Jems 2:21 - Kịrịkẹnị Baịbụl

²¹ Nde mịna ḅieju-ḍaḅọ Ebraham ḅe ḅo Tamụnọ Ḅe ḅụ iḅiḅọ sọ ọkụ? Anị ọ̀ nwẹngị fịrị ḅụ-ẹ, ori oria tọkụ Aịzịk ḅe se agbamịẹ ẹbẹ ọgọnọ agbamịẹ sịkị ḅụ.

Jems 2:21 Iomraidhean Croise

Fịafịa Nime 143:2

Ị̀rị̀ ị́ya fịrịnwẹngịḅọ ḅe ḍaḍikima; ị́ tọrụkuḅu siye mịẹkaḅọ ofori-ẹ.

Aịzaya 51:2

Ọ́mịna olomu ḍaḅọ Ebraham ḅe ọ́ nwọse ḅiekoroma, pịkị Sera ma na, anị ómine inia furoḅie pakaḅo apụ ma-ẹ. Àrị Ebraham ḅe chịn sịkị, ọ̀ tọkụ nyanakẹ, ọkụma àrị ọ̀ ḅẹlẹma se awọmẹnị se ọ̀ pịrịmẹ; à mịẹse ò furoḅie pakaḅo-apụ ma ḅakamẹ.

Matio 12:37

Ị́ya ọkwẹịnma ini nwọ ḍikima ḅẹrẹkọn ị́ pịrịḅịa—se ḍiepakụma na ị́ mịẹye ofori-ẹ, anịkanịka ḅẹrẹ ị́ ḅara sime, ini nwọse ị́ ḅẹḅịa.”

Matio 3:9

Se ó koroma ma na ómine ineda ịganị mị ḅụ mangịsoḅịa, Ebraham ḅe ọ́mịna ḅieju-ḍaḅọ-ẹ gose. À ḍuko ọ́ pịrịaḅẹ na, Tamụnọ Ḅe ori ineda ma ḍụparịma ọkị se, àrị se awọ mịẹ Ebraham ḅe pịrịḅịa!

Luk Iḅi Ḅẹrẹ Mị 1:73

Ọ̀ kụrọma yekarịfị mịna ḅieju-ḍaḅọ Ebraham ḅe pịrịmẹ, ò ḅerenimẹ na ò mine na tarakapụma ḅara ḅie wa ḍụaḅọrọmaḅịa, se ḅereni wa pịrịmẹ na wa ḅalafaka ḅara ḅụ fịrịnwẹngị ọ̀ pịrị,

Luk Iḅi Ḅẹrẹ Mị 16:24

Anị ori olokuye-ẹ, ‘Ebraham ị̀ya Ḍaḅọ! Ị̀ ḍikitịḅịfoin, Lazụrọs ḅe fịrịma se ori ọ̀ ḅaratụmgbalị se mengi ḅie su se ḅo ị̀ ḅẹlẹ pisima, anịatịḅị àrị opu ḅụfụka ḅie omi-ẹ mị fịnị mị ḅie!’

Luk Iḅi Ḅẹrẹ Mị 16:30

Ngọ kọnḅọ ḅe pẹkẹrẹmẹ, ‘Anị mị inia ḅụ la-ẹkẹ, Ebraham ị̀ya ḍaḅọ! Ọkụma tomoniḅọ nemikase fịḅụsịsẹ se ini damamun ọkụma, anịsịkị ini inia sima ḅụ vinpịkịḅịa.’

Jọn Iḅi Ḅẹrẹ Mị 8:39

Ini ọ̀ pẹkẹrẹmẹ, “Mịna ḍa anị Ebraham ḅe-ẹ.” Jizọs Ḅe ini pẹkẹrẹmẹ, “Ómine nemikase kọkọma Ebraham awọ-ẹ nwọḅẹ ọkụma,” “ọ̀ nwẹngị fịrịma mgbọkụ ọ́ nwọ nwẹngịsam.

Jọn Iḅi Ḅẹrẹ Mị 8:53

Mịna ḍa Ebraham ḅe ọ̀ fịmẹ; ị́ ọkịka na ị́ opusọtẹịn Ebraham ḅe nẹngịmẹ? Ị́ ọkọ ọkị? Ịkịankoroapụma ini fịmẹ. Ị́ koroma ḅara ị́rị́ tụḅọ?”

Okunwẹngịapụ 7:2

Stivin ḅe pẹkẹrẹmẹ, “Mịnapụ na ḍapụ na, ómine ị̀ poki! Boma nyana Tamụnọ Ḅe ọ̀ ḅụ se mịna ḅieju-ḍaḅọ Ebraham ḅe ḍiemẹ ò Mẹsopotemịa ḅie simearị sịkị, ma ò mun Heran ḅie angaka sịkị,

Romapụ 3:20

Anịatịḅị Tamụnọ Ḅe tọrụkuḅu ini karakaraḅọ ḅara se kịẹnma ḅọ ofori-ẹ, Oloko mị ḅiye nwọ mịẹ ḅụ. Oloko mị mịẹarịye anị mịẹse tomoniḅọ ḅe nemi, na ò si mịẹsam.

Romapụ 4:1

Anịọkụma cheye wa nwọ ḍuko ḅe, Ebraham, mịna ḅieju-ḍaḅọ ḅe ḅụ? Cheye ọ́ nwọ ọrị ò ḍumo ḅụ?

Romapụ 4:12

Ori pịkị ḅụpẹlẹ apụma ḍa-ẹ, ini ḅụpẹlẹmẹ nwọ ḅẹye gosekẹ, ọkụma ini anị gbọrị ḅereni ḍumo mị nwọ kọnye gose-ẹ, mịna ḍa Ebraham ḅe ma ḅụpẹlẹka sịkị kọn gbọrị ḍumo mị.

Romapụ 4:16

Ḅereni mị ḅereni ḅụ mị anị gbanaye-ẹ mịẹse, Tamụnọ Ḅe papa ḅerenipịrịye mị ḅereni Ebraham ḅe furoḅie pakaḅo apụma nwọ pịrịḅịaye gose—Oloko mị ḍukoye mịẹapụ ma kẹngẹkẹ, ọkụma pịkị Ebraham ḅe ḅereni ọkụ mị nwọ ḅereni apụma sọnị-ẹ. Anịatịḅị Ebraham ḅe mine mgba tẹmẹ anga ḅe ḍaḅọ-ẹ;

Hibru 11:17

Ḅereni mị, mị mịẹse Ebraham ḅe oria tọkụ Aịzịk ḅe se agba mịẹ Tamụnọ Ḅe pịrịye-ẹ, Tamụnọ Ḅe Ebraham ḅe ḍaḍiki sịkị. Ebraham ḅe anị Tamụnọ Ḅe yeḅereni pịrịye-ẹ, anị sọnị ọ̀ ḅụkarakaramamẹ oria ngẹrị tọkụ ḅe nwọse agba mịẹ.

Jems 2:18

Ọkụma nweniḅọ nwọ ḅẹḅịa, “Gbọrịḅọ ḅereni nyanamẹ, ísíḅọ pịkị fịrị nyanamẹ.” À se anị pẹkẹrẹḅịaye mị anị-ẹ, “Tomoniḅọ ineda fịrị ḅụ ofori ḅereni nwọ nyanaḅịa ọkụ se ị̀ ḍie. Ị̀rị̀ àrị ị̀ya fịrị ḅụ wẹrị ị̀ya ḅereni se ị́ ḍieḅịa.”

Jems 2:24

Anịọkụma ómine ọrịsam na, tomoniḅọ nwẹngị fịrị ḅụ mị iniḅọ ḅọrọ ḅo Tamụnọ Ḅe ḅụ ḅo iḅiḅọ nwọ sọye-ẹ, iniḅọ ḅereni mị ḅụ kẹngẹkẹ.

Jọshụa 24:3

Anịsịkị àrị Ebraham ọ́mịna olomu ḍaḅọ ḅe ọkịmẹ, Yufretis mị ḅụ saḅamanga sime ama mị ḅie, se ò seni nwẹngị bebe Kenan ama mị mgba kelemamẹ. Tọn-a awọ à nwọse ọ̀ pịrịmẹ. Àrị Aịzịk ḅe se ọ̀ pịrịmẹ,