Jems 3:5 - Kịrịkẹnị Baịbụl

⁵ Anị ḅịpịḅieḅẹlẹ mị sọnị simeọkụ-ẹ; anị boka laḅara mị ḅụ, anị ineda opu aye se ḅụ bomaḅịa. Kọrịarị fịnịḅịpị kalaye, ineda opu piri dọkịmaḅịa ọkụ nwọse ḅiekoroma!

Jems 3:5 Iomraidhean Croise

Job Ḍiri Mị 22:17

Mịnapụ ma anị Tamụnọ Ḅe sịkị apụ ma-ẹ, se ḅerenimẹ na ò se ini mịẹḅịa gbọrịye sọ ofori-ẹ.

Fịafịa Nime 10:3

Sitịḅịnyanaḅọ ḅe ò kuḅietọn se ọ̀ mịẹḅịa siye mị ḅụ ọ̀ tịḅị kpokoro nyanamẹ; opu tọrụmgbọlụ nyanaḅọ ḅe ọ̀ Nyanaḅọ Ḅe worisima se pịkị ọ̀ sịkịmẹ.

Fịafịa Nime 17:10

ini ḍikitịḅịfoin nyanakẹ, ini pịkị kpokoro ọkwẹịn kọnkọnmẹ.

Fịafịa Nime 39:1

À nwọḅẹmẹ na, “À mịẹye mịẹyeḅụ à tọrụkweinmaḅịa, à pịkị ḅereni ẹkẹ ị̀ ḅẹlẹ mị mịẹse à simịẹ; gbọrịye sọ à ḍuko ẹkẹ siapụ kpekima sime nyọḅụ.”

Pakaso 15:9

Tarakaḅọ ḅe nwọ ḅẹmẹ, ‘Àrị ini ḍuko mun ini kunḅịa; àrị inia ngọma ḍia pịkị à ḅi aye mamgba nwọ ọkịḅịa; àrị ị̀ya okola-agiji mị wọrọ se ini nyana aye mamgba nwọ ọkịḅịa.’

Pakaso 5:2

“Nyanaḅọ Ḅe tụḅọ?” amanyanaḅọ ḅe ọkọse ini gbelamẹ. “Nde à gose ọ̀ ḅịpịpoki seni Izrẹl mị wẹrịso se ini soḅịaye? Nyanaḅọ Ḅe àrị ò nemikẹ, à pịkị Izrẹl mị wẹrịso se ini soẹkẹ.”

Kaḅo Ma 12:18

Koroma ḅụ oforika ọkwẹịn ma anị ye se nweni lamaḅịa okola-agiji ye se nweni lama ọkụ, ọkụma nemi ḅụ kọn ọkwẹịn ma àrị ye la nyọma gwọmẹ.

Kaḅo Ma 15:2

Yenemi apụ ọkwẹịn sịkị, yekaịnḅoḅo apụma ini ḅụḅẹlẹ nyana ọkwẹịn ma pịrịmẹ; ọkụma yenemika apụma inia ọkwẹịn ma yeḅụoforiaye-ẹ.

Kaḅo Ma 18:21

Ị́ ḍukoye ine ḍumo ḍụaḅịa, anịkanịka anị anị famaḅịa; anịẹrẹchị ị́ kọn ọkwẹịn ḅụ pakaḅoye goyegoye ọkị.

Kaḅo Ma 26:20

Fịnị pẹkẹrẹ oforika nyọ, kọrịarị fịnị mị binḅịa; nweni se fie oforika nyọ kamụsọ koro ẹkẹ.

Jerimaya 18:18

Anịsịkị tomonima nwọ ḅẹmẹ, “Ó ye wa Jerimaya ḅe ḅụ gbọrị ḅara mịẹ! Sịkịmamgba agbamịẹapụ pakaḅo ye se wa ḍieḅịa, yenemi apụ wa tetemaḅịa, pịkị ịkịankoroapụ Tamụnọ oku ḍuko finjimaḅịa. Ó ye wa yeḍuko ọ̀ tịḅị gbana se ḅarị ò ḍukoḅịaye pokima.”

Izikịẹl 28:2

“Tomoniḅọ tọkụ,” ọ̀ nwọ ḅẹmẹ, “Taya ḅie ḅẹrẹtọn àrị ḅọ ḅe, Ị̀rị̀ Kụrọmamgba Nyana Tamụnọ Ḅe ḍuko ọ̀ pịrịarịye mị nwọ ḍuko ọ̀ pịrị: Kpokoro opuaye mịẹḅụ, ị́ ḅereni ọkịmẹ na, ị́rị́ tamụnọ-ẹ. Ị́ nwọ ḅẹmẹ na oru sime ọkụ emine ọgọnọ ị́ sime waraḅẹ, ala mengi tọrụ ma pịkị ị́ kelemamẹ. Ị́ ineda ị́ ḅụ se oru ḅara wẹrịḅịa, ọkụma, ọkọka-o, ị́rị́ fịḅịa ḅọ-ẹ, ị́rị́ Tamụnọ kẹ.

Izikịẹl 29:3

Ḍuko na mị anị Kụrọmamgba Nyanaḅọ Ḅe ḍuko Ijipt amanyanaḅọ ḅe pịrịarịye-ẹ: Ị̀rị̀ ị́rị́ na tarakaḅọ-ẹ, ị́rị́ ḅalafama opu seki, tọrụ ḅie ḅọlọlọma ḅọrọarị ḅọ. Ị́rị́ nwọ ḅẹmẹ, na Naịl mị ị́yaye-ẹ, ị́rị́ pịkị anị mịẹmẹ.

Danịẹl 3:15

Mịọkụ, ómine oḍu ma na, ọbọ ma na, lubu ọbọ ma na, ẹbẹrẹ ma na farịaye mamgba naa kirikiri, ọ́ tịḅịtu se agbambuḅọ mị tẹkẹ, ó nemikase ọkọ mịẹkẹ nwọ ḅẹḅẹ, anị gbọrị kirikiri ini ó se opu kọrịarị fịnị mị ḅie gbinḅịa. Ọ́ chịn ḅara ineda ómine ḍụaḅịa jịn oru omi?”

Danịẹl 4:30

mị ọ̀ ḅẹye-ẹ, “Babilọn mị ḍụḅa la-ọkụ ḍiki! Ị̀rị̀ anị anị namaye-ẹ, ị̀ya tịḅịnị opuama ḅaraḅụ, se ị̀ya kụrọ na ịnyọ na, boma na amanyana opu na ḍiepakụma gose.”

Jems 3:4

Anịkanịka owoin arụ mị ḍụḅa laḅara mị nwọse ḅiekoroma, kụrọ fọrụ pịkị anị fọnọ nwẹngịarị ḅara mị na, fịọn kala jụọịn ineda anịa ḍukunofẹmẹ, se anịa ḍukunofẹḅọ ḅe ḅẹnyọ ḅẹnyọ anị pịkị nwọ mun mẹ.

2 Pita 2:18

Ini ḅụdekichịẹma pịkị yenemika ọkwẹịn nwọ kọnkọnmẹ, anịsịkị, inia ojumịnị mị ḍikipụkọsoliarị sima, ini nwọse ḍẹịntu siḅụ mangị soarị apụma pịrịmẹ.

Jud Ḅe Ḅaraḅo Fịrịfịrịmaḍiri Mị 1:16

Mịna apụma ini sịkịmamgba mbụrụmbụrụ, se ḅẹrẹ se jịn apụ ọlọlọmẹ, ini inia si-a koromama ḍukonwẹngị nwẹngịmẹ; ini inia ḅụ ma boma se ḅịpịḅẹlẹ nyana jịn apụ pịrịpịrịmẹ, mịẹse inia kuḅie simeayema inia ḅara laḅịa ḅara.