Jems 1:3 - Kịrịkẹnị Baịbụl

³ anịatịḅị ó nemimẹ na ye-inema ḅụ mị ọ́ ḅọrọ ọ́mịna ḅereni mị ḅe ḍaḍiki mị nẹngịmaḅịaye-ẹ.

Jems 1:3 Iomraidhean Croise

Luk Iḅi Ḅẹrẹ Mị 21:19

Ọ́ kụrọma chịẹ anịatịḅị mị ọ́ wẹrị ọ́mịna ḅụ ḍụaḅọrọmaḅịa ọkụ mị-ẹ.

Romapụ 15:4

Fịafịa ḍirima ḅie gịẹịn yegoyegoye ye se wa ḍieḅịa ẹrẹchị ini gịẹịnmẹ, mịẹse wa tọrụseḍikiye nwọ nyanaḅịa ḅara, Fịafịa ḍirima se wa pịrịḅịa inema na kuḅiekụrọma na ḅụ.

Romapụ 2:7

Da tomoni iḅi nwọ mịẹmamun-aḅẹ, se boma na osi na ḍọkịaḅẹ, pịkị simegbaso ḍumo na; Tamụnọ Ḅe simegbaso ḍumo nwọse ini pịrịḅịa.

Romapụ 8:25

Ọkụma wa ọrịkaye wa tọrụse nwọ ḍikimẹ ḅẹḅẹ, wa inema anị koruḅịa.

Romapụ 8:28

Wa nemimẹ na Tamụnọ Ḅe ye mamgba se iḅi fịrịnwẹngị ọ̀ ḅẹlẹma apụma pịrịpịrịmẹ, ori ọ̀ tọn ḅara ḅụ chịn ọkịsa apụma.

2 Kọrịntapụ 4:17

Wa mịọkụ ọrịarị simegbaso ẹka boka ḅụfụka mị, anị mine ọkịḅo simegbaso opu boma ḅie chuḅịa, ḅakama ḍụḅatẹịn ḅụfụka mị nẹngịye mị.

Kolosi 1:11

Ye ini oria boma nyana kụrọ mị ḅụ ḅo ịnyọ mị mgba nwọse ọ́ mịẹ kụrọma, mịẹse ómine ineda yegoyegoye nwọ inemaḅịa ḅara.

2 Tẹsalonịka 1:4

Anị mị wa gose ó seni ḅụbomarịye-ẹ Tamụnọ chọchị ma ḅie, ọ́ wẹrị inema se ḅereni nyana mamun-arị ḅara mị wa nwọse ḅụbomamẹ, ómine ọrịarị tọrụsiọrị ma na ḅụfụka ma na ḅie.

2 Tẹsalonịka 3:5

Ye Nyanaḅọ Ḅe ọ́mịna kuḅiemgbọlụma dagbụkụkụma se ọ́ Tamụnọ Ḅe ḅẹlẹma mị nwọ kaịnḅotẹịn pịkị Kraịst Ḅe pịrị ye-inema mị na.

Hibru 10:36

Ómine inema nyanaḅịa, mịẹse ọ́ Tamụnọ Ḅe ḅiye nwọ mịẹḅịa ḅara, pịkị ḅereniye ma nwọ nyanaḅoḅịa ọkụ.

Hibru 12:1

Mine ọkụma, mịn opu tomoni kpo mị onyechịẹ wa gbori kelemamẹ. Anịẹrẹchị, ó ye wa ateli mị ḅụ kikichụa wa pịrịḅịaye goyegoye na pịkị kapụma wa ọlọchịẹma si mị ḅie mịna ḅụsin, se ó ye wa mịna kuḅie laḅara se mịna tọrọkọ sime arụḍụa mangị mị kọn.

Hibru 6:12

Wa ḅikẹ ómine ikula, anịnakaraka, wa ḅimẹ ó ḅereniapụma simeọkụ sime se ye inema, anịatịḅị ini mị Tamụnọ Ḅe ḅereniaye ma nwọ nyana ọkịḅịaye-ẹ.

1 Pita 1:7

Anịgose ọkọ pakaye anị seni ọ́mịna ḅereni mị ḅe karakara nwọ nemiḅịa ẹrẹchị-ẹ. Goli ini ineda simaḅịa ye mị sọnị, ini anị se fịnị ḅie elekima ḍikimẹ, anịẹrẹchị ọ́mịna ḅereni yelatẹịn goli nẹngịye mị sọnị, ini gbarịmaka ḅara ḅụ anị elekima ḍikiḅịa, mịẹse anị chịẹsimeḅịa ọkụ. Anịsịkị ini ḅelema Jizọs Kraịst Ḅe ḍiepakụmaḅịa Ene mị ḅụ ó tokoni na, boma na, pịkị osi na nyanaḅịa.

2 Pita 1:6

ọ́mịna ḍawọnemi mị ḅie ḅụọlọ se chụa; ọ́mịna ḅụọlọ mị ḅie ikirima nyana ọ́ nwọse chụa; ọ́mịna ikirima nyana mị ḅie Tamụnọ kịkẹ ḍumo ọ́ nwọse chụa.