Jems 1:25 - Kịrịkẹnị Baịbụl

²⁵ Ọkụma tomoniḅọ mịẹse iniḅọ mịna ḅụ nyanarị karagbasị sa oloko mị kweinma nwọ ḍiki, pịkị tọrụse anịa ḅụ wẹrị ḅọ ḅe, anị papa poki se anị se ḅiekoromaka ḅọ ḅekẹ, ọkụma anị se mịẹmịẹye ḅụ chu ḅọ ḅe-ẹ—Tamụnọ Ḅe ọ́ ḅẹlẹmaḅịa oria mịẹmịẹaye ma ḅụ.

Jems 1:25 Iomraidhean Croise

Fịafịa Nime 106:3

Ḅieḅẹlẹ sime oria olokoma koko apụma pịrị, nwọ sịkịmamgba karakaraye mịẹarị apụma.

Fịafịa Nime 119:32

À kuḅie laḅara se ị́ tọn ayema kokoḅịa, anịatịḅị kaịnḅo ị́ ḅakama nwọse ị̀ pịrịḅịa.

Fịafịa Nime 119:45

Jụmḅọ chukuḅie oforikaḅọ ḅara à nwọse kpaịnma angaḅịa, anịatịḅị à ḅụkụrọma ị́ telima ayema kokoḅịa.

Kaḅo Ma 14:15

Yenemikaḅọ ḅe ori ọrịye-ọrịye nwọ ḅereniḅịa, ọkụma yenemi apụma ini inia ḅụọma ọbị nwẹngị-nwẹngịmẹ.

Aịzaya 8:20

Ómine ini pẹkẹrẹḅịa, “Nyanaḅọ Ḅe seni ó telimarịye ma ọ́ nwọ poki! Ọ́ tọrụtoluapụ pokima anịatịḅị ini ḍuko ọ́ pịrịḅịa yema ineda ḅụfụka ḅie ọ́ ḍụa ẹkẹ.”

Luk Iḅi Ḅẹrẹ Mị 11:28

Ọkụma Jizọs Ḅe pẹkẹrẹmẹ, “Anịnakaraka, Tamụnọ ọkwẹịn mị naa, se anị ḍukoye mịẹapụma nyanaḅịa ḅieḅẹlẹ la-ọkụ ḍiki!”

Jọn Iḅi Ḅẹrẹ Mị 13:17

Mịọkụ ọ́ kọkọmaye mị nemisam, ọ́mịna ḅieḅẹlẹ laḅịa ọkụ ḍiki, ó nemikase anị seni mịẹmịẹye ḅụ chuḅịa ọkụma!

Jọn Iḅi Ḅẹrẹ Mị 8:36

Tọkụ Ḅe nemikase ị́ mịẹse ị́ ḅụ nyanamẹ ḅẹḅẹ, anị ị́ kọkọma ị́ ḅụ nyanaḅịa.

Okunwẹngịapụ 13:43

Tomonima koḅirima mị ḅie pakaso sịkị, tọn-a Juapụ na Jịnsẹapụ na Pọl ḅe na Banabas ḅe na ḍukomẹ anị vinpịkị ḅo Juapụ Tamụnọ ḅẹrẹ nemi mị ḅie sọsa apụ ma-ẹ. Okunwẹngịapụ ma ọkwẹịn ini pịrị se inia kuḅie kụrọmamẹ na ini Tamụnọ ḍikiḅụgerere mị ḅie sime anga gbaso.

Okunwẹngịapụ 2:42

Ini inia sịkị fama okunwẹngịapụ ma ḅara yeḍawọmẹ, ḅarachụa mịẹgbolomaye mị ḅụ fịrịnwẹngịmẹ, inia ḅụ sọ fịye fị se pịkị tẹkẹmẹ.

Okunwẹngịapụ 26:22

Ọkụma ọkịḅo mịmgba ene mị nwọ la sọ, Tamụnọ Ḅe ọ̀ ḅarachụa ị̀ pịrịmẹ, anị mịẹse à mịnyọ chịẹ sime onyechịẹ nweni mgba pịrịaḅẹ, opu ḅọ na kala ḅọ na gbọrị ḅara mị ḅụ. À ḍukoye mị anị ịkịankoroapụma na Moziz ḅe na ḍuko sime na pakaḅịa nwọ ḅẹ gbọrịye mị-ẹ.

Romapụ 11:22

Mịọ wa Tamụnọ Ḅe iḅi mịẹ kuḅie na pịkị owoi kuḅie na simeọkụ nwọ ọrịsam. Ori owoi ḅịkịapụ ma dapakamẹ, ọkụma iḅimịẹ kuḅie nyana ọ́ pịrịmẹ—ó nemikase mị kuḅie mị ḅụ simemamunmẹ ḅẹḅẹ. Ọkụma ómine ọkọ mịẹkẹ ḅẹḅẹ ómine sọnị ini ọ́ kanị sinḅịa.

Romapụ 2:13

Anịatịḅị Oloko mị nwọ na mị ḅụ tomoni ḅọrọ Tamụnọ Ḅe na karakara ḅụ simekẹ, ọkụma Oloko mị tọnye mị nwọ mịẹ mị ḅụ-ẹ.

Romapụ 7:12

Anịọkụma Oloko mị na mịnaḅụ na anị fịafịamẹ; tọn na mịẹ ma-ẹ nwọ ḅẹye mị sọ pịkị fịafịa, karakara, se iḅimẹ.

Romapụ 8:15

Anịatịḅị Tamụnọ Ḅe se ọ́ pịrị Tẹmẹ Ḅe ori ó se omoniapụ mịẹkẹ, ọ̀ pịkị ḅalafa se ọ́ pịrịkẹ, anịnakaraka, Tẹmẹ Ḅe ó se Tamụnọ awọ mịẹmẹ se Tẹmẹ Ḅe kụrọ ḅụ mị wa ḅọrọ oloku owu Tamụnọ Ḅe chịn-arịye-ẹ, “Ḍaḅọ! Ị̀ya Ḍaḅọ!”

Romapụ 8:2

Anịatịḅị mine ọkịḅo Kraịst Jizọs Ḅe na gbọrịye mịẹ Tẹmẹ Ḅe oloko mị, ị̀ fimasam si na fị na oloko mị ḅụ.

1 Kọrịntapụ 15:58

Anịẹrẹchị ị̀ ḅụ yela mịnapụ, ọ́ kụrọma chịẹ, jikeka ḅụ. Se sịkịmamgba Nyanaḅọ Ḅe fịrị mị nwọ nwẹngị, ó nemi warasịkị na Nyanaḅọ Ḅe fịrị nwọ nwẹngị mị ngịsị papa fayekẹ.

2 Kọrịntapụ 13:5

Ómine ọ́mịna ḅụ ma pekeleḍiki se ḅẹrẹkọn ọ́mịna ḅụ ma pịrị, se ḍọkịḅo ọrị nwọfa Oria ḅereni mị ḅie ọ́ wẹrị ḍumoarị otuḅo, pikipikiye ofori-ẹ, ó nemimẹ na Kraịst Jizọs Ḅe Ori ọ́mịna ḅie omi-ẹ? Anị ómine okorona okorona ḅịkịsam nwọ ḅẹye sikima ọkụma.

Galesia 2:4

dapụ ḍọkịmẹ ori anị mịẹ nwọ ḅẹ sọnị. Ini sọnị ḅereni apụ-ẹ nwọ ḅe ḅara ini nwọse yemịẹmẹ, mịna apụma ye ẹnyẹ apụ ḅara se sịnịnị mịna ogboku sọ ḅomẹ, mịẹse Kraịst Ḅe na mine na ḅe gbọrịye mịẹ mị ḅụ, wa ḅọrọ mịna ḅụ nyana ọkụ nwọ ḍọkịḅoḅịa ẹrẹchị. Ini wa se omoniapụ mịẹ ḍọkịmẹ,

Galesia 5:1

Ngẹrị ḅụ nyana mị sime wa pịrịmẹ—Kraịst Ḅe ọ̀ mịẹse wa mịna ḅụ nyanasam! Anịọkụma mịna ḅụ nyana tomoni ḅara ọ́ nwọse chịẹsime, ọ́ ḅarị ḅereni ma ó vinpịkị mun omoniapụ sọ.

Galesia 6:2

Ḅụfụka ḅie ọ́ ḅarachụa jịnḅọ jịnḅọ pịrị, se mịn ḅara mị ḅụ ọ́ Kraịst Ḅe oloko mị ḍukoye nwọ mịẹḅịa.

Kolosi 1:23

Ó ḅereni ḅụ chịẹ tọrọkọ mun anị jike ẹka chukusẹkẹ ḍụparị mị ọgọnọ, iḅiọkwẹịn mị naa ḅụ ọ́ nyanaḅo sa tọrụseḍikiarị sọye mị ḅụ ó jike ma ọ́ pịkị ḅụsikima ma. Mịn iḅiọkwẹịn mị, anị ị̀rị̀ Pọl ḅe ḅo anịa fịrịnwẹngịḅọ nwọ sọye mị-ẹ—mịn iḅiọkwẹịn mị anị ini ḍuko ḅẹḅọ ḅẹḅọ pịrịarịye mị-ẹ, bebe tomonikiri mị mgba ḅie.

1 Timoti 2:15

Ọkụma eremeniḅọ ma ini à ḍụaḅọrọmaḅịa árị awọ yiḅịa sịkị ḅụ, á nemikase ḅereni ḅụ na ḅẹlẹma ḅụ na ḅụ se osiḅụ wẹrị sime se inema ḅụ ḅụkpaịnmamẹ ḅẹḅẹ.

1 Timoti 4:16

Ị́ ḅụ ọbị, pịkị ị́ ḍiearịye ma ọbị. Mayema nwọ mịẹmamun, anịatịḅị ị́ ọkọ mịẹmẹ ḅẹḅẹ, ị́ ị́ ḅụ na ị́ ḍukoye naarịapụ ma na nwọ ḍụaḅọrọmaḅịa.

Hibru 12:15

Ngịsị Tamụnọ Ḅe ḍikiḅụgerere mị ḅụ ó vinpịkị ọḅụdama. Ye gbọrịḅọ sọnị vinpịkịḅo akụ chịn nwọ sọma, anị anịa akụ mị na sẹnị pakaḅo ḅụfụka se tọn-apụ pịrịye mị.

Jems 2:12

Wa finma oloko mị ḅẹrẹkọn pịrịḅịa apụ ḅara ọ́ nwọse ọkwẹịn kọn pịkị ye mịẹ.

1 Pita 2:16

Ómine ngẹrị mịnaḅụ nyana apụ ḅara nwọse ḍumokọn, ọ́mịna ngẹrị ḅụ nyana mị, ọ́ nwọse gbẹịnma si ye mịẹ ma, ọkụma ọ́ Tamụnọ Ḅe omoniapụ ḅara nwọse ḍumokọn.

1 Jọn 2:24

Anị ḅụokoroye nwọ sọ na, sakị sịkị ngịsị ọ́ naasa oku mị ó kuḅie ḅụ ọ́ nwọse ḅiekoroma. Anị oku mị ọ́ nwọ kokomẹ ḅẹḅẹ, anịsịkị re anị ó ḅo Tọkụ Ḅe na pịkị Ḍaḅọ Ḅe na gbọrịḅụ simeḅịaye-ẹ.

Ḍieḅelema Yema 14:13

Anịsịkị soḅie à pụkọ naamẹ, anị nwọse ị̀ ḅẹmẹ, “Mịn gịẹịn, mịọkụ ọkịmun: Ḅieḅẹlẹ sime Nyanaḅọ Ḅe fịrị mị ḅụ sime fị apụma pịrịmẹ!” “Iin, anị anị simeọkụ-ẹ!” Tẹmẹ Ḅe ọkọ ḅẹmẹ, “Inia kụrọ-a fịrịma ḅụ ini ịnyọsaraḅịa, anịatịḅị inia fịrịma ini na mun mẹ.”

Ḍieḅelema Yema 22:14

Ḅieḅẹlẹ sime inia koro ḅụchụayema sịkịrị fịafịama apụma pịrịmẹ, anịatịḅị ini kụrọ nyanamẹ ḍumo chịn mị ḅe chịnmgbọlụ mị nwọ fị, pịkị onu ḅọkọ ma ḅie ḅọrọ mun opuama mị ḅie sọ.

1 Samụẹl 12:14

Yemamgba ómine na iḅiḅịa ó nemikase Nyanaḅọ ọ́mịna Tamụnọ Ḅe osi, fịrịnwẹngị ọ̀ pịrị, ọ̀ ḅịpị poki, se oria olokoma koko pịkị nemikase ómine na ọ́mịna amanyanaḅọ ḅe na ò ḍukonwẹngịmẹ ḅẹḅẹ.