Jems 1:10 - Kịrịkẹnị Baịbụl

¹⁰ ye alakọn mịnaḅọ ḅe ḅieḅẹlẹ Tamụnọ Ḅe ori iderima sịkị. Anịatịḅị alakọn ḅọ ḅe piriḅie ngwengwe ḅọrọso ọkụ, mị ò se ḅọrọsoḅịa ọkụ-ẹ.

Jems 1:10 Iomraidhean Croise

Job Ḍiri Mị 14:2

Ọ̀ sẹnị se ḅo ngwengwe sịkịrị ọkụ sịkịrịmẹ, ọ̀ manama-manama ma tẹmẹ ḅọrọ ḅara ḅọrọmẹ.

Fịafịa Nime 102:11

Ị̀ya ḍumo mị sasoḅiri tẹmẹ mị ọkụ simemẹ; à samịna osuein kịkẹmẹ.

Fịafịa Nime 103:15

Mine ọkụma, mịna ḍumo osuein kịkẹmẹ. Wa eleogbo ngwengwe buruku burukuma sẹnị ọkụ sẹnịmẹ;

Fịafịa Nime 37:2

Ḅọlọ ẹkẹ samịna osuein mụmamụma fa ọkụ ini faḅịa; ịnyanya nyọnị se fịọkụ ini fịḅịa.

Fịafịa Nime 39:6

anị pịkị ịrụa ḅịa sịkị, kiri ọgọnọ sara tomoniḅọ tẹmẹ mị nẹngịkẹ. Tomoniḅọ ḅe ọ̀ mịẹaye mamgba yeḅụsọkaye-ẹ; ori ngọ koḅiri koromamẹ, ọkụma àrị nyana ọkịḅịaḅọ ò nemikẹ.

Aịzaya 40:6

Gbọrị pụkọ oloku pakụmaḅẹ, “Oku mị ḍuko finjima!” À gbelamẹ, “Che oku à nwọ ḍuko finjimaḅe?” “Ḍuko finjima na tomoni mamgba osuein sime ọkụ ini nwọ simemẹ; piriḅie ngwengwe ḍin laka ọkụ anị ini ḍin laka ọkụ-ẹ.

Aịzaya 40:7

Osuein ma àrị samịnaḅịa, ngwengwe ma ịnyọ arịaḅụ faḅịa Nyanaḅọ Ḅe fọrụ fịrịma àrị ofuroḅịa sịkị. Tomoni ḅarị ye-inematẹịn osuein nẹngị ẹkẹ.

Aịzaya 57:15

“Ị̀rị̀ anị gele pịkị fịafịa Tamụnọ ḍumo gbasoḅọ ḅe-ẹ. Gele pịkị fịafịa nyọḅụ àrị angamẹ, ọkụma à pịkị ḅụ iderimapụ na si ḅụ vinpịkị apụ na ḅie angamẹ, mịẹsosịkị ini ị̀ ḅụ nyana kuḅie kụrọ mị na ḅereni mị na àrị ineda nwọ mịẹ ini pịrịḅịa ọkụ.

Aịzaya 66:2

Ị̀rị̀ ḅarana bebe tomonikiri mị mgba tẹmẹmẹ! Ḅụ-iderimapụ ma na, siḅụ pịkị apụma na, pịkị ị̀ ḍikiḅalafa se ị̀ ḅịpị poki apụma na àrị ini ḍiki ḅieḅẹlẹmẹ.

Matio 5:3

“Ḅieḅẹlẹ sime ini pịrịmẹ nwọ nemi na ini tẹmẹ anga igwein kọnmẹ nwọ ḅeapụma; Soḅie Amanyanakiri mị sime ini pịrịmẹ!

Matio 6:30

Tamụnọ Ḅe mị ḅụchụaye se piri ḅie osueinma chụaye-ẹ anị mịmgba mịanga sime se ḅa ḅarị ọrị ẹka osueinma, se fịnị ḅie dọkịmaḅịaye ma-ẹ. Anịọkụma Ọ̀ ḅụchụaye se ọ́ chụatẹịn ẹka? Ọ́ nyana ḅereni boka la ọkụ ḍiki!

1 Kọrịntapụ 7:31

ye tomonikiri ḅie ngọ nyana apụma ọkị na ini àrị na nyanakụkụ mịẹmịẹye ofori-ẹ. Anịatịḅị mịn tomonikiri mị mịọkụ anị simeọkụ mị ḅarị sime opu ḅọlọ sịkị la ẹkẹ.

Filipaị 3:8

Àrịaye ma kẹngẹkẹ, à yegoyegoye nwọse gbọtụḅara fasaye nwọ kịẹnmamẹ, opuma yelatẹịnye mị gose, anị mị anị Kraịst Jizọs ị̀ Nyanaḅọ Ḅe ḍawọnemi mị-ẹ. Ọ̀ tịḅị gose à yegoyegoye nwọse gbin wokumamẹ; àrị àrịmgba se sara ọgọnọ wokumaḅịaye nwọ kịẹnmasam, mịẹse à Kraịst Ḅe nwọ nyanaḅịa ḅara sọye ḅara ḅụ,

1 Timoti 6:17

Ḍuko mị ḍumo mị ḅe alakọn apụma pịrị na ini opuayemịẹ ma, pịkị tọrụ se tịḅịofori ngọkọn ḍikima, ọkụma tọrụ se Tamụnọ Ḅe ḍiki, yegoyegoye nwọse wa pịrị se wa se ḅụtimarịḅọ Ḅe.

Jems 4:14

Ngịsị ị́ nemikẹ, ị́ya ḍumo mị ḅa simeḅịa ọkụ! Kpochụaka oḅuto simeọkụ anị ị́ simeọkụ-ẹ, boka sịkị nwọse sime se wasama faḅịaye mị.

1 Pita 1:24

Fịafịaḍiri mị ḍuko ḅara ḅụ, “Tomoni mamgba osuein simeọkụ, anị ini simeọkụ-ẹ, inia boma mamgba pịkị ngwengwe simeọkụ simemẹ. Osuein mị samịna, se ngwengwe ma pịkị sokoro saramẹ,

1 Jọn 2:17

Tomonikiri mị na anịa ḅie sime tomoni ḍikipụkọsoliaye mamgba ḅọrọ soaḅẹ; ọkụma Tamụnọ Ḅe ḅiye mịẹ ḅọ anị ḅene-ḅene ḍumo mị nyanaye-ẹ.