Jems 1:4 - Kịrịkẹnị Baịbụl

⁴ Ọkụma ómine ọrị na, ọ́mịna ye-inema mị anga na anga na ḅụ mgba, anị ó se mun lamẹ, ngịsị ḅịkịka ḅara ḅụ, mịẹse ọ́ kara pịkị arịmgba ḅụ ḅeinḅịa ọkụ, mị re kele kọnmẹ nwọ ḅẹye ofori ẹka ḅara.

Jems 1:4 Iomraidhean Croise

Job Ḍiri Mị 17:9

Ini ma osi nyanapụ-ẹ nwọ ḅereni ọkị apụma, ini ọkịmẹ na ini ma anị karakaraye mịẹarịapụ-ẹ.

Fịafịa Nime 37:7

Inema se Nyanaḅọ Ḅe koru se ye ọ̀ mịẹḅịaye mị ọ̀ nwọ mịẹ; ye ḅịrị pịrị àrị apụma gose ị́ ḅụḅalaḅalamama pịkị si ḅọkọḅụ ye dein pịrịarịapụ ma sọnị.

Fịafịa Nime 40:1

Àrị inema sime Nyanaḅọ Ḅe oria ḅarachụa mị korumẹ; anịsịkị ori ị̀ poki se ị̀ya owu mị naamẹ.

Kaḅo Ma 4:8

Nemi mị ḅẹlẹma, anị ị́ mịẹse ị́ ḅo opuḅọ sọḅịa. Anị oḅolo, anị opu ọkịḅo ị́ pịrịḅịa.

Habakọk 2:3

Anị gịẹịn koroma, anịatịḅị anị ḅo mịẹḅịa sịkị malakẹ. Ọkụma sịkị mị anị be ḅoaḅẹ, se à seni ị́ ḍieye mị kọkọma ḅo mịẹḅịa. Anị tẹtẹma ḅoaḅẹ nwọḅẹ ḅara simemẹ nwọḅẹ sọnị, ọkụma anị koru; anị kọkọma kiri ọkịḅịa se ḅarị ọlọ chịẹmaẹkẹ.

Matio 10:22

Nwenimgba taraka se ọ́ wẹrịmaḅịa ị̀ tịḅị gose. Ọkụma anị inema mun kulumalaḅọ kẹngẹ anị ḍụaḅọrọma nyanaḅịaye-ẹ.

Matio 19:20

“Mà oloko mamgba à koko ḅọrọsam, à mịẹḅịa jịnye cheye?” asẹmẹnịḅọ ḅe nwọ pẹkẹrẹmẹ.

Matio 5:48

Ọ́ karagbasịḅịa—anị ọ́mịna Ḍaḅọ soḅie sime ḅọ Ḅe karagbasị ọkụ.

Mak Iḅi Ḅẹrẹ Mị 10:21

Jizọs Ḅe ḅẹlẹma ḅụ kweinma ò ḍiki se nwọ ḅẹmẹ, “Gbọrịye kẹngẹ mị ị́ ḅụpalịmaye-ẹ. Mun ị́ nyana ye mamgba dẹrị, se anịḅe igbiki mị nwọse igwein apụma pịrị, anịsịkị ị́ soḅie ḅakama ngọ nyanaḅịa; anịsịkị ḅo se ị̀ ḍuko.”

Luk Iḅi Ḅẹrẹ Mị 18:22

Jizọs Ḅe mịn mị naa sịkị, ọ̀ nwọse ọ̀ ḅẹmẹ, “Ị́ mịẹ na iḅi gbọrịye pa omi-ẹ. Ị́ nyana aye mamgba dẹrị, se igbiki mị se igwein apụma pịrị, ị́ pịkị soḅie ngọ nyanaḅịa, anịsịkị vinpịkịḅo ị̀ ḍuko.”

Luk Iḅi Ḅẹrẹ Mị 21:19

Ọ́ kụrọma chịẹ anịatịḅị mị ọ́ wẹrị ọ́mịna ḅụ ḍụaḅọrọmaḅịa ọkụ mị-ẹ.

Luk Iḅi Ḅẹrẹ Mị 8:15

Iḅi kiri ḅụ koro ḍipiyemgbọlụma, anị oku mị naa ọkị se anị ḍukoye mịẹapụma-ẹ, ini pịkị inema mun ini chịnmgbọlụ chụa sịkị lamẹ.

Jọn Iḅi Ḅẹrẹ Mị 17:23

Ị̀rị̀ inia ḅie omi-ẹ, ị́rị́ pịkị ị̀ ḅie omi-ẹ, mịẹse ini ḅeinma gbọrịḅụ simeḅịa ọkụ, mịẹse tomonikiri mị nemi na ị́rị́ ị̀ se fịrịmamẹ, na ị́ pịkị ini ḅẹlẹmamẹ, ị́ ị̀ ḅẹlẹma ọkụ mị.

1 Kọrịntapụ 2:6

Anị-ẹ nwọ ḅẹ sọ, nemi oku mị à nwọ ḍukopakụma se kọkọma tẹmẹ ḅụ ogulasapụ ma pịrịmẹ. Ọkụma tomonikiri ḅe nemikẹ anịkanịka sime ḅẹrẹtọn mị tomonikiri pịrịarị kụrọmakẹ—ngẹrị mịna ịnyọ famarị kụrọma.

Galesia 6:9

Anịẹrẹchị, ye ịnyọ mịnaḅụ fama iḅi mịẹ ḅụ, anịatịḅị ịnyọ nemikase mịnaḅụ faka ọkụma, sịkị lasịkị wa ḍipiye wa nwọ sokuḅịa.

Kolosi 4:12

Ẹpafras ḅe anị ọ́mịna kpo mị ḅie sime ḅọ ḅe pịkị Kraịst Jizọs fịrịnwẹngịḅọ ḅe, kereniḅịpị seni ọ́ sẹịnmamẹ, ọ̀ sịkịmamgba ọfịrị kuḅie se tẹkẹ ọ́ pịrịpịrịmẹ, Tamụnọ Ḅe ḅara ḅiaḅẹ na ori ọ́ mịẹse ọ́ kụrọma chịẹ, ogulasa Kraịstḍukonwẹngịapụ ḅara ḅụ, ḅẹrẹ ḅụokorosa apụ ḅara ḅụ, pịkị Tamụnọ Ḅe ḅiarịye nwọ mịẹ ḅeinmasa apụ ḅara ḅụ.

1 Tẹsalonịka 5:23

Ye deinma se wa pịrịpịrị Tamụnọ Ḅe ọ́ mịẹse ómine osiḅụ sime, achọ kịrịkịrị ḅụ se pịkị ó koko—tẹmẹ ḅụ na, ịma ḅụ na, pịkị oju ḅụ na—mịẹse ọ́ ḅẹrẹḅarasi nyanapụ sọ ẹka ḅara, wa Nyanaḅọ Jizọs Kraịst Ḅe ḅoḅịa sịkị ḅụ.

2 Timoti 3:17

Mịẹse Tamụnọ tomoniḅọ ḅe yemamgba ḅụ kara se pịkị ḅụgbẹịnḅịa ḅara, pịkị ḅụkarakarama iḅi fịrịnwẹngịḅịa yegoyegoye nwọ nyanaḅịa ọkụ.

Jems 1:5

Ọkụma ọ́mịna ḅie nemi nyanakaḅọ omi-ẹ ḅẹḅẹ, ye ọ̀ Tamụnọ Ḅe tẹkẹ, anị se ọ̀ pịrịḅịa ḅọ ḅe; anịatịḅị Tamụnọ Ḅe ḅara kịkịmaka ḅaraḅụ papa pịrị ḍikiḅụgerere ḅụ anị se nwenimgba pịrịpịrịmẹ.

Jems 3:2

Mine wa sịkị sịkị ḅụ mịẹirima nyana-nyanamẹ. Ọkụma tomoniḅọ nemikase ọkwẹịn ḅụ mịẹirima nyanakẹ ḅẹḅẹ, iniḅọ karagbasịmẹ, pịkị ineda ḅẹrẹtọn iniḅọ ḅụ pịrịḅịa.

1 Pita 5:10

Ọkụma ó kele tọrụsiọrị so sịkị; ḍikiḅụgerere mamgba ḅe Tamụnọ Ḅe, ọ́ chịn na ó ḅo Kraịst Ḅe ḅụ sọ oria simegbamaso boma mị ḍiaọkị nwọ ḅẹ ḅọ ḅe, gbarị ẹka chukusẹkẹ ḍụparị se ọ́ pịrịḅịa.

2 Pita 1:9

Ọkụma àrị nyanakaḅọ goyegoye iniḅọ tọrụmgbọlụ ginigini so ọkụma, iniḅọ ineda ye ọrị ẹkẹ, se pịkị siḅụ ini iniḅọ mịẹfịafịama ḅọrọsam nwọ ḅẹye mị sọnị iniḅọ ḅieḅaramasam.