Jems 1:1 - Kịrịkẹnị Baịbụl

¹ Mịn fịrịfịrịma ḍiri mị Jems, Tamụnọ ḅe na pịkị Nyanaḅọ Jizọs Kraịst Ḅe na fịrịnwẹngịḅọ ḅe ḅara anị ḅomẹ: Kereniḅịpị sime wasama bebe tomonikiri mị kelema oyimaịn furo fịnjị mamgba pịrị.

Jems 1:1 Iomraidhean Croise

1 Amanyanapụ 18:31

Oyimaịn ḍụparị fịnjị ọ̀ nwọ ọkịmẹ, gbọrịye gbọrị furo, gbọrị furo anị Jekọb owuapụ awọma ẹrẹma ini nwọse chịn oyimaịn furo fịnjịma, anị Nyanaḅọ Ḅe Izrẹl nwọse chịnḅọ ḅe.

Ẹzra 6:17

Oputẹkẹwarị mị mịẹfịafịama osiḅụ wẹrị fịrị mị gose, nambulo-a sọnọ asi, anana oyiasi, pịkị ayamburama anana, ẹndẹ ini nwọ pịrị pakụmamẹ se agbamịẹ gose, pịkị oyimaịn oḅori fịnjị ini nwọ pakụmaḅomẹ, simịẹ agba gose, gbọrị sẹ gbọrị oḅori, gbọrị oḅori Izrẹl sẹ mị ḅie.

Ẹsta 3:8

Anị ḅụ, Haman ḅe ḍuko amanyanaḅọ ḅe pịrịmẹ, “Gbọrị sẹ ḅie apụ ị́ya amanyanakiri mị ḅie na, anịa ḅie sime sẹ goyegoye na ḅie ḅụ galagala waraḅẹ. Inia ama mịẹmịẹaye ma àrị jịn ama mịẹmịẹaye ma ḅụ kịrịmẹ. Anị tẹịn-anga, ini pịkị amanyanakiri mị anịa olokoma kokokẹ; anịgose anị iḅiye seni ị́ mịẹ ẹkẹ, ị́ nemika seni inia ḅụ ḅarasinmẹ ḅẹḅẹ.

Pakaso 24:4

Moziz ḅe Nyanaḅọ Ḅe tọn koroma aye mamgba ọ̀ gịẹịn koromamẹ. Anịḅe eneḅa dede funfun ḅie ori agbamịẹ ẹbẹ nama chịẹmamẹ tụndụ mị chuku, ọ̀ pịkị oyimaịn ḍụparị fịnjị nwọ chịẹma koromamẹ Izrẹl oyimaịn furo fịnjịma ḅie gbọrị furo gbọrị ḍụparị nwọ nyanamẹ.

Pakaso 28:21

Ma oyimaịn ḍụparị fịnjịma, Jekọb owuapụ awọma ḅụ gbọrịḅọ gbọrịḅọ ẹrẹ arịa ḅụ gbọrịye gbọrịye ọgọnọ gịẹịnḅịa seni Izrẹl oyimaịn furo fịnjịma ḍiepakụma ḅụ.

Pakaso 39:14

Ma oyimaịn fịnjị yela ḍụparịma ḅụ, Jekọb ḅe oria oyimaịn owuapụ awọ fịnjịma ẹrẹ ma, gbọrị ḍụparị ḅụ gbọrị ẹrẹ gbọrị ẹrẹ ini nwọ chụamẹ, seni Izrẹl oyimaịn sẹ fịnjịma nemi gose.

Izikịẹl 12:15

“Anịsịkị ini nemiḅịa na Ị̀rị̀ anị Nyanaḅọ Ḅe-ẹ, àrị ini galagalama jịn sẹma ḅie na pịkị sikima sẹma na wasamaḅịa sịkị.

Agbamịẹ Apụ 26:33

Àrị ọmụ ọkịḅo ọ́mịna ọgọnọ gbana se ọ́ galagalama jịn sẹ apụ amama ḅie chuḅịa. Ọ́mịna ama mị gbọịnma simeḅịa, ọ́mịna opuamama sọnị kan guluguluḅịa.

Matio 10:3

Filip ḅe na Batolomiu ḅe na; Tọmọs ḅe na Matio, amaochoḅọ ḅe na; Jems Alfịọs yaḅe na, pịkị Tadịọs ḅe na;

Matio 13:55

“Ḅe Akanịḅọ tọkụ ḅe orika? Meri ma nyọngọrọma árịka, oria owuapụ mịnapụma anị Jems ḅe na, Josẹf ḅe na, Saịmọn ḅe na, pịkị Judas ḅe na inika?

Matio 19:28

Jizọs Ḅe nwọse ini ḅẹmẹ, “À ḍuko kụrọma ọ́ pịrịaḅẹ, ḅoḅịa sẹkiri mị ḅie, Tomoniḅọ Tọkụ Ḅe oria boma Amanyanaḅọ ngada mị ọgọnọ kpọnjị simeḅịa sịkị, anịsịkị ómine ị̀ya ọḅụḍuko oyimaịn apụ fịnjịma pịkị Amanyanaḅọ ngadama ọgọnọ kpọnjị simeḅịa, se ḅẹrẹtọn Izrẹl mị ḅie oyimaịn furo fịnjịma pịrịḅịa.

Mak Iḅi Ḅẹrẹ Mị 3:18

Andru, Filip, Batolomiu, Matio, Tọmọs, Jems Alfịọs yaḅe na, Tadịọs, Saịmọn Sẹḅẹlẹmaḅọ ḅe na,

Luk Iḅi Ḅẹrẹ Mị 22:30

Ómine ị̀ya dẹbụl ọgọnọ ị̀rị̀ na yefị pịkị ḅuḅịa ị̀ya Amanyanakiri mị ḅie, ọ́ pịkị Amanyanapụ ngadama ọgọnọ sime se ḅẹrẹkọn Izrẹl oyimaịn furo fịnjịma pịrịḅịa.

Luk Iḅi Ḅẹrẹ Mị 6:15

Matio ḅe na, Tọmọs ḅe na, Jems Alfịọs yaḅe, pịkị Saịmọn ḅe na, ini ama tarịḅọ nwọse chịnḅọ ḅe,

Jọn Iḅi Ḅẹrẹ Mị 12:26

Fịrịnwẹngị ị̀ pịrị ḅi ḅọ goyegoye iniḅọ ị̀ ḍukoḅịa, mịẹse ị̀ya fịrịnwẹngịḅọ ḅe à sime nyọ simeḅịa ḅara. Ị̀ Ḍaḅe ori osi se fịrịnwẹngị ị̀ pịrịḅọ goyegoye pịrịḅịa.

Jọn Iḅi Ḅẹrẹ Mị 7:35

Ju ḅẹrẹtọn apụma inia ogboku nwọ ḅẹmẹ, “Nde anga ọ̀ nwọ mun ḅe se wa ineda ọ̀ ḍọkịḅo ẹka? Ọ̀ ḅọrọ so Grik apụ amama mun se ye se Grik apụma ḍieḅịa mụnọ, anị mịna ama apụma anga nyọma ḅụ?

Okunwẹngịapụ 1:13

Ini Jerusalẹm mun mẹ, se tanjị mun ini sime sime ọgọnọ warị mị ḅie sọmẹ, Pita ḅe na, Jọn ḅe na, Jems ḅe na, Andru ḅe na, Filip ḅe na, Tọmọs ḅe na, Batolomiu ḅe na, Matio ḅe na, Jems Alfịọs yaḅe na, Saịmọn Amatarịḅọ ḅe na, pịkị Judas Jems yaḅe na.

Okunwẹngịapụ 12:17

Ori ọ̀ ḅara se ini fọngụmamẹ, ini ḅẹmẹ ini deinma sime. Se ò ḅelema ḍuko ini pịrịmẹ Nyanaḅọ Ḅe ikoli ḅie ori ọkịpakụmaḅo ọkụ mị. “Ó mun ḍuko Jems ḅe na kọn mịnapụma na pịrị,” ọ̀ nwọ ḅẹmẹ; anịsịkị ori ini koroma so jịn anga mun mẹ.

Okunwẹngịapụ 15:13

Ini ọkwẹịn so sịkị, Jems ḅe pụkọ deki ọkwẹịnmẹ, “Ómine ị̀ poki ị̀ya mịnapụ!

Okunwẹngịapụ 15:21

Anịatịḅị ḅọlọ sịkị ngịsị ini Moziz Oloko mị nwọ gogosam tẹkẹwarịma ḅie Ịnyọsara Ene goyegoye ḅie, oria ọkwẹịn ma ama goyegoye ḅie ini pịkị nwọ ḍukoaḅẹ.”

Okunwẹngịapụ 15:23

se ini inia ḅụ ḅọrọ mị ḍiri mị se fịrịmamẹ: “Mine, okunwẹngịapụ ma na sẹnịapụma na, ọ́mịna mịnapụma na, kereni ḅịpị se mịna mịnapụma anị Jịnsẹ ḅie ini yi apụ mamgba sẹịnmamẹ, anị Antiọk na, Siria na, pịkị Silisia na ḅie anga apụma.

Okunwẹngịapụ 2:5

Jerusalẹm mị ḅie anga Juapụ omi-ẹ, anị bebe tomonikiri mị ḅie, sẹsẹ ma ḅie ḅo tẹkẹtẹkẹ apụ.

Okunwẹngịapụ 21:18

Anịḅe eneḅa mị ḅụ, Pọl ḅe mine na mun Jems ḅe toluma ò ḍikimẹ pịkị chọchị mị ḅe sẹnịapụ mamgba anịanga omi-ẹ.

Okunwẹngịapụ 23:26

“Klọdiọs Lisias ḅe, se Osi nyana, Gọvịna Fẹliks ḅe sẹịnma kereni ḅịpị.

Okunwẹngịapụ 26:7

anị gbọrị ḅereniye mị, mị mịna oyimaịn furo fịnjịma tọrụ se ḍikiarịye-ẹ, anị nyanaḅịa ẹrẹchị, ini ḍin na enekaka na nwọse Tamụnọ Ḅe tẹkẹarịye mị ḅụ. Pịkị tọrụ se mịn mị nwọ ḍiki gose, Ị́ya Amanyanaḅọ osi mị ḅụ, mị anị Juapụma gose ḅẹrẹ se ị̀ pụnụmarịye-ẹ!

Okunwẹngịapụ 8:1

Sọl ḅe ḅara pụnụ Stivin ḅe niniḅaa mị pịrịmẹ. Anị gbọrị ene mị ḅụ Jerusalẹm ḅie sime chọchị mị sakị opu tọrụsiọrị ḅie sọmẹ. Okunwẹngịapụ ma sikima ọkụma, ḅereniapụ mamgba galagala Judia na Sameria na irima la-ọkụ la-ọkụ ḅie sọmẹ.

Romapụ 1:1

Mịn fịrịfịrịmaḍiri mị Pọl ḅe ḅara ḅomẹ, Kraịst Jizọs fịrịnwẹngịḅọ, pịkị okunwẹngịḅọ, Tamụnọ Ḅe sẹlẹọkị se oria Iḅi Ḅẹrẹ mị ḍuko nwọ ḅẹ ḅọ ḅe-ẹ.

Galesia 1:19

À jịn okunwẹngịḅọ ọrịkẹ Jems ḅe sikima ọkụma, Nyanaḅọ Ḅe numbireowu ḅe.

Galesia 2:12

Jems ḅe se sẹịn owuapụma ḅo anịnyọ lakasịkị, Pita ḅe Jịnsẹapụma ḅie ḅereniapụma na yefịfịmẹ. Ọkụma mịna owuapụma ḅo lasịkị, ori ọ̀ ḅụ jinesinmẹ, se ḅarị Jịnsẹapụma na yefị ḍụkụkẹ, anịatịḅị ori ini ḅụpẹlẹ-ẹ nwọ ḅẹ apụma ḍikiḅalafamẹ, ori inia ḅụ omi-ẹ nwọ ḅẹye gose.

Galesia 2:9

Jems ḅe na, Pita ḅe na, pịkị Jọn ḅe na tọrọkọ da apụ ọkụ sime apụma nemi ḅomẹ na Tamụnọ Ḅe sosikima mịn fịrị mị se ị̀ pịrịsam; anị ini Banabas ḅe na ị̀rị̀ na ḅara nwọ daye-ẹ. Se ḍiepakụma na mine mgba gbọrị arụapụ-ẹ. Mịna ḅịpịogbosọmẹ na Banabas ḅe na ị̀rị̀ na Jịnsẹapụma ogboku ḅụ fịrịnwẹngị, ini ma pịkị Juapụma ogboku ḅụ sime fịrịnwẹngị-ẹ.

Maịnkarama Oloko 28:64

“Nyanaḅọ Ḅe ori ọ́ galagalama sẹ mamgba ḅie chuḅịa, sẹkiri mị ḅie kuluma ḅụ gbọrị anga ḅụ ọkịmun ísí anga la, se anịju ini chịn na ḍụparị na se mịẹ oru ma anị ọ́ fịrịnwẹngị pịrịḅịaye-ẹ, anị ómine na pịkị ọ́mịna olomu-aḍapụma na jịn sịkị ma tẹkẹka oru ma.

Maịnkarama Oloko 30:3

anịsịkị Nyanaḅọ ọ́mịna Tamụnọ Ḅe ò ḍikiḅụgerere nyana ọ́ pịrịḅịa. Ori ọ́ galagalama mun koroma sẹma ḅie ḅụ ori ómine ọkị pakụmaḅoḅịa, ọ̀ pịkị ọ́ mịẹse ọ́ lọkọlọkọḅịa.

Maịnkarama Oloko 32:26

Mgbọkụ àrị ini ḅaasinsam, mịẹse gbọrịḅọ sọnị ini se ḅiekoroma ẹka ḅara.

Maịnkarama Oloko 4:27

Nyanaḅọ Ḅe ori ọ́ galagalama jịn-a sẹma ḅie chuḅịa, ọ́mịna ḅụ kalapụ kẹngẹ anị ọ̀ kọmaḅịaye-ẹ anịa ḅie.

Filipaị 1:1

Mịn fịrịfịrịma ḍiri mị Pọl ḅe na Timoti ḅe na ḅara anị ḅomẹ, Jizọs Kraịst fịrịnwẹngịapụma— Seni Filipaị ama mị ḅie sime Tamụnọ-a tomonima na, chọchị mị ḅe tịḅịnịma na pịkị ḅarachụapụ ma na sẹịnmamẹ: anị Kraịst Jizọs Ḅe na gbọrịye mịẹsa apụma.

2 Timoti 4:21

Fọngụ ma sọka simeogbo ḅụkụrọma ḅo ị̀rị̀ na ịrịa. Ubulọs ḅe na, Pudẹns ḅe na, Laịnọs ḅe na, Klọdịa ma na, pịkị ísí-a Kraịst Ḅe ḅereni mịnapụma sọ ini ó kerenimẹ.

Taịtọs 1:1

Mịn fịrịfịrịmaḍiri mị, Pọl Tamụnọ fịrịnwẹngịḅọ pịkị Jizọs Kraịst okunwẹngịḅọ ḅe ḅara anị ḅomẹ. Ini ị̀ sẹlẹọkị se ị̀ fịrịmamẹ mun ḅarachụa Tamụnọ Ḅe sẹlẹọkịsa apụma ḅereni mị pịrịḅịa ọkụ pịkị mịna Tamụnọ tẹkẹ ḅara mị ḅie sime kọkọmaye mị se ini ḍieḅịa ọkụ,

1 Pita 1:1

Pita Jizọs Kraịst okufịrịnwẹngịḅọ ḅe gịẹịn se— Tamụnọ Ḅe sẹlẹọkịsapụ ma sẹịnma fịrịfịrịmaḍiri, anị mangị galagala mun bebe Pọntọs na, Galesia na, Kapadosia na, Esia na, pịkị Bitinia sẹma ḅie ịnyasọ apụ ma-ẹ.

2 Pita 1:1

Fịrịfịrịmaḍiri mị Saịmọn Pita, Jizọs Kraịst Ḅe fịrịnwẹngịḅọ pịkị okunwẹngịḅọ ḅe ḅara anị ḅo ómine— Ini mịna Tamụnọ pịkị Ḍụaḅọrọmaḅọ Jizọs Kraịst Ḅe karakara mị ḅụ wa ḅọrọ nyana yela ḅereni mị nyanasapụ ma pịrịmẹ:

Jud Ḅe Ḅaraḅo Fịrịfịrịmaḍiri Mị 1:1

Mịn fịrịfịrịmaḍiri mị, Jud, anị Jizọs Kraịst fịrịnwẹngịḅọ pịkị Jems numbireowu ḅe ḅara anị ḅomẹ— Ori anị seni Tamụnọ Ḍaḅọ Ḅe ḅẹlẹma, pịkị chịn ọkịsa apụma anị Jizọs Kraịst Ḅe ḍikiḍikisa apụma sẹịnmamẹ:

Ḍieḅelema Yema 7:4

Ini ḍuko ị̀ pịrịmẹ na ini fụḅaraogbo elekima chụa apụma kịẹnḅịpị anị maịnfasi poku nwọ lamẹ. Izrẹl furo mamgba ḅie anị mịna apụma pakaḅoye-ẹ.