Jems 2:2 - Kịrịkẹnị Baịbụl

² Gbọrị ala kọnḅọ nemikase goli ḅaratụmgbalị chụaye chụa se iḅi-a ḅụchụaye nwọ chụa se ọ́mịna koḅiria ḅie sọ ḅo, se gbọrị igweinḅọ pịkị apụrụmba ma ḅiri se sọ ḅo ọkụma.

Jems 2:2 Iomraidhean Croise

Chukusakị 27:15

Anịsịkị Isọ ḅụchụayema ḅie á ḅara sime iḅitẹịn ayema á nwọ seni Jekọb ḅe chụamẹ.

Ẹsta 3:10

Amanyanaḅọ ḅe ori oria iringi mị sin se Haman, Hamẹdata ya, Egag ḅe furo ḅie ḅọ, pịkị Juapụma na tarakaḅọ ḅe pịrịmẹ. Ini oloko chụa so ọkụma, mịn iringi mị ini nwọse elekima ḅara ḅụ yemịẹkụrọma-kụrọmamẹ.

Ẹsta 8:2

Amanyanaḅọ ḅe ori oria ẹrẹ sime iringi mị, anị Haman ḅe ḅara ori ọkịye mị se Mọdẹkaya ḅe pịrịmẹ. Anịsịkị Ẹsta ma Mọdẹkaya ḅe se Haman ḅe warị tịḅịdamẹ.

Aịzaya 64:6

Mine mgba wa si mịẹsam; mịẹmịẹaye ḅụ wa mịẹ iḅitẹịnmẹ ḅe aye mamgba ḅụngụngụmaye sikima jịnye ofori-ẹ. Mịna sima wa mịẹse wa nyọnị, fọrụ ofuro sinḅịa ịnyanya kịkẹmẹ.

Luk Iḅi Ḅẹrẹ Mị 15:22

Ọkụma ḍawu ḅe oria fịrịnwẹngịapụma chịn se nwọse ini ḅẹmẹ, ‘Be! Se ḍọkịḅo ọrị na iḅitẹịn ḅụchụaye ọ́ nwọ seni ọ̀ chụa mẹ. Iringi se ọ̀ ḅaratụmgbalị chụa pịkị akpaka se ọ̀ ḅụọma chụa.

Luk Iḅi Ḅẹrẹ Mị 23:11

Hẹrọd ḅe na oria owunima na Jizọs Ḅe nwọse kpọti se ḍikisima ḅara nwọse Ọ̀ mịẹmẹ, ini iḅi pịkị ḍikitọrụgbẹịn koro opu ḅụchụaye se Ọ̀ chụa se Ò se pịkịna Paịlet ḅe fịrịmamẹ.

Jems 2:3

Ị́ nemikase osi se iḅiọkụ yeḅiri ḅọ ḅe pịrịtẹịn, se nwọse ọ̀ ḅẹ, “Mịn iḅitẹịn ịkasịe mị ọgọnọ sime,” ọkụma nwọse igwein ḅọ ḅe ḅẹ, “Anịnyọ chịẹ, anịkanịka mịọ kpọnjị sime ị̀ ḅụọ chuku,”