Jems 4:2 - Kịrịkẹnị Baịbụl

² Ó yeḅimẹ ọkụma ọ́ ḅara lakẹ, anịẹrẹchị ọ́ ḅụkarakaramamẹ nweni ḅaa ómine anịkanịka ḅara nwọse yeḅimẹ, ọkụma ọ́ ḅara lakẹ, anịẹrẹchị ọ́ kamụsọ pịkị owusọmẹ. Ó ḅiarịye ọ́ ḅara lakẹ anịatịḅị ọ́ Tamụnọ Ḅe ḅara anị ḅikẹ.

Jems 4:2 Iomraidhean Croise

1 Amanyanapụ 21:6

Ori nwọ pẹkẹrẹmẹ, “Nebọt ḅe se ị̀ ḅẹye mị gose-ẹ. Àrị oria irumịẹ chịnmgbọlụ ozu kiri mị tuḅo fẹ ḅimẹ, anịkanịka, nemikase ori ọkọ ḅikẹ ḅẹḅẹ, à jịnye seni anịa kiriḍinma ọ̀ pịrịḅịa, ọkụma ọ̀ nwọse ị̀ ḅẹmẹ na àrị ineda anị nyana ẹkẹ.”

Kaḅo Ma 1:19

Furu mị, tọn-a sịkịḅụ, furuḅọ ḅe ḍumo anị nwọ ọkịkịmẹ, mịn anị paka kụrọḅara se jịn apụ aye ọkịkị apụma pịrịpịrị ọkụ-ẹ.

Ẹklisiastis 4:8

Ngẹrị anga gbọrịḅọ omi-ẹ. Ori owutọkụ nyanakẹ, mịnaḅọ sọnị ofori-ẹ, anịẹḅẹsọ sịkịmamgba ọ̀ fịrịnwẹngịaḅẹ, ọ̀ nyanasa ngọ ngịsị ori na deinkẹ. Ọ̀ gagama fịrịnwẹngị tụḅọ pịrị-ao se ngịsị ọ̀ ḅụtima ḍụkụkẹ gbọrị sịkị sọnị? Mịn mị sọnị anị ḅụḅalaḅalamamẹ anị kaịnḅo, anị mị ngịsị ḅieḅẹlẹmaka ḍumo ḅara-ẹ.

Aịzaya 7:12

Ehaz ḅe nwọ pẹkẹrẹmẹ, “Gbọrị elekima sọnị à ḅi ẹkẹ. À ḅikẹ à Nyanaḅọ Ḅe ḍaḍiki.”

Habakọk 2:5

Yenyana mị anị oḅori se nweni chịn chịn mẹ. Yepụkọtankapụ ma mị ḅụdekichịẹma se ịnyọ sara ini na ofori-ẹ, fị mị simeọkụ mị, ye ngịsị inia pụkọ tantankẹ. Anịgose, ini gbọrị sẹ inuma so pịkị jịn sẹ inuma inia ḅụ ma pịrịpịrịye-ẹ.

Jọn Iḅi Ḅẹrẹ Mị 16:24

Ọkịḅo mịọkụ la sọnị, ómine ị̀ya ẹrẹ ḅụ ḅisa gbọrịye sọnị ofori-ẹ; ó ḅi anị pịkị ọ́ ḅara laḅịa, mịẹse ọ́mịna ḅieḅẹlẹ mị karaḅịa ọkụ.

Jọn Iḅi Ḅẹrẹ Mị 4:10

Jizọs Ḅe pẹkẹrẹmẹ, “Tamụnọ Ḅe ḍiepịrịye mị ị́ pa nwọ nemi ọkụma, pịkị ị́ ḅara mengi ḅiarịḅọ ḅe nwọ nemimẹ ḅẹ ọkụma, mgbọkụ ị́ ọ̀ ḅara ḅi se ò ḍumo pịrị mengi se ị́ pịrịḅịa.”

Jems 1:5

Ọkụma ọ́mịna ḅie nemi nyanakaḅọ omi-ẹ ḅẹḅẹ, ye ọ̀ Tamụnọ Ḅe tẹkẹ, anị se ọ̀ pịrịḅịa ḅọ ḅe; anịatịḅị Tamụnọ Ḅe ḅara kịkịmaka ḅaraḅụ papa pịrị ḍikiḅụgerere ḅụ anị se nwenimgba pịrịpịrịmẹ.

Jems 5:6

Ọ́ ḅẹrẹkọn siye mịẹka ḅọ ḅe ḅara sima se pịkị ọ̀ ḅaasam, ọ̀ pịkị ómine na kụrọye mịẹkẹ.

1 Jọn 3:15

Iniḅọ mịnaḅọ ḍikiḅụnwọnwọ ḅọ goyegoye niniḅọ-ẹ, ó nemimẹ na niniḅọ ḅe, ò ḅie ḅụ ma ò ḅene-ḅene ḍumo nyanakẹ.