Jems 2:8 - Kịrịkẹnị Baịbụl

⁸ Ọ́ karakaraye mị mịẹarị apụ nwọ sọḅịa ó nemikase Amanyanakiri oloko mị ḍukoarịye nwọ mịẹ ọkụma; anị fịafịa ḍiri mị ḅie simeye mị, “Ị́ ḅụ ḅẹlẹma ḅara nwọse ị́ juo tomoniḅọ ḅẹlẹma.”

Jems 2:8 Iomraidhean Croise

1 Amanyanapụ 8:18

ọkụma Nyanaḅọ Ḅe nwọse ọ̀ ḅẹmẹ, ‘Ị́ karakaramẹ ị́ Oputẹkẹwarị nama ị̀ pịrịḅịa, ị́ nwọ ḅẹye mị,

2 Amanyanapụ 7:9

Ọkụma anịsịkị mị ḅụ ini nwọse jụmḅọ jụmḅọ ḅẹmẹ, “Ye wa ḅarị mịn mị mịẹmịẹ simema! Wa iḅi ḅẹrẹ nyanamẹ, ye wa anị seni ḅọị koroma mịnaḅụ pịrịma. Nemikase wa koru nweni mun dede ḅie lasịkị re wa anị ḍukoḅịa nwọḅẹ ọkụma, pikipikiye ofori-ẹ wa fomuḅara daḅịa. Ye wa mị gbọrị sịkị mị ḅụ mun ḍuko amanyanaḅọ ḅe oria fịrịtịḅịnị ma pịrị!”

Agbamịẹ Apụ 19:18

Gbọrịḅọ ḅụ sọ sowu ḅima anịkanịka papa ò ḍikiḅieḅuma, ọkụma ị́ ḅụ ḅẹlẹma ọkụ nwọse ị́ juo tomoniḅọ ḅẹlẹma. Ị̀rị̀ anị Nyanaḅọ Ḅe-ẹ.

Agbamịẹ Apụ 19:34

Ó seni ó juo Izrẹlḅọ ḅe na angaḅịa ọkụ mị ọ́ nwọse ini na anga, pịkị ó se ọ́ ḅụ ḅẹlẹma ọkụ ọ́ nwọse ini ḅẹlẹma. Ó se ḅiekoroma na ómine sọnị gbọrị sịkị ḅụ ómine igoniapụ sọmẹ Ijipt ama mị ḅie. Ị̀rị̀ anị Nyanaḅọ ọ́mịna Tamụnọ Ḅe-ẹ.

Jona 4:4

Nyanaḅọ Ḅe nwọ pẹkẹrẹmẹ, “Cheye gose ị́ ịganị-ao?” Ị́ kọn-arị ịganị mị kura?

Jona 4:9

Ọkụma Tamụnọ Ḅe nwọse ọ̀ ḅẹmẹ, “Che karakara ị́ nwọ nyana ị́ gose chịn mị ḅụ ịganịarịye?” Jona ḅe pẹkẹrẹmẹ, “À jokoma ịganị gbẹịnmẹ—ḅakama ịganị ḅụ sime fị!”

Matio 22:39

Maịn karama yelatẹịn oloko mị anị anị na kịkịnamẹ,: ‘Ị́ ị́ḅụ ḅẹlẹma ọkụ nwọse ị́ juo tomoniḅọ ḅẹlẹma.’

Matio 25:21

Ọ̀ nyanaḅọ ḅe nwọse ọ̀ ḅẹmẹ, ‘Ị́ mịẹ ḍinmẹ iḅi pịkị kuḅie se ḅụgbana gbẹịn fịrịnwẹngịḅọ. Ị́ kala igbiki se kuḅie se ḅụgbana gbẹịnḅọ ḅara nwọse fịrịnwẹngịsam, anịẹrẹchị àrị ị́ se ḅakaye ḅụ tịḅịdaḅịa, sọ ḅo se ị̀ ḍuko ḅieḅẹlẹ!’

Matio 25:23

‘Ị́ mịẹ ḍinmẹ, iḅi pịkị kuḅie se ḅụgbana gbẹịn fịrịnwẹngịḅọ!’ ọ̀ nyanaḅọ ḅe nwọ ḅẹmẹ. ‘Ị́ kala igbiki se kuḅie se ḅụgbana gbẹịn ḅara nwọse fịrịnwẹngịsam, anịẹrẹchị àrị ị́ se ḅakaye ḅụ tịḅịdaḅọ nwọ mịẹḅịa. Sọ ḅo se ị̀ ḍuko ḅieḅẹlẹ!’

Matio 7:12

“Ị́ ḅi na jịn apụ mịẹ ị́ pịrị-ẹ nwọ ḅẹ ḅara nwọ mịẹ jịn apụ pịrị: mịn mị anị Moziz Oloko mị na ịkịankoroapụma na ḍieye mị fiearịye-ẹ.

Romapụ 13:10

Mịna juo tomoniḅọ ḅẹlẹmaḅọ goyegoye ngịsị siye se iniḅọ juo tomoniḅọ mịẹ ẹkẹ. Anịọkụma, ḅẹlẹma nyana mị, anị bebe Oloko mị mgba ḍukoye nwọ mịẹ mị-ẹ.

Galesia 5:14

Anịatịḅị bebe Oloko mị mgba ini nwọ koḅirima se gbọrị Oloko mịẹmẹ, “Ị́ ḅụ ḅẹlẹma ḅara nwọse ị́ juo tomoniḅọ ḅẹlẹma.”

Galesia 6:2

Ḅụfụka ḅie ọ́ ḅarachụa jịnḅọ jịnḅọ pịrị, se mịn ḅara mị ḅụ ọ́ Kraịst Ḅe oloko mị ḍukoye nwọ mịẹḅịa.

Filipaị 4:14

Ị̀ya ḅụfụka kiri ḅụ ọ́ ḅarachụa ị̀ pịrịye mị ómine opu iḅi mịẹmẹ.

1 Tẹsalonịka 4:9

Anị ḅụpalịmaye sọkẹ se ọ́mịna juo ḅereniapụ ḅẹlẹmaḅịa ọkụ gose ḍiri gịẹịn ọ́ fịrịma. Ómine na mịnaḅụ na Tamụnọ Ḅe ó se jịnḅọ jịnḅọ ḅẹlẹma gbẹịn ọkụ nwọse ó ḍiesam.

Jems 1:25

Ọkụma tomoniḅọ mịẹse iniḅọ mịna ḅụ nyanarị karagbasị sa oloko mị kweinma nwọ ḍiki, pịkị tọrụse anịa ḅụ wẹrị ḅọ ḅe, anị papa poki se anị se ḅiekoromaka ḅọ ḅekẹ, ọkụma anị se mịẹmịẹye ḅụ chu ḅọ ḅe-ẹ—Tamụnọ Ḅe ọ́ ḅẹlẹmaḅịa oria mịẹmịẹaye ma ḅụ.

Jems 2:12

Wa finma oloko mị ḅẹrẹkọn pịrịḅịa apụ ḅara ọ́ nwọse ọkwẹịn kọn pịkị ye mịẹ.

Jems 2:19

Ị́ ḅereni na gbọrị Tamụnọ kẹngẹ omi-ẹ? Iḅimẹ! Sitẹmẹma sọ àrị anị mị nwọ ḅerenimẹ—pịkị ḅụgeregere na ḅalafa na ḅụ omi-ẹ.

Jems 4:11

Mịnapụ! Ó jịnḅọ jịnḅọ ḍukosima ma. Mịna juo Kraịstḍukonwẹngị mịnaḅọ ḍukosima anịkanịka ḅẹrẹkọn iniḅọ pịrịḅọ goyegoye, iniḅọ Oloko mị nwọ ḍukosima pịkị ḅẹrẹkọn anị pịrịmẹ. Ị́ nemikase ḅẹrẹkọn Oloko mị pịrịmẹ ḅẹḅẹ, ị́rị́ ḅarị Oloko mị ḍukoye mịẹ ḅọkẹ, ọkụma ḅẹrẹkọn anị pịrị ḅọ-ẹ.

1 Pita 2:9

Ọkụma ómine anị sẹlẹọkịsa apụ ma-ẹ, Amanyanaḅọ Ḅe agbamịẹapụma, osiḅụ sime sẹ mị, Tamụnọ Ḅe oria tomoni-ẹ, ọ̀ sẹlẹọkị seni oria ḅụgbiripuma mịẹmịẹaye ma ḍukopakụmaḅịa apụma, kanakana ḅie ọ́ chịn pakụmaḅo se oria ḅụgbiripuma enekuḅu ḅie chu ḅọ ḅe.