Jems 1:16 - Kịrịkẹnị Baịbụl

¹⁶ Ị̀ ḅụ yela mịnapụ, ó ḅereni ma ini oḅori se ọ́ chịn!

Jems 1:16 Iomraidhean Croise

Matio 22:29

Jizọs Ḅe ini pẹkẹrẹmẹ, “Ó ḍuko irima ọkụ ḍiki! Anịatịḅị Fịafịa ḍiri mị, anịkanịka Tamụnọ Ḅe kụrọ mị la-ọkụ sọnị ó nemikẹ.

Mak Iḅi Ḅẹrẹ Mị 12:24

Jizọs Ḅe ini pẹkẹrẹmẹ, “Ó koroma irima ọkụ ḍiki! Cheye mịẹ anị ọkọpaka? Anịatịḅị ọ́ Fịafịa ḍiri ma anịkanịka Tamụnọ Ḅe kụrọ mị nwọ nemikẹ.

Mak Iḅi Ḅẹrẹ Mị 12:27

Ori fịapụ Tamụnọ kẹ, ọkụma ḍumoapụ Tamụnọ-ẹ. Ó jokoma koroma irimamẹ!”

Okunwẹngịapụ 1:15

Ḍin kalaye ḅo ḅọrọ sịkị, ḅereniapụma koḅirimamẹ, inimgba ini pa kịnị-a sonioasi la ḅịa, anị Pita ḅe sịsẹ ọkwẹịnye-ẹ.

1 Kọrịntapụ 6:9

Pikipikiye ofori-ẹ, ó nemimẹ na sitịḅị nyanaḅọ Tamụnọ Amanyanakiri mị ḍieọkị ẹkẹ. Ómine oḅori se ọ́ ḅụ chịnma; sẹfịapụ anịkanịka oru tẹkẹapụ anịkanịka jịn apụ ere ḍọkịapụ anịkanịka owuḅọ na owuḅọ na gboloma

Galesia 6:7

Ómine oḅori se ọ́mịna ḅụ ma chịnma, ineda oḅori se Tamụnọ chịnḅịa ḅọ ofori-ẹ. Tomoniḅọ ḅe ò ḍipiye mị ọ̀ pịkị sokuḅịaye-ẹ.

Filipaị 2:12

Anịẹrẹchị ị̀ ḅụ yela ikiapụ, ọ́ sịkịmamgba à ḍukoarịye mịẹmịẹḅara ḅụ àrị ómine na sime sịkị ḅụ, anị pịkị mịọkụ kụrọtẹịnmẹ na ómine à ḍukoye nwọ mịẹ, àrị ómine na ofori sịkị ḅụ sọnị. Ọ́ pa pịkị ḅalafa na ḅụgeregere na se fịrịnwẹngị mun ọ́mịna ḍụaḅọrọma mị nwọ karama.

Filipaị 4:1

Anịẹrẹchị, ị̀ya mịnapụ, ómine ị̀ ḅụ yela ọkụ ḍiki, à pịkị ómine na irima ọkụ ḍiki! Ómine ị̀ mịẹse à ḅieḅẹlẹ ọkụ ḍiki, à pịkị ó seni opuaye mịẹarị ọkụ ḍiki! Anịọkụma, ị̀ya mịnapụ, mịn ḅara mị ọ́ nwọse gagama chịẹ ọ́mịna ḍumo ḅụ Nyanaḅọ Ḅe ḅie.

Kolosi 2:4

Anịọkụma, à ḍuko ọ́ pịrịaḅẹ ó ḅereni se gbọrịḅọ sọnị iruoaye se ḅo ómine na ḅẹrẹ piki-a se oḅori se ọ́ chịnma, anị ḅẹrẹ nyanakẹ anị iḅi la-ọkụ la-ọkụ sọnị.

Kolosi 2:8

Ómine ọrị na gbọrịḅọ sọnị tomonikiri mị ḅe ofori ofori nemi nwọse ó seni omoniapụ mịẹ ma, anị tomoni-a ḅaraḅo ḍieaye na tomonikiri mị ḅie ḅẹrẹtọn àrị tẹmẹma ḅara ḅoye ma, anị Kraịst Ḅe ḅara ḅokaye ma.

2 Timoti 2:18

Ini kọkọmaye mị ḅụ ḅarasinsam, se da ḅereni apụ nwọ pikirimaḅẹ inia ḅereni ḅụ, nwọ ḅẹ na mịna fịḅụsịsẹ mị kiri ọkị ḅọrọsam nwọ ḅẹye ḅụ.

Hibru 13:1

Ọ́ jịnḅọ jịnḅọ ḅẹlẹma ḅụ sime ma mun Kraịstḍukonwẹngị mịnapụ ḅara ḅụ.

Jems 1:19

Ọ́ mịn mị se ḅiekoroma, ị̀ ḅụ yela mịnapụ! Tomoniḅọ goyegoye poki ḅụ obiri, ọkụma be ọkwẹịn ma pịkị be ịganị ma.

Jems 1:2

Ị̀ya mịnapụ, iḅifụḅara nyanapụ ḅara ọ́ nwọse ọ́mịna ḅụ ma kịẹnma, ḍaḍiki tọrụ kịrịkịrị ḅo ọ́ lasịkị,

Jems 2:1

Ị̀ya mịnapụ, wa Nyanaḅọ Jizọs Kraịst Ḅe ḅereni apụ ḅara ḅụ, ó tomoni-a tọrụḍiki ḅara se nweni na anga ma.

Jems 2:14

Ị̀ya mịnapụ, anị che iḅiyemịẹ ḅe, nemikase tomoniḅọ nwọ ḅẹ na, ò ḅereni nyanamẹ se fịrị ḅụ anị ḍiepakụmakẹ nwọ ḅe ọkụma? Oria ḅereni mị anị ineda ọ̀ ḍụaḅe?

Jems 2:5

Ó poki, ị̀ ḅụ yela mịnapụ! Tamụnọ Ḅe mịn tomonikiri mị ḅie igwein apụma sẹlẹ se ini ḅereni ḅụ alakọn apụ nwọ sọmẹ, pịkị mịẹse ini amanyanakiri mị nwọ ḍiaọkịmẹ, ò ḅereni ọ̀ ḅẹlẹma apụma pịrịye mị.

Jems 3:1

Ị̀ya mịnapụ! Ómine mgba yeḍieapụ sọ ẹkẹ. Ó nemimẹ na mine yeḍieapụ ma ḅẹrẹkọn mị, kụrọtẹịn jịn apụ ye nwọ nẹngịḅịa.

Jems 3:10

Mịẹḅaka ḅẹ ọkwẹịn na, nimeworiaye ma na, mị gbọrị ḅịpị mị ḅie àrị pakaḅomẹ. Ị̀ya mịnapụ! Anị ọkọ paka gbẹịnkẹ!

Jems 4:11

Mịnapụ! Ó jịnḅọ jịnḅọ ḍukosima ma. Mịna juo Kraịstḍukonwẹngị mịnaḅọ ḍukosima anịkanịka ḅẹrẹkọn iniḅọ pịrịḅọ goyegoye, iniḅọ Oloko mị nwọ ḍukosima pịkị ḅẹrẹkọn anị pịrịmẹ. Ị́ nemikase ḅẹrẹkọn Oloko mị pịrịmẹ ḅẹḅẹ, ị́rị́ ḅarị Oloko mị ḍukoye mịẹ ḅọkẹ, ọkụma ḅẹrẹkọn anị pịrị ḅọ-ẹ.

Jems 5:12

Yemamgba nẹngịye, ị̀ya mịnapụ, ó yekarịfịma ó ye ḅereni àrị sịkị. So mị sọnị, anịkanịka tomonikiri mị sọnị anịkanịka ḅọrọ jịnye sọnị se yekarịfịma. Ye ị́ya “Iin” mị “Iin” ḅụ sime, “Ẹn-ẹn” mị pịkị “Ẹn-ẹn” ḅụ sime. Anịọkụma Tamụnọ Ḅe oria ḅẹrẹkọn ḅarị sime ị́ pịrị ẹkẹ.

Jems 5:19

Ị̀ya mịnapụ! Ọ́mịna ḅie gbọrịḅọ nemikase kọkọmaye mị ḅụ ateli irifa aḅẹ, se jịnḅọ iniḅọ ọkị vinpịkị ḅomẹ ḅẹḅẹ,