Jems 3:3 - Kịrịkẹnị Baịbụl

³ Wa ḍiki se asụn ḅe ḅịpị ọlọmẹ, mịẹse wa ḅi ḅara ọ̀ nwọ mịẹḅịa ọkụ, anị ḅụ wa pịkị ineda ọ̀ mịẹse wa ḅi anga mị ọ̀ nwọ mun mẹ.

Jems 3:3 Iomraidhean Croise

2 Amanyanapụ 19:28

Ị́ya si ịganị mị na, ị́ya ḅụdekichịẹma mịẹmịẹye mị na, ini ḍuko ị̀ suasam, se mịọkụ inji-kun-arị à nwọse ị́ nini ḅie sụka tolumaḅịa pịkị asụn-ḅịpị-ịkasịye se ị́ ḅịpị ịkasịḅịa, se ị́ ḅo gbọrị ateli mị ḅie anị à pịkị ị́ ọkị pịkịma so ḅịaye-ẹ.”

Job Ḍiri Mị 41:13

Ineda oria ojuakpakpa mị pịnịḅịa ḅọ ofori-ẹ anịkanịka ọ̀ chụa kụrọ owuni ḅụchụaye ma kan tolutoluḅọ ofori-ẹ.

Fịafịa Nime 32:9

Asụn anịkanịka yepụra asụn yenemika ḅara nwọ simema, anị ini ḅịpị ịkasịye na anịa ḍiki na ọlọse datekerema sịkị re ḅo ini ọ̀ da mun ḅi anga goyegoye mun-arị namaḅẹ.”

Fịafịa Nime 39:1

À nwọḅẹmẹ na, “À mịẹye mịẹyeḅụ à tọrụkweinmaḅịa, à pịkị ḅereni ẹkẹ ị̀ ḅẹlẹ mị mịẹse à simịẹ; gbọrịye sọ à ḍuko ẹkẹ siapụ kpekima sime nyọḅụ.”

Aịzaya 37:29

Anị, ị́ya nọmụ ịganị mị na ị́ya ḅụdekichịẹma mịẹmịẹaye ma na ḅe ḅẹrẹ ḅo ị̀ ḅeri lasam, mịọkụ à pịkị inji-kun-arị se ị́ nini ḅie tolumaḅịa, pịkị asụn ḅịpị kpọye se ị́ ḅịpị kpọḅịa, à pịkị ị́ mịẹḅịa ị́ sime se ḅo ateli ḅụ ị́ vinpịkịḅịa.”

Jems 1:26

Ọ́mịna ḅie koroma na iniḅọ Tamụnọ nemimẹ nwọ ḅẹ ḅo omi? Se ori ineda ọ̀ ḅẹlẹ ọlọkẹ ḅẹḅẹ, oria Tamụnọ nemi mị papaye-ẹ, ọ̀ pịkị oḅori se ọ̀ ḅụ chịn aḅẹ.

Jems 3:4

Anịkanịka owoin arụ mị ḍụḅa laḅara mị nwọse ḅiekoroma, kụrọ fọrụ pịkị anị fọnọ nwẹngịarị ḅara mị na, fịọn kala jụọịn ineda anịa ḍukunofẹmẹ, se anịa ḍukunofẹḅọ ḅe ḅẹnyọ ḅẹnyọ anị pịkị nwọ mun mẹ.