Aịzaya 6:3 - Kịrịkẹnị Baịbụl

³ Àrị nwọseni jịnye jịnye ḅẹaḅẹ: “Fịafịa, fịafịa, fịafịa! Kụrọmamgba Nyanaḅọ Ḅe ọ̀ fịafịamẹ! Oria boma tomonikiri mị ḅie ḅeinmẹ.”

Aịzaya 6:3 Iomraidhean Croise

Ẹzra 3:11

Nyanaḅọ Ḅe boma nime ini nwọ chumẹ, ini chu chu ḅarịmẹ: “Nyanaḅọ Ḅe ori iḅimẹ, ọ̀ pịkị nyana Izrẹl mị pịrị ḅẹlẹma mị kuluma nyanakẹ.” Ọrụḅọḅọ mịna ịnyọ laḅara nwọse oloku se boma se Nyanaḅọ Ḅe pịrịmẹ, anịatịḅị Oputẹkẹwarị nama fịrị mị ḅe chuku sẹkẹ ḍụparịma ini sakị àrị isesam.

Fịafịa Nime 57:11

Sotọrụ ḅụ ị́ya opu mị na ị́ya boma mị na ḍiepakụma, sẹkiri mgba kelema, Yei Tamụnọ.

Fịafịa Nime 66:2

Ó nime chu oria ẹrẹ mị boma; ó boma tokoni se ọ̀ pịrị!

Fịafịa Nime 72:19

Ómine oria boma nyana ẹrẹ mị boma gbaso! Ye oria boma mị bebe tomonikiri ḅie mgba ḅein. Amẹn! Amẹn!

Fịafịa Nime 8:2

kala awọmẹnị na ndo àrị awọ na anịa nime chuaḅẹ. Ị́rị́ na tarakapụ mamgba ḅaraḅie ye se ị́ lamaḅịaḅọ ofori-ẹ; pịkị ị́ jikeḅịaye ofori-ẹ, ị́rị́ na tụḅụrụḅọ goyegoye ị́ dachịẹmamẹ.

Fịafịa Nime 90:16

Ye mine ị́ya fịrịnwẹngịapụma ị́ nwẹngị opu-a fịrịma ọrị; ye mịna furoḅie pakaḅo ḅịa apụma ị́ya boma mị ḅe opu mị ọrị.

Fịafịa Nime 97:6

So ma oria karakara mịẹmịẹye mị ḍukopakụmamẹ, sẹ mamgba pịkị oria boma mị ọrịmẹ.

Fịafịa Nime 99:3

Tomoniḅọ goyegoye oria opu na oria opu amanyanaḅọ ẹrẹ mị na bomaḅịa. Ori anị Fịafịaḅọ-ẹ.

Fịafịa Nime 99:9

Ọ́ Nyanaḅọ mịna Tamụnọ Ḅe boma, pịkị oria osi nyana chịngịma ọgọnọ tịḅịtu ọ̀ pịrị! Nyanaḅọ mịna Tamụnọ Ḅe ọ̀ fịafịamẹ.

Pakaso 15:11

“Yei Nyanaḅọ, oru ma ḅụ tụḅọ ị́ kịkẹ? Tụḅọ ị́ kịkẹ, ḅụgbiripuma osiḅụ simeḅọ, tokoni nyana ḅalafamaḅọ? Tụḅọ ị́ kịkẹ ḅe ḅụgbiripuma fịrịnwẹngị ḅụ pịkị kụrọye mịẹḅụ na?

Aịzaya 24:16

Tomonikiri mị ḅie ḅọlọtẹịn anyọ ma ḅụ sime a sẹma se Izrẹl karakara sẹ mị bomaḅịa nime wa nwọ naaḅịa. Ọkụma à seni kuḅiekụrọmaye ofori-ẹ! À papa fịfaḅẹ! Ịbafịapụ pa ịbafịaḅẹ! Ini kọn àrị iruo ma pa sitẹịnma mun aḅẹ.

Aịzaya 40:5

Anịsịkị Nyanaḅọ Ḅe oria boma mị anị ḅele pakaḅịa, se tomoni mamgba anị ọrịḅịa. Nyanaḅọ Ḅe na-mịnaḅụ-na ḅereni mịn mị pịrịsam.”

Aịzaya 54:5

Ị́ Tẹmẹḅọ Ḅe ò deḅọ sọ ị́ pịrịḅịa— Kụrọmamgba Nyanaḅọ anị oria ẹrẹ-ẹ. Fịafịa Izrẹl Tamụnọ Ḅe ori ị́ ḍụaḅịa— ori anị ḅẹrẹtọn bebe tomonikiri mị mgba pịrịarịye-ẹ.

Izikịẹl 43:2

anịnyọ ịrụapakapaka nyọ daọrụ ḅụ Izrẹl Tamụnọ Ḅe oria tọrụ da enekuḅu mị ḅoarị ọkụ à nwọ ọrịmẹ. Tamụnọ Ḅe ọ̀ pụkọ ḅie fiearị ḅara, ekerearị opu tọrụ ḅie fie ọkụ simemẹ, kiri mị sọ anị tọrụ da enekuḅu ḅara mị ḅịamẹ.

Izikịẹl 44:4

Ọḅụkọ tomoniḅọ ḅe ọ̀ pịkị ị̀ se ọgọnọju da onu ḅọkọ mị ḅie toluḅọrọ mun Oputẹkẹwarị mị tọrọkọ lamẹ. À ḍiki ọkụma àrị ọrịmẹ, Nyanaḅọ Ḅe oria Oputẹkẹwarị ḅie oria tọrụda enekuḅu ḅie ḅeinmẹ, ò sime nyọ. Àrị ị̀ ḅụ se chama gbin se ị̀ tọrụse kiri iḅomẹ,

Habakọk 2:14

Ọkụma sẹkiri mị nwọ Nyanaḅọ Ḅe oria boma mị nemi mị ḅụ ḅein ḅara mị, anị tọrụma mengi na ḅein ọkụ-ẹ.

Zẹkaraịa 14:9

Anịsịkị Nyanaḅọ Ḅe, ori mị amanyanaḅọ sọ sẹkiri mị mgba pịrịḅịaye-ẹ; tomoniḅọ goyegoye Tamụnọ ḅara se ọ̀ tẹkẹḅịa pịkị anị gbọrị ẹrẹ ḅụ ò nemiḅịa.

Kịẹnḅịpị Ma 14:21

Ọkụma à yeḅerenimẹ na pikipikiye ofori-ẹ à nwọ ḍumo warasịkị, ị̀ tọrụkuḅu mị pịkị nwọ sẹkiri mị ḅie ḅein warasịkị,

Ẹfịsọsịapụ 1:18

À ḅimẹ mịẹse ọ́mịna kuḅiema finji, se ómine enekuḅu ọrịḅịa ḅara, mịẹse ò gose ọ́ chịn tọrụseḍikiarịye mị ọ́ nwọ nemiḅịa ḅara, ò ḅereni oria tomonima pịrị ḅụgbiripuma ḅẹlẹma mị yela ọkụ ọ́ nwọ nemiḅịa ḅara,