Jems 1:5 - Kịrịkẹnị Baịbụl

⁵ Ọkụma ọ́mịna ḅie nemi nyanakaḅọ omi-ẹ ḅẹḅẹ, ye ọ̀ Tamụnọ Ḅe tẹkẹ, anị se ọ̀ pịrịḅịa ḅọ ḅe; anịatịḅị Tamụnọ Ḅe ḅara kịkịmaka ḅaraḅụ papa pịrị ḍikiḅụgerere ḅụ anị se nwenimgba pịrịpịrịmẹ.

Jems 1:5 Iomraidhean Croise

1 Amanyanapụ Sịkị Mịẹaye Ma 22:12

Pịkịna ye Nyanaḅọ ị́ Tamụnọ Ḅe yekaịnḅo na, nemi na nwọse ị́ pịrị mịẹso sịkị ị́rị́ Izrẹl mị ḍikiḍikiḅịa ọkụ, oria Oloko mị ḅi ḅaraḅụ.

2 Amanyanapụ Sịkị Mịẹaye Ma 1:10

anịẹrẹchị à seni ḅẹrẹtọn ini pịrịḅịa nemi mị na yekaịnḅo mị na nwọse ị̀ pịrị. Anị oforiọkụma nde àrị ineda ḅẹrẹtọn ị́ya tomoni, nwọ sime opu ḅaka apụma pịrịḅịa ọkụ?”

Fịafịa Nime 51:6

Iḅiyemịẹḅara na karakaraye na anị ị́ ḍọkịye-ẹ; ị́ya nemi se ị̀ kuḅie ḅeinma.

Pakaso 31:3

à pịkị ị̀ya kụrọ se ò ḅie chu ḅeinmasam. À yekaịnḅo nemi se ọ̀ pịrịsam, fịrịnwẹngị-ḍin pịkị ò se aka kọn fịrị goyegoye nwẹngịḅịa ịnyọ na à nwọse ọ̀ pịrịsam—

Pakaso 31:6

Danị sẹ ḅie à pịkị Ahisamak ya Ọholiab ḅe sẹlẹsam, ori na fịrịnwẹngị gose, à pịkị ḅakama ịnyọ seni ísí fịrịnwẹngị ḍin apụ mamgba pịrịsam, mịẹso sịkị à tọn ini pịrịye goyegoye ini nwọ mịẹḅịa ọkụ.

Kaḅo Ma 8:17

Ị̀ ḅẹlẹmapụ ma àrị ini ḅẹlẹmamẹ; ị̀ ḍọkịarịḅọ goyegoye ineda ị̀ ḍọkịḅoḅịa.

Matio 11:20

Jizọs Ḅe sakị ḅakama oria ḅụgbiripuma fịrịma nwẹngị amama ḍiki ịganịmẹ, anịatịḅị tomonima pa inia sima ḅie vinpịkịkẹ.

Mak Iḅi Ḅẹrẹ Mị 16:14

Arịmgba ḅe kuluma, Jizọs Ḅe Ọ̀ ḅụ seni oyigbọrịapụ fịnjịma ḍiemẹ ini yefịarịogbo. Ori ini ḍiki ịganị mẹ, ini ḅereni nyanakaye ẹrẹchị, pịkị kụrọ tịḅịḅie chụamẹ Ori ọrị apụma ḍuko ini pịrịye nwọ ḅerenika ḅụ, na ini Ori ọrịmẹ Ò ḍumo waraḅẹ.

Jọn Iḅi Ḅẹrẹ Mị 14:13

À pịkị ómine ị̀ya ẹrẹ ḅụ ḅọrọ se ḅiye goyegoye nwọ mịẹḅịa, mịẹse Ḍaḅọ Ḅe boma mị Tọkụ Ḅe ḅụ ḅọrọ ḅelepakaḅịa ḅara.

Jọn Iḅi Ḅẹrẹ Mị 15:7

Ó nemikase ị̀ ḅie simemẹ ḅẹḅẹ, ị̀ya ọkwẹịnma pịkị ọ́mịna ḅie simemẹ ḅẹḅẹ, anịsịkị ọ́ ḅụḅẹlẹye goyegoye ọ́ nwọ ḅiḅịa, se ọ́ pịkị anị nyanaḅoḅịa.

Jọn Iḅi Ḅẹrẹ Mị 4:10

Jizọs Ḅe pẹkẹrẹmẹ, “Tamụnọ Ḅe ḍiepịrịye mị ị́ pa nwọ nemi ọkụma, pịkị ị́ ḅara mengi ḅiarịḅọ ḅe nwọ nemimẹ ḅẹ ọkụma, mgbọkụ ị́ ọ̀ ḅara ḅi se ò ḍumo pịrị mengi se ị́ pịrịḅịa.”

2 Kọrịntapụ 2:16

Anịatịḅị ini fasa apụma ḅụ, anị nweni ḅaaḅaa fụrụye-ẹ; ọkụma ini ḍụaḅọrọmasa apụma ḅụ anị ḍumo ọkịḅoḅo kụnụ olo-ẹ. Anịọkụma, tụḅọ, ineda nwọ sime kụrọ fịrị nwọ nwẹngị ḅe?

Jems 1:17

Iḅi ḍiepịrịye na, pịkị karasa ḍiepịrịye goyegoye soḅie Tamụnọ Ḅe ḅara anị koroḅomẹ. Ori anị sotọrụ sime enekuḅu ma Tẹmẹḅọ Ḅe-ẹ, ò ḍinmaḍinmakẹ, anịkanịka ọḅụpịkị se kanakana mị pịrị-ẹkẹ.

Jems 3:17

Ọkụma soḅie wẹrị ḅo nemi mị anị yoriyorimẹ, tatarịye anị, deinma, ḅụnemi, pịkị ikiaḍọkị, anị pịkị ḍikitịḅịfoin na ḅeinmẹ, pịkị iḅi mịẹmịẹye ḅe sokuaye nwọ nyanamẹ; siye ḅie ḅụsin ḅụ, epekelepepe kuḅie chụaka ḅara ḅụ.

Jems 5:16

Anịẹrẹchị, ómine ọ́mịna sima ḍukopakụma jịnḅọ jịnḅọ pịrị, pịkị tẹkẹ jịnḅọ jịnḅọ pịrị mịẹse ọ́mịna ḅụ deinḅịa ḅara, karakaraḅọ ḅe tẹkẹ mị anị kụrọ fịrịnwẹngị nwẹngịmẹ.

1 Jọn 3:22

Ọ̀ ḅara wa ḅiye goyegoye wa nyanamẹ, anịatịḅị oria olokoma wa nwọ koko, pịkị ọ̀ ḅụḅẹlẹye nwọ mịẹmẹ.