Aịzaya 9:2 - Kịrịkẹnị Baịbụl

² Kanakana ḅie nwẹngịapụma ini opu enekuḅu ọrịsam. Ini kanakana kpe ama ḅie angapụma, mịọkụ enekuḅu ḅịa inia ọgọnọ saraḅẹ.

Aịzaya 9:2 Iomraidhean Croise

Job Ḍiri Mị 10:21

Ḅọlọka sịkị ḅụ à so aḅẹ, se ḅarị ngịsị pịkịmaḅo-ẹkẹ— kanakana se yetịḅị tọnka nweni se ḅieḅarama nyọ mị anị à mun-arịye-ẹ,

Fịafịa Nime 107:10

Da apụ opu ngịrị na kanakana ḅie na simemẹ, anị ini ikoli se ịkasị tọrụsiọrịarị ikoliapụma,

Fịafịa Nime 107:14

Ori ini ọkị pakụmaḅomẹ ini sime opu ngịrị na kanakana na ḅie, ọ̀ pịkị ini se ini ịkasị ikoli ma, pẹkẹrẹ pẹkẹrẹ ḅụ àrị anyịmamẹ.

Fịafịa Nime 23:4

À ḅọrọ nemikase fị dekiḅo ị̀ pịrịḅịa ḅụfụka ḅie sọ sọnị, ị̀ ḅala faẹkẹ, Nyanaḅọ, anịatịḅị ị́ ị̀rị̀ na omi-ẹ. Ị́ya anana ḍikiḍikiḅọ fomuye mị na amgbara mị na ị̀ kuḅie kụrọmamẹ.

Fịafịa Nime 4:8

À ḅọlọlọ sịkị, à dein mọnọ kọnmẹ; ị́rị́ ngẹrị, anị kpaịnma ị̀ kokoye-ẹ, Yei Nyanaḅọ.

Aịzaya 50:10

Ómine Nyanaḅọ Ḅe osi pịkị oria fịrịnwẹngịapụma ḍukoaye ma mịẹ, ọ́ nwẹngịarị ateli mị iḅiọkụma kanakanamẹ nwọḅẹsọ, ọkụma ó kuḅie se Nyanaḅọ Ḅe ḅụgbana, ị́ Tamụnọ Ḅe ḅụ sẹrẹrẹ.

Aịzaya 60:19

“Ịrụa mị ḅarị enekaka ḅụ ị́ya tọnjie sọ ẹkẹ Akalụ mị sọ ḅarị pịkị ḍin ḅụ ị́ya tọnjie sọ ẹkẹ; Ị̀rị̀, Nyanaḅọ Ḅe, ị́ya tọnjie sọ gbasoḅịa; Ị̀ya boma mị ḅe tọnjie mị ị́ya ọgọnọ ḅịa ḅịa.

Aịzaya 9:1

Ngịsị ini ineda pọkọsoḅịa ọkụ ofori-ẹ mịsịkị tọrụsiọrị mị ḅie. Zẹbụlọnị na Naftalaị na sẹma gbọrị sịkị ḅụ ḅụgerere arịa tọrụ sọmẹ, ọkụma osi sime ma sẹma pịrịḅịa tọrọkọju, Mẹditirenia ḅụ ịrụapakapaka nyọ ọkịmun Jọdan ḅụ ísí pẹkẹrẹ amama la, pịkịna mun Galili-na-mịnaḅụ na la, anị jịn sẹ apụma angarị nyọ mị.

Emọs 5:8

Nyanaḅọ Ḅe anị lolia ma tẹmẹye-ẹ, kpokponi ma Sọnọma Lolia ma na Ḍọkọḍọkọ ayema na. Ori anị kanakana mị pịkịḅo enekaka mịẹye-ẹ, pịkị enekaka pịkịḅo ḍin mịẹye-ẹ. Ori anị tọrụ ogbo mengi ma chịnpakụmaḅo kiri ọgọnọ saraye-ẹ. Oria ẹrẹ anị Nyanaḅọ.

Matio 4:16

Kanakana mị ḅie angapụma ini opu enekuḅu ọrịḅịa. Ini nwọ fị mị ḅe kanakana ama mị ḅie angapụma enekuḅu ḅịa ini pịrịḅịa.”

Luk Iḅi Ḅẹrẹ Mị 2:32

Ị́ tọn ye mị ḍieḅelema Jịnsẹapụma pịrịḅịa enekuḅu mị pịkị boma ọkịḅo ị́ya tomoni Izrẹlapụma pịrịḅịaye mị.”

Jọn Iḅi Ḅẹrẹ Mị 12:35

Jizọs Ḅe pẹkẹrẹmẹ, “Enekuḅu mị anị kele ọ́mịna ogboku simeḅịa. Ómine ọ́mịna ateli ḅie simema mun, ómine enekuḅu mị nwọ nyana warasịkị, mịẹse kanakana mị ḅo ọ́ gbẹịn ẹka ḅara; anịatịḅị kanakana ḅie nwẹngịarịḅọ ò mun-arị nyọ ò nemikẹ.

Jọn Iḅi Ḅẹrẹ Mị 12:46

Enekuḅu ḅara à nwọse tomonikiri mị ḅie ḅosam, mịẹse ị̀ ḅereniḅọ ḅereniḅọ kanakana ḅie sime ẹka ḅara.

Jọn Iḅi Ḅẹrẹ Mị 8:12

Jizọs Ḅe pịkịna ọkwẹịn Farisiapụma pịrịmẹ, “Ị̀rị̀ tomonikiri mị ḅie enekuḅu mị-ẹ, ị̀ ḍuko nwẹngịḅọ goyegoye ḍumo mị ḅe enekuḅu nwọ nyanaḅịa se iniḅọ ngịsị kanakana ḅie nwẹngị ẹkẹ.”

Ẹfịsọsịapụ 5:8

Ómine na ọ́mịna ḅụ na kanakana ḅie ó simemẹ, ọkụma ó ḅo Nyanaḅọ Ḅe tomoni nwọ sọsa sịkị, ómine enekuḅu mị ḅie omi-ẹ. Anịẹrẹchị, ómine enekuḅu mị ḅie sime apụ ḅara nwọ seni ḍumo kọnḅịa.

1 Pita 2:9

Ọkụma ómine anị sẹlẹọkịsa apụ ma-ẹ, Amanyanaḅọ Ḅe agbamịẹapụma, osiḅụ sime sẹ mị, Tamụnọ Ḅe oria tomoni-ẹ, ọ̀ sẹlẹọkị seni oria ḅụgbiripuma mịẹmịẹaye ma ḍukopakụmaḅịa apụma, kanakana ḅie ọ́ chịn pakụmaḅo se oria ḅụgbiripuma enekuḅu ḅie chu ḅọ ḅe.

Bẹrẹkọn Apụ 5:30

“Ini ọfọịn pịkị ḍiaọkịḅịaye ma ini nwọ ḍọkịaḅẹ, owuniḅọ goyegoye gbọrị eremeni tọkụ anịkanịka mama apụ, se Sịsera ḅe pịrịḅịa yela ḅụchụaye na, pịkị amanyanaḅọta ma se kọngọ wakịḅịa ḍorisa ḅịtẹma na.”