Jems 1:9 - Kịrịkẹnị Baịbụl

⁹ Ye igwein mịnaḅọ ḅe ḅieḅẹlẹ Tamụnọ Ḅe ọ̀ dekichịẹma sịkị,

Jems 1:9 Iomraidhean Croise

Fịafịa Nime 62:9

Tomoni mamgba papa sara pakụma ọwụ sime ọkụ anị ini sime ọkụ-ẹ; opu apụ na kala apụ na gbọrịḅara-ẹ, ini ye ḅụ ofori-ẹ. Ini se yetọnye ọgọnọ gbana ḍiki, ini iku la-ọkụ sọnị ofori-ẹ; ini sarasaratẹịn papa ọwụ nẹngịmẹ.

Kaḅo Ma 17:5

Ị́ nemikase igwein apụ ḍẹrịmẹ ḅẹḅẹ, ini tẹmẹ Tamụnọ Ḅe mị ị́ wọlọarịye-ẹ. Fomuḅara sime ị́ pịrịḅịa nemikase sifụḅara jịn apụ la mị ị́ ḅieḅẹlẹma-ḅẹlẹmamẹ ḅẹḅẹ.

Kaḅo Ma 19:1

Tomoniḅọ igwein ḅụ sime se karakaraye mịẹmịẹ mị iḅitẹịn iruo kọnkọn yenemikaḅọ ḅe nẹngịmẹ.

Aịzaya 29:19

Anịsịkị ḅolaḅịa sịkị igwein se ḅụ iderima apụma ini Nyanaḅọ Izrẹl fịafịa Tamụnọ Ḅe, pịrị ḅieḅẹlẹ mị nwọ nyanaḅịa.

Luk Iḅi Ḅẹrẹ Mị 1:52

Ọ̀ kụrọ nyana opu amanyanapụma nwọ iderima kiri koromamẹ inia amanyana ngada ma ọgọnọ ḅụ, se iderima kiri ḅụ sime apụma nwọ deki gololomamẹ.

Luk Iḅi Ḅẹrẹ Mị 10:20

Ọkụma ó ḅieḅẹlẹma na si-a-tẹmẹ ma ó ḍukoye nwọ mịẹmẹ; anịnakaraka ó ḅieḅẹlẹ anịatịḅị ọ́mịna ẹrẹma soḅie ini gịẹịnsam.”

Luk Iḅi Ḅẹrẹ Mị 14:11

Anịatịḅị mịnaḅụ deki chịẹmaḅọ goyegoye ini iniḅọ iderimaḅịa, se mịnaḅụ iderimaḅọ goyegoye ini iniḅọ deki chịẹmaḅịa.”

Luk Iḅi Ḅẹrẹ Mị 9:48

se nwọse ini ḅẹmẹ, “Iḅiọkụ se ị̀ya ẹrẹ ḅụ mị tọkụ mị ọkịḅọ goyegoye, iḅiọkụ se ị̀ ọkịmẹ, se iḅiọkụ se ị̀ ọkịḅọ goyegoye pịkị iḅiọkụ se ị̀ se fịrịmaḅọ ḅe ọkịmẹ. Anịatịḅị ómine mgba ogboku bokatẹịnḅọ ḅe ori mị opu sọtẹịnḅọ ḅe-ẹ.”

Romapụ 8:17

Mine oria awọ-ẹ nwọ ḅẹ sịkị, wa ò se koroma oria tomonima pịrị ḅẹlẹma ma nwọ nyana ọkịḅịa, se pịkị Kraịst Ḅe na Tamụnọ Ḅe se kụrọma ọ́ pịrị ḅẹlẹma mị nyana ọkịḅịa, anịatịḅị wa nemikase Kraịst Ḅe ọrị tọrụsiọrị ma nwọ ḍiaọkịmẹ ḅẹḅẹ, wa pịkịna oria boma mị sọ nwọ ḍiaọkịḅịa.

2 Kọrịntapụ 6:10

ini wa mịẹse wa kururumẹ nwọ ḅẹ sọnị, mịna ḅie sịkịmamgba ḅẹlẹaḅẹ igwein apụ ḅara wa nwọ simemẹ, ọkụma wa tọn-a apụ mịẹse ini alakọnmẹ; ye nyanaka apụ simeọkụ wa nwọ simemẹ, anị sọnị wa yegoyegoye jokoma nwọ nyana waraḅẹ.

Maịnkarama Oloko 15:11

Sịkịmamgba Izrẹlapụma ḅie igwein pịkị ye ḅụpalịma apụ simeḅịa, anịẹrẹchị à tọn ọ́ pịrịmẹ na ómine iḅi se ini mịẹ.

Maịnkarama Oloko 15:7

“Nemikase Nyanaḅọ ọ́mịna Tamụnọ Ḅe se ọ́ pịrịarị amama ḅie ḅụ ó juo Izrẹlḅọ, se ye ḅụpalịmaḅọ omi-ẹ ḅẹḅẹ, ómine ịmụkụma pịkị tọrụ se ọ̀ kpọma.

Maịnkarama Oloko 15:9

Sa wẹrịso kụra mị ḅo kpekisa ẹrẹchị, igbiki se ọ̀ ḅọlọkaḅọ sọma. Ḅerenima ọkọ sime si koroma ị́ ḅie sọ. Ị́ nemikase igbiki mị se ọ̀ ḅọlọ ḍụkụkẹ ḅẹḅẹ, ori ị́ se owu Nyanaḅọ Ḅe pịrịḅịa, ini ḅẹrẹḅarasi kọn ị́ pịrịḅịa.

Filipaị 3:14

Anịẹrẹchị, à gbụkụkụma mangị eke mị damunmẹ mịẹse àrị ọmụḅaraiḅi ḍiepịrịye mị nwọ nyanaḅoḅịa ḅara anị Tamụnọ Ḅe Kraịst Jizọs Ḅe ḅụ ḅọrọ ị̀ chịn mun ọgọnọju kọnḅịa ḍumo mị.

Filipaị 3:3

Mine anị kọkọma ḅụpẹlẹ mị nyanasaye-ẹ, inikẹ, anịatịḅị Tamụnọ Ḅe ọ̀ Tẹmẹ ḅụ mị wa wẹrị ọ̀ tẹkẹarịye-ẹ, se mịna ḍumo ḅụ ḅieḅẹlẹaḅẹ Kraịst Jizọs Ḅe na gbọrịye mịẹ mị ḅụ. Wa kuḅie se ojumịnị ḅụ tọrụseọrịarị mịẹmịẹye ḅụgbanakẹ.

1 Pita 2:9

Ọkụma ómine anị sẹlẹọkịsa apụ ma-ẹ, Amanyanaḅọ Ḅe agbamịẹapụma, osiḅụ sime sẹ mị, Tamụnọ Ḅe oria tomoni-ẹ, ọ̀ sẹlẹọkị seni oria ḅụgbiripuma mịẹmịẹaye ma ḍukopakụmaḅịa apụma, kanakana ḅie ọ́ chịn pakụmaḅo se oria ḅụgbiripuma enekuḅu ḅie chu ḅọ ḅe.

Ḍieḅelema Yema 2:9

Àrị ị́ya ḅụfụkama nemimẹ; à nemimẹ na ị́ igweinmẹ—ọkụma kọkọmaye ḅụ ị́ ḅakama alakọnmẹ! Ini Juapụka, se Juapụ se inia ḅụ chịn apụma, se ị́ ḍukosimarịye ma à nemimẹ. Ini anị sime Oru ḅe pịrị apụ-ẹ!

1 Samụẹl 2:8

Fọn ḅie ori igwein apụma dekichịẹmamẹ, ọ̀ pịkị mịẹḅịa ọkụ ofori apụma dekigololomamẹ inia tọrụsiọrị kiri mị ḅie. Ori ini mịẹse ini amanyanapụ awọma na nwẹngị gbolomamẹ pịkị ini se osi nyana kiri ḅụ koromamẹ. Sẹkiri mị chuku sẹkẹ ayema Nyanaḅọ Ḅe oriaye-ẹ; anịa ọgọnọ ò tomonikiri mị nama chịẹmamẹ.