Jems 1:22 - Kịrịkẹnị Baịbụl

²² Ómine oḅori se ọ́mịna ḅụ chịnma, papa oria ọkwẹịn mị poki ḅụ, anịnakaraka, ómine anị se mịẹmịẹye ḅụ chu.

Jems 1:22 Iomraidhean Croise

Aịzaya 44:20

Ò koroma ḅara fọn mị taḅa mị opuma iḅiye ọkụ simemẹ. Oria yenemika mịẹaye ọ̀ dairima so ọkụma ḅarachụa ọ̀ pịrịḅịa eke mị ọ̀ ḅọrọsam. Ò ḅereni ọkị ẹkẹ na ọ̀ nwọ ọ̀ ḅaraḅie ọlọ se tẹkẹ àrị ye mị ngịsị tamụnọkẹ.

Jerimaya 11:6

Anịeso, Nyanaḅọ Ḅe ị̀ ḅẹmẹ, “Juda opuamama ḅie na Jerusalẹm ateli ma ḅie na mun. Anịnyọ ḍuko kelema tomonima pịrị ị̀ya oku mị ini nwọ poki se ọḅọkụ mị olokoma ḍukoye mịẹ.

Obedaịa 1:3

Ị́ya ḅụdekichịẹma mị anị oḅori se ị́ chịnsam. Ị́ya tịḅịnị ama mị ị́ anị se kụrọ ịkụ ọgọnọ ḅụ owuni ineda tolu sọ ẹka nyọ mịẹsam; ị́ya warị mị gelele tụndụma ọgọnọ omi-ẹ gose, ị́ nwọse ị́ ḅụ ḅẹmẹ, ‘Tụḅọ ineda ị̀ jine koromaḅẹ?’

Matio 12:50

Soḅie ị̀ Ḍa Ḅe ḅi na mịẹ nwọ ḅẹ ye mịẹ ḅọ goyegoye anịḅọ mị ị̀ mbire-ẹ, pịkị ị̀ mbụra-ẹ, pịkị ị̀ nyengi-ẹ.”

Matio 28:20

ye se ini ḍie, oloko ḅara ḅụ à se ọ́ pịrị aye layelaye ini nwọ koko. Ḍiki à sịkịmamgba ómine na simeḅịa, ọkịmun tomonikiri mị ḅe kuluma sịkị la.”

Luk Iḅi Ḅẹrẹ Mị 11:28

Ọkụma Jizọs Ḅe pẹkẹrẹmẹ, “Anịnakaraka, Tamụnọ ọkwẹịn mị naa, se anị ḍukoye mịẹapụma nyanaḅịa ḅieḅẹlẹ la-ọkụ ḍiki!”

Jọn Iḅi Ḅẹrẹ Mị 13:17

Mịọkụ ọ́ kọkọmaye mị nemisam, ọ́mịna ḅieḅẹlẹ laḅịa ọkụ ḍiki, ó nemikase anị seni mịẹmịẹye ḅụ chuḅịa ọkụma!

Romapụ 2:13

Anịatịḅị Oloko mị nwọ na mị ḅụ tomoni ḅọrọ Tamụnọ Ḅe na karakara ḅụ simekẹ, ọkụma Oloko mị tọnye mị nwọ mịẹ mị ḅụ-ẹ.

1 Kọrịntapụ 15:33

Ye ini oḅori se ọ́ chịnma. “Si nwẹngị gboloma iḅi mịẹmịẹye sima simamẹ.”

1 Kọrịntapụ 3:18

Gbọrịḅọ sọ oḅori se iniḅọ ḅụ chịnma. Nemikase mị tomonikiri mị ḅe yekoroma ḅara ḅụ, ọ́mịna ḅiekoroma na ò yenemimẹ nwọ ḅẹ ḅọ sime sime, ye ori oḅori sọ; mịẹse ọ̀ kọkọma yenemiḅịaye gose.

1 Kọrịntapụ 6:9

Pikipikiye ofori-ẹ, ó nemimẹ na sitịḅị nyanaḅọ Tamụnọ Amanyanakiri mị ḍieọkị ẹkẹ. Ómine oḅori se ọ́ ḅụ chịnma; sẹfịapụ anịkanịka oru tẹkẹapụ anịkanịka jịn apụ ere ḍọkịapụ anịkanịka owuḅọ na owuḅọ na gboloma

Galesia 6:3

Tomoniḅọ nemikase koromamẹ na iniḅọ ye sọ waraḅẹ iniḅọ ye ḅụ ofori sịkị ḅụ, iniḅọ papa oḅori se iniḅọ ḅụ chịn-aḅẹ.

Galesia 6:7

Ómine oḅori se ọ́mịna ḅụ ma chịnma, ineda oḅori se Tamụnọ chịnḅịa ḅọ ofori-ẹ. Tomoniḅọ ḅe ò ḍipiye mị ọ̀ pịkị sokuḅịaye-ẹ.

Filipaị 4:8

Anịḅe kuluma, ị̀ya mịnapụ, ómine iḅiaye na, tokoni gbẹịn-aye na, nwọse ọ́mịna kuḅiema ḅie chụa ḅeinma, kọkọmaye, mangịma nyanaye, karakaraye na, ḍukoyeḅụoforiaye na, ḅẹlẹma na gbẹịn-aye; pịkị osi nyanaye na.

Kolosi 3:17

Ọ́ mịẹḅịa yegoyegoye pịkị ḍukoḅịa yegoyegoye Nyanaḅọ Jizọs Ḅe ẹrẹ ḅụ anị wẹrị mịẹ, ómine ọ̀ ḅụ ḅọrọ mịẹḅaka se Tamụnọ Ḍaḅọ Ḅe ḅẹ àrị sịkị.

2 Timoti 3:13

Ọkụma si apụma na ḅụ se laka kiri otoma apụma na ini siye ḅụ ḅọrọ mun sitẹịnye ḅie sọḅịa, oḅori se jịn apụ chịn pịkị oḅori se inia ḅụ chịn aḅẹ.

Taịtọs 3:3

Anịatịḅị mine na mịnaḅụ na gbọrị sịkị wa oḅorisọ na, ḅịpịpokika na pịkị mịẹirima na ḅụ simemẹ. Wa omonisọ oju mị ḅụḅẹlẹaye ma na tọrụkịrịkịrị ḅụḅẹlẹaye na nwọ pịrịmẹ. Wa mịna ḍumo ma se ḍikiḅụnwọnwọ na ḍikitọrụfụka na pịrịmẹ; jịn apụ taraka se wa wẹrịmamẹ, mine pịkị taraka se ini wẹrịmamẹ.

Jems 1:26

Ọ́mịna ḅie koroma na iniḅọ Tamụnọ nemimẹ nwọ ḅẹ ḅo omi? Se ori ineda ọ̀ ḅẹlẹ ọlọkẹ ḅẹḅẹ, oria Tamụnọ nemi mị papaye-ẹ, ọ̀ pịkị oḅori se ọ̀ ḅụ chịn aḅẹ.

Jems 4:11

Mịnapụ! Ó jịnḅọ jịnḅọ ḍukosima ma. Mịna juo Kraịstḍukonwẹngị mịnaḅọ ḍukosima anịkanịka ḅẹrẹkọn iniḅọ pịrịḅọ goyegoye, iniḅọ Oloko mị nwọ ḍukosima pịkị ḅẹrẹkọn anị pịrịmẹ. Ị́ nemikase ḅẹrẹkọn Oloko mị pịrịmẹ ḅẹḅẹ, ị́rị́ ḅarị Oloko mị ḍukoye mịẹ ḅọkẹ, ọkụma ḅẹrẹkọn anị pịrị ḅọ-ẹ.

Jems 4:17

Anịọkụma, nwọ iniḅọ mịẹ gbẹịn iḅiye mị nemi se anị mịẹka ḅọ ḅe ò si mịẹmẹ.

2 Pita 2:13

Se tọrụsiọrị ini nwọse ini gbẹịnḅịa ini mịẹse jịn apụ tọrụsiọrị ye gose. Sime ini pịrị ḅieḅẹlẹ anị enekaka fịafịa ogbo ḅụ inia ojumịnị ma ḅụḅẹlẹḅịaye goyegoye nwọ mịẹ mị-ẹ. Ini ḅụgereremamẹ pịkị ḅụ simamẹ ini ómine na yefị gbolomarị sịkị, sịkịmamgba ini nwọ inia epele-a ḍumo ma ḅụ ḅieḅẹlẹarị sịkị.

1 Jọn 1:8

Wa nemikase ḅẹmẹ na wa si nyanakẹ nwọ ḅẹ ọkụma wa oḅori se mịnaḅụ chịnmẹ, kọkọmaye mị pịkị mịna ḅie ofori-ẹ.

1 Jọn 2:3

Nemikase wa Tamụnọ Ḅe olokoma kokomẹ ḅẹḅẹ, anịsịkị re mịn anị mịna ḅụokorosaye-ẹ na wa ò nemisam.

1 Jọn 3:7

Ị̀ya awọ, ye gbọrịḅọ sọnị oḅori se ọ́ chịnma! Karakaraye mịẹ ḅọ goyegoye iniḅọ karakara ḅọ-ẹ, anị Kraịst Ḅe sọnị karakara ḅọ ọkụ mị-ẹ.

3 Jọn 1:11

Ị̀ ḅụ yela ikiaḅọ, si ye nwọ ḍama, ọkụma iḅiye mị nwọ ḍa. Iḅiye mịẹḅọ goyegoye sime Tamụnọ Ḅe pịrịmẹ; si ye mịẹḅọ goyegoye ma iniḅọ Tamụnọ Ḅe ọrịkẹ.

Ḍieḅelema Yema 12:9

Opu dragọn ḅe ini ò de koromamẹ—ori olomu sịkị ḅe oruwu ḅe, ini Oru se chịnḅọ ḅe, tomonikiri mị mgba telima ḅọ ḅe. Ori na oria enjẹlapụ mamgba ini ini de tomonikiri sẹịnmamẹ.

Ḍieḅelema Yema 22:7

Jizọs Ḅe nwọ ḅẹmẹ, “Poki!” “Ḅọlọka sịkị ḅụ à ḅoaḅẹ! Ḅieḅẹlẹ sime mị ḍiri mị ḅie sime ịkịankoro ọkwẹịnma ḍukoarịye ma mịẹ apụma pịrịmẹ!”