Jems 3:1 - Kịrịkẹnị Baịbụl

¹ Ị̀ya mịnapụ! Ómine mgba yeḍieapụ sọ ẹkẹ. Ó nemimẹ na mine yeḍieapụ ma ḅẹrẹkọn mị, kụrọtẹịn jịn apụ ye nwọ nẹngịḅịa.

Jems 3:1 Iomraidhean Croise

Agbamịẹ Apụ 10:3

Anị Moziz ḅe nwọse Erọn ḅe ḅẹye-ẹ, “Mịn anị Nyanaḅọ Ḅe ḍuko ye mịẹ, ọ̀ nwọ ḅẹmẹ na, ‘Fịrịnwẹngị ị̀ pịrịarịḅọ goyegoye osi se ị̀ya fịafịa mị pịrị; àrị ị̀ya boma mị se ị̀ya tomonima ḍieḅịa.’” Ọkụma Erọn ḅe ọ̀ yawụma simemẹ.

Malakaị 2:12

Nyanaḅọ Ḅe Izrẹl tomoni ogbo mị ḅie ma ayema mịẹapụ ma sin, se ngịsị ọ́ ḅarị ḅereni ini pịrịma, mịna sẹ mị ḍiepịrịaye agba se ḅo Kụrọmamgba Nyanaḅọ Ḅe pịrịḅịa sịkị ini ḅụ se chu.

Matio 10:24

“Yeḍawọarịḅọ ḅe ori opusọtẹịn ye se ò ḍieḅọ ḅe nẹngịkẹ, omoniḅọ ḅe sọnị opusọtẹịn ọ̀ nyanaḅọ ḅe nẹngịkẹ.

Matio 23:13

“Sifụla sime ọ́ pịrị, ómine Oloko ḍieapụ na Farisiapụ na! Epekelepepe-a tomoni! Ó tomonima tọrụkuḅu soḅie Amanyanakiri ḅọkọ mị palịmẹ, ọkụma ómine na mịnaḅụ na ọ́ sọmun ḍọkịkẹ, ọ́ pịkị ḅereni ḅụkụrọma sọmun ḍọkị apụma pịrịkẹ ini sọmun!

Matio 23:14

Sifụla sime ọ́ pịrị, ómine Oloko ḍieapụ na Farisiapụ na! Epekelepepe-a tomoni! Ó deapụfị eremenima bin, se ini inuma inia warịma ọkịmẹ, anịsịkị tọrụpaka nangwọ tẹkẹ nwọ kọn ini pịrịaḅẹ! Mịn mị gose ọ́mịna ḅụfụka sitẹịnḅịa!

Matio 9:11

Farisiapụma ḅie tọn apụ mịn mị ọrị se nwọse Oria ọḅụḍukoapụma gbelamẹ, “Cheye gose ọ́mịna yeḍieḅọ ḅe amaigbiki ocho apụ na simịẹapụ na ye fị gboloma-ao?”

Luk Iḅi Ḅẹrẹ Mị 16:2

ori ọ̀ chịn warị ḅie chu se nwọse ọ̀ ḅẹmẹ, ‘Cheye ị́ ḅụ à nwọ naa-ao? Sọ ḅo se ị́ ị̀ya ngọma na nwẹngị kọn ḅara ḅe kịẹnḅịpị nwọse ị̀ pịrị ḅeinma. Anịatịḅị ị́ ḅarị ị̀ya fịrịtịḅịdaḅọ nwọ sọ ẹkẹ.’

Luk Iḅi Ḅẹrẹ Mị 6:37

“Ḅẹrẹkọn jịn apụ pịrị ma, Tamụnọ Ḅe pịkị ḅẹrẹkọn ị́ pịrị ẹkẹ, ḅẹrẹsi pẹlẹ jịn apụ pịrị ma, Tamụnọ Ḅe Ọ̀ pịkị ḅẹrẹsi pẹlẹ ị́ pịrị ẹkẹ, siḅụ-ḅarasin jịn apụ pịrị, Tamụnọ Ḅe pịkị siḅụ-ḅarasin ị́ pịrịḅịa.

Jọn Iḅi Ḅẹrẹ Mị 3:10

Jizọs Ḅe pẹkẹrẹmẹ, “Ị́rị́ Izrẹl ḅie opu yeḍieḅọ-ẹ, se mịn mị ị́ nemika?

Okunwẹngịapụ 13:1

Antiọk sime chọchị mị ḅie tọn-a ịkịankoroapụ na yeḍie apụ na omi-ẹ: Banabas, Simiọnị (Kurukuruḅọ ini nwọse chịnḅọ ḅe) Lusịọs (Saịrini ḅọ ḅe) Menian (ini Hẹrọd gọvịna ḅọ ḅe na se chụa ḍikiḍiki pakụmaḅọ ḅe), na pịkị Sọl ḅe na.

1 Kọrịntapụ 12:28

Tamụnọ Ḅe nweni mamgba se chọchị mị ḅie kirikiri ḅụ koromamẹ: tatarị kiri anị okufịrịnwẹngịapụ ma-ẹ, maịn karama kiri anị ịkịankoroapụ ma-ẹ, pịkị tẹrẹ karama kiri anị yeḍieapụ ma-ẹ, pịkị ḅụgbiripumaye mịẹ apụ na, ini ḅụgwọ kụrọ se pịrị apụma ini ḍukomamẹ, anịkanịka ḅarachụa jịn apụ pịrị apụma, anịkanịka kịrị ọkwẹịnma mịẹse nweni àrị kaịnḅo apụma.

2 Kọrịntapụ 5:10

Mine mgba wa Kraịst Ḅe tọrọkọ mịna ḅụ ma nwọ ḍiepakụmaḅịa, ọ̀ ḅẹrẹkọn wa pịrịḅịa ẹrẹchị. Ḅọḅọ iniḅọ gbẹịnye nwọ ọkịḅịa, iniḅọ mịẹ sa ye laḅara ḅụ, iniḅọ ḍumo ḅụ, mịn oju ḅie, anị ḅọrọ iḅiye-o anịkanịka siye sọnị.

Ẹfịsọsịapụ 4:11

Ori, mị “ḍiepịrịaye se tomoni pịrịye-ẹ,” ọ̀ dapụ tọnmẹ, ini okunwẹngịapụ nwọsọ, ísíapụ ịkịankoroapụ sọmẹ, da apụ iḅi ḅẹrẹ ḍuko wasamapụ nwọsọ, da apụ ananaḍikiḍiki na yeḍieapụ na nwọsọ.

1 Timoti 1:7

Ini ḅimẹ ini Tamụnọ oloko ḍieapụ nwọ sọ, ọkụma ini kọn-arị ọkwẹịnma ini kaịnḅokẹ, ini gose anịa ḅụ kụrọma chịẹ ye ḍukoarị ḅẹrẹ mị tịḅị sọnị ini nemikẹ.

1 Timoti 2:7

Anịẹrẹchị mị ini ị̀ se sẹịnye-ẹ, na àrị okunwẹngịḅọ na yeḍieḅọ na nwọ sọ se Jịnsẹapụma pịrị-ẹ, ḅereni mị na pịkị kọkọmaye mị na ḅe oku mị ḍukopakụmaḅịaye gose àrị iruokọnkẹ; à kọkọmaye ḍukoaḅẹ!

2 Timoti 1:11

Tamụnọ Ḅe ị̀ tọnpakụmaḅosam okunwẹngịḅọ na yeḍieḅọ na ḅara ḅụ Iḅi Ḅẹrẹ mị ḍukopakụmaḅịa ẹrẹchị.

Hibru 13:17

Ó se tọrọkọ ịsụn àrị apụma ḅịpị ọ́ nwọ poki pịkị ini tọn ọ́ pịrị ayema ọ́ nwọ ḍukonwẹngị. Ini ọ́mịna tẹmẹma nwọ koru gbasomẹ ịnyọsaraka ḅara ḅụ, ini inia fịrịma ḅe opolitọn Tamụnọ Ḅe pịrịḅịa nwọ ḅẹ sịkị. Ó nemikase inia ḅịpịpoki ọkụma ini ḅieḅẹlẹ nwọse inia fịrịnwẹngịḅịa, anịka ọkụma ini ngịrị se anị nwẹngịḅịa anịsịkị anị mị anị ḅarachụa ọ́ pịrị ẹkẹ.

Jems 1:16

Ị̀ ḅụ yela mịnapụ, ó ḅereni ma ini oḅori se ọ́ chịn!

Jems 1:19

Ọ́ mịn mị se ḅiekoroma, ị̀ ḅụ yela mịnapụ! Tomoniḅọ goyegoye poki ḅụ obiri, ọkụma be ọkwẹịn ma pịkị be ịganị ma.

Jems 3:10

Mịẹḅaka ḅẹ ọkwẹịn na, nimeworiaye ma na, mị gbọrị ḅịpị mị ḅie àrị pakaḅomẹ. Ị̀ya mịnapụ! Anị ọkọ paka gbẹịnkẹ!

1 Pita 5:3

Ḅẹrẹtọn ini se ọ́ ḅarachụa apụma pịrịḅịa ḅara ọ́ nwọse yemịẹ ma, ọkụma ḍikiḍaḅịa apụ ọ́ nwọ sọ anana ogbo mị pịrị.