Jems 3:9 - Kịrịkẹnị Baịbụl

⁹ Wa anị se mịẹḅaka se wa Nyanaḅọ pịkị Ḍaḅọ Ḅe ḅẹmẹ, pịkị anị se nime se mịna juo-a tomonima woriaḅẹ, Tamụnọ Ḅe ọ̀ ḅụ kịkẹma tẹmẹ apụma.

Jems 3:9 Iomraidhean Croise

Chukusakị 5:1

Mịn anị Adam ḅe furoḅie pakaḅo apụma ḅụ ḅẹrẹ-ẹ. (Tamụnọ Ḅe ò tomoniḅọ ḅe tẹmẹ sịkị, ori ọ̀ ḅụ ḍikima ini tẹmẹmẹ.

Chukusakị 9:6

Tomoniḅọ ḅe, Tamụnọ Ḅe ori ọ̀ ḅụ ḍikima ọ̀ tẹmẹmẹ; anịgose tomoniḅọ ḅe ḅaaḅọ goyegoye jịnḅọ iniḅọ ḅaaḅịa.

2 Samụẹl 16:5

Amanyanaḅọ Devid ḅe ḅo Bahurim mị lasịkị, Sọl mịnapụma ḅụ gbọrịḅọ Shimẹaị, Gira yaḅe, pakaḅo ori na ịrịamẹ, ori ò worima ḅoaḅẹ.

2 Samụẹl 19:21

Abishaị, Zẹruaya yaḅe nwọ ḅẹmẹ; “Shimẹaị ḅe ọ̀ ḅaa na iḅimẹ anịatịḅị ò worinime se Nyanaḅọ Ḅe sẹlẹ se amanyanaḅọ mịẹ ḅọḅe pịrịmẹ.”

1 Amanyanapụ Sịkị Mịẹaye Ma 29:10

Anịnyọ ḅụ, koḅiria ogbo mị tọrọkọ anị Amanyanaḅọ Devid ḅe, Nyanaḅọ Ḅe boma se nwọḅẹye-ẹ, “Nyanaḅọ, mịna ḅieju ḍaḅọ Jekọb Tamụnọ, boma sime ị́ pịrị ḅene-ḅene la!

1 Amanyanapụ Sịkị Mịẹaye Ma 29:20

Anị Devid ḅe tomonima ḅẹye-ẹ, “Ọ́ Nyanaḅọ Ḅe boma, ọ́mịna Tamụnọ Ḅe!” Se tomoni ogbo mị mgba Nyanaḅọ Ḅe bomamẹ, inia ḅieju-aḍapụma Tamụnọ Ḅe; se ini tịḅịtu pịkị osi se Nyanaḅọ Ḅe na amanyanaḅọ ḅe na pịrịmẹ.

Fịafịa Nime 10:7

Oria ọkwẹịn ḅie, wori na, iruo na, ẹrẹma na ḅeinmẹ; ọ̀ sarasarama taraka na, si ọkwẹịn na kọnkọnmẹ.

Fịafịa Nime 108:1

Àrị iḅiọkụma kụrọkuḅie nyanamẹ, Yei Tamụnọ! À nime chu se ị́ bomaḅịa! Sịsẹ, ị̀ tẹmẹ!

Fịafịa Nime 145:1

Àrị ị́ya opu mị ḍuko finjima ḅịa, ị̀ Tamụnọ pịkị ị̀ya amanyanaḅọ; à mịẹḅaka se ị́ ḅẹ mun ḅene-ḅene laḅịa.

Fịafịa Nime 145:21

À sịkịmamgba Nyanaḅọ Ḅe bomaḅịa; ye ọ̀ tẹmẹ aye mamgba oria fịafịa ẹrẹ mị boma gbaso.

Fịafịa Nime 16:9

Anịẹrẹchị à mịẹḅaka se ọ̀ ḅẹ pịkị ḅieḅẹlẹmẹ, à pịkị gbọtụma tịḅịkikima nyọ ḅie omi-ẹ,

Fịafịa Nime 30:12

Anịẹrẹchị à yawụma sime ẹkẹ; à nime chu ị́ tokoniḅịa. Nyanaḅọ, ị́rị́ ị̀ Tamụnọ-ẹ; à mịẹḅaka se ị́ ḅẹ gbasoḅịa.

Fịafịa Nime 34:1

À sịkịmamgba mịẹḅaka se Nyanaḅọ Ḅe ḅẹḅịa; ngịsị à dachịẹkẹ ò boma mị ḅụ.

Fịafịa Nime 35:28

Anịsịkị àrị ị́ya karakaraye mị ḍukopakụmaḅịa, se à pịkị ene mamgba ḅụ ị́ bomaḅịa.

Fịafịa Nime 51:14

Ị̀ ḍumo wẹrịso, Yei Tamụnọ, se ị̀ ḍụa, à pịkị ḅieḅẹlẹḅụ ị́ya karakara mị ḍuko finjimaḅịa.

Fịafịa Nime 57:8

Ị̀ tẹmẹ sịsẹ! Ị̀ya ọbọ na kelemakoro njalị ọbọ na! Àrị ịrụa mị chịn sịsẹmaḅịa.

Fịafịa Nime 59:12

Si iniaḅịpị ḅọkọ ma ḅụ omi-ẹ; inia ọkwẹịn mamgba siaye-ẹ; ye inia opuamịẹmịẹaye ma ini ọlọ! Anịatịḅị wori na iruo na anị sime ini pịrịye-ẹ,

Fịafịa Nime 62:4

Ọ́ pa ò sime osi nyana kiri mị ḅụ ò sin iderimaḅịaye gose; ómine iruo ḅẹlẹmamẹ. Ḅẹlẹma ọkwẹịn ọ̀ nwọ kọnkọnmẹ ḅịpị ḅọkọ ḅụ, ọkụma ọ́mịna kuḅie mgbọlụma ḅie ómine ò woriaḅẹ.

Fịafịa Nime 63:4

À mịẹḅaka se ị́ ḅẹḅịa à la-ene la-ene; à tẹkẹḅụ ị̀ ḅarama dekichịẹma ị́ pịrịḅịa.

Fịafịa Nime 71:24

Ene mị mgba àrị ị́ya karakara mịẹmịẹye mị ḍukoḅịa, anịatịḅị yese ị̀ lama ḍọkịarịapụ ma ini ini nẹngịmasam iniaḅụ pịkị gereresam.

Ẹklisiastis 7:22

ị́rị́na-mịnaḅụ-na ị́ nemimẹ na ị́ jịn apụ wọlọaye mịẹsam tọn-a sịkịḅụ.

Aịzaya 29:13

Nyanaḅọ Ḅe nwọ ḅẹmẹ, “Mịnapụ ma ini ḅereni ọkịmẹ na ini ị̀ tẹkẹḅịa, ọkụma inia ọkwẹịn ma yeḅụsọkẹ, inia kuḅiemgbọlụma pịkị jịn anga ḅụ omi-ẹ. Inia ḅereni mị jịnyekẹ, tomoni chụa olokoma na, ama mịẹmịẹaye ma na sakị sikima, ma anị ini se inia kuḅie chụa se ḅịpị ḅụ gopakụmarịye ma-ẹ.

Matio 26:74

Anịsịkị Pita ḅe yekarịfịmẹ, “Ye Tamụnọ Ḅe ḅụfụka se ị̀ pịrị à nwọ ḍukoarịye mị kọkọmayekẹ ḅẹḅẹ! Ori ḅọ Ḅe ngịsị àrị Ò nemikẹ!” Anị gbọrị kirikiri ḅụ ọḅọkọ ḅe paịnmẹ,

Matio 5:44

Ọkụma ị̀rị̀ mịọkụ à ḍuko ọ́ pịrịaḅẹ: ị́rị́ na tarakapụma ḅẹlẹma se tẹkẹ ḅụọ se ị́ chụarịapụma pịrị,

Okunwẹngịapụ 2:26

Mịn mị gose ị̀ kuḅiemgbọlụ ḅieḅẹlẹ nyanamẹ, ị̀ya ọkwẹịn ma pịkị ḅieḅẹlẹ na ḅeinmẹ. Se ị̀rị̀, fịḅịa tomoniḅọ-ẹ nwọ ḅẹ sọnị, tọrụseḍikiḅịaye à nwọ nyana kụrọmamẹ,

Romapụ 3:14

inia ḅịpị ma ḅie akụ gọlị ọkwẹịn opuma ḅakamẹ.

1 Kọrịntapụ 11:7

Owuḅọ gose ọ̀ tịḅị gbẹịnḅịaye ofori-ẹ, ori nwọ Tamụnọ Ḅe sime ḅara sime se oria boma nwọ ḍiepakụmarị sịkị; ọkụma eremeniḅọ ma árị owuḅọ ḅe boma nwọ ḍiepakụmamẹ.

Ẹfịsọsịapụ 1:3

Ó ye wa mịẹḅaka se Tamụnọ Ḅe ḅẹ anị wa Nyanaḅọ Jizọs Kraịst Ḍaḅọ Ḅe! Anịatịḅị ò mine ḅẹlẹmasam wa Kraịst Ḅe na gbọrịye mịẹ ḅụ, tẹmẹ anga ḅe ḍiepịrịye goyegoye ọ̀ nwọse wa pịrịye gose, soḅie ḅụ.

Jems 1:27

Fịafịa pịkị karakara Tamụnọ nemi, Tamụnọ Ḍaḅọ Ḅe nwọse chịnye anị mị mị-ẹ, ḍapụ na nyengiapụ na koroma fịsa awọma na, pịkị deapụ fịsa eremeni ma na nwọ ḍikiḍiki, inia tọrụsiọrị kiri ḅụ, se iniḅọ ḅụ ọlọ mịẹse tomonikiri mị iniḅọ pikirima mun si ḍumo ḅie chu ẹka ọkụ.

Jems 3:10

Mịẹḅaka ḅẹ ọkwẹịn na, nimeworiaye ma na, mị gbọrị ḅịpị mị ḅie àrị pakaḅomẹ. Ị̀ya mịnapụ! Anị ọkọ paka gbẹịnkẹ!

1 Pita 1:3

Ó ye wa mịẹḅaka seni wa Nyanaḅọ Jizọs Kraịst Tamụnọ pịkị Ḍaḅọ Ḅe ḅẹ! Oria opu ḍikiḅụgerere mị gose ori ịwọ ḍumo se wa pịrịmẹ, anị fịḅụ Jizọs Kraịst Ḅe sịsẹma mị ḅụ. Mịn ḍumo mị tọrụseḍikiye nwọse mịna ḅie chumẹ.

Bẹrẹkọn Apụ 9:27

Inimgba so inia iru-mịẹ-chịnmgbọlụ-ozu ma ḅie mun se tụmgbakị elelenda tan, se àrị seni irumịẹ, se alalị fịmẹ. Ini so inia oru warị mị mun anịnyọ fị na ḅu na ḅụ sime se Abimẹlẹk ḅe ḍukosimamẹ.