Jems 2:5 - Kịrịkẹnị Baịbụl

⁵ Ó poki, ị̀ ḅụ yela mịnapụ! Tamụnọ Ḅe mịn tomonikiri mị ḅie igwein apụma sẹlẹ se ini ḅereni ḅụ alakọn apụ nwọ sọmẹ, pịkị mịẹse ini amanyanakiri mị nwọ ḍiaọkịmẹ, ò ḅereni ọ̀ ḅẹlẹma apụma pịrịye mị.

Jems 2:5 Iomraidhean Croise

1 Amanyanapụ 22:28

Maịkaya ḅe nwọse ọ̀ ḅẹmẹ, “Ị́ pa nemikase deinma vinpịkị ḅomẹ ḅẹḅẹ, anịọkụma Nyanaḅọ Ḅe ḅarị ị̀ ḅụ ḅọrọ ọkwẹịnkẹ!” Ọ̀ pịkị nwọ ḅẹmẹ, “Ye ḅọḅọ poki, à nwọ ḍukoye mị!”

Job Ḍiri Mị 34:10

Ómine ị̀ poki, ómine yekaịnḅo apụma! Kụrọmamgba Nyana Tamụnọ Ḅe ori ineda karakarakaye mịẹḅe?

Job Ḍiri Mị 34:19

Ọ̀ ḅẹrẹtọn apụma ju sọsọkẹ anịkanịka ngọ nyanapụ ma ḅụ sọ se igwein apụma pụnụma-pụnụmakẹ, anịatịḅị ori anị nwenimgba tẹmẹye-ẹ.

Job Ḍiri Mị 38:14

Enekaka mị mịẹse tụndụma na pẹsị-a nyọma na chịẹpakamẹ iko ḅụchụaye kpompaka ọkụ, aḅaịn ọgọnọ gịẹịnye tọn ọkụ.

Pakaso 20:6

Ọkụma à ḅẹlẹma nyana ị̀ ḅẹlẹma se ị̀ya olokoma koko apụma ḅụ kịnị-a mẹndẹ oyiasi fịnjị-fịnjị nwọ pịrịpịrịmẹ.

Kaḅo Ma 13:7

Tọn apụ alakọn ḅara se inia ḅụ wẹrịmẹ, ọkụma gbọrịye sọnị ini nyanakẹ. Ọkụma jịn apụ igwein ḅara se inia ḅụ wẹrịmẹ, ọkụma ini ḅakama ngọ nyanamẹ.

Kaḅo Ma 7:24

Mịọkụ anịẹrẹchị, ị̀ya owuapụ awọ, ómine ị̀ poki, ó ḅeri tokoloma à ḍuko arịye ma nwọ poki.

Kaḅo Ma 8:32

“Mịọkụ, ị̀ya awọ, ómine ị̀ poki. À ḍuko ọkụ ọ́ nwọ mị-ẹ, anịsịkị ó ḅieḅẹlẹ nyanaḅịa.

Aịzaya 14:32

Nde wa seni Filistia ḅie ḅo wa pịrị oku fịrị ḅo apụma pẹkẹrẹḅịa ọkụ? Wa ḍuko ini pịrịḅịa na Nyanaḅọ Ḅe Zaịyọn mị ọ̀ mịẹkụrọmasam, pịkị oria tomoni tọrụsiọrịarịapụma anịnyọ ini dein nyanaḅịa.

Aịzaya 29:19

Anịsịkị ḅolaḅịa sịkị igwein se ḅụ iderima apụma ini Nyanaḅọ Izrẹl fịafịa Tamụnọ Ḅe, pịrị ḅieḅẹlẹ mị nwọ nyanaḅịa.

Zẹfanaịa 3:12

À se anịju koromaḅịapụ anị, ḅụiderima pịkị ị̀ damaḅo se ḅarachụa ḅiḅịa tomoni-ẹ.

Zẹkaraịa 11:11

Anịḅụ ọḅọkụ mị kansinmẹ anị ene. Anana ma fẹ se dẹrị apụma, ini ị̀ ḍiki aḅẹ se ini ḍọkịḅo ọrịmẹ na Nyanaḅọ Ḅe, à mịẹye ma ḅụ ḅọrọ ọkwẹịn aḅẹ.

Zẹkaraịa 11:7

Ma ananama fẹ se àrị dẹrị apụma ḅo ị̀ ọkọmẹ, se à ḅo ini mun ḅaaḅịa ananama ḍikiḍikiḅọ nwọ sọmẹ. À ḅo mama amgbara nwọ ọkịmẹ; à nwọse gbọrịye chịnmẹ “Ḅẹlẹma” se ísíye mị “Gboloma.” Se à ḅo anana ogbo mị ḍikiḍikimẹ.

Matio 11:5

Tọrụmgbọlụpụn apụma inia tọrụmgbọlụma finjisam, ikeliapụma ini nwẹngịsam. Ḅụkan obi kọn apụma ini nwọ mịẹ fịafịamasam, inikiapụma ini ye naasam, fịapụma ini sịsẹsam, ini pịkị Iḅi Ḅẹrẹ mị ḍuko igwein apụma pịrịsam.

Matio 25:34

Anịsịkị Amanyanaḅọ ḅe nwọse oria amaḅara anga ḅụ sime apụma ḅẹḅịa, ‘Ó ḅo ómine ị̀ Ḍaḅe ḅẹlẹmasa apụma! Ó ḅo Amanyanakiri mị ḅie sọ anị tomonikiri mị tẹmẹ sịkị ngịsị ini karakarama ọ́ pịrịsa ye mị.

Matio 5:3

“Ḅieḅẹlẹ sime ini pịrịmẹ nwọ nemi na ini tẹmẹ anga igwein kọnmẹ nwọ ḅeapụma; Soḅie Amanyanakiri mị sime ini pịrịmẹ!

Mak Iḅi Ḅẹrẹ Mị 7:14

Anịsịkị Jizọs Ḅe ọ̀ pịkị gbọrị sịkị nwọse tomonikpo mị chịn, se nwọse ini ḅẹmẹ, “Óminemgba, ómine ị̀ poki, se kaịnḅo.

Luk Iḅi Ḅẹrẹ Mị 12:21

Se Jizọs Ḅe ḍukopẹlẹmẹ, “Mịn ḅara mị anị sime ngọ kpokponima inia ḅụ ma wẹrịma apụma nwọ pịrịḅịa ọkụ-ẹ, ọkụma Tamụnọ Ḅe tọrụkuḅu ini ngọ nyanakẹ.”

Luk Iḅi Ḅẹrẹ Mị 12:32

“Kala anana ogbo, ọ́ ḅalafama anịatịḅị anị ọ́mịna Ḍaḅe ḅụḅẹlẹmẹ Amanyanakiri mị nwọse ọ́ pịrị.

Luk Iḅi Ḅẹrẹ Mị 16:22

Igweinḅọ ḅe fịmẹ, se enjẹlapụ ò deki mun Ebraham ḅe anga sịkị koromamẹ, soḅie alalị fị nyọ mị ḅụ. Ngọ kọnḅọ ḅe pịkị fịmẹ se ini ò ḍipimẹ.

Luk Iḅi Ḅẹrẹ Mị 16:25

Ọkụma Ebraham ḅe nwọ ḅẹmẹ, ‘Ị̀ya tọkụ se ḅiekoroma na, ị́rị́ ḅe ḍumo sịkị ḅụ ini iḅi aye mamgba nwọ seni ị́ pịrịmẹ, anị Lazụrọs ḅe si aye mamgba nwọ nyana sịkị-ẹ. Ọkụma mịọkụ, ori ọ̀ ḅụ timaḅẹ mịanga, ị́rị́ ị́ ḅụfụka ḅie omi-ẹ.

Luk Iḅi Ḅẹrẹ Mị 22:29

Ị̀ Ḍaḅe ḅẹrẹtọn kụrọ nwọse ị̀ pịrị ọkụ mị, anị ị̀rị̀ sọ pịkị ḅẹrẹtọn kụrọ se ọ́ pịrịḅịa ọkụ-ẹ.

Luk Iḅi Ḅẹrẹ Mị 6:20

Jizọs Ḅe Oria ọḅụḍukoapụma ḍiki se nwọ ḅẹmẹ, “Ḅieḅẹlẹ sime ómine igwein apụma pịrị; Tamụnọ Amanyanakiri mị ọ́mịnaye-ẹ!

Jọn Iḅi Ḅẹrẹ Mị 7:48

Ḅẹrẹtọn apụma ḅie anịkanịka Farisiapụma ḅie ò ḅereni se ó nemi ḅọ omi?

Okunwẹngịapụ 7:2

Stivin ḅe pẹkẹrẹmẹ, “Mịnapụ na ḍapụ na, ómine ị̀ poki! Boma nyana Tamụnọ Ḅe ọ̀ ḅụ se mịna ḅieju-ḍaḅọ Ebraham ḅe ḍiemẹ ò Mẹsopotemịa ḅie simearị sịkị, ma ò mun Heran ḅie angaka sịkị,

Romapụ 8:17

Mine oria awọ-ẹ nwọ ḅẹ sịkị, wa ò se koroma oria tomonima pịrị ḅẹlẹma ma nwọ nyana ọkịḅịa, se pịkị Kraịst Ḅe na Tamụnọ Ḅe se kụrọma ọ́ pịrị ḅẹlẹma mị nyana ọkịḅịa, anịatịḅị wa nemikase Kraịst Ḅe ọrị tọrụsiọrị ma nwọ ḍiaọkịmẹ ḅẹḅẹ, wa pịkịna oria boma mị sọ nwọ ḍiaọkịḅịa.

1 Kọrịntapụ 2:9

Anị-ẹ nwọ ḅẹ sọ, fịafịa ḍiri mị ḍuko ḅara ḅụ, “Gbọrịḅọ sọ ma ọrịka pịkị ma naakaye, gbọrịḅọ sọ ngịsị koromaka na pakaḅịaye, anị Tamụnọ Ḅe tẹlịma koroma ọ̀ ḅẹlẹma apụma pịrịye-ẹ.”

2 Kọrịntapụ 4:15

Mịn mị mgba ọ́mịna tịḅị gose-ẹ; se Tamụnọ ḍikiḅụgerere mị nwọ jịn ḅakatẹịn tomoni nwọ lama lama mun-arị sịkị, ini pịkị ḅakatẹịn mịẹḅaka tẹkẹ kọn Tamụnọ Ḅe boma mị nwọ pịrịḅịa.

2 Kọrịntapụ 6:10

ini wa mịẹse wa kururumẹ nwọ ḅẹ sọnị, mịna ḅie sịkịmamgba ḅẹlẹaḅẹ igwein apụ ḅara wa nwọ simemẹ, ọkụma wa tọn-a apụ mịẹse ini alakọnmẹ; ye nyanaka apụ simeọkụ wa nwọ simemẹ, anị sọnị wa yegoyegoye jokoma nwọ nyana waraḅẹ.

2 Kọrịntapụ 8:9

Wa Nyanaḅọ Jizọs Kraịst Ḅe ḍikiḅụgerere mị ó nemi waraḅẹ; Ọ̀ pẹrẹ la-ọkụ mị mgba Ori ómine gose Ọ̀ ḅụ se igweinḅọ mịẹmẹ, mịẹse Ori Oria igwein mị ḅụ ḅọrọ ó seni alakọn apụ mịẹḅịa ḅara.

Ẹfịsọsịapụ 1:18

À ḅimẹ mịẹse ọ́mịna kuḅiema finji, se ómine enekuḅu ọrịḅịa ḅara, mịẹse ò gose ọ́ chịn tọrụseḍikiarịye mị ọ́ nwọ nemiḅịa ḅara, ò ḅereni oria tomonima pịrị ḅụgbiripuma ḅẹlẹma mị yela ọkụ ọ́ nwọ nemiḅịa ḅara,

Ẹfịsọsịapụ 3:8

Ị̀rị̀ iderimatẹịn Tamụnọ-a tomonima ḅụ bokatẹịnḅọ ḅe nẹngịmẹ, anị sọnị Tamụnọ Ḅe mị kiri mị nwọse ị̀ pịrịmẹ na ị̀rị̀ mun Kraịst Ḅe oria dachịẹma nyanaka pẹrẹ mị ḅe Iḅi Ḅẹrẹ mị nwọ ḍuko Jịnsẹapụma pịrị-ẹ,

1 Tẹsalonịka 2:12

Wa ọ́mịna kuḅie kụrọmamẹ, wa ọ́mịna kuḅie deinmamẹ, wa pịkị ọ́ ḅẹaḅẹ na ọ́ Tamụnọ Ḅe ḅiarị ọkụ mị nwọse ḍumo kọn, anị ọ́ chịn na ó ḅo ori na oria Amanyanakiri mị na boma mị na nwọ ḍiaọkị-ẹ nwọ ḅẹ ḅọ ḅe.

2 Tẹsalonịka 1:5

Mịn mị ḍiepakụmamẹ na Tamụnọ Ḅe oria ḅẹrẹkọn mị karakaramẹ, anị gose ómine oria Amanyanakiri mị gbẹịn apụ nwọ sọḅịa, anị ó gose tọrụsiọrịarịye mị.

1 Timoti 6:18

Ḍuko ini pịrị ini iḅi mị-ẹ, iḅi-a fịrịnwẹngị ala nwọ kọn, ini ịmụkụ ḍumo kọn ma, ọkụma ḅụkarakarama iniaye nwọse jịn apụ na ḍiafị.

2 Timoti 4:18

Nyanaḅọ Ḅe pịkị siaye mamgba ḅara ḅie ị̀ ḍụapakụmaḅịa, se deinma ị̀ ọkị oria soḅie Amanyanakiri mị munḅịa, boma sime ọ̀ pịrị mun ḅene-ḅene la! Amẹn.

2 Timoti 4:8

Se mịọkụ ọmụḅaraiḅi ḍiepịrịye mị sime ị̀ koruaḅẹ, karakaramịẹmịẹye mị ḅe amanyanachu mị, anị Nyanaḅọ Ḅe, karakara Ḅẹrẹkọnḅọ Ḅe anị Ene ḅụ se ị̀ pịrịḅịaye mị, pịkị ị̀rị̀ kẹngẹkẹ, ọkụma ò se pịkị ḅẹlẹma ḅụ oria ḅo mị koruarị apụ mamgba nwọ pịrịḅịa.

Hibru 11:26

Ò koromamẹ, na Mẹsaya Ḅe gose ini tomoniḅọ pụa mị iḅitẹịn Ijipt ḅie sime ngọ mamgba nwọ nyana mị nẹngịmẹ; anịatịḅị ori ọ̀ tọrụmgbọlụ mamgba nwọse tọrọkọ ḅoḅịa gbẹịn-aye ma ḅụ wẹrịmẹ.

Jems 1:12

Ḅieḅẹlẹ sime ori ḅọ ḅe pịrịmẹ ḍaḍiki sịkị ḅụ kuḅie se ḅụgbana gbẹịn ḍumokọn ḅọ ḅe, anịatịḅị ò nemikase ḍaḍiki mị ḅọrọmẹ ḅẹḅẹ, Tamụnọ Ḅe ḅereni ọ̀ ḅẹlẹma apụma pịrị ḍumo mị ọ̀ ḅara laḅịa.

Jems 1:16

Ị̀ ḅụ yela mịnapụ, ó ḅereni ma ini oḅori se ọ́ chịn!

Jems 1:19

Ọ́ mịn mị se ḅiekoroma, ị̀ ḅụ yela mịnapụ! Tomoniḅọ goyegoye poki ḅụ obiri, ọkụma be ọkwẹịn ma pịkị be ịganị ma.

Jems 1:9

Ye igwein mịnaḅọ ḅe ḅieḅẹlẹ Tamụnọ Ḅe ọ̀ dekichịẹma sịkị,

1 Pita 1:4

Anịẹrẹchị wa tọrụ se Tamụnọ Ḅe se oria tomonima wẹrịma opu ḅẹlẹma ma nyana mị ḍikiaḅẹ. Ori àrị seni soḅie ọ́ wẹrịmamẹ, anị àrị ngịsị ḅụrụ ẹkẹ anịkanịka si ẹka anịkanịka sịkịrị fa ẹka nyọ mị-ẹ.

2 Pita 1:11

Mịn ḅara mị ḅụ karakarama ḅeinsa kụrọ ini nwọse ọ́ pịrị se ó se wa Nyanaḅọ pịkị mịna Ḍụaḅọrọmaḅọ Jizọs Kraịst Ḅe kuluma nyanaka Amanyanakiri mị ḅie sọḅịa.

Ḍieḅelema Yema 2:9

Àrị ị́ya ḅụfụkama nemimẹ; à nemimẹ na ị́ igweinmẹ—ọkụma kọkọmaye ḅụ ị́ ḅakama alakọnmẹ! Ini Juapụka, se Juapụ se inia ḅụ chịn apụma, se ị́ ḍukosimarịye ma à nemimẹ. Ini anị sime Oru ḅe pịrị apụ-ẹ!

Ḍieḅelema Yema 21:7

Ọmụ mị ḅara iḅiḅọ goyegoye, ị̀ ḅara mịn mị nyana ọkịḅịa: À Tamụnọ sọ ọ̀ pịrịḅịa, anịsịkị ori ị̀ya tọkụ sọḅịa.

Ḍieḅelema Yema 3:18

Anịgose, ị́ alakọn ḍọkịmẹ nwọ ḅẹḅẹ, àrị ị́ tetemaḅẹ na ḅo ị̀ ḅara ini se fịnị ḅie fọị kpaịnma sa goli mị nwọ fẹ; mịẹse ị́ alakọnḅịa ọkụ. Pịkị ị̀ ḅara abalala ḅụchụaye fẹ se ị́ya ḅụgererema papaḅụsin mị kikima. Pịkị ḍiri fẹ se ị́ tọrụmgbọlụma tan, mịẹse ị́ nyọrịḅịa ọkụ.

Bẹrẹkọn Apụ 9:7

Jotam ḅe mịn mị naa sịkị ò mun Gẹrizim Tụndụ mị ọgọnọ chịẹ se oloku ini pịrịmẹ, “Ómine ị̀ poki, ómine Shẹkẹm apụ, se Tamụnọ Ḅe pịkị ó pokiḅịa!

1 Samụẹl 2:30

Ị̀rị̀, Nyanaḅọ Izrẹl Tamụnọ Ḅe, ḅọrọsa sịkị ḅụ à ye ḅerenimẹ na ọ́mịna furo mị na ọ́mịna warịkuḅu mị na anị agbamịẹapụ sọ fịrịnwẹngị ị̀ pịrị gbasoḅịaye-ẹ. Ọkụma mịọkụ à nwọ ḅẹmẹ na ngịsị à ḅarị ọkọ mịẹ ẹkẹ! Anịnakaraka, àrị osi seni ị̀ osi apụma pịrịḅịa, se nwọ ị̀ ḍikisima apụma à pịkị ini ḍikisimaḅịa.

1 Samụẹl 2:8

Fọn ḅie ori igwein apụma dekichịẹmamẹ, ọ̀ pịkị mịẹḅịa ọkụ ofori apụma dekigololomamẹ inia tọrụsiọrị kiri mị ḅie. Ori ini mịẹse ini amanyanapụ awọma na nwẹngị gbolomamẹ pịkị ini se osi nyana kiri ḅụ koromamẹ. Sẹkiri mị chuku sẹkẹ ayema Nyanaḅọ Ḅe oriaye-ẹ; anịa ọgọnọ ò tomonikiri mị nama chịẹmamẹ.