Jems 1:21 - Kịrịkẹnị Baịbụl

²¹ Anịẹrẹchị ịlọlị ḍumo na pịkị sitịḅị mịẹmịẹaye mamgba na ḅụ ọ́ ḅụsin. Ọ́ ḅụ iderima Tamụnọ Ḅe pịrị se ò se ọ́mịna kuḅie ḅụ ḍipi ọkwẹịn mị nwọ ọkị, ineda ọ́ ḍụaḅọrọmaḅịaye mị.

Jems 1:21 Iomraidhean Croise

Fịafịa Nime 25:9

Ḅụ-iderimapụ ma ori ini pamun karakara ateli ḅie chu se pịkị ọ̀ tọn ayema se ini ḍiemẹ.

Aịzaya 2:20

Anị ene mị ḅolaḅịa sịkị, ini goli na seleḅa na seni tẹmẹ oru ma, ini àrị se gbin wokumaḅịa, se àrị sarakoroma ofunguru ma na poku ma na pịrịḅịa.

Aịzaya 29:19

Anịsịkị ḅolaḅịa sịkị igwein se ḅụ iderima apụma ini Nyanaḅọ Izrẹl fịafịa Tamụnọ Ḅe, pịrị ḅieḅẹlẹ mị nwọ nyanaḅịa.

Aịzaya 30:22

Ọ́ tẹkẹ àrị ḍumo nyanaka ayema, ini seleḅa se ḅirimaye ma, anịkanịka ini goli se ḅirima ḍumo nyanaka ayema, ómine àrị deki se ḅụrụye gbin wokuma ọkụ àrị wokuma se oloku nwọḅẹḅịa, “Ị̀ tọrụkuḅu ọ́ ḅụ sikima!”

Aịzaya 61:1

Kụrọmamgba Nyanaḅọ Ḅe oria kụrọ mị se ị̀ mịẹ ḅeinmasam. Ori ị̀ sẹlẹ pịkị ị̀ fịrịmamẹ na Àrị iḅi oku mị ọkịḅo igwein apụma pịrị, Kuḅie kansapụ ma gwọ, Ḍuko kunḅaraḅie sime apụma pịrị na ini soḅịa, Pịkị ḍuko ikoli ḅie sime apụma pịrị na ikoli ḅie ini soḅịa.

Izikịẹl 18:31

Ọ́ mịẹ àrị siye mamgba ḅụ ọ́ ḅarasin, ómine ịwọ koroma na kuḅie na nwọ nyana. Cheye gose ị́ fị ḍọkị-ao?

Izikịẹl 36:25

Fịafịa mengi à nwọse ómine sana se oru ma na, ómine pụlamaye goyegoye ḅụ na ọ́ fịafịaḅịa.

Zẹfanaịa 2:3

Ó vinpịkị Nyanaḅọ Ḅe damamun, ómine ama mị ḅie ḅụiderima se pịkị oria olokoma koko apụma. Ọ́ karakaraye mị mịẹ, se Nyanaḅọ Ḅe tọrụkuḅu ḅụ ómine ọ́mịna ḅụ ma iderima. Sosi fomuḅara ọ́ gbarịḅịa Nyanaḅọ Ḅe oria ḅụosọ mị ḍiepakụmaḅịa ene mị ḅụ.

Matio 5:5

Ḅieḅẹlẹ sime ini pịrịmẹ nwọ ḅụiderimapụma; Tamụnọ Ḅe ḅereniye mị inia ḅaralaḅịa!

Jọn Iḅi Ḅẹrẹ Mị 6:63

Tamụnọ Tẹmẹ mị anị ḍumo pịrịarịye mị-ẹ, ngịsị tomoniḅọ kụrọ mị anị ye ḅụ ofori-ẹ. À ḍuko ọ́ pịrịsa ọkwẹịnma anị ḍumo pịrị Tamụnọ Tẹmẹ mị ọkịḅoarịye-ẹ.

Jọn Iḅi Ḅẹrẹ Mị 6:68

Saịmọn Pita ḅe pẹkẹrẹmẹ, “Nyanaḅọ, wa so tụḅọ damamun ḅe? Ị́rị́ mị simegbaso ḍumo pịrịpịrị ọkwẹịnma nyanaḅọ Ḅe-ẹ.

Okunwẹngịapụ 10:33

Anị à gose kirikiri ị́ fịrịmaye-ẹ, ị́ ḅo ḅara iḅimẹ. Mịọkụ mine mgba Tamụnọ Ḅe tọrọkọ omi-ẹ, Nyanaḅọ Ḅe tọn ị́ pịrị na ḍuko-ẹ nwọ ḅẹye goyegoye nwọ pokiḅịa ẹrẹchị.”

Okunwẹngịapụ 13:26

“Ị̀ juo Izrẹlapụ, Ebraham furoḅie apụ, pịkị ómine mịnyọ sime Tamụnọ Ḅe tẹkẹarị Jịnsẹapụ mamgba: mị ḍụaḅọrọma oku mị, mine gose ini anị se fịrịmamẹ!

Romapụ 1:16

Ị̀ kuḅie mgba à nwọse Iḅiọkwẹịn mị ḅụ gbanamẹ, anịatịḅị anị mị Tamụnọ Ḅe se ḅereniapụ goyegoye ḍụaḅọrọmaḅịa kụrọ mị-ẹ, Juapụma tatarị-ẹ, ọḅụkọ Jịnsẹapụma na.

Romapụ 11:17

Oliv nwọ chịn chịn ḅụ ini ḍipi se ḍikiḍikipakụmaḅo ịkpangịma ḅụ daye ini nwọ pẹlẹsinsam, se piri ḅie ngẹrị pakaḅo oliv chịn ịkpangị nwọse anịa ḅụ oḅolo chụamẹ. Ómine Jịnsẹapụma piri ḅie ngẹrị pakaḅo oliv chịn mị simeọkụ ọ́ nwọ simemẹ, mịọkụ Juapụma ḅụ ịnyọ na ḅein tẹmẹ anga ḍumo mị ọ́ nwọ ḍiaọkịsam.

Romapụ 6:17

Ọkụma mịẹḅaka sime Tamụnọ Ḅe pịrị! Anịatịḅị gbọrị sịkị ómine omoni sọ si pịrịmẹ nwọ ḅẹ sọnị, ini se ó ḍieye ma ḅụ ọ́ ḍọkịḅo kọkọmaye ma, ọ́mịna kuḅie mgba ọ́ nwọse ḅịpịpoki ḅara se àrị daọkịsam.

1 Kọrịntapụ 15:2

Anị iḅiọkwẹịn mị-ẹ, à ḍuko ọ́ pịrị oku mị. Ọ́ ḍụaḅọrọma nyanasam ó nemikase kapụma iḅiọkwẹịn mị ọlọmẹ ḅẹḅẹ—ọ́ papa ḅerenimẹ nwọ ḅẹye sikima ọkụma.

2 Kọrịntapụ 7:1

Maye mamgba ini ḅereni wa pịrịmẹ ị̀ ḅụ yela ikiapụ. Ye anịọkụma wa mịna ḅụ ma mịẹ yoriyorima oju anịkanịka tẹmẹ mịẹfịafịama ẹka ye goyegoye ḅụ, se okorona okorona fịafịa pịkị Tamụnọ Ḅe ḍikiḅalafa ḅụ wẹrị ḍumo.

Ẹfịsọsịapụ 1:13

Ómine sọnị ḅo Tamụnọ tomoni nwọ sọmẹ ọ́ kọkọma oku mị nwọ naa sịkị, anị ḍụaḅọrọma ọkịḅo ọ́ pịrị Iḅi Ḅẹrẹ mị. Ọ́ Kraịst Ḅe ḅerenimẹ, se Tamụnọ Ḅe ori ọ́ nyanamẹ nwọ ḅẹ elekima se ọ́mịna ḅụ chụamẹ, Fịafịa Tẹmẹ Ḅe nwọse ọ́ pịrị mị ḅụ, ò ḅereni ọ́ pịrịye mị.

Ẹfịsọsịapụ 4:22

Anịẹrẹchị, ómine ọ́mịna olomu oju mị ḅụ ḅarasin, ọ́ mịẹse ómine olomuma kọnkọn ḍumo ḅara mị kọnye mị—oḅori se anị chịn-arị pụkọsolima ayema ḅiarị olomu oju mị.

Ẹfịsọsịapụ 4:25

Anịọkụma iruo kọn ḅarị ofori-ẹ! Ḅẹḅọ ḅẹḅọ karakaraye mị ḍuko iniḅọ juo ḅereni nyanaḅọ pịrịḅịa, anịatịḅị mine mgba Kraịst oju mị ḅụ gbọrị apụ-ẹ.

Ẹfịsọsịapụ 5:4

Anị pịkị ḅụgbẹịnkẹ ḅụgererema ọkwẹịn, yenemika ọkwẹịn, anịkanịka yesọka ḅara ọ́ nwọse ọkwẹịn kọn. Anịnakaraka mịẹḅaka se Tamụnọ Ḅe ḅẹ.

1 Tẹsalonịka 1:5

Anịatịḅị mine Iḅi Ḅẹrẹ mị ọkịḅo ọ́ pịrịmẹ, papa ọkwẹịn ḅụ kẹngẹkẹ, ọkụma pịkị Fịafịa Tẹmẹ Ḅe kụrọ mị na-ẹ, anị pịkị ḅụokoromẹ na mịna oku mị kọkọmaye-ẹ. Wa ómine na sime sịkị, ọ́mịna iḅi gose wa se ḍumo kọn ọkụ ó nemimẹ.

1 Tẹsalonịka 2:13

Wa gose pịkị sịkịmamgba mịẹḅaka se Tamụnọ Ḅe ḅẹarị jịnye omi-ẹ. Wa Tamụnọ oku mị ọkịḅo ọ́ pịrị sịkị, ómine anị naa se pịkị anị ọkịmẹ, tomoniḅọ oku ḅara ọ́ nwọse anị ọkịkẹ, ọkụma Tamụnọ oku ḅara ọ́ nwọse anị ọkịmẹ, anị anị pịkị kọkọma simeọkụ-ẹ. Anịatịḅị Tamụnọ Ḅe ómine ḅereniapụma ḅie ọ̀ fịrịnwẹngịaḅẹ.

Taịtọs 2:11

Anịatịḅị Tamụnọ Ḅe ọ̀ nyana nweni mgba pịrị ḍụaḅọrọma ḍikiḅụgerere mị ḍieḅelemasam.

Hibru 12:1

Mine ọkụma, mịn opu tomoni kpo mị onyechịẹ wa gbori kelemamẹ. Anịẹrẹchị, ó ye wa ateli mị ḅụ kikichụa wa pịrịḅịaye goyegoye na pịkị kapụma wa ọlọchịẹma si mị ḅie mịna ḅụsin, se ó ye wa mịna kuḅie laḅara se mịna tọrọkọ sime arụḍụa mangị mị kọn.

Hibru 2:3

Nde, anịọkụma, fomuḅara wa gbarịḅịa ọkụ wa nemikase nwọ sime opu ḍụaḅọrọma nwọse yechịnka ọkụma? Nyanaḅọ Ḅe ḅarana tatarị mị ḍụaḅọrọma mị ḍukopakụmamẹ, se ò ḍukoye naa apụma pịkị se wa ḍiemẹ na kọkọmaye-ẹ.

Hibru 4:2

Anịatịḅị wa Iḅi Ḅẹrẹ mị naasam anị ini sọnị naa ọkụ mị-ẹ. Ini naa oku mị anị iḅi se ini mịẹkẹ, anịatịḅị ḅereni ḅụ ini anị ọkịkẹ.

Jems 4:8

Tamụnọ Ḅe kpekima ori sọnị pịkị ị́ kpekimaḅịa. Ómine ọ́mịna ḅarama sịkịrị, ómine si apụma! Ọ́mịna kuḅiemgbọlụma ọ́ nwọ mịẹfịafịama, ómine epekelepepe apụ!

Jems 5:20

ọ́ mịn mị nwọse ḅiekoroma na, si ḅọ mịẹse iniḅọ mịẹirima ḅụ vinpịkị ḅọ goyegoye, ori ḅọ ḅe ò si ḅọ ḅe tẹmẹ mị nwọ ḍụaḅọrọmaḅịa fịḅụ, pịkị tọn-a si ḅụḅarasin pịrị nwọ ọkịḅoḅịa.

1 Pita 1:22

Mịọkụ ọ́ kọkọmaye mị ḍukoye nwọ mịẹsaye gose, ómine ọ́mịna ḅụ ma nwọ mịẹfịafịamasam, se kọkọma ọ́mịna juo ḅereni apụma nwọ ḅẹlẹmaḅẹ, ọ́ karakara ḅara nwọse ó kuḅie laḅara se jịnḅọ jịnḅọ ḅẹlẹma.

1 Pita 1:9

anịatịḅị ó gose ḅereni nyanaye mị ọ́mịna ḅara la aḅẹ, anị ọ́mịna tẹmẹma ḅe ḍụaḅọrọma mị-ẹ.

1 Pita 2:1

Anị gose siaye mamgba ḅụ ómine ọ́ ḅụ sin, ọ́ ḅarị iruo anịkanịka epekelepepe ḍumo anịkanịka jịnḅọ ḍiki pụkọsoli anịkanịka jịnḅọ wọlọ ọkwẹịn kọn ma.

1 Pita 2:11

Ị̀ya ikiapụ, à kụrọma ḍuko ọ́ pịrịaḅẹ, mị tomonikiri mị ḅie igoniapụ na pịkị tịḅị se nweni pịrị apụma na ḅara ḅụ! Ómine ọ́ ḅụ se ojumịnị mị pụkọtarịarịye ma pịrị ma, sịkịmamgba tẹmẹ mị na ọmụgbin-arịye ma.