Jems 3:13 - Kịrịkẹnị Baịbụl

¹³ Ọ́mịna ogboku yenemi se pịkị yekaịnḅo apụ omi? Ye ini inia ḍumo ḅụ na pịkị mịẹmịẹye ḅụ na, kọkọma nemi mị ḅụ ḅo ḅụiderima elekima nwọ ḍie.

Jems 3:13 Iomraidhean Croise

Job Ḍiri Mị 28:28

Tamụnọ Ḅe nwọse tomonima ḅẹmẹ, “Ó nemi nyana ḅiḅi, ọ́ Nyanaḅọ Ḅe ḍikiḅalafaḅịa. Ó yekaịnḅo ḅiḅi, ó simịẹmịẹye ḅụ ḅụsinḅịa.”

Fịafịa Nime 107:43

Ye nemi nyana apụma ma ayema na gboloma aye se ḅiekoroma; ye ini Nyanaḅọ Ḅe oria kunoka ḅẹlẹma mị se koroma ḅụ chu.

Fịafịa Nime 122:8

Ị̀ya mịnapụma na ị̀ya ikiapụ ma na tịḅị gose, à nwọse Jerusalẹm mị ḅẹ aḅẹ, “Dein ị́rị́na-sime!”

Fịafịa Nime 149:4

Nyanaḅọ Ḅe oria tomonima inia mịẹye ọ̀ ḅụḅẹlẹḅẹlẹmẹ; ḅụiderima apụma ori osiḅụ ọmụḅaraiḅi se ini pịrịpịrịmẹ.

Fịafịa Nime 25:9

Ḅụ-iderimapụ ma ori ini pamun karakara ateli ḅie chu se pịkị ọ̀ tọn ayema se ini ḍiemẹ.

Fịafịa Nime 45:4

Ị́ya amanyanaḅọ opu ḅụ, nwẹngị mun ọmụḅaraiḅi ḅie sọ; karakaraḅẹrẹ mị na karakaraye mịẹ mị na ḍụa gose. Ị́ya ịnyọ mị opu ọmụḅaraiḅi se ị́ pịrịḅịa!

Ẹklisiastis 8:1

Yenemiḅọ ḅe kẹngẹ mị ye jokoma fiearịye nemiye-ẹ. Yenemi ọ̀ mịẹse ọ̀ ḍẹrịmẹ, se oria tọrụfụrụma mị somẹ.

Ẹklisiastis 8:5

Ị́ ọ̀ ḅịpị poki sịkị goyegoye, ị́ laḅịaye ofori-ẹ, yenemiḅọ ḅe, ye mị mịẹḅịa ọkụ na sịkị mị na ò nemimẹ.

Aịzaya 29:19

Anịsịkị ḅolaḅịa sịkị igwein se ḅụ iderima apụma ini Nyanaḅọ Izrẹl fịafịa Tamụnọ Ḅe, pịrị ḅieḅẹlẹ mị nwọ nyanaḅịa.

Aịzaya 60:6

Midia na Ifa na ḅieḅụ ike-nambulo kpo ḅụ ḅoḅịa. Shiba ḅieḅụ àrị goli na insẹnsị na se ḅoḅịa. Tomoni Tamụnọ Ḅe mịẹsaye ma ḅe iḅi ḅẹrẹ ḍukoḅịa!

Aịzaya 61:1

Kụrọmamgba Nyanaḅọ Ḅe oria kụrọ mị se ị̀ mịẹ ḅeinmasam. Ori ị̀ sẹlẹ pịkị ị̀ fịrịmamẹ na Àrị iḅi oku mị ọkịḅo igwein apụma pịrị, Kuḅie kansapụ ma gwọ, Ḍuko kunḅaraḅie sime apụma pịrị na ini soḅịa, Pịkị ḍuko ikoli ḅie sime apụma pịrị na ikoli ḅie ini soḅịa.

Jerimaya 9:12

À gbelamẹ, “Nyanaḅọ, cheye gose ama mị kan se samịna onwun ele kịkẹ, mịẹse nweni ḅarị anịa ḅie ḅọrọka? Tụḅọ ineda iḅiọkụma yenemi se mịn mị kaịnḅoḅe? Ị́ anị ḍuko finjima tụḅọ pịrịsa mịẹsosịkị ori ineda ḍuko jịn apụ pịrịḅịa ḅara?”

Jerimaya 9:23

Nyanaḅọ Ḅe ọkọ ḅẹmẹ, “Yenemiapụ inia nemi se ḅụbomama, anịkanịka kụrọ apụ inia ịnyọ se bomama, anịkanịka ngọ-kọn-apụ inia ngọ se bomama.

Danịẹl 2:21

Ọ̀ ḅẹrẹtọn se sịkị mị na pakarị yema pịrịmẹ; ori amanyanapụ tọnmẹ ọ̀ pịkị amanyanapụ sin koromamẹ; nemi na yekaịnḅo na pịrịarịḅọ ḅe ori-ẹ. 12

Zẹfanaịa 2:3

Ó vinpịkị Nyanaḅọ Ḅe damamun, ómine ama mị ḅie ḅụiderima se pịkị oria olokoma koko apụma. Ọ́ karakaraye mị mịẹ, se Nyanaḅọ Ḅe tọrụkuḅu ḅụ ómine ọ́mịna ḅụ ma iderima. Sosi fomuḅara ọ́ gbarịḅịa Nyanaḅọ Ḅe oria ḅụosọ mị ḍiepakụmaḅịa ene mị ḅụ.

Kịẹnḅịpị Ma 12:3

(Moziz ḅe ḅụiderimaḅọ-ẹ, ọ̀ ḅụiderima tẹịn bebe sẹkiri mị ḅie sime apụ mamgba nẹngịmẹ.)

Matio 11:29

Ómine ị̀ya kọngọ gbanaye mị ọkị ọ́mịna kọngọ ḅụ gbana, se ị̀ ḅara yeḍawọ anịatịḅị à dein na ḅụsekiri pịrị tẹmẹ nwọ nyanamẹ, se ọ́mịna tẹmẹma dein ịnyọsaraḅịa.

Matio 21:5

“Ḍuko Zaịyọn opuama mị pịrị, Ḍiki, ị́ya amanyanaḅọ ḅe ori ị́ damaḅoaḅẹ! Ọ̀ ḅụiderima nyanamẹ yepụra asụn ọgọnọ ḅụ wẹrị ḅoaḅẹ, ayamburama asụn tọkụ na.”

Matio 5:5

Ḅieḅẹlẹ sime ini pịrịmẹ nwọ ḅụiderimapụma; Tamụnọ Ḅe ḅereniye mị inia ḅaralaḅịa!

Matio 7:24

“Anịẹrẹchị mà, ị̀ya ọkwẹịnma na, se àrị ḍukoarịye mịẹḅọ goyegoye iniḅọ yenemiḅọ kịkẹmẹ, anị, iniḅọ warị nwọse ḍụparị ọgọnọ nama ḅọ ḅe-ẹ.

1 Kọrịntapụ 6:5

Ḅụgerere sime ọ́ pịrị! Pikipikiye ofori-ẹ, anị sime la-ọkụ la-ọkụ sọnị, ọ́mịna ḅie gbọrị yenemiḅọ pa pakaḅoḅịa ineda Kraịst Ḅe ḅereniapụma ogboku jineaye famaḅịaḅọ.

2 Kọrịntapụ 10:1

Mịọkụ ị̀rị̀ Pọl ḅe, ḅarana ọkwẹịn ọ́ pịrịaḅẹ—ini ḅẹrẹḅẹ ómine na simearị sịkị dein, se pịkị ọkwẹịn-ọkwẹịnka ḅọ ḅe, ọkụma àrị ọ́ wẹrị sikima sịkị owoi pịkị tọrụkụnka ḅọ ḅe-ẹ. Kraịst deinma mị na Oria iḅimịẹmịẹye mị na à nwọse ọ́ tẹkẹmẹ.

2 Kọrịntapụ 8:24

Ómine ọ́mịna ḅẹlẹma se ini ḍie, mịẹse chọchị mamgba ḅereniḅịa ḅara na wa karakaraye ḅụ ó se ḅụbomamẹ.

Galesia 5:23

ḅụiderima, pịkị ḅụọlọ. Mayema àrị oloko na tụḅụrụkẹ.

Galesia 6:1

Ị̀ya mịnapụ, ó nemikase ḅẹyeḅẹye ḅụ mịẹkuramaka ḅọ nwọ kunmẹ ḅẹḅẹ, ómine tẹmẹ ḅụ nwẹngịarịapụ ma, iniḅọ datekerema; ọkụma ó dein ḅara se anị mị-ẹ. Se ómine ọ́ ḅụ ọbị mịẹse ómine sọnị mun telima ḅie sọ ẹka ọkụ.

Galesia 6:4

Ḅọḅọ iniḅọ yemịẹḅara ḅe ḅẹrẹ nwọ kọn iniḅọ ḅụ pịrị. Anị iḅimẹ ḅẹḅẹ, anịọkụma iniḅọ anị gose opuaye mịẹḅịa, iniḅọ jịnḅọ mịẹye nwọse anị na otoma ḍikiḅịa sịkị.

Ẹfịsọsịapụ 4:2

Sịkịmamgba ọ́ ḅụ iderima, ḅụnemi, pịkị ye-inema. Ómine ọ́mịna ḅẹlẹma nwọ ḍiepakụma yesẹlẹka ḍumo nyana jịnḅọ jịnḅọ pịrị ḅụ.

Filipaị 1:27

Mịọkụ, ye ḅụ kụrọtẹịnye, anị ọ́ mịẹse ó ḍumo kọnḅịa ḅara, Kraịst Ḅe iḅiọkwẹịn mị ḅi ḅara mị nwọ sime, anịọkụma àrị ineda ḅo ómine ọrị anịkanịka àrị ineda ḅoka sọnị, ye à naa na, ọ́ kụrọma gbọrịye ḅụ chịẹ waraḅẹ, pịkị gbọrịye kẹngẹ nwọ ḅiaḅẹ anị ó gboloma owusọ pịrịarịye mị, iḅiọkwẹịn mị ḅe ḅereni mị gose.

Kolosi 3:12

Ómine anị Tamụnọ-a tomonima-ẹ, ori ọ́ ḅẹlẹma, se ọ́ sẹlẹ se oria tomoni nwọ mịẹmẹ. Anịẹrẹchị ó ḍikitịḅịfoin na iḅi mịẹ na, ḅụiderima na, ḅụnemi na, pịkị ye inema na, nwọse ḅụchụaye mịẹ chụa.

1 Timoti 4:12

Ḅereni se gbọrịḅọ sọnị ị́ ḍikisimama ị́rị́ asẹmẹnị tọkụ-ẹ gose, ọkụma ḅereni apụma ḍikiḍaḅịa ḅọ nwọ sọ-ọ, ị́ya ọkwẹịn ḅụ na, ị́ya yemịẹḅara ḅụ na, ị́ya ḅẹlẹma ḅụ na, ḅereni ḅụ na, pịkị karakaraye ḅụ na.

1 Timoti 6:11

Ọkụma ị́rị́, Tamụnọ tomoniḅọ, mayema ḍikiḅụtọn. Kụrọma karakaraye mịẹ na, Tamụnọ nemi na, ḅereni na ḅẹlẹma na, inema nyana na, pịkị dein tẹmẹ nyana na nwọ ḍọkị.

2 Timoti 2:25

Ori ọ̀ ḅụ nemiḅịa ori na tụḅụrụarịapụma ọ̀ nwọ dagbụkụkụmarị sịkị. Sosi Tamụnọ Ḅe achọ se ini pịrị se ini vinpịkịḅo kọkọmaye mị nwọ nemiḅịa.

Taịtọs 3:2

Ḍuko ini pịrị ini gbọrịḅọ ḅụ sọnị siye ḍuko ma, ọkụma deinma na ikia ḅara ḅụ na wẹrị sime, se sịkịmamgba ḅụnemi ḅara se nweni mgba na anga.

Hibru 13:5

Ómine igbiki ḅẹlẹma ḍumo kọnma, se ye ọ́ nyanaye ọ́mịna ḅụ na deinkoro. Anịatịḅị Tamụnọ Ḅe Ọ̀ nwọ ḅẹsam, “Ngịsị àrị ọ́ wẹrịso ẹkẹ, ngịsị àrị ọ́ sịkị ẹkẹ.”

Jems 1:21

Anịẹrẹchị ịlọlị ḍumo na pịkị sitịḅị mịẹmịẹaye mamgba na ḅụ ọ́ ḅụsin. Ọ́ ḅụ iderima Tamụnọ Ḅe pịrị se ò se ọ́mịna kuḅie ḅụ ḍipi ọkwẹịn mị nwọ ọkị, ineda ọ́ ḍụaḅọrọmaḅịaye mị.

Jems 2:18

Ọkụma nweniḅọ nwọ ḅẹḅịa, “Gbọrịḅọ ḅereni nyanamẹ, ísíḅọ pịkị fịrị nyanamẹ.” À se anị pẹkẹrẹḅịaye mị anị-ẹ, “Tomoniḅọ ineda fịrị ḅụ ofori ḅereni nwọ nyanaḅịa ọkụ se ị̀ ḍie. Ị̀rị̀ àrị ị̀ya fịrị ḅụ wẹrị ị̀ya ḅereni se ị́ ḍieḅịa.”

Jems 3:1

Ị̀ya mịnapụ! Ómine mgba yeḍieapụ sọ ẹkẹ. Ó nemimẹ na mine yeḍieapụ ma ḅẹrẹkọn mị, kụrọtẹịn jịn apụ ye nwọ nẹngịḅịa.

Jems 3:17

Ọkụma soḅie wẹrị ḅo nemi mị anị yoriyorimẹ, tatarịye anị, deinma, ḅụnemi, pịkị ikiaḍọkị, anị pịkị ḍikitịḅịfoin na ḅeinmẹ, pịkị iḅi mịẹmịẹye ḅe sokuaye nwọ nyanamẹ; siye ḅie ḅụsin ḅụ, epekelepepe kuḅie chụaka ḅara ḅụ.

1 Pita 1:15

Anịnakaraka, ọ́ mịẹḅịa ye mamgba ḅụ ọ́ fịafịa, ọ́ chịn Tamụnọ Ḅe fịafịa ọkụ mị.

1 Pita 2:12

Mịẹse oru ḅẹrẹ nemiapụ ogboku, ọ́mịna yemịẹḅara sịkịmamgba iḅiḅịa ọkụ, mịẹse ini si ye mịẹ apụ ḅara seni ó ḍukosimaḅịa sịkị ini ọ́mịna iḅi mịẹmịẹaye ma ọrị, se Tamụnọ Ḅe tokoniḅịa ọkụ ò ḅoḅịa Ene mị ḅie.

1 Pita 2:9

Ọkụma ómine anị sẹlẹọkịsa apụ ma-ẹ, Amanyanaḅọ Ḅe agbamịẹapụma, osiḅụ sime sẹ mị, Tamụnọ Ḅe oria tomoni-ẹ, ọ̀ sẹlẹọkị seni oria ḅụgbiripuma mịẹmịẹaye ma ḍukopakụmaḅịa apụma, kanakana ḅie ọ́ chịn pakụmaḅo se oria ḅụgbiripuma enekuḅu ḅie chu ḅọ ḅe.

1 Pita 3:4

Ọkụma ye ọ́mịna iḅi mị ḅieju simeye nwọ sọ, anị ḅụiderima pịkị yawụ tẹmẹ ḅụ simegbaso iḅi mị, anị Tamụnọ Ḅe tọrụkuḅu ikutẹịn ye mị-ẹ.