Aịzaya 9:3 - Kịrịkẹnị Baịbụl

³ Ị́ opu ḅieḅẹlẹ se ini pịrịsam Nyanaḅọ; ị́ mịẹse inia ḅieḅẹlẹsam. Ị́ mịẹsaye mị inia ḅieḅẹlẹmamẹ, tomoni ịpịamgba pẹlẹ sịkịḅụ ḅieḅẹlẹḅẹlẹ ḅara mị anịkanịka ini ọfọịn ḅo ngọ ḍia ọkị sịkị ḅe ḅieḅẹlẹḅara.

Aịzaya 9:3 Iomraidhean Croise

Nẹhimaya 9:23

Ị́ tọn-a awọmẹnị seni ini pịrịmẹ, sotọrụ lolia ma ḅaka ọkụ ḅaka awọmẹnị, se ị́ mịẹmẹ ini ama mị nẹngịma seni anịa ḅie anga mẹ anị ị́ ḅereni inia ḅieju-aḍapụma pịrịsa ama mị.

Job Ḍiri Mị 12:23

Ọ̀ sẹma mịẹmẹ àrị kụrọ pịkị opu sọmẹ, ọkụma ori àrị nẹngịma pịkị àrị kansinmẹ.

Fịafịa Nime 107:38

Oria tomonima ori ini ḅẹlẹmamẹ, ini pịkị ḅakama awọ yimẹ; ò ḅerenikẹ inia namama ḅe kịẹnḅịpị iderima.

Fịafịa Nime 119:162

Ị̀ ḅieḅẹlẹ ọkụ ḍiki ị́ ḅereniye mị gose— anị yela ngọ ḍọkịḅoḅọ ḅieḅẹlẹ ḅara.

Fịafịa Nime 4:7

Ọkụma ị́ se ị̀ pịrịsa ḅieḅẹlẹ mị ḅakatẹịn ini nyanaḅịaye ma nẹngịmẹ ini nyana fịayemgbọlụ ma na tọrụḅẹlẹmaye ma na gboloma ọkụma.

Aịzaya 10:26

Ị̀rị̀, Kụrọmamgba Nyanaḅọ Ḅe, ị̀ya fomuye à nwọ seni ini fomuḅịa, anị Orẹb Ḍụparị mị ḅụ à fomuḅara seni Midiapụ ma pịrị ḅara mị. À fomuḅara seni Asiria mị pịrịḅịa anị à fomuḅara seni Ijipt mị pịrị ọkụ mị.

Aịzaya 12:1

Gbọrị ene ḅoaḅẹ tomoni nime chuḅịa, “Àrị ị́ tokonimẹ Nyanaḅọ! Ị́ ịganị nyana ị̀ pịrịmẹ, ọkụma mịọkụ ị́ ị̀ kuḅie kụrọmamẹ, ị́ pịkị ḅarị ịganịkẹ.

Aịzaya 14:5

Nyanaḅọ Ḅe, siḅẹrẹ-tọntọnḅọ ḅe kụrọ mị ori anị ọkịsam

Aịzaya 25:9

Anị mị mịẹḅịa sịkị, ọrụḅọḅọ ḅẹḅịa, “Ori mịna Tamụnọ-ẹ! Wa mịna kuḅie seni ọ̀ ḅụgbanasam, ọ̀ pịkịna wa ḍụasam. Ori anị Nyanaḅọ Ḅe-ẹ! Wa mịna kuḅie seni ọ̀ ḅụgbanasam, mịọkụ mịna ḅieḅẹlẹ se pịkịna ḍorokuḅịa anịatịḅị ọ̀ wa ḍụaḅọrọmasam.”

Aịzaya 26:15

Nyanaḅọ, ị́ mịẹ seni mịna sẹ mị sẹnịsam, anịa eke ma pịkịna finjima finjima mun aḅẹ angana anganaḅụ; mịn mị pịkịna osi ọkịḅo ị́ pịrịsam.

Aịzaya 35:10

Nyanaḅọ Ḅe ọ̀ ḍụaḅọrọmasa apụma ini ḅieḅẹlẹ nime chu pịkịma soḅịa, ini Jerusalẹm ḅie sọḅịa nime chu ḅieḅẹlẹ na oloku ḅụ na. Inia ḅieḅẹlẹ mị sime gbasoḅịa, ngịrị na ḅụakụ na ḅarị ngịsị iniaḅụ kụrọ nyanaka gbasoḅịa.

Aịzaya 35:2

Onwun ele mị nime chuḅịa se ḅieḅẹlẹ ḅụ olokuḅịa; Lẹbanọn Tụndụ ma iḅiọkụ anị nwọse iḅiḅịa anị pịkị Kamẹl ozuma na Sharọn ozuma na fịaye pakụma ọkụ pakụmaḅịa. Ọrụḅọḅọ Nyanaḅọ Ḅe iḅi mị na, oria opu na oria kụrọ na ọrịḅịa.

Aịzaya 54:1

Jerusalẹm, tọkụ nyanaka eremeniḅọ sime ọkụ ị́ nwọ simemẹ, ọkụma mịọkụ ineda nime chu pịkị ḅieḅẹlẹ oloku kọnḅịa. Mịọkụ ị́ ḅaka awọ nyanatẹịn deḅọ ngịsị koromasoka eremeniḅọ nẹngịḅịa!

Aịzaya 55:12

“Ḅieḅẹlẹ ḅụ ọ́ Babilọn mị koroma soḅịa; dein ḅụ ini opuama mị ḅie ọ́ ḅọrọma pakụmaḅịa. Tụndụ ma na chịngịma na buan paka nime chuḅịa, ejema pịkị ḅieḅẹlẹ ḅụ olokuḅịa.

Aịzaya 61:10

Jerusalẹm mị anị ḅieḅẹlẹaḅẹ Nyanaḅọ Ḅe mịẹsaye mị gose. Owuḅọ ya ḅịa ẹrẹchị ini ḅirimasa iremeniḅọ sime ọkụ á nwọ simemẹ. Tamụnọ Ḅe ḍụaḅọrọma na ọmụḅaraiḅi na ọ̀ nwọse á ḅirimasam.

Aịzaya 61:7

Ọ́mịna ḅụgerere mamgba kulumasam. Ọ́mịna ama ḅie ómine angaḅịa, Ọ́ kọn ala ḅụ, ye mama-kiri-mama-kiri ḅụ sọ ọ́ pịrịḅịa; Ọ́mịna ḅieḅẹlẹ sime gbasoḅịa.

Aịzaya 65:14

Ḅieḅẹlẹ ḅụ ini nime chuḅịa, ọkụma ómine ma kuḅie kan kọsị ḅụ ómine owuḅịa.

Aịzaya 65:18

À tẹmẹayema ḅụ ó ḅieḅẹlẹ gbaso. À tẹmẹḅịa ịwọ Jerusalẹm mị, ḅieḅẹlẹ anịa ḅie ḅeinḅịa, anịa tomonima pịkị ḅieḅẹlẹ nyanaḅịa.

Aịzaya 66:10

Ó Jerusalẹm na ḅieḅẹlẹ; ómine anị gose ḅieḅẹlẹ, ómine mị opuama mị ḅẹlẹmapụ mamgba! Ómine anị na ḅieḅẹlẹ mịọkụ, ómine ḍụẹịn ḍin anị pịrịsa apụ mamgba!

Jerimaya 31:7

Nyanaḅọ Ḅe nwọ ḅẹmẹ, “Ó ḅieḅẹlẹ ḅụ nime chu Izrẹl pịrị, sẹma ḅie ḍụḅatẹịn sẹ mị. Ọ́mịna boma nime ọ́ nwọ chu, ‘Nyanaḅọ Ḅe ori oria tomonima ḍụasam; inia ḅie kọn apụ mamgba ori ini ḍụapakụmasam.’

Hosia 4:7

“Ómine agbamịẹapụma, ọ́ ḅaka la-ọkụ anị ọ́ pịkị ḅakama ị̀ mịẹirima la-ọkụ-ẹ, anịẹrẹchị, àrị ọ́ nyana osi ma pịkị ḅụgerere ḅụ chuḅịa.

Agbamịẹ Apụ 26:13

Ị̀rị̀, Nyanaḅọ ọ́mịna Tamụnọ Ḅe, Ijipt mị ḅie ómine ọkị pakụmaḅomẹ mịẹse ọ́ ḅarị omoni sọ ẹka ḅara. Ómine ọlọ koroma kụrọ mị à nwọ anyịmamẹ mịẹse ọ́ tịḅị dekichịẹma nwẹngịḅịa ḅara.”

Zẹkaraịa 10:8

“Àrị ị̀ya tomonima chịn se ini koḅiriḅịa. Àrị ini ḍụa se ini mịẹḅakamaḅịa ini tatarị sime ḅara mị.

Zẹkaraịa 2:11

Anịsịkị, tọntọn-a sẹ Nyanaḅọ Ḅe damaḅoḅịa se ḅo oria tomoni sọḅịa. Ori ọ́mịna ḅie angaḅịa, se ó nemiḅịa na ori ị̀ se ọ́ fịrịmamẹ.

Zẹkaraịa 8:23

Árị-ene-ma-ḅie, oyi-a igoniapụ gbọrị Juḅọ damaḅo se ọ̀ ḅẹḅịa, ‘Wa ómine na simeḅịa anịatịḅị wa naasam na Tamụnọ Ḅe ori ómine na omi-ẹ.’”

Luk Iḅi Ḅẹrẹ Mị 11:22

Ọkụma kụrọ ọ̀ nẹngịḅọ owu seni ọ̀ paka, se ọ̀ nẹngịmamẹ ḅẹḅẹ, ye nyana ḅọ ḅe kuḅie se ḅụgbana owuniaye mamgba ò deki soḅịa, se mun ori ọ̀ fọịn ayema ḍia ọkịḅịa.

Okunwẹngịapụ 8:8

Anịgose opu ḅieḅẹlẹ Sameria mị ḅie sọmẹ.

Filipaị 4:4

Ye ọ́ sịkịmamgba ḅieḅẹlẹ nyana ómine Nyanaḅọ Ḅe ḅie, à pịkịna ḅẹaḅẹ ó ḍoroku!

1 Pita 1:8

Ómine ọ̀ ḅẹlẹmamẹ, ma ómine ori ọrịkẹ nwọ ḅẹ sọnị, ọ́ pịkị ò ḅerenimẹ mịọkụ ma ómine ori ọrịkẹ nwọ ḅẹ sọnị. Anịẹrẹchị ḅịpị ineda ḍukoḅịa ọkụ ofori opu boma nyana ḅieḅẹlẹ ọ́ nwọ kọn,

Bẹrẹkọn Apụ 5:3

Ó poki, ómine amanyanapụ! Ọ́ tọrụgbẹlẹma, ómine ḅẹrẹtọn apụ! À nime chuḅịa, à nime chu pịkị farị Nyanaḅọ Izrẹl Tamụnọ Ḅe pịrịḅịa.

Bẹrẹkọn Apụ 7:22

Gidiọnị ḅe na oria tomonima na pa inia oḍu ma ofuroarị sịkị, Nyanaḅọ Ḅe tarakapụma mịẹse ini inia kongo ma seni owu se jịnḅọ jịnḅọ pakamẹ. Ini mangị Zarẹtan mị da somun Bẹt Shita mị lamẹ, ọkịmun Ebẹl Mihola ama mị la Tabat mị aka ḅụ simeye mị.

Bẹrẹkọn Apụ 8:12

Midia mama amanyanapụ Ziba ḅe na Zalmuna ḅe na ini mangị somẹ, ọkụma ori ini ḍuko mun ini kunmẹ, anị mịẹse bebe inia ọmụogbo mị mgba ḅo opu ḅalafa ḅie sọmẹ.

1 Samụẹl 30:16

Anị ò Devid ḅe se ini ḍọkịma mun ye-ẹ. Ọḅụ owu paka apụma ini galagala bebe nyọ mịmgba kelema fị na, ḅu na, pịkị alalị fịaḅẹ, ini Filistia na pịkị Juda na ḅie ọfọịn so ayema ḅaka la-ọkụ mị gose.