Jems 4:1 - Kịrịkẹnị Baịbụl

¹ Ọ́mịna ogboku sime owu ma na kamụ ma na nde anga àrị ḅo? Ọ́mịna pụkọsolimarị ayema ḅụ àrị ḅọrọḅoka, anị ọ́mịna oju ḅie sịkịmamgba owusọarị ayema?

Jems 4:1 Iomraidhean Croise

Jerimaya 17:9

“Tụḅọ ineda tomoniḅọ kuḅie kaịnḅoḅe? Oḅori-se-nweni chịẹma anị na gbasịye ofori-ẹ; anịa obi ḅakamẹ gwọḅụ.

Matio 15:19

Anịatịḅị ò kuḅiemgbọlụ mị ḅie anị si koroma goyegoye pakaḅoarịye-ẹ; anị mị tomoniḅọ ḅe ọkịmun ḅaa na, sẹfị na, ere simeka owuapụ na, owuapụ simeka eremeni ḅe nwẹngịgboloma na, furu na, iruokọn na, pịkị jịn apụ ḍuko sima na ḅie chumẹ.

Jọn Iḅi Ḅẹrẹ Mị 8:44

Ómine ọ́mịna ḍa Oru ḅe awọ-ẹ, ó ḅiaḅẹ ómine ọ́mịna ḍaḅe ḅiarịaye ma nwọ ḍuko nwẹngị. Sakị mị ngịsị ori niniḅọ-ẹ, ọ̀ kọkọmaye mị ju nwọ sọsọkẹ, anịatịḅị kọkọmaye ò ḅie ofori-ẹ. Ori iruo kọn àrị sịkị, ori na sopakaye mị ọ̀ mịẹarịye-ẹ, anịatịḅị ori iruo ḅọ-ẹ, pịkị iruo mamgba ḅe ḍaḅọ-ẹ.

Romapụ 7:23

Ọkụma àrị ị̀ya oju ḅụ kịrị oloko ọrịmẹ, ị̀ kuḅie ḅereni ọkị oloko na owusọarị oloko. Anị ị̀ se ikoliḅọ mịẹ si mị ḅe oloko mị pịrịmẹ anị ị̀ya oju ḅie fịrịnwẹngịarịye mị.

Romapụ 7:5

Anịatịḅị wa tomoniḅọ sime ḅara nwọ ḍikima ḍumo kọn sịkị, si ḅụ ḅein pụkọtarịaye ma oloko mị nwọ jike sịsẹma se mịna ojuma fịrịnwẹngịye sọ fị ọkịḅoḅịaye ma pịrịmẹ.

Romapụ 8:7

Anịgose tomoniḅọ ḅe ḅo Tamụnọ Ḅe na tarakaḅọ nwọ sọmẹ ojumịnị mị ḅẹrẹtọn ọ̀ pịrịarị sịkị, anịatịḅị ori ineda Tamụnọ oloko mị ḍukoye mịẹkẹ, ọ̀ pịkị kọkọma ineda anị ḍukoye mịẹ ẹkẹ.

Galesia 5:17

Anịatịḅị mịna ojumịnị mị ḅiarịyema Tẹmẹ Ḅe ḅiarịyema na tụḅụrụmẹ, Tẹmẹ Ḅe ḅiarịyema pịkị mịna ojumịnị ma ḅiarịyema na tụḅụrụmẹ. Mịna mamaye ma taraka apụ-ẹ, mịn mị fieaḅẹ na ómine ineda ó mịẹḅịa ẹrẹchị ḍọkịarịye mị nwọ mịẹ ẹkẹ.

Kolosi 3:5

Anịgose, ọ́mịna ḅie sime fịrịnwẹngị se tomonikiri ayema ḅẹlẹma mị ọ́ nwọ ḅaa, mà ma kịkẹaye ma anị sẹfị na, fịafịaka ḍumokọn na, yeḍikipụkọsoli na, oju mị pụkọtarịarị si ayema na, pịkị ngẹrịfịḍọkị na, anịatịḅị ngẹrịfịḍọkị mị anị jịn oru tẹkẹ ḅara-ẹ.

2 Timoti 2:23

Ọkụma oḅorisọ na mịẹyenemika ḅẹrẹjinea ma ḅụ ị́ ḅụ sin, ị́ nemimẹ na kamụ ḅụ mị àrị mun kuluma kulumaye-ẹ.

Taịtọs 3:3

Anịatịḅị mine na mịnaḅụ na gbọrị sịkị wa oḅorisọ na, ḅịpịpokika na pịkị mịẹirima na ḅụ simemẹ. Wa omonisọ oju mị ḅụḅẹlẹaye ma na tọrụkịrịkịrị ḅụḅẹlẹaye na nwọ pịrịmẹ. Wa mịna ḍumo ma se ḍikiḅụnwọnwọ na ḍikitọrụfụka na pịrịmẹ; jịn apụ taraka se wa wẹrịmamẹ, mine pịkị taraka se ini wẹrịmamẹ.

Taịtọs 3:9

Ọkụma nemi ḅie ofori ḅẹrẹjinea ḅụ ị́ ḅụ sin, anị ḅieju-aḍapụma ḅụ ḍawọaye ma na, kamụ sọ na pịkị Oloko mị gose owusọ mị na, àrị ye ḅụ sọkẹ pịkị ye lakẹ.

Jems 1:14

Ọkụma tomonima ḅụḅẹlẹ se ini ḅiarị siye mị, anị ḍẹịn sọ ini jine mun ḍaḍiki ḅie chuye-ẹ.

Jems 4:3

Ó ye ḅi se anị ọ́ ḅara lakẹ ḅẹḅẹ, anị ó se àrị ḅi koroma ma ḅụgbẹịnkẹ, se ngẹrị ọ́ ḅụtimaḅịa aye kẹngẹ mị ó ḅiye-ẹ.

1 Pita 1:14

Ọ́ Tamụnọ Ḅe ḅịpịpoki, se ọ́ ḅarị ḅereni ma ọ́mịna ḍumo pịkị siaye nwọ ḅi, ma ó yenemika sịkị ḅara mị.

1 Pita 2:11

Ị̀ya ikiapụ, à kụrọma ḍuko ọ́ pịrịaḅẹ, mị tomonikiri mị ḅie igoniapụ na pịkị tịḅị se nweni pịrị apụma na ḅara ḅụ! Ómine ọ́ ḅụ se ojumịnị mị pụkọtarịarịye ma pịrị ma, sịkịmamgba tẹmẹ mị na ọmụgbin-arịye ma.

2 Pita 2:18

Ini ḅụdekichịẹma pịkị yenemika ọkwẹịn nwọ kọnkọnmẹ, anịsịkị, inia ojumịnị mị ḍikipụkọsoliarị sima, ini nwọse ḍẹịntu siḅụ mangị soarị apụma pịrịmẹ.

2 Pita 3:3

Tatarịye, ọ́ kaịnḅo na ma kuluma enema ḅie, ojumịnị mị ḍikipụkọsoliaye ma ḅẹrẹtọn pịrị ḍumokọn apụma ḅo ó komḅoḅịa,