Jems 2:1 - Kịrịkẹnị Baịbụl

¹ Ị̀ya mịnapụ, wa Nyanaḅọ Jizọs Kraịst Ḅe ḅereni apụ ḅara ḅụ, ó tomoni-a tọrụḍiki ḅara se nweni na anga ma.

Jems 2:1 Iomraidhean Croise

2 Amanyanapụ Sịkị Mịẹaye Ma 19:7

Ọ́ Nyanaḅọ Ḅe osi se ómine ọ́mịna ḅụ ọbị mịẹmịẹye ḅụ, anịatịḅị, Nyanaḅọ mịna Tamụnọ Ḅe, ọ̀ ḅarasin opele-sọye, anịkanịka tọrụkụn, anịkanịka ọḅụfị pịrịpịrịkẹ.”

Kaḅo Ma 24:23

Yenemi apụma pịkị ma ayema ḍukosam: Anị iḅikẹ ḅẹrẹkọnḅọ gbọrịju sọ ḅẹrẹ mị ḅụ.

Kaḅo Ma 28:21

Karakaraye mị nemi se anị sime ḅara nwọse yemịẹka mị siye-ẹ. Ọkụma da ḅẹrẹkọn apụ ini fịḅịa ọḅụ mị anị boka la-ọkụ la-ọkụ sọnị ini tọrụgelegelema siye mị mịẹḅịa.

Agbamịẹ Apụ 19:15

“Ọ́ karakara ḅẹrẹkọn apụ sọ, oloko la ḅẹrẹ ọ́ nwọ kọn àrị sịkị, igweinḅọ ḅe ò jusọma, pịkị ngọkọnḅọ ḅe sọnị ò ḍikiḅalafama.

Matio 22:16

Anị ini inia ọḅụḍukoapụma na, Hẹrọd ḅe ḅụ sime jịn apụ na nwọse Jizọs Ḅe fịrịma se nwọse Ọ̀ ḅẹye-ẹ, “Yeḍieḅọ, wa nemimẹ na Ị́ kọkọmaye mị nwọ ḍukoḍukomẹ, Ị́ pịkị kọkọmaye nwọ ḍieaḅẹ, Tamụnọ Ḅe ateli mị na gbakịmaye Ị́ nwọ ḍieaḅẹ karakara ḅaraḅụ, Ị́ tomoni abalabalakẹ; anịatịḅị Ị́ tomoniḅọ tọrụ kunkunkẹ.

Okunwẹngịapụ 10:34

Pita ḅe sakị ọkwẹịnmẹ: “Mịọkụ anị àrị iḅiọkụ nemisaye-ẹ, na Tamụnọ Ḅe gbọrị ḅara mị ò se tomoni mamgba na angarịye-ẹ.

Okunwẹngịapụ 20:21

Anị gbọrị ḅara mị anị à se tetema se Juapụma na Jịnsẹapụma na pịrị ọkụ-ẹ, na ini inia sima ḅụ vinpịkị Tamụnọ Ḅe da, se wa Nyanaḅọ Jizọs Kraịst Ḅe ḅereni.

Okunwẹngịapụ 24:24

Ene kele ḅọrọ sịkị Fẹliks ḅe na tarọ Drusila ma na ḅomẹ, árị Juḅọ-ẹ. Ọ̀ Pọl ḅe fịrịmaḅo se ò pokimẹ ọ̀ Kraịst Ḅe ḅụ ḅereni nyana mị gboloma ọkwẹịn kọn sịkị.

Okunwẹngịapụ 7:2

Stivin ḅe pẹkẹrẹmẹ, “Mịnapụ na ḍapụ na, ómine ị̀ poki! Boma nyana Tamụnọ Ḅe ọ̀ ḅụ se mịna ḅieju-ḍaḅọ Ebraham ḅe ḍiemẹ ò Mẹsopotemịa ḅie simearị sịkị, ma ò mun Heran ḅie angaka sịkị,

Romapụ 1:11

Anịatịḅị à kpọma ḅimẹ àrị ómine ọrị mịẹse àrị ómine na tẹmẹ anga ḅe ḅẹlẹma nwọ ḍiaḅịa ḅara, ịnyọ se ọ́ ḅụ chụaḅịa ẹrẹchị.

1 Kọrịntapụ 2:8

Mịn tomonikiri mị ḅie ḅẹrẹtọn apụma ḅie ḅụ oria nemi mị nemi gbọrịḅọ sọnị ofori-ẹ. Ini anị nemimẹ nwọ ḅẹ ọkụma, mgbọkụ boma Nyanaḅọ Ḅe ini ọ̀ kakịḅaa ẹkẹ.

Maịnkarama Oloko 1:17

Ọ́ ḅẹrẹkọnpẹlẹḅịa sịkị ọ́ gbọrịḅọ sọnị tọrụ iḅifẹma; gbọrị ḅara ọ́ nwọse ḅẹrẹkọn ḅẹḅọ ḅẹḅọ pịrị, nụḅọ la-ọkụ la-ọkụ sọnị. Ọ́ gbọrịḅọ sọnị ḍikiḅalafama, anịatịḅị ọ́mịna ḅẹrẹkọn ḅịpị mị Tamụnọ Ḅe ḅụ anị ḅomẹ. Nemikase ọ́ nẹngịma ḅẹrẹ omi-ẹ ḅẹḅẹ, ó seḅo ị̀ pịrị, àrị anị kọnḅịa.’

Maịnkarama Oloko 16:19

Ini karakaraka ḅẹrẹkọn ẹkẹ anịkanịka aḍụa ḍọkị ẹkẹ inia ḅẹrẹkọn mị ḅụ; ini pịkị ọḅụfị ẹkẹ, anịatịḅị ḍiepịrịaye yenemi pịkị kọkọma tomonima tọrụmgbọlụma pụnma-pụnmamẹ, pịkị àrị gose ini kuraka ḅẹrẹ pẹlẹpẹlẹmẹ.

Kolosi 1:4

Anịatịḅị Kraịst Jizọs Ḅe ḅụ ọ́ nyana ḅereni mị wa nwọ naamẹ, ọ́ pịkị nyana Tamụnọ-a tomoni mamgba pịrị ḅẹlẹma mị na.

1 Timoti 1:19

se ị́ya ḅereni mị na ị́ya fịafịasa si na iḅi na nemi kuḅie mị nwọ ọlọchịẹma, dapụ inia iḅi na si na nemi kuḅie mị pokika ḅụ ḅọrọ inia ḅereni mị simasam.

1 Timoti 5:21

Tamụnọ Ḅe na Kraịst Jizọs Ḅe na, pịkị fịafịa enjẹlapụma na tọrụkuḅu ḅụ na, à kụrọma ḍuko ị́ pịrịaḅẹ na ị́ ma ḍukoaye ma nwọ mịẹḅịa gbọrịḅọ sọnị tọrụḍikika, pịkị tọrụkụnka ḅụ, ị́ mịẹḅịa yegoyegoye nwọ mịẹ.

Taịtọs 1:1

Mịn fịrịfịrịmaḍiri mị, Pọl Tamụnọ fịrịnwẹngịḅọ pịkị Jizọs Kraịst okunwẹngịḅọ ḅe ḅara anị ḅomẹ. Ini ị̀ sẹlẹọkị se ị̀ fịrịmamẹ mun ḅarachụa Tamụnọ Ḅe sẹlẹọkịsa apụma ḅereni mị pịrịḅịa ọkụ pịkị mịna Tamụnọ tẹkẹ ḅara mị ḅie sime kọkọmaye mị se ini ḍieḅịa ọkụ,

Taịtọs 2:13

wa ḅẹlẹmasa Ene mị nwọ koruarị sịkị, wa tọrụseḍikiye mị, mịna opu Tamụnọ pịkị ḍụaḅọrọmaḅọ Jizọs Kraịst Ḅe boma mị tolupakaḅịa sịkị.

Hibru 1:3

Tamụnọ Ḅe boma Ọ̀ ḅụ ḅụ ḅịapakamẹ, Ò simeọkụ anị dada Tamụnọ Ḅe simeọkụ-ẹ; Oria kụrọ nyana ọkwẹịn mị Ọ̀ nwọse tomonikiri mị ọlọchịẹmamẹ, Ò siḅụ ḅarasin mị ọkịḅo nweni mamgba pịrị so sịkị, soḅie ḅụ Tamụnọ Ḅe Tịḅịda Kụrọ mị ḅe amaḅara anga ḅụ Ọ̀ kpọnjị sime waraḅẹ.

Hibru 12:2

Ó ye wa mịna tọrụmgbọlụma seni Jizọs Ḅe ḅụ wẹrị anị mịna ḅereni mị ḅụḅụ sẹrẹrẹ ḅọ Ḅe, sakị ḅụ ọkịmun kuluma la. Mgbẹsẹchịn mị anị Ọ̀ mịẹse Ori ọḅụdakẹ! Anịnakaraka, sime Ò koruarị ḅieḅẹlẹ mị gose, mgbẹsẹchịn ọgọnọ fị mị ḅụgerere mị sọnị Ori anị se yechịnkẹ; se mịọkụ, Tamụnọ amanyana ngada mị ḅụ amaḅara anga ḅụ Ọ̀ kpọnjị sime waraḅẹ.

Jems 1:16

Ị̀ ḅụ yela mịnapụ, ó ḅereni ma ini oḅori se ọ́ chịn!

Jems 1:19

Ọ́ mịn mị se ḅiekoroma, ị̀ ḅụ yela mịnapụ! Tomoniḅọ goyegoye poki ḅụ obiri, ọkụma be ọkwẹịn ma pịkị be ịganị ma.

Jems 2:3

Ị́ nemikase osi se iḅiọkụ yeḅiri ḅọ ḅe pịrịtẹịn, se nwọse ọ̀ ḅẹ, “Mịn iḅitẹịn ịkasịe mị ọgọnọ sime,” ọkụma nwọse igwein ḅọ ḅe ḅẹ, “Anịnyọ chịẹ, anịkanịka mịọ kpọnjị sime ị̀ ḅụọ chuku,”

Jems 2:9

Ọkụma ị́ nemikase ḍikitọrụ ḅụ ini sime ḅara nwọ ḍikima ini na angamẹ ḅẹḅẹ, ị́ si mịẹmẹ nwọ ḅẹ ḅẹrẹḅarasi ị́ nwọ nyanasam, Oloko mị ḅẹrẹḅarasi se ị́ pịrịḅịa, oloko kanḅọ ḅara ḅụ.

Jems 3:17

Ọkụma soḅie wẹrị ḅo nemi mị anị yoriyorimẹ, tatarịye anị, deinma, ḅụnemi, pịkị ikiaḍọkị, anị pịkị ḍikitịḅịfoin na ḅeinmẹ, pịkị iḅi mịẹmịẹye ḅe sokuaye nwọ nyanamẹ; siye ḅie ḅụsin ḅụ, epekelepepe kuḅie chụaka ḅara ḅụ.

2 Pita 1:1

Fịrịfịrịmaḍiri mị Saịmọn Pita, Jizọs Kraịst Ḅe fịrịnwẹngịḅọ pịkị okunwẹngịḅọ ḅe ḅara anị ḅo ómine— Ini mịna Tamụnọ pịkị Ḍụaḅọrọmaḅọ Jizọs Kraịst Ḅe karakara mị ḅụ wa ḅọrọ nyana yela ḅereni mị nyanasapụ ma pịrịmẹ:

Jud Ḅe Ḅaraḅo Fịrịfịrịmaḍiri Mị 1:16

Mịna apụma ini sịkịmamgba mbụrụmbụrụ, se ḅẹrẹ se jịn apụ ọlọlọmẹ, ini inia si-a koromama ḍukonwẹngị nwẹngịmẹ; ini inia ḅụ ma boma se ḅịpịḅẹlẹ nyana jịn apụ pịrịpịrịmẹ, mịẹse inia kuḅie simeayema inia ḅara laḅịa ḅara.

Ḍieḅelema Yema 14:12

Inema nyana anị sime Tamụnọ-a tomonima na, Tamụnọ Ḅe oloko koko apụma na, pịkị Jizọs Ḅe ḅụ ḅereni nyana apụma na pịrịye-ẹ.