ na nyengiapụ na koroma fịsa awọma na, pịkị deapụ fịsa eremeni ma na nwọ ḍikiḍiki, inia tọrụsiọrị kiri ḅụ, se iniḅọ ḅụ ọlọ mịẹse tomonikiri mị iniḅọ pikirima mun si ḍumo ḅie chu ẹka ọkụ.