Jems 2:6 - Kịrịkẹnị Baịbụl

⁶ Ọkụma igwein apụma ómine ini osikẹ! Tapụ ọ́ pụnụma se ọ́ fọnọ ḅẹrẹkọn apụma tọrọkọ mun? Alakọn apụ ma-ẹ!

Jems 2:6 Iomraidhean Croise

Job Ḍiri Mị 20:19

anịatịḅị ori igwein apụma pụnụma pịkị ini se ye chịnkẹ pịkị jịn apụ nama koroma warịma kọrịmẹ.

Fịafịa Nime 10:10

Ò kun so àrị ḅarachụa pịrịḅọ oforikapụ ma ye opuma ini laḅụ ini ḅọlọlọ waraḅẹ; opu kụrọ ini nẹngịmasam.

Fịafịa Nime 10:14

Ọkụma ị́ ọrịmẹ, ị́ pịkị ḅụfụka ma ḅụ na tọrụsiọrị ma na ḅụ elekima chụamẹ se sịkịmamgba ḅụkarakaramamẹ ḅarachụaḅịa gose. Ḅarachụa pịrịḅọ oforikaḅọ ḅe sịkịmamgba ọ̀ ḅụ se sarakoroma ị́ pịrịmẹ; mịẹḅịa ọkụ ofori apụma sịkịmamgba ị́ ḅarachụa ini pịrịpịrịmẹ.

Fịafịa Nime 10:2

Sitịḅịnyanapụma ini opuaye mịẹ-aḅẹ pịkị siḅara se igwein apụma na anga aḅẹ; ini kun ḅo ini tu koroma ḍẹịnma ḅie.

Fịafịa Nime 10:8

Ịwọ amama ḅie ori ọ̀ ḅụ ḅọịḅọịmẹ, ḅẹrẹ nemikapụ ma niniḅịa gose. Ọ̀ ḅọị se korukorumẹ ịnyọ nyanakapụma ẹnyẹ se ini ḅaaḅịa ẹrẹchị;

Fịafịa Nime 12:5

“Ọkụma mịọkụ à ḅoḅịa,” Nyanaḅọ Ḅe ọkọḅẹmẹ, “anịatịḅị ini yenyanakapụ ma pụndaḅẹ pịkịna ini ḅẹrẹ se pụnụmarị apụma ḅụakụ ḅụ ḅiedeaḅẹ. Ini ḅi àrị ḅọị nyọ mị àrị ini pịrịḅịa.”

Fịafịa Nime 14:6

Siaye mịẹmịẹ apụma ini ḅụ iderimaḅọ ḅe kuḅie tọn arịaye ma kikimẹ, ọkụma Nyanaḅọ Ḅe anị oria ḅọị nyọ-ẹ.

Kaḅo Ma 14:31

Igwein apụma inuma mị anị ini tẹmẹ Tamụnọ Ḅe wọlọ-ẹ; ọkụma ḅarachụa ini pịrị mị anị osi se Tamụnọ Ḅe pịrị-ẹ.

Kaḅo Ma 17:5

Ị́ nemikase igwein apụ ḍẹrịmẹ ḅẹḅẹ, ini tẹmẹ Tamụnọ Ḅe mị ị́ wọlọarịye-ẹ. Fomuḅara sime ị́ pịrịḅịa nemikase sifụḅara jịn apụ la mị ị́ ḅieḅẹlẹma-ḅẹlẹmamẹ ḅẹḅẹ.

Kaḅo Ma 18:23

Igweinḅọ ḅe ori ọkwẹịnḅịa sịkị, ori ọ̀ ḅụ iderimaḅịa, ọkụma ngọ kọnḅọ ḅe ò ḅo pẹkẹrẹḅịa sịkị, ò nweni ọrịkaye nwọ mịẹḅịa.

Kaḅo Ma 22:16

Ị́ nemikase ḍiepịrịaye se ḍie ngọ nyana apụ pịrịmẹ, anịkanịka igwein apụma pụnụmamẹ ḅẹḅẹ, ị́rị́ sọnị ị́ ḅo igweinḅịa.

Kaḅo Ma 22:7

Igwein apụma ini ma ngọ kọnḅọ ḅe oria omoniapụ-ẹ. Igbiki ḅọlọḅọ ḅe igbiki se ọ̀ ḅọlọḅọ omoniḅọ-ẹ.

Ẹklisiastis 5:8

Sẹkẹnị ogbo mị igwein apụ pụnụma, pịkịna iḅi ḅẹrẹkọn ini pịrịka, pịkịna inia karakaraye mị mịẹ ini pịrịkẹ, ị́ nwọ ọrị sịkị, anị ị́ ḅụ gbiripumaye sọma. Fịrị tịḅịnịḅọ goyegoye ọ̀ nẹngịḅọ agbọ sọ ọ̀ pịrịmẹ, anịsịkị fịrị kiriḅụ ini mama apụma nẹngịḅọ pịkịna agbọ sọ ini pịrịmẹ.

Aịzaya 53:3

Wa ò ḍikisima pịkị ọ̀ sịkịmẹ; ọ̀ tọrụsiọrị na ḅụakụ na inemamẹ. Tọrụ se ori ọrị ḍọkịḅọ ofori-ẹ— wa ọ̀ sịkịmẹ ò yeḅụ ofori-ẹ nwọḅẹ ḅara.

Emọs 4:1

Ọ́ mịn mị poki, ómine Sameria eremeni, iḅiọkụma yefị Bashan nambulo ḍụḅa ọkụ ḍụḅapụ ma, anị ịnyọḅụ oforiapụ ma mịẹsimapụ ma, igwein apụma pụnda, pịkị ḍọkị na ọ́mịna deapụ ma iru se ọ́ pịrịpịrị nwọḅẹ apụma!

Emọs 5:11

Ómine igwein apụma pụnda inia fịayemgbọlụ ma angarafị ḅụ àrị ọkịsam. Anịgose ọ́ nama iḅi ḍụparị-a warịma ḅie ómine anga ẹkẹ, anịkanịka ọ́mịna irumịẹ chịnmgbọlụ odo ma ḅie ó sime iruḅu ẹkẹ.

Habakọk 3:14

Ị́ya ḍẹịn ma àrị oria owunima kụlọnịḅọ ḅe ḅụ tolu ḅọrọmẹ anị ini irisi kịkẹ ḅara se ḅo wa galagalama sịkị, ḅọịma igwein apụma pụndapụ ma ḍoroku ọkụ.

Zẹkaraịa 7:10

Deḅọ nyanakapụ na, ḍaḅọ-na-nyengiḅọ-na-ofori-apụ na, ọ́mịna ogboku anga igoni apụ na, pịkị ḍọkịfịye nyanakapụma na ómine ini pụnụmama. Se ọ́ pịkị jụmḅọ jụmḅọ se ḅụfụka ḅie chuḅịaye mịẹma.’

Jọn Iḅi Ḅẹrẹ Mị 8:49

Jizọs Ḅe pẹkẹrẹmẹ, “Sitẹmẹ ị̀ ḅie ofori-ẹ. Àrị ị̀ Ḍaḅe osimẹ, ọkụma ómine ị̀ osikẹ.

Okunwẹngịapụ 13:50

Ọkụma Juapụma ama mị ḅie, Tamụnọ tẹkẹtẹkẹapụ ma ḅie ḅịpị ḅẹrẹ la owuapụ na pịkị Jịnsẹ eremeni ma ḅie tọrọkọ da apụma na Juapụma ini kpẹịnmamẹ. Ini ḅụfụka se Pọl ḅe na Banabas ḅe na pịrị, se inia ama pẹkẹrẹ ma ḅie ini desinmẹ.

Okunwẹngịapụ 17:6

Ọkụma ini ini ḍọkịọrịka sịkị, ini Jasịn ḅe na pịkị ḅereniapụma ḅụ dapụ na fọnọ ama mị ḅie ḅẹrẹtọn apụma damamunmẹ, se olokumẹ, “Mịna owuapụma ḅụfụka pịrịsam nyọ goyegoye ḅụ! Mịọkụ ini mịna ama ḅosam.

Okunwẹngịapụ 18:12

Romapụ ma Galio ḅe seni Akaya sẹ mị ḅie gọvịna nwọ mịẹ sịkị, Juapụma koḅirimamẹ, Pọl ḅe kun, se ò se ḅẹrẹkọn warị mun mẹ.

Okunwẹngịapụ 8:3

Ọkụma Sọl ḅe chọchị mị famaḅịa ọkụ ḍọkịmẹ; mun warị warị ḅie sọ, se ḅereniapụma fọnọfọnọ pakụmaḅomẹ, owuapụ na eremeni na, se ini se ikoli ḅie chumẹ.

1 Kọrịntapụ 11:22

Ọ́mịna ḅarakuḅu warị ofori ó sime yefị pịkị ḅuḅuye ḅuḅịa nyọ? Anịkanịka anị ọ́ ḅụḅẹlẹ ọ́ Tamụnọ chọchị mị nwọ ḍikisima pịkị ḅụgerere se yeḅụpalịmarịapụma tọrụ chụa? Nwọ simeye ḅụ nde ọ́ tọrụ se ḍiki na à ḍukoḅịaye? Àrị ó tokoni ḅe? Ngịsị à mị ḅụ ó tokoniḅịa ọkụ ofori-ẹ.

Jems 2:3

Ị́ nemikase osi se iḅiọkụ yeḅiri ḅọ ḅe pịrịtẹịn, se nwọse ọ̀ ḅẹ, “Mịn iḅitẹịn ịkasịe mị ọgọnọ sime,” ọkụma nwọse igwein ḅọ ḅe ḅẹ, “Anịnyọ chịẹ, anịkanịka mịọ kpọnjị sime ị̀ ḅụọ chuku,”

Jems 5:4

Ngịsị ma ọ́ gbẹịnye seni ọ́mịna ozuma ḅie fịrịnwẹngị ọ́ pịrị apụma pịrịkẹ. Ini suarị ḅẹrẹ ma ọ́ nwọ poki! Ó ḍipi ayema soku apụma kọn owu ma, Tamụnọ Ḅe ḅeri ma lasam anị Kụrọmamgba Nyana Ọmụtịḅịda Ḅọ Ḅe.

Jems 5:6

Ọ́ ḅẹrẹkọn siye mịẹka ḅọ ḅe ḅara sima se pịkị ọ̀ ḅaasam, ọ̀ pịkị ómine na kụrọye mịẹkẹ.