Jems 3:2 - Kịrịkẹnị Baịbụl

² Mine wa sịkị sịkị ḅụ mịẹirima nyana-nyanamẹ. Ọkụma tomoniḅọ nemikase ọkwẹịn ḅụ mịẹirima nyanakẹ ḅẹḅẹ, iniḅọ karagbasịmẹ, pịkị ineda ḅẹrẹtọn iniḅọ ḅụ pịrịḅịa.

Jems 3:2 Iomraidhean Croise

1 Amanyanapụ 8:46

“Ị́ya tomonima ị́ ḅụ siye mịẹ sịkị—siye mịẹkaḅọ pịkị ofori-ẹ—se ị́ya ịganịḅụ ị́ ini wẹrịso se inina-tarakapụma ini nẹngịmamẹ, se ini kun se ikoliapụ mịẹ so jịn ama mun mẹ, anị ama mị ḅọlọmẹ nwọḅẹ sọnị,

2 Amanyanapụ Sịkị Mịẹaye Ma 6:36

“Ị́ya tomonima ị́ mịẹirima sịkị ḅụ—siyemịẹka gbọrịḅọ sọnị pịkị ofori-ẹ—ị́ya ịganị ḅụ ị́ ḅereni inina-tarakapụma pịrị se ini owuḅie ini nẹngịma se ini ikoliapụ ḅara seni ini kun so jịn ama mun sịkị ḅụ, se anị ama mị ḅọlọmẹ nwọḅẹ sọnị,

Job Ḍiri Mị 15:13

Ị́ Tamụnọ Ḅe ḍikiḅieḅumẹ se pịkị ọ̀ sịkị mẹ.

Fịafịa Nime 34:13

Ọkọ-ẹḅẹḅẹ si ọkwẹịn kọn ḅụ ḅarasin, pịkị iruo kọn ḅụ na.

Fịafịa Nime 39:1

À nwọḅẹmẹ na, “À mịẹye mịẹyeḅụ à tọrụkweinmaḅịa, à pịkị ḅereni ẹkẹ ị̀ ḅẹlẹ mị mịẹse à simịẹ; gbọrịye sọ à ḍuko ẹkẹ siapụ kpekima sime nyọḅụ.”

Kaḅo Ma 10:19

Ị́ nwọ opuma ọkwẹịn àrị ọkụ, anị ị́ pịkị ḅụnemikaḅụ si mịẹḅịa ọkụ-ẹ. Ị́ yenemimẹ ḅẹḅẹ, ị́ deinma simeḅịa.

Kaḅo Ma 13:3

Ị́ ḅụ ọbị ị́ kọn àrị ọkwẹịn ḅụ se ị́ ḍumo koko. Yeseyechịnka ḅara se ọkwẹịnḅọ ḅe ori ò ḍumo famaḅịa.

Kaḅo Ma 20:9

Nde gbọrịḅọ ineda kọkọma ḍuko ḅe na nụḅọ kuḅiemgbọlụ fịafịamẹ, na oria si mịẹmịẹaye ma ḅụ ọ̀ ḅarasinsam.

Kaḅo Ma 21:23

Ị́ ḅụfụka ḅie sọ ḍọkịkẹ ḅẹḅẹ, ị́ kọn àrị ọkwẹịn ma ḅụ ị́ ḅụ ọbị.

Ẹklisiastis 7:20

Mị sẹkiri ḅie sịkịmamgba karakaraye mịẹ se ngịsị mịẹirima nyanaka gbọrịḅọ sọnị ofori-ẹ.

Aịzaya 64:6

Mine mgba wa si mịẹsam; mịẹmịẹaye ḅụ wa mịẹ iḅitẹịnmẹ ḅe aye mamgba ḅụngụngụmaye sikima jịnye ofori-ẹ. Mịna sima wa mịẹse wa nyọnị, fọrụ ofuro sinḅịa ịnyanya kịkẹmẹ.

Agbamịẹ Apụ 13:39

agbamịẹḅọ ḅe ori nụḅọ ḍikikpaịnmaḅịa. Nemikase nụḅọ ḅụ simeayema iḅiọkụ ḅịapakakẹ ḅẹḅẹ, anị papa oju kiri ḅụ sara pakaye-ẹ; nụḅọ fịafịamẹ.

Matio 12:34

Ómine sịkịmamgba si ọkwẹịn kọn àrị apụ nde ómine ineda iḅiye ḍukoḅịa ọkụ, ó si warasịkị? Anịatịḅị kuḅiemgbọlụ ḅie sime ye, mị ḅịpị mị anị ọkwẹịn pakụmaḅịaye-ẹ.

Matio 12:37

Ị́ya ọkwẹịnma ini nwọ ḍikima ḅẹrẹkọn ị́ pịrịḅịa—se ḍiepakụma na ị́ mịẹye ofori-ẹ, anịkanịka ḅẹrẹ ị́ ḅara sime, ini nwọse ị́ ḅẹḅịa.”

Romapụ 3:10

Fịafịaḍiri ma ḍuko ọkụ mị ḅụ: “Karakara gbọrịḅọ sọ ofori-ẹ,

Romapụ 7:21

Anịẹrẹchị, à ḍọkịḅomẹ na mị oloko mị anị fịrịnwẹngịaḅẹ; àrị iḅiye mị nwọ mịẹ ḍọkị sịkị, siye mị kẹngẹ mị à sẹlẹọkịye-ẹ.

1 Kọrịntapụ 9:27

Ḅakụ-a ḅarama à nwọse ị̀ya oju ikirimamẹ, àrị ị̀ ḅụ ọlọ se ḅẹrẹtọn anị pịrịmẹ mịẹse àrị ọkwẹịn mị kọn jịn apụ pịrị so ọkụma, ị̀rị̀ re pịkịḅo ini se gbin wokumaḅọ sọ ẹka ḅara.

Galesia 3:22

Ọkụma fịafịa ḍiri mị nwọ ḅẹmẹ na bebe tomonikiri mị mgba si mị kụrọ chuku ḅie omi-ẹ; anịẹrẹchị sime Jizọs Ḅe ḅụ ḅereni nyana apụma pịrị ḍiepịrịye mị, ini anị se ḅereniapụma kẹngẹ nwọ pịrịmẹ.

Galesia 5:17

Anịatịḅị mịna ojumịnị mị ḅiarịyema Tẹmẹ Ḅe ḅiarịyema na tụḅụrụmẹ, Tẹmẹ Ḅe ḅiarịyema pịkị mịna ojumịnị ma ḅiarịyema na tụḅụrụmẹ. Mịna mamaye ma taraka apụ-ẹ, mịn mị fieaḅẹ na ómine ineda ó mịẹḅịa ẹrẹchị ḍọkịarịye mị nwọ mịẹ ẹkẹ.

Kolosi 1:28

Anịgose wa Kraịst Ḅe simeọkụ nwọ ḍuko ḅẹḅọ ḅẹḅọ pịrịmẹ. Wa nyana nemi mị laḅara mgba wa nwọse ini tetema pịkị ye se ini ḍiemẹ mịẹse wa Kraịst Ḅe na gbọrịye mịẹ ḅụ, karasa ḅọ ḅara nwọse ḅọḅọ ọkị Tamụnọ Ḅe tọrọkọ ḅoḅịa ḅara.

Kolosi 4:12

Ẹpafras ḅe anị ọ́mịna kpo mị ḅie sime ḅọ ḅe pịkị Kraịst Jizọs fịrịnwẹngịḅọ ḅe, kereniḅịpị seni ọ́ sẹịnmamẹ, ọ̀ sịkịmamgba ọfịrị kuḅie se tẹkẹ ọ́ pịrịpịrịmẹ, Tamụnọ Ḅe ḅara ḅiaḅẹ na ori ọ́ mịẹse ọ́ kụrọma chịẹ, ogulasa Kraịstḍukonwẹngịapụ ḅara ḅụ, ḅẹrẹ ḅụokorosa apụ ḅara ḅụ, pịkị Tamụnọ Ḅe ḅiarịye nwọ mịẹ ḅeinmasa apụ ḅara ḅụ.

Jems 1:26

Ọ́mịna ḅie koroma na iniḅọ Tamụnọ nemimẹ nwọ ḅẹ ḅo omi? Se ori ineda ọ̀ ḅẹlẹ ọlọkẹ ḅẹḅẹ, oria Tamụnọ nemi mị papaye-ẹ, ọ̀ pịkị oḅori se ọ̀ ḅụ chịn aḅẹ.

Jems 1:4

Ọkụma ómine ọrị na, ọ́mịna ye-inema mị anga na anga na ḅụ mgba, anị ó se mun lamẹ, ngịsị ḅịkịka ḅara ḅụ, mịẹse ọ́ kara pịkị arịmgba ḅụ ḅeinḅịa ọkụ, mị re kele kọnmẹ nwọ ḅẹye ofori ẹka ḅara.

Jems 2:10

Oloko mị tọnye ma ḅụ gbọrịye nwọ kanḅọ goyegoye, iniḅọ arịmgba nwọ kansam.

1 Pita 3:10

Fịafịaḍiri mị ḍuko ḅara ḅụ, “Ḅieḅẹlẹ ḍumo na pịkị tọrụse iḅi sịkị ọrị ḍọkịḅọ goyegoye, iniḅọ ḅarị si ọkwẹịnkọn ẹkẹ pịkị ḅarị iruo kọn ẹkẹ.

1 Pita 5:10

Ọkụma ó kele tọrụsiọrị so sịkị; ḍikiḅụgerere mamgba ḅe Tamụnọ Ḅe, ọ́ chịn na ó ḅo Kraịst Ḅe ḅụ sọ oria simegbamaso boma mị ḍiaọkị nwọ ḅẹ ḅọ ḅe, gbarị ẹka chukusẹkẹ ḍụparị se ọ́ pịrịḅịa.