Jems 1:12 - Kịrịkẹnị Baịbụl

¹² Ḅieḅẹlẹ sime ori ḅọ ḅe pịrịmẹ ḍaḍiki sịkị ḅụ kuḅie se ḅụgbana gbẹịn ḍumokọn ḅọ ḅe, anịatịḅị ò nemikase ḍaḍiki mị ḅọrọmẹ ḅẹḅẹ, Tamụnọ Ḅe ḅereni ọ̀ ḅẹlẹma apụma pịrị ḍumo mị ọ̀ ḅara laḅịa.

Jems 1:12 Iomraidhean Croise

Chukusakị 22:1

Anịeso Tamụnọ Ḅe Ebraham ḅe ḍaḍikimẹ, ori ọ̀ chịnmẹ, “Ebraham!” Se Ebraham ḅe nwọ pẹkẹrẹmẹ, “Aan, mị ị̀rị̀-ẹ!”

Nẹhimaya 1:5

“Nyanaḅọ Soḅie Tamụnọ! Ị́ ḍụḅamẹ, wa pịkị ị́ ḍikiḅalafamẹ. Ị́ iḅiọkụma iḅiḅara se ị́ya ọḅọkụ mị kokomẹ anị ị́ ḅẹlẹma pịkịna ị́ tọn ayema mịẹmịẹapụma ḅụ.

Job Ḍiri Mị 2:10

Job ḅe pẹkẹrẹmẹ, “Ye nemika ọkwẹịn anị ị́ kọn-arịye-ẹ! Nyanaḅọ Ḅe iḅiye se wa sẹịnma sịkị wa ọkịmẹ. Nde wa gose mbụrụmbụrụḅịaye, ọ̀ ḅụfụka se wa sẹịnma sịkị?” Mà tọrụsiọrị mamgba ḅie sọnị Job ḅe, ọ̀ Tamụnọ Ḅe fiesimakẹ.

Job Ḍiri Mị 5:17

Ḅieḅẹlẹ sime Tamụnọ Ḅe datekeremaḅọ ḅe pịrị! Tọrụ fụrụmama ori ịganị ị́ pịrị sịkị.

Fịafịa Nime 11:5

Ọ̀ karakaraye mịẹ apụma na sitịḅịnyanapụma na pekele ḍikiaḅẹ; oloko kan apụma ori ò kuḅie mgba se taraka se ini wẹrịmamẹ.

Fịafịa Nime 119:67

Tẹrẹmẹ ị́ fomuḅara se ị̀ pịrị, àrị irinwẹngị kọnkọnmẹ, ọkụma mịọkụ àrị ị́ya ọkwẹịn mị kokosam.

Fịafịa Nime 119:71

Ị̀ la fomuḅara mị ị̀rị̀na-deinmẹ, anịatịḅị anị ị̀ mịẹse àrị ị́ya olokoma ḍawọ nemimẹ.

Fịafịa Nime 119:75

À nemimẹ na ị́ya ḅẹrẹkọn mị karakaramẹ, Nyanaḅọ, ị́ fomuḅara se ị̀ pịrịmẹ anịatịḅị ị́rị́ anị kuḅie-se-ḅụgbana gbẹịnḅọ-ẹ.

Fịafịa Nime 5:11

Ọkụma ị́ ḅie ḅọịḅọ goyegoye ḅieḅẹlẹḅịa; sịkịmamgba ini pịkị ḅieḅẹlẹ nime chuḅịa. Ị́ ḅẹlẹma apụma ini koko; ị́rị́ gose ini kọkọma ḅieḅẹlẹmẹ.

Fịafịa Nime 94:12

Nyanaḅọ, ị́ yese telima apụma nde inia ḅieḅẹlẹḅịa ọkụ, anị ị́ya olokoma ị́ nwọse telima apụma!

Pakaso 20:6

Ọkụma à ḅẹlẹma nyana ị̀ ḅẹlẹma se ị̀ya olokoma koko apụma ḅụ kịnị-a mẹndẹ oyiasi fịnjị-fịnjị nwọ pịrịpịrịmẹ.

Kaḅo Ma 17:3

Goli na seleḅa na fịnị ini nwọse àrị ḍaḍikiḍikimẹ, ọkụma tomoniḅọ kuḅiemgbọlụ mị Nyanaḅọ Ḅe mị anị ḍaḍikiḍikiye-ẹ.

Aịzaya 64:4

Ị́ sime ọkụ sime Tamụnọ gbọrịḅọ sọnị ma jịn sịkị ọrị pịkị ọ̀ ḅụ ye naakẹ, anị iḅiaye mịẹse kuḅie-se-ọ̀ ḅụgbanapụ ma pịrị mị ḅụ.

Zẹkaraịa 13:9

Se à kiri kọn tẹrẹ karama kiri mị ḍaḍikiḅịa se ini mịẹfịafịamaḅịa, ini fịnị se seleḅa mịẹfịafịama ọkụ. Àrị ini ḍaḍikiḅịa ini goli ḍaḍiki ọkụ. Se ini ị̀ tẹkẹḅịa, à pịkị ini pẹkẹrẹḅịa. À ḍuko ini pịrịḅịa na ini anị ị̀ya tomoni-ẹ, se ini ḅereni pakụmaḅịa na Ị̀rị̀ anị inia Tamụnọ-ẹ.”

Matio 10:22

Nwenimgba taraka se ọ́ wẹrịmaḅịa ị̀ tịḅị gose. Ọkụma anị inema mun kulumalaḅọ kẹngẹ anị ḍụaḅọrọma nyanaḅịaye-ẹ.

Matio 25:34

Anịsịkị Amanyanaḅọ ḅe nwọse oria amaḅara anga ḅụ sime apụma ḅẹḅịa, ‘Ó ḅo ómine ị̀ Ḍaḅe ḅẹlẹmasa apụma! Ó ḅo Amanyanakiri mị ḅie sọ anị tomonikiri mị tẹmẹ sịkị ngịsị ini karakarama ọ́ pịrịsa ye mị.

Luk Iḅi Ḅẹrẹ Mị 6:22

“Ḅieḅẹlẹ sime ọ́ pịrị tomoni taraka se ọ́ wẹrịmaḅịa, pịkị ọ́ sịkịḅịa sịkị, pịkị ọ́ wọlọḅịa sịkị, pịkị ómine siapụ-ẹ nwọse ọ́ chịnḅịa sịkị, Tomoniḅọ Tọkụ Ḅe tịḅị gose!

Romapụ 5:4

inema pịkị tomoniḅọ yemịẹḅara mịẹpakụmapakụmamẹ, tomoniḅọ yemịẹḅara pịkị tọrụseḍikiye mịẹpakụmapakụmamẹ.

Romapụ 8:28

Wa nemimẹ na Tamụnọ Ḅe ye mamgba se iḅi fịrịnwẹngị ọ̀ ḅẹlẹma apụma pịrịpịrịmẹ, ori ọ̀ tọn ḅara ḅụ chịn ọkịsa apụma.

1 Kọrịntapụ 2:9

Anị-ẹ nwọ ḅẹ sọ, fịafịa ḍiri mị ḍuko ḅara ḅụ, “Gbọrịḅọ sọ ma ọrịka pịkị ma naakaye, gbọrịḅọ sọ ngịsị koromaka na pakaḅịaye, anị Tamụnọ Ḅe tẹlịma koroma ọ̀ ḅẹlẹma apụma pịrịye-ẹ.”

1 Kọrịntapụ 8:3

Ọkụma Tamụnọ Ḅe ḅẹlẹma ḅọ ori iniḅọ nemimẹ.

1 Kọrịntapụ 9:25

Arụḍia ti mị ḍawọ apụma goyegoye ḅụiderima ini se inia ḅụ kekeḅịa oloko nwọ nyanamẹ, mịẹse sime ḅọlọ ẹka ngwengwe se mịẹ chu nwọ chiraḅịaye gose; ọkụma mine sime gbasoḅịaye mị ẹrẹchị mị wa mangịarịye-ẹ.

Maịnkarama Oloko 13:3

ḅifie ini pịrị ma. Nyanaḅọ ọ́mịna Tamụnọ Ḅe iniaḅụ ḅọrọ ómine elekima ḍikiaḅẹ, se ḍiepakụma nwọfa ọ́ kọkọma ọ́mịna kuḅie mgba seni Nyanaḅọ Ḅe ḅẹlẹma otuḅo.

Maịnkarama Oloko 7:9

Ó se ḅiekoroma na Nyanaḅọ ọ́mịna Tamụnọ Ḅe kẹngẹ anị Tamụnọ Ḅe-ẹ, pịkị kuḅie se ọ̀ ḅụgbana gbẹịnmẹ. Oria ọḅọkụ mị ọ̀ nwọ koko pịkị oria simegbaso ḅẹlẹma mị ḍiepakụma mun ḅụọ-a ẹndẹ ẹndẹ nwọ laḅịa, anị ọ̀ ḅẹlẹma se oria olokoma koko apụ ma-ẹ,

Maịnkarama Oloko 8:2

Ó seni ḅiekoroma Nyanaḅọ ọ́mịna Tamụnọ Ḅe ma kụra mesi ma ḅie tọrọkọda ọ́ pịrị, mị opu ḅọlọ nwẹngị mị ḅie ó seni onwun ele mị ḅie toluḅọrọ ọkụ mị, opu ḅụfụka se ọ́ fịrịma ọ́ ḍaḍikiḅaraḅụ, mịẹse ó kuḅie tọn se ó ḅiaye ọ̀ nwọ nemiḅịa ọkụ, pịkị oria olokoma ọ́ nwọ kokoḅịa-otuḅo.

2 Timoti 2:15

Ị́ya ịnyọ laḅara nwọ mịẹ se Tamụnọ Ḅe ḅeinma ị́ ọkị, oria fịrị gose ḅụgerere nyanaka fịrịnwẹngịḅọ ḅara ḅụ, pịkị karakara ḅara nwọse Tamụnọ kọkọma ọkwẹịn mị ḍiearịḅọ ḅara ḅụ.

2 Timoti 4:8

Se mịọkụ ọmụḅaraiḅi ḍiepịrịye mị sime ị̀ koruaḅẹ, karakaramịẹmịẹye mị ḅe amanyanachu mị, anị Nyanaḅọ Ḅe, karakara Ḅẹrẹkọnḅọ Ḅe anị Ene ḅụ se ị̀ pịrịḅịaye mị, pịkị ị̀rị̀ kẹngẹkẹ, ọkụma ò se pịkị ḅẹlẹma ḅụ oria ḅo mị koruarị apụ mamgba nwọ pịrịḅịa.

Hibru 10:32

Ḅọrọsa sịkị mị ḅụ anị ómine na simeọkụ mị ọ́ nwọse ḅiekoroma. Àrị enema ḅie Tamụnọ Ḅe enekuḅu mị ḅia ḅo ọ́ sarama so sịkị, ọ́ tọn-a tọrụsiọrị ọrịmẹ, anị-ẹ ḅẹ sọ, anị ḅụḅalaḅala mị ḅie ọ́ nẹngịmaye ofori-ẹ.

Hibru 11:17

Ḅereni mị, mị mịẹse Ebraham ḅe oria tọkụ Aịzịk ḅe se agba mịẹ Tamụnọ Ḅe pịrịye-ẹ, Tamụnọ Ḅe Ebraham ḅe ḍaḍiki sịkị. Ebraham ḅe anị Tamụnọ Ḅe yeḅereni pịrịye-ẹ, anị sọnị ọ̀ ḅụkarakaramamẹ oria ngẹrị tọkụ ḅe nwọse agba mịẹ.

Hibru 12:5

Tamụnọ Ḅe oria owuapụ awọ ḅara ḅụ kọn ọ́ pịrị kuḅie kụrọma ọkwẹịnma ó se ḅieḅaramasa? “Ị̀ya tọkụ, tọrụkweinma Nyanaḅọ Ḅe ị́ datekerema àrị sịkị, pịkị kuḅie lọkọmama Ori ị́ ḍiki ịganị àrị sịkị.

Hibru 6:15

Ebraham ḅe ò ye inemamẹ, anịẹrẹchị Tamụnọ Ḅe ḅereni ọ̀ pịrịayema ọ̀ ḅara lamẹ.

Jems 2:5

Ó poki, ị̀ ḅụ yela mịnapụ! Tamụnọ Ḅe mịn tomonikiri mị ḅie igwein apụma sẹlẹ se ini ḅereni ḅụ alakọn apụ nwọ sọmẹ, pịkị mịẹse ini amanyanakiri mị nwọ ḍiaọkịmẹ, ò ḅereni ọ̀ ḅẹlẹma apụma pịrịye mị.

Jems 5:11

Ḅieḅẹlẹ nyana apụ wa nwọse ini chịnmẹ, anịatịḅị ini inema nyanamẹ. Job ḅe ye-inema mị sọnị ọ́ naasam, ọ́ pịkị Nyanaḅọ Ḅe anị ḅe kuluma mịẹ ọ̀ pịrịye nwọ nemimẹ. Anịatịḅị Nyanaḅọ Ḅe ḍikiḅụgerere na ḍikitịḅịfoin na ọ̀ ḅụ ḅeinmẹ.

1 Pita 3:14

Ọkụma nemikase karakaraye mị gose ọ́ tọrụsiọrịmẹ ḅẹ ọkụma, ó ḅieḅẹlẹḅịa ọkụ ḍiki! Ọ́ gbọrịḅọ sọnị ḍikiḅalafama, ọ́ pịkị ḅereni ma ini ó kuḅie lọkọma.

1 Pita 4:13

Ọkụma ó ḅieḅẹlẹ na Kraịst Ḅe tọrụsiọrị ọ́ nwọ ḍiaọkịaḅẹ, mịẹse ḅieḅẹlẹ ọ́mịna ḅie ḅeinḅịa ọkụ oria boma mị ḅelema pakaḅoḅịa sịkị ḅụ.

1 Pita 4:14

Ḅieḅẹlẹ sime ọ́ pịrịmẹ, nemikase Kraịst Ḅe ọḅụḍukoapụ ọ́ nwọ sọ ye gose ini ó ḍukosima ọkụma. Mịn mị fieaḅẹ na boma nyana Tẹmẹ Ḅe anị Tamụnọ Tẹmẹ Ḅe, ọ́mịna ọgọnọ ọ́ gbana waraḅẹ.

1 Pita 5:10

Ọkụma ó kele tọrụsiọrị so sịkị; ḍikiḅụgerere mamgba ḅe Tamụnọ Ḅe, ọ́ chịn na ó ḅo Kraịst Ḅe ḅụ sọ oria simegbamaso boma mị ḍiaọkị nwọ ḅẹ ḅọ ḅe, gbarị ẹka chukusẹkẹ ḍụparị se ọ́ pịrịḅịa.

1 Pita 5:4

Se Tịḅịnị Ananaḍikiḍikiḅọ ḅe ḅoḅịa sịkị, anịa ḅịa mị ngịsị ḍinma ẹka boma nyana amanyanaḅọchu ọ́ ḅara laḅịa.

1 Jọn 4:19

Wa ḅẹlẹma nyanamẹ anịatịḅị Tamụnọ Ḅe tatarị wa ḅẹlẹmamẹ.

Ḍieḅelema Yema 2:10

Gbọrịye sọ ḍikiḅalafa ma, ị́ ọrịḅịa tọrụsiọrịma ḅụ. Poki! Oru ḅe ori ọ́mịna ḅụ dapụ se ikoli ḅie chuḅịa, se ọ́ ḍaḍikiḅịa ẹrẹchị. Oyi-a ḍin ọ́ nwọse tọrụsiọrịḅịa. Kuḅie se ḅụgbana gbẹịn ḅọ sọ-ọ anị fị ọkịḅo ị́ pịrịḅịa nwọ ḅẹ sọnị, anịsịkị à ḍumo se ọmụḅaraiḅi amanyanachu mịẹ ị́ pịrịḅịa.

Ḍieḅelema Yema 3:19

À nwọ ḅẹlẹma apụma anị àrị ịganị pịkị ḅụfụka se pịrịarị apụ ma-ẹ. Anịgose ị́ya sima ḅụ vinpịkị.

Ḍieḅelema Yema 3:21

Ọmụḅaraiḅi ḅụ, à nwọ ị̀ Ḍaḅe na oria amanyana ngada mị ọgọnọ simeọkụ mị, anị gbọrị ḅara ḅụ, anị à kụrọ se ọmụḅaraiḅi apụma pịrị se ini ị̀rị̀ na ị̀ya amanyana ngada mị ọgọnọ simeḅịa ọkụ-ẹ.